Bruadair Cogaidh na Caillich - Murachadh MacFarlane air aithris leis a' bhàrd fhèin
"Tha
na Gearmailtich sa bhàgh,"
Ars an t-seann bhean bhochd
"'S
bidh iad ann an seo gun dàil,"
Agus bhuail i a h-uchd.
"Cè
dhomh mo chòta-bàn
Agus thugam thoir an gràp
Agus
cuiridh sinne blàr
Ris an nàmh a-nochd.
Chan
eil gille chuireas blàr
Anns an àit-sa nochd;
Tha iad anns
an Fhrainge ghrànd
Ach 's e mo bheachd-s'
Gur ann againn orr' tha
feum
Nochd san dùthaich aca fhèin
Ach sinne dhaibh cha ghèill
Is cha bhi fo smachd.
Tha mi cluinntinn fuaim nan ràmh,"
Ars an t-seann bhean bhochd.
"'S tha mi cluinntinn fuaim an gàir
-
'S chan eil annt' scrid iochd.
Siud, a bhodaich, ort, bi 'n-àird,
Faigh an speal a th'air an spàrr,
'S bheir mise leam mo ghràp
O bheir is spaid!
Seo iad, seo iad nis a' tigh'nn,"
Ars an t-seann bhean bhochd.
"Cùm, a bhodaich, suas do chridh
'S na bi, ghràidh, fo sprochd.
Fhad 's san ear a dh'èireas grian,
Seadh 's a laigheas i san iar,
Aig a' bhòrd seo chan ith biadh
Ac', ar sliochd fo smachd.
Tha iad nis air tìr,"
Ars an t-seann bhean bhochd;
"Tha mi cluinntinn fuaim am bruidh'nn
'S tha ann mòr-fheachd.
Nis, nuair ghlaodhas mise 'Charge!'
Tog,
a bhodaich, iollach àrd
Le do dheagh speal na do làimh
Agus
bi nam bad.
An uair a chunntas mi."
Ars an t-seann
bhean bhochd,
"Aonan a dhà a trì
Sin bi a-mach!"
Siud a' chailleach glaodhaich "Charge!
Bhiodh a' bhuaidh againn nom bàs;
Cha bhi sinn nar tràillean
A-chaoidh fo smachd!"
Siud
i bualadh bhos is thall,
Siud air ceann fear 'slachd';
Nis, tha an gràp
aice ri chom,
Nis tha glùin air uchd.
Agus dìreach sa cheart
àm
Thuirt am bodach, "Teich a-null."
Gur e bruadar a
bh'ann,
'S dhùisg an t-seann bhean bhochd.
