Tha an loidhne-tìde seo ag innse eachdraidh an Dàrna Cogaidh. Tagh bliadhna agus gheibh thu a-mach cuid dhe na bha dol aig an àm sin.

8 Faoilleach

Thòisich cuibhreannachadh a thaobh ime, siùcair is hama ann am Breatainn.

17 Gearran

Rinn Breatainn planaichean gus 400,000 leanabh a ghluasad a-mach à bailtean.

9 Giblean

Bhris na Gearmailtich a-steach air an Danmhairg agus Nirribhidh.

10 Cèitean

Bhris na Gearmailtich a-steach dhan Fhraing, dhan Bheilg, a Lucsamburg, agus dhan Tìr Ìosal. Chaidh Winston Churchill a thaghadh mar phrìomhaire Bhreatainn.

14 Cèitean

Ann am Breatainn, chaidh a' chiad gairm a dhèanamh airson Local Defence Volunteers, a' Home Guard mar a chante riutha.

15 Cèitean

Ghèill An Tìr Ìosal do na Nàsaich.

26 Cèitean

Leis a h-uile seòrsa bàta, thòisichear air saighdearan am BEF ( British Expeditionary Force ) a bha glaiste aig Dunkirk san Fhraing a shàbhaladh. Lean an obair seo gu 3 Ògmhios.

28 Cèitean

Ghèill A' Bheilg do na Nàsaich.

3 Ògmhios

Leag na Gearmailtich bomaichean air Paris.

4 - 10 Ògmhios

B' ann as dèidh Dunkirk a chaidh mòran shaighdearan a bha air am fàgail san Fhraing a ghlacadh aig St Valery-en-Caux.

10 Ògmhios

Ghèill Nirribhidh do na Nàsaich agus ghairm Mussolini às an Eadailt cogadh an aghaidh Bhreatainn agus na Frainge.

13 Ògmhios

Chaidh an Scotstoun a chur fodha le torpedo.

14 Ògmhios

Ràinig na Gearmailtich Paris, agus fhuair iad smachd air a' bhaile.

17 Ògmhios

Dh'iarr Pétain air na Frangaich sgur a shabaid an aghaidh nan Gearmailteach.

22 Ògmhios.

Ghèill an Fhraing is chaidh an dùthaich a sgaradh. Bha an ceann a tuath fo smachd nan Gearmailteach agus bha an ceann a deas (ris an cante Vichy France ) fo smachd Pétain.

1 Iuchar

Thug U-boats Gearmailteach ionnsaighean air bàtaichean a' Chabhlaich Mharsantaich anns a' Chuan Siar.

10 Iuchar

Thòisich ‘Blàr Bhreatainn' leis an RAF a' sabaid an aghaidh an Luftwaffe. Mhair e gu 31 Dàmhair.

13 Lùnastal

“Eagle Day”. Bomaichean ga leagail air puirt-adhair agus factaraidhean ann an Sasainn.

23/24 Lùnastal

A' chiad bhomaichean ga leagail air Lunnainn.

25/26 Lùnastal

An RAF a' leagail bhomaichean air Berlin airson a' chiad uair.

7 Sultain

Thòisich am Blitz ann an Lunnainn le 300 bomair Gearmailteach a' tighinn tarsainn le 600 plèan eile a' toirt taic dhaibh.

13 Sultain

Bhris na h-Eadailtich a-steach dhan Èiphit.

15 Sultain

Ionnsaighean uabhasach le plèanaichean Gearmailteach air Lunnainn, Southampton, Bristol, Cardiff, Liverpool agus Manchester ged a choisinn an RAF ‘Blàr Bhreatainn'.

27 Sultain

Dh'aontaich a' Ghearmailt, an Eadailt agus Iapan Tripartite(Axis) Pact.

28 Dàmhair

Thug An Eadailt ionnsaigh air a' Ghrèig.

5 Samhain

Chaidh Franklin D Roosevelt a thaghadh a-rithist mar Cheann-suidhe nan Stàitean Aonaichte. Chaidh an Jervis Bay a chur fodha anns a' Chuan Siar.

10/11 Samhain

Chaidh Cabhlach nan Eadailteach a dhroch mhilleadh leis an RAF ann an Taranto.

14/15 Samhain

Ionnsaigh le bomaichean air Coventry.

19 Samhain

Chaidh am Maimoa a chur fodha anns a' Chuan Innseanach.

22 Samhain

Rinn na Greugaich a' chùis air 9th Army nan Eadailteach.

9/10 Dùbhlachd

Operation Compass.Thòisich Breatainn a' chiad ionnsaigh an aghaidh nan Eadailteach anns an fhàsach an ceann a tuath Afraga.

11 Dùbhlachd

Ghlac Breatainn Sidi Barrani.

29/30 Dùbhlachd

Ionnsaigh-adhair mhòr eile air Lunnainn.