As t-earrach 1945 anns a' Ghearmailt, bha Adolf Hitler a-nis a' gabhail ris nach robh a' bhuaidh gu bhith aige. Ann am meadhan a' Ghiblein nochd e mu choinneimh a shluaigh fhèin airson an turas mu dheireadh.

Bha bomaichean a' Chaidreachais air iomadh baile a sgrios agus bha na Ruiseanaich air Berlin a ruighinn air 21 Giblean agus air am baile a chuairteachadh. Mu leth-uair as dèidh trì feasgar, anns am Fuhrerbunker, air an latha mu dheireadh den mhìos, chuir Hitler làmh na bheatha fhèin. Mus do rinn e sin, mharbh e le puinnsean a leannan, Eva Braun, a bha e air pòsadh dà latha ron sin, air an latha a chaidh Mussolini a chrochadh anns an Eadailt.

Dh'fhag Adolf Hitler a dhùthaich briste agus bochd. Bha e air bàs 30 millean neach adhbhrachadh, a' feuchainn ri a shealladh fhèin a sparradh air an t-saoghal.

Bha iomadh beachd aig daoine air "An Nàmhaid", air Hitler agus a luchd-leantainn, air feachdan Iapain, agus air an iomadh gnìomh brùideil a rinneadh tron Chogadh.

Brùth air cuspair gus èisteachd ri cuimhneachan.

Dealbh ©The National Archives: ref.13/171(33)