کورونا وائرس: دنیا بھر میں ہلاکتیں پانچ لاکھ سے تجاوز کر گئیں

لائیو کوریج

1. 27 جون 2020بریکنگ, پاکستان: دورہ انگلینڈ کے لیے سکواڈ کا اعلان، ’10 متاثرہ کھلاڑیوں میں چھ کے کورونا ٹیسٹ منفی‘

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

   پاکستان کرکٹ بورڈ نے دورہ انگلینڈ کے لیے ایک 20 رکنی سکواڈ کا اعلان کر دیا ہے۔

   بورڈ کے چیف ایگزیکٹیو وسیم خان نے میڈیا سے گفتگو میں بتایا ہے کہ تمام 20 کھلاڑیوں کے کورونا ٹیسٹ کے نتائج منفی آئے ہیں۔

   ’کھلاڑی اتوار کو انگلینڈ کے لیے روانہ ہوں گے اور پہنچنے پر 14 دن قرنطینہ میں گزاریں گے۔‘

   پی سی بی کا کہنا ہے کہ: ’پہلے مرحلے میں جن 10 کھلاڑیوں کے ٹیسٹ مثبت آئے تھے، دوبارہ ٹیسٹنگ میں ان میں سے 6 کھلاڑیوں کے ٹیسٹ منفی آئے ہیں۔ تاہم پہلے مرحلے میں سکواڈ میں شامل جن اراکین کے ٹیسٹ مثبت آئے تھے انھیں انگلینڈ روانگی کے لیے دو منفی ٹیسٹ دینے ہوں گے۔‘

   ’بورڈ کے ٹیسٹنگ پروگرام کے پہلے مرحلے میں مثبت آنے والے 10 کھلاڑی اور ایک ٹیم آفیشل کی دوبارہ ٹیسٹنگ کے دوران فخر زمان، محمد حسنین، محمد حفیظ، محمد رضوان، شاداب خان اور وہاب ریاض کے ٹیسٹ کے نتائج منفی آئے ہیں۔ اب انھیں ٹیسٹنگ کے تیسرے مرحلے سے گزرنا پڑے گا جوکہ آئندہ ہفتے کسی وقت ہوگی۔‘

   ’دوسرا ٹیسٹ منفی آنے پر دونوں کھلاڑیوں کی انگلینڈ روانگی کے لیے انتظامات کیے جائیں گے۔‘

2. 27 جون 2020بلوچستان میں ’کورونا کے کیسز میں بتدریج کمی‘

   

   پاکستان کے صوبہ بلوچستان میں حکومت کے ترجمان لیاقت شاہوانی کا کہنا ہے کہ گذشتہ ہفتے بلوچستان میں کورونا کے کیسز میں کمی رپورٹ کی گئی ہے۔

   ان کا کہنا تھا کہ جون کے پہلے ہفتے ٹیسٹز کا %31 ،دوسرے ہفتے %28.6، تیسرے % 24 اورگذشتہ ہفتے %18.6 ٹیسٹ مثبت رہے۔

   حکومتی ترجمان کے مابق کوئٹہ شہر میں کیسز 84 فیصد سے کم ہوکر 77.9 فیصد پوگئے ہیں۔

   ان کا کہنا تھا کہ عوام میں ایس او پیز پر عملدرآمد کی شرح میں بہتری ان کیسز میں کمی وجہ ہو سکتی ہے۔

3. 27 جون 2020کولمبین صدر: صحت عامہ کے لیے وینزویلا ایک ’ٹائم بم‘ ہے

   

   ،تصویر کا ذریعہReuters

   کولمبیا کے صدر ایوان ڈوک نے وینزویلا کو صحت عامہ کے لیے ایک ٹائم بم قرار دیا ہے۔ ان کے مطابق پڑوسی ملک کے بارے میں کوئی قابل بھروسہ اطلاعات موصول نہیں ہورہی ہیں کہ وہاں اس وائرس کی کیا صورتحال ہے، یہ چیز خود کولمبیا کے لیے ایک پریشانی کا باعث ہے جو خود اس وائرس پر قابو پانے کے لیے کوشاں ہے۔

   وینزویلا کے مطابق ملک میں کل متاثرین کی تعاد 4600 ہے جبکہ صرف 39 افراد اس وائرس سے ہلاک ہوئے ہیں۔ جبکہ کولمبیا میں کل 80،600 متاثرین ہیں اور 2،600 سے زائد اموات ہو چکی ہیں۔

