©IWM: ref.A24012

Air 6 Ògmhios 1944, thill feachdan Bhreatainn, Chanada agus Ameireagaidh dhan Fhraing - gu cladaichean Normandy.

B' e seo D-Day - toiseach-tòiseachaidh Operation Overlord aig an robh mar amas Paris a shaoradh, na Gearmailtich a sgiùrsadh às an Fhraing agus an grèim teann a bh'aca air Iar-thuath na Roinn Eòrpa a bhristeadh. B' e iomairt èiginneach, chunnartach a bhiodh ann le feachdan adhair is luing chogaidh. Bhiodh iad an eisimeil gealach làn ag èirigh anmoch, muir a' tràghadh, deagh fhaicsinneachd, glè bheag de sgòthan agus sìde shocair.

Bha na Gearmailtich air na cladaichean a dhìon gu làidir leis an Atlantic Wall - na mìltean de shaighdearan, gunnaichean mòra, mèinnichean agus iomadh cnap-starra eile, suidhichte bhon Òlaind, sìos costa na Frainge cho fada deas ri crìochan na Spàinn.

Bha làn dhùil aig na Gearmailtich ri ionnsaigh air costa na Frainge - ach cha robh fhios aca càite no cuin a thigeadh i.

Brùth air cuspair gus èisteachd ri cuimhneachan.