Tha an loidhne-tìde seo ag innse eachdraidh an Dàrna Cogaidh. Tagh bliadhna agus gheibh thu a-mach cuid dhe na bha dol aig an àm sin.

22 Faoilleach

Fhuair arm Bhreatainn is Astràilia smachd air baile Tobruk an ceann a tuath Afraga.

12 Gearran

Ràinig an Seanalair Gearmailteach, Erwin Rommel, Tripoli.

14 Gearran

Thàinig a' cheud aonadan den Afrika Corps aig Rommel air tìr an Afraga a Tuath.

7 Màrt

Chaidh feachdan Breatannach dhan Ghrèig.

13/14 Màrt

Ionnsaigh bhomaichean air Bruaichean Chluaidh. Mharbhadh còrr air mìle duine ann am Bruaich Chluaidh agus ann an Glaschu.

6 Giblean

Bhris na Nazis a-steach don Ghrèig agus do Iugoslàbhia.

14 Giblean

Thug Rommel ionnsaigh air Tobruk.

17 Giblean

Ghèill Iugoslàbhia.

27 Giblean

Ghèill a' Ghrèig.

1 Cèitean

Chaidh na Gearmailtich a thilleadh à Tobruk.

10 Cèitean

Thàinig Rudolph Hess a dh'Alba.

10/11 Cèitean

Ionnsaidh-adhair mhòr eile air Lunnainn. Thug an RAF ionnsaigh le bomaichean air Hamburg.

24 Cèitean

HMS Hood air a cur fodha leis a' Bhismarck. Cha do shàbhail aiste ach triùir agus chaill còrr air 1400 duine am beatha.

27 Cèitean

Chuir cabhlach Bhreatainn am bàta Gearmailteach, am Bismarck, fodha.

8 Ògmhios

Bhris feachdan a' Chaidreachais a-steach do Siria agus an Lebanon.

22 Ògmhios

Chaidh arm na Gearmailt a-steach dhan Ruis. Seo toiseach Operation Barbarossa.

28 Ògmhios

Fhuair na Gearmailtich smachd air Minsk.

10 Iuchar

Fhuair na Gearmailtich tarsainn air abhainn Dnieper anns an Ugràin.

12 Iuchar

Dh'aontaich Breatainn agus an t-Aonadh Sobhietach a chèile a chuideachadh.

14 Iuchar

Ghabh Breatainn thairis Siria.

26 Iuchar

Gheàrr na h-Amearaganaich an ceanglaichean ri Iapan.

31 Iuchar

Thug Goering òrdugh do Heydrich dèanamh deiseil airson "an fhuasglaidh dheireannaich".

20 Lùnastal

Thòisich sèist Leningrad.

3 Sultain

Chaidh a' chiad dhearbhaidhean le gas a dhèanamh ann an Auschwitz.

19 Sultain

Fhuair na Nàsaich smachd air Kiev.

28 Sultain

Dh'fhalbh a' chiad bhàtaichean a bha a' toirt bathar à Breatainn dhan Ruis.

29 Sultain

Chaidh mìltean de dh'Iùdhaich a mhurt aig Babi Yar ann an Kiev.

2 Dàmhair

Thòisich Operation Typhoon is na Nàsaich a' dèanamh air Moscow.

13 Samhain

Chaidh HMS Ark Royal a chur fodha le U-boat faisg air Gibraltar.

27 Samhain

Fhuair na Sobhietich Rostov air ais.

5 Dùbhlachd

Leig na Gearmailtich às an ionnsaigh air Moscow.

7 Dùbhlachd

Thug Iapan ionnsaigh air Pearl Harbour ann an Hawaii.

8 Dùbhlachd

Ghairm Breatainn agus Ameireaga cogadh an aghaidh Iapan.

11 Dùbhlachd

Ghairm a' Ghearmailt agus an Eadailt cogadh an aghaidh Ameireagaidh.

16 Dùbhlachd

Thòisich Rommel a' teiche air ais gu El Agheila ann an Afraga a Tuath.

25 Dùbhlachd

Ghèill Breatainn do Iapan ann an Hong Kong.

31 Dùbhlachd

Gu ruige seo bha còrr air 50 soitheach anns a' Chabhlach Mharsantach air an turas chunnartach gu Ruisia a dhèanamh.