   کولمبیا کے صدر نے خبر رساں ادارے روئٹرز کو ایک انٹرویو میں بتایا کہ وینزویلا سے متعلق معلومات دستیاب نہیں ہیں۔ وہاں ہسپتالوں میں زیادہ گنجائش نہیں ہے جو اس وبا سے نمٹ سکیں۔ پھر ایک طویل عرصے سے وینزویلا نے کوئی ویکسین کا پروگرام بھی نہیں چلایا۔

   ان کا کہنا تھا کہ ان کے خیال میں صحت عامہ کے نکتہ نظر سے وینزویلا ایک ٹائم بم ہے۔

4. 27 جون 2020کورونا وائرس: کیا کووڈ 19 کی دوسری لہر آ سکتی ہے؟

   جہاں دنیا کے متعدد ممالک میں کورونا وائرس کی روک تھام کے لیے عائد پابندیوں میں نرمی ہو رہی ہے وہیں اس امر پر بھی توجہ مرکوز ہے کہ اس وبا کی دوسری لہر سے کیسے بچا جا سکتا ہے۔

5. 27 جون 2020زمبابوے: شہریوں نے لاک ڈاؤن کے دوران لطف اندوز ہونے کے طریقے ڈھونڈ لیے

   زمبابوے میں کورونا وائرس کے پھیلاؤ کے بعد لوگوں کو لطف اندوز ہونے کے زرائع میسر نہیں رہے، اس صورتحال نے ہر طبقے کے لوگوں کو وقت گزارنے کے لیے لطف اندوز ہونے کے لیے نئے طریقے تلاش کرنے پر آمادہ کیا۔

   امبارےاور ہرارے کے غریب آبادی والے مضافات میں جہاں دیہاڑی دار میوزک کی سی ڈیز اور ڈی وی ڈیز فروخت کرتے ہیں اور لوگ ٹی وی دیکھنے کے لیے جمع ہوتے ہیں۔

   بچے جو کورونا وائرس کی وجہ سے سکول نہیں جا رہے ہیں وہ لطف اندوز ہونے کے لیے پول یا تاش کھیلنے کے لیے گلی میں اکھٹے ہوتے ہیں۔

6. 27 جون 2020دلی میں وائرس پھیلاؤ کا پتا چلانے کے لیے وسیع پیمانے پر سروے کا فیصلہ

   

   ،تصویر کا ذریعہReuters

   انڈیا کے دارالحکومت نئی دلی میں حکام نے کورونا وائرس کی وبا کے پھیلاؤ کا پتا چلانے کے لیے وسیع پیمانے پر سروے کرنے کا فیصلہ کیا ہے۔

   اس وقت دلی ملک میں سب سے زیادہ متاثرہ علاقہ ہے۔ اس سروے کے نتائج کی روشنی میں حکام کو جامع حکمت عملی مرتب کرنے کا موقع ملے گا۔ اس سروے کا آغاز 27 جولائی سے دلی حکومت اور بیماری کی روک تھام کے سینٹر مل کر کریں گے۔

   انڈیا کے وزیر داخلہ امت شاہ کی ہدایت کے مطابق سیرولوجیکل سروے کا فیصلہ دلی حکومت اور این سی ڈی سی کے باہمی اشتراک سے کیا جائے گا۔

   اس سروے کے تحت دلی کے پورے ضلعے میں کل 20 ہزار ٹیسٹ کیے جائیں گے، جس میں ہر عمر اور طبقے کے لوگ شامل ہوں گے۔

7. 27 جون 2020برطانیہ: کم خطرے والے ممالک قرنطینہ شرائط سے مستثنیٰ ہوں گے

   

   ،تصویر کا ذریعہReuters

   برطانیہ کا کہنا ہے کہ وہ کورونا وائرس سے متاثرہ کم خطرے والے ممالک کے لیے دو ہفتے کی قرنطینہ شرط کو ختم کر دے گا۔ برطانوی حکومت کا یہ فیصلہ ایئرلائنز اور ٹورازم صنعتوں کے دباؤ کے بعد سامنے آیا ہے۔

   حکومت نے اعلان کیا ہے وہ آئندہ ہفتے ایسے ممالک کی فہرست شائع کر دے گی جن کے شہریوں پر برطانیہ پہنچنے پر 14 دن قرنطینہ میں گزارنے کی شرط لاگو نہیں ہوگی۔

