Tha an loidhne-tìde seo ag innse eachdraidh an Dàrna Cogaidh. Tagh bliadhna agus gheibh thu a-mach cuid dhe na bha dol aig an àm sin.

1 Faoilleach

Chuir 26 dùthchannan a bha sa Chaidreachas an ainm ri Foillseachadh nan Dùthchannan Aonaichte.

9 Faoilleach

Thòisich Iapan ionnsaigh air Na Filipìonan.

13 Faoilleach

Thòisich na Gearmailtich ionnsaigh le U-boats air costa an ear Ameireagaidh.

14 Faoilleach

Ghluais an Tirpitz gu ruige Trondheim agus sùil aig na Gearmailtich casg a chur air na bàtaichean a bha toirt bathar dhan Ruis.

20 Faoilleach

Bha Reinhard Heydrich os cionn co-labhairt Wansee mun "fhuasgladh dheireannach" a bha am beachd Hitler.

21 Faoilleach

Stèidhichte a-nis ann an El Agheila, thòisich Rommel air ionnsaighean ùra.

26 Faoilleach

Ràinig a' chiad shaighdearan Ameireaganach Breatainn.

2 Gearran

Thòisich Iapan ionnsaigh air Singapore.

15 Gearran

Ghèill Singapore air "Black Sunday".

19 Gearran

Thug plèanaichean à Iapan ionnsaigh air Darwin an Astràilia is chaidh 240 duine a mharbhadh.

6 Màrt

Thug an Tirpitz ionnsaigh air Convoy PQ-12 ach chaidh a ruagadh le bomairean bho HMS Victorious.

20 Màrt

Thòisich ionnsaigh-adhair air Malta.

9 Giblean

Ghèill na Filipìonan agus b' fheudar do 78,000 prìosanach coiseachd 65 mìle marbhtach.

23 Giblean

Ionnsaighean-adhair air bailtean ann am Breatainn.

26 Giblean

Thòisich Rommel ionnsaigh an aghaidh Loidhne Gazala.

27 Cèitean

Ann am Prague chaidh ceannard an SS, Heinrich Heydrich a mhurt.

30 Cèitean

Thug an RAF a' chiad ionnsaigh le 1000 bomair air Cologne.

Anns an Ògmhios

Ann an Auschwitz, thòisich murt nan Iùdhach le gas.

21 Ògmhios

Ghlac Rommel Tobruk.

27 Ògmhios

Le 33 soitheach anns a' Chabhlach Mharsantach sheòl Convoy PQ-17 à Innis Tìle a' dèanamh air Archangel.

30 Ògmhios

Ràinig Rommel El Alamein, faisg air Cairo.

1-30 Iuchar

A' chiad bhlàr aig El Alamein.

2 Iuchar

Fhuair na Gearmailtich smachd air Sebastopol.

5 Iuchar

Thug na Gearmailtich fìor ionnsaigh air PQ-17.

9 Iuchar

Thòisich na Gearmailtich a' gluasad a dh'ionnsaigh Stalingrad.

10 Iuchar

Rainig a' chiad dà bhàta bho PQ-17 Archangel. Chailleadh 23 soitheach air fad 's iad a' giùlain 430 tanca, 210 plèanaichean, 3,350 carbad agus faisg air 100,000 tunna bathair.

22 Iuchar

Chaidh a' chiad bhuidhnean dhaoine a chur a-mach à ghetto Warsaw gu ruige nan campaichean-bàis. Chaidh campa Treblinka fhosgladh.

4 Lùnastal

Chaidh an Richmond Castle a chur fodha.

7 Lùnastal

Chaidh an Seanailear Bernard Montgomery, "Monty", os cionn an 8th Army ann an Afraga a Tuath. Chaidh na h-Ameireaganaich air tìr an Guadalcanal.

12 Lùnastal

Choinnich Stalin agus Churchill ann am Moscow

.

17 Lùnastal

Thug na h-Ameireaganaich an ciad ionnsaigh-adhair leotha fhèin anns an Roinn Eòrpa.

23 Lùnastal

Thug na Gearmailtich ionnsaigh-adhair mhòr air Stalingrad.

2 Sultain

Chuir "Monty" an ruaig air Rommel aig blàr Alam Halfa.

13 Sultain

Thòisich Blàr Stalingrad.

23 Dàmhair

Thòisich Blàr El Alamein an aghaidh feachdan Rommel an ceann a tuath Afraga.

1 Samhain

Le Operation Supercharge bhris feachdan a' Chaidreachais tro loidhnichean na nàmhaid aig El Alamein.

4 Samhain

Bha a' bhuaidh aig "Monty" aig El Alamein.

8 Samhain

Thòisich Operation Torch - le Ameireaganaich a' dol a-steach a dh'Afraga a Tuath.

11 Samhain

Ghabh na Gearmailtich agus na h-Eadailtich a-steach do Vichy France.

19 Samhain

Thòisich na Sobhietich a' sabaid as ùr gus Stalingrad a ghabhail.

2 Dùbhlachd

Chuir an t-Ollamh Enrico Fermi reactar niùclasach air dòigh ann an Chicago.

13 Dùbhlachd

Tharraing Rommel air ais à El Agheila.

16 Dùbhlachd

Chaill feachdan Eadailteach an aghaidh nan Sobhieteach air Abhainn Don.

17 Dùbhlachd

Dh'innis Antony Eden, Rùnaire nan Dùthchannan Cèin, do Thaigh nan Cumantan mar a bha na Nàsaich a' murt nam mìltean de dh'Iùdhaich. Thuirt na h-Ameireaganaich gu sireadh iad dìoghaltas airson nan eucoirean sin.

31 Dùbhlachd

Blàr Muir Bharents eadar soithichean Gearmailteach agus soithichean Breatannach.