Tha an loidhne-tìde seo ag innse eachdraidh an Dàrna Cogaidh. Tagh bliadhna agus gheibh thu a-mach cuid dhe na bha dol aig an àm sin.

2/3 Faoilleach

Thòisich na Gearmailtich a' tarraing air ais às na Caucasas.

10 Faoilleach

An dèidh co-labhairt Casablanca eadar Roosevelt agus Churchill, thuirt Roosevelt nach tigeadh crìoch air a' chogadh gus an gèilleadh a' Ghearmailt gu tur.

23 Faoilleach

Ghabh an 8th Army aig Monty Tripoli.

27 Faoilleach

Thug na h-Ameireaganaich a' chiad ionnsaighean bhomaichean air a' Ghearmailt aig Wilhelmshaven.

2 Gearran

Leig na Gearmailtich às an ionnsaigh air Stalingrad - b' e seo a' chiad chall mhòr aig arm Hitler.

8 Gearran

Ghabh an t-arm Sòbhieteach Kursk.

9 Gearran

Ghabh na h-Ameireaganaich Guadalcanal.

14 Gearran

Thòisich na "Chindits", fo stiùireadh Orde Wingate, ionnsaighean cudromach air cùlaibh loidhnichean Iapan.

14-25 Gearran

Blàr Kasserione Pass ann an Afraga a Tuath eadar 1st Armoured Division nan Ameireaganach agus Panzers na Gearmailt.

2 Màrt

Thòisich na Gearmailtich air tarraing a-mach à Tunisia.

15 Màrt

Fhuair na Gearmailtich Kharkov air ais.

16-20 Màrt

Blàr a' Chuain Shiair aig àirde le 27 bàta anns a' Chabhlach Mharsantach air an cur fodha le U-boats.

20-28 Màrt

Bhris an 8th Army aig Monty tro Loidhne Mareth ann an Tunisia.

6/7Giblean

Thòisich feachdan an Axis ann an Tunisia air tarraing air ais a dh'ionnsaigh Enfidaville is feachdan Ameireagaidh is Bhreatainn air tighinn gu chèile.

19 Giblean

Thòisich ar-a-mach Warsaw.

7 Cèitean

Ghabh feachdan a' Chaidreachais Tunisia.

13 Cèitean

Ghèill a' Ghearmailt agus an Eadailt ann an Afraga a Tuath.

16 Cèitean

Thàinig an t-strì aig na h-Iùdhaich ann an ghetto Warsaw gu crìch.

16/17 Cèitean

Thug an RAF ionnsaigh air an Ruhr.

11 Ògmhios

Dh'òrdaich Himmler gun deigheadh gach ghetto Iùdhach anns a' Phòlainn a sgrios.

10 Iuchar

Chaidh arm a' Chaidreachais air tìr ann an Sicily.

12 Iuchar

Blàr thancaichean cho mòr 's a bha riamh an eachdraidh aig Kursk.

19 Iuchar

Thug feachdan a' Chaidreachais ionnsaigh le bomaichean air an Ròimh.

22 Iuchar

Ghlac na h-Ameireaganaich Palermo, Sicily.

24 Iuchar

Thug an RAF ionnsaigh air Hamburg.

25/26 Iuchar

Chaidh Mussolini a chur an grèim agus thuit riaghaltas faisisteach na h-Eadailt.Thòisich Marshal Pietro Badoglio a' barganachadh leis a' Chaidreachas.

27/28 Iuchar

Dh'adhbhraich bomaichean feachdan a' Chaidreachais sgrios-teine ann am baile Hamburg. Chaidh mu 50,000 duine a mharbhadh.

12-17 Lùnastal

Tharraing na Gearmailtich a-mach à Sicily.

17 Lùnastal

Ri solas an latha thug na h-Ameireaganaich ionnsaighean-adhair air Regensburg agus Schweinfurt anns a' Ghearmailt. Ràinig feachdan a' Chaidreachais Messina ann an Sicily.

23 Lùnastal

Fhuair feachdan Sobhieteach Kharkov air ais.

3 Sultain

Chaidh feachdan Bhreatainn agus Ameireagaidh a-steach dhan Eadailt.

9 Sultain

Chaidh feachdan a' Chaidreachais air tìr aig Salerno agus Taranto.

11 Sultain

Ghabh na Gearmailtich an Ròimh thairis.

12 Sultain

Shàbhail na Gearmailtich Mussolini.

23 Sultain

Stèidhich Mussolini riaghaltas faisisteach a-rithist.

1 Dàmhair

Ràinig feachdan a' Chaidreachais Naples.

13 Dàmhair

Ghairm an Eadailt cogadh an aghaidh na Gearmailt. Thug na h-Ameireaganaich an dàrna ionnsaigh air Schweinfurt.

6 Samhain

Fhuair na Ruiseanaich Kiev air ais.

18 Samhain

Thug an RAF ionnsaigh mhòr air Berlin.

20 Samhain

Thòisich Blàr Tarawa anns na chaill còrr air 1000 Ameireaganach am beatha.

26 Samhain

Chuireadh an Scharnhorst fodha tuath air Nirribhidh.

28 Samhain

Choinnich Roosevelt, Churchill agus Stalin ann an Tehran.

24-26 Dùbhlachd

Thòisich na Sobhietich ionnsaighean anns an Ugràin.