   اس اعلان کے بعد اسی طرح کی بحث فرانس، یونان اور سپین میں بھی شروع ہو گئی ہے۔

   ماہرین کا ایک پینل تمام ممالک کو تین درجوں میں تقسیم کرے گا یعنی سبز، امبر اور سرخ۔ سبز اور امبر ممالک سے آنے والوں کے لیے قرنطینہ میں رہنا ضروری نہیں ہو گا جبکہ سرخ ممالک یعنی کورونا وائرس کے لیے زیادہ خطرے والے ممالک کے شہریوں پر 14 دن تنہائی میں گزارنے ضروری ہوں گے۔

8. 27 جون 2020کورونا وائرس: کورونا انسانی جسم پر کیسے حملہ آور ہوتا ہے

   

   ،تصویر کا ذریعہGetty Images

   چین سے شروع ہو کر دنیا کے بیشتر ممالک میں پھیلنے والے کورونا وائرس کے انفیکشن سے لڑنے والے ڈاکٹروں کی لڑائی ایسی ہے جیسے وہ کسی نامعلوم دشمن کے خلاف لڑ رہے ہوں۔

   یہ آپ کے جسم پر کیسے حملہ آور ہوتا ہے؟ انفیکشن کے بعد انسانی جسم میں کس قسم کی علامات پیداہوتی ہیں؟

   کن لوگوں کے لیے شدید بیمار ہونے یا مرنے کے خدشات زیادہ ہوتے ہیں؟ اور آپ اس کا علاج کس طرح کریں گے؟

   چین کے شہر ووہان کے جنینٹان ہسپتال میں اس وبائی مرض کا علاج کرنے والی ڈاکٹروں کی ٹیم نے اب ان سوالات کے جوابات دینا شروع کردیئے ہیں۔

   کورونا وائرس سے متاثر ہونے والے پہلے 99 مریضوں کے علاج سے متعلق مفصل رپورٹ لانسیٹ میڈیکل جرنل میں شائع ہوئی ہے۔

9. 27 جون 2020کورونا وائرس متاثرین کو سلام: میڈرڈ میں درجنوں ڈرونز لائٹ سے آسمان روشن

   

   ،تصویر کا ذریعہEPA

   جعمے کی رات کو کورونا وائرس کے متاثرین اور ایمرجنسی سروسز کو خراج عقیدت ییش کرنے کے لیے میڈرڈ میں 40 ڈرونز کے زریعے آسمان کو روشن کیا گیا۔

   اس 10 منٹ کے شو میں ڈرونز نے مختلف شکلیں بنائیں، جیسے اڑتا ہوا کبوتر، ایک مکان، والدین اور ان کے ساتھ چلتا ہوا بچہ وغیرہ۔

   ان ڈرونز نے کورونا وائرس سے شدید متاثرہ ممالک کے جھنڈے بھی لہرائے جن میں سپین، اٹلی، فرانس، چین اور امریکہ شامل ہیں۔

   ایل ای ڈی لائٹ اور پہلے سے تیار کردہ سوفٹ ویئر سے ان ڈرنز سے امید اور ہیروز جیسے پیغامات بھی فضا میں لکھے۔

10. 27 جون 2020برازیل میں دریا کے کنارے کی رہنے والی کمیونٹی کی دیکھ بھال کیسے کی جا رہی ہے؟

    

    ،تصویر کا ذریعہReuters

    ان تصویروں میں، صحت کی دیکھ بھال کرنے والے کارکنان شمالی برازیل میں پنہیرو کی ندیوں کے کنارے موجود کمیونٹی کا دورہ کرتے ہوئے دیکھے جا سکتے ہیں۔

    جان ہاپکنز یونیورسٹی کے مطابق ملک میں کووڈ 19 کے 12 لاکھ سے زیادہ تصدیق شدہ متاثرین موجود ہیں۔

    

    ،تصویر کا ذریعہReuters

    

    ،تصویر کا ذریعہReuters

    

    ،تصویر کا ذریعہReuters

11. 27 جون 2020کورونا وائرس: عالمی بینک کولمبیا کو 700 ملین ڈالر کا قرضہ دے گا

    

    ،تصویر کا ذریعہReuters

    جمعے کو عالمی بینک نے اعلان کیا ہے کہ وہ کولمبیا کو کورونا وائرس کی وبا کے مقابلہ کرنے کے لیے 700 ملین ڈالر کا قرضہ دے گا۔

    عالمی بینک کا کہنا ہے کہ یہ قرض کولمبیا کو اپنے صحت کے نظام کو بہتر کرنے میں مدد دے گا۔ جس میں خدمات کے شعبے کی بہتری شامل ہے اور اس سے کاروبار بہتری کرنے میں بھی مدد ملے گی۔

    کولمبیا اور وینزویلا کے بینک کے ڈائریکٹر الریچ زچاؤ کا کہنا ہے کہ 'ہم اس پر تیزی سے کام کر رہے ہیں تاکہ کولمبیا اس کڑے وقت میں ان وسائل پر اعتماد کر سکے، جو ہر ایک کے لیے خاص طور پر زیادہ کمزور ممالک کے لیے مشکل ہیں۔

    ان کے مطابق ہمیں امید ہے کہ اس قرض سے ہم صحت کے نظام پر وبا کے اثرات کو کم کر سکتے ہیں، اس سے معیشت کو بڑھوتری ملے گی جو کہ کولمبیا کے شہریوں کی جان و مال کی حفاظت کے لیے لازمی شرط ہے۔

    کولمبیا میں اس وائرس سے متاثرہ افراد کی تعداد 84،442 ہے جبکہ اس سے مرنے والوں کی کل تعداد 2،811 بنتی ہے۔

    خیال رہے کہ ورلڈ بینک نے اس سے قبل اس سال کے پہلے چھ مہینوں کے دوران کولمبیا کو 1.25 بلین ڈالر کا قرض دیا تھا اور اس کے علاوہ کورونا وائرس کا مقابلہ کرنے کے لیے اضافی 250 ملین ڈالر کی ہنگامی مالی مدد بھی فراہم کی تھی۔

12. 27 جون 2020کیا چمگادڑ کورونا وائرس پھیلاتے ہیں؟

    سائنسدان کووڈ 19 کے نقطہ آغاز سے متعلق تحقیقات میں مصروف ہیں اور ایسے میں اس بات کا خوف بڑھ رہا ہے کہ چمگادڑ اس وبا کو پھیلا رہے ہیں۔ چمگادڑوں کی بحالی کا کام کرنے والے ان الزامات کو رد کرتے ہیں اور بتاتے ہیں کہ چمگاذڑ کس طرح انسانوں کی مدد کرتے ہیں۔

13. 27 جون 2020پاکستان کا 29 جون سے کرتار پور راہداری کھولنے کا اعلان

    

    ،تصویر کا ذریعہRadio Pakistan

    پاکستان نے سکھ یاتریوں کے لیے 29 جون سے کرتار پور راہداری کو کھولنے کا اعلان کیا ہے۔

    سنیچر کو دفتر خارجہ نے جاری کیے گئے ایک بیان میں کہا گیا ہے کہ حکومتِ پاکستان مہاراجہ رنجیت سنگھ کی برسی کے موقعے پر کرتارپور راہداری کھولنے کو تیار ہے اور اس حوالے سے انتظامات کی تیاری کے لیے انڈین حکومت کو آگاہ کر دیا گیا ہے۔

    X پوسٹ نظرانداز کریں, 1

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام, 1

    یاد رہے کورونا وائرس کے پھیلاؤ کو روکنے کے لیے پاکستان نے کرتار پور راہداری کو عارضی طور پر 16مارچ کو بند کر دیا تھا۔

    پاکستان کے وزیر خارجہ شاہ محمود قریشی نے کرتار پور راہدری دوبارہ کھولنے کے حوالے سے اپنی ٹویٹ میں کہا ہے کہ دنیا بھر میں عبادت گاہیں کھل رہی ہیں اور پاکستان بھی کرتار پور راہدری کھولنے کی تیاری کر رہا ہے۔

    X پوسٹ نظرانداز کریں, 2

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام, 2

    یاد رہے کرتارپور راہداری کا افتتاح وزیرِ اعظم عمران خان نے گذشتہ برس 9 نومبر کو کیا تھا۔

14. 27 جون 2020ایس او پیز کی خلاف ورزی پر ملک کے مختلف علاقوں میں لاک ڈاؤن کا سلسلہ جاری

    

    ،تصویر کا ذریعہReuters

    پاکستان بھر کے مختلف علاقوں میں ٹی ٹی کیو کی حکمت عملی کی بنیاد پر لاک ڈان کا سلسلہ جاری ہے۔

    اس سلسلے میں وفاقی دارلحکومت اسلام آباد، آزاد کشمیر اور گلگت بلتستان سمیت تمام صوبوں میں 528 علاقے لاک ڈاؤن کیے گئے ہیں۔

    ریڈیو پاکستان کے مطابق لاک ڈاؤن والے علاقوں کی آبادی 9626702 ہے۔

    مزید تفصیلات:

    پنجابلاک ڈاؤن - 131

    لاک ڈاؤن والے علاقوں کی آبادی - 1948315

    سندھلاک ڈاؤن - 68

    لاک ڈاؤن والے علاقوں کی آبادی - 4951000

    خیبر پختونخوالاک ڈاؤن- 262

    لاک ڈاؤن والے علاقوں کی آبادی - 792473

    پاکستان کے زیر انتظام کشمیرلاک ڈاؤن - 32

    لاک ڈاؤن والے علاقوں کی آبادی - 1611221

    اسلام آبادلاک ڈاؤن- 14

    لاک ڈاؤن والے علاقوں کی آبادی - 170000

    گلگت بلتستانلاک ڈاؤن- 21

    لاک ڈاؤن والے علاقوں کی آبادی - 153693

15. 27 جون 2020کورونا وائرس کے حوالے سے دنیا میں اب تک کی صورتحال

    

    ،تصویر کا ذریعہReuters

    • امریکہ میں جمعے کو کووڈ 19 سے متاثرہ 45،242 نئے مریض رپورٹ ہوئے، یہ یومیہ متاثرین کی تعداد میں اب تک کا سب سے بڑا اضافہ ہے۔

    • برازیل میں جمعے کو 46،860 متاثرین کی تصدیق ہوئی ہے۔ اس وائرس سے برازیل میں گذشتہ 24 گھنٹوں میں 990 افراد ہلاک ہوئے ہیں۔ ملک میں متاثرین کی کل تعداد 13 لاکھ کے قریب بنتی ہے۔

    • میلبورن، آسٹریلیا میں کورونا وائرس متاثرین کی تعداد میں اضافے سے متعلق تشویش پائی جاتی ہے۔ یہ وائرس کس جگہ سے پھیل رہا ہے یہ معاملہ ابھی تک پراسرار ہی ہے۔

    • دنیا میں اس وقت تک کورونا سے 494،408 لوگ ہلاک ہو چکے ہیں۔ اس وائرس سے متاثرین کی کل تعداد ایک کروڑ کے قریب بنتی ہے۔

    • برطانوی حکومت نے کورونا وائرس کے کم خطرے والے ممالک کے شہریوں کے قرنطینہ کی شرط ختم کرنے کا فیصلہ کیا ہے۔ خیال کیا جاتا ہے کہ یہ فیصلہ ایئرلائنز اور سیاحت کی صنعت کے دباؤ میں آ کر کیا گیا ہے۔ جن ممالک میں کورونا وائرس کے متاثرین کی تعداد زیادہ ہو گی ان ممالک کے شہریوں کو برطانیہ پہنچنے پر 14 دن کے لیے قرنطینہ میں رہنا لازم ہو گا۔ اٹلی، فرانس، سپین اور یونان کے شہری برطانیہ کی قرنطینہ شرط سے مستثنیٰ ہیں۔

    • ایسی اطلاعات ہیں کہ یہ وائرس لاطینی امریکی ممالک کے طول و عرض تک پہنچ رہا ہے۔ ارجنٹینا کی حکومت نے اپنے گنجان اباد دارالحکومت میں لاک ڈاؤن میں توسیع اور مزید سختی کا فیصلہ کیا ہے۔ یہ لاک ڈاؤن 17 جولائی تک نافذالعمل رہے گا۔ اس لاک ڈاؤن کا مقصد وائرس کے پھیلاؤ پر قابو پانا ہے۔

    • انڈیا میں کورونا وائرس سے چار لاکھ اور 90 ہزار افراد متاثر ہو چکے ہیں جبکہ مرنے والوں کی تعداد 15 ہزار سے زائد ہو چکی ہے۔ گووا کے وزیر اعلیٰ نے مقامی طور پر وائرس منتقلی کی تصدیق کی ہے۔

16. 27 جون 2020پہلے سے مختلف بیماریوں میں مبتلا افراد کورونا وائرس سے کیسے بچیں؟

    

    ،تصویر کا ذریعہGetty Images

    دنیا بھر میں وبائی شکل اختیار کرنے والا کورونا وائرس کسی کو بھی ہوسکتا ہے لیکن ان لوگوں کو کورونا وائرس سے خطرہ زیادہ ہے جو کہ ضیعف ہیں یا جنھیں پہلے سےصحت کے مسائل ہیں۔

    اس وائرس سے چین میں ہزاروں کی تعداد میں اموات ہوئی ہیں۔ ہلاک ہونے والوں میں زیاہ تعداد معمر لوگوں کی ہیں جو کے پہلے سے کسی بیماری میں مبتلا تھے۔

    اگر آپ کو پہلے سے کوئی بیماری یا صحت کے مسائل کا سامنا ہے تو آپ کو یہ سوچ کر پریشانی ہو رہی ہوگی۔

    یہاں ہم آپ کو کچھ ماہرینِ صحت کی تجاویز بتا رہے ہیں۔

17. 27 جون 2020سعودی عرب کا محدود حج کا اعلان: حکومت کا حج واجبات جمعرات سے واپس کرنے کا فیصلہ

    

    ،تصویر کا ذریعہRadio Pakistan

    حکومت پاکستان نے حج 2020 کے لیے تمام درخواست گزاروں کے حج واجبات جمعرات سے واپس کرنے کا فیصلہ کیا ہے۔

    ریڈیو پاکستان کے مطابق وزارت مذہبی امور کے ترجمان کا کہنا تھا کہ یہ فیصلہ رواں سال کورونا وائرس سے متعلق سعودی عرب کی حکومت کے اقدام کے تناظر میں کیا گیا ہے۔

    انھوں نے کہا کہ ملک بھر کے شیڈول بنکوں کے ذریعے رقوم واپس کی جائیں گی اور تمام درخواست دہندگان کو ایس ایم ایس کے ذریعے آگاہ کیا جارہا ہے۔

    ترجمان نے کہا کہ درخواست گزار نقد رقم وصول کرنے کے لیے ذاتی طور پر آئیں جبکہ گروپ لیڈر چیک کے ذریعے رقم وصول کرنے کے لیے گروپ ارکان کے تمام دستاویزات ساتھ لائیں۔انھوں نے کہا کہ رقوم کی واپسی کے عمل میں کسی مشکل کی صورت میں درخواست گزار ٹیلی فون نمبر 9208465-051پر اکائونٹ آفیسر ریفنڈ سے رابطہ کرسکتے ہیں۔

18. 27 جون 2020کورونا وائرس: مائیکرو سوفٹ نے رٹیلرز شاپ مستقل طور پر بند کرنے کا اعلان کر دیا

    

    ،تصویر کا ذریعہReuters

    مائیکرو سوفٹ نے اعلان کیا ہے کہ وہ اپنے تمام سٹورز بند کر دے گا اور اپنے ریٹیل آپریشن کو آن لائن کر دے گا۔

    کمپنی کے سٹور اب صرف چار جگہوں پر کھلے رہیں گے جن میں تین نیویارک، لندن اور سڈنی میں ہوں گے اور ان کو تجرباتی مراکز میں تبدیل کیا جا رہا ہے۔

    اس نئے فیصلے کے تحت اب کورونا وائرس کی وبا کی وجہ سے مائیکروسوفٹ کے 80 فیصد سے زیادہ بڑے سٹورز کو دوبارہ نہیں کھولا جائے گا۔

    کمپنی کے میڈیا کے لیے جاری کردہ بیان میں کہا گیا ہے کہ اب ایک نئے طرز پر کاروبار ہوگا۔

19. 27 جون 2020انڈیا میں متاثرین کی تعداد پانچ لاکھ سے بڑھ گئی، ’ملک میں صورتحال بہتر ہے‘ مودی

    

    ،تصویر کا ذریعہANI

    وزیر اعظم نریندر مودی کا کہنا ہے کہ اس سال کے شروع میں یہ اندازہ لگایا گیا تھا کہ انڈیا پر کورونا وائرس کا سب سے زیادہ اثر پڑے گا لیکن لاک ڈاؤن، حکومتی کوششوں اور لوگوں کی جدوجہد کی وجہ سے انڈیا دوسرے ممالک سے بہتر حالت میں ہے اور ملک میں کی صحتیابی کی شرح بڑھ رہی ہے۔

    وزیرِ اعظم کی جانب سے یہ بیان اس وقت سامنے آیا ہے جب انڈیا میں متاثرین کی تعداد پانچ لاکھ سے تجاوز کر چکی ہے۔

    مودی نے کہا کہ کووڈ 19 ایک ایسی جسمانی بیماری ہے جس سے ناصرف جان کو خطرہ ہے بلکہ یہ غیر صحت بخش طرز زندگی کی طرف بھی توجہ دلاتی ہے۔

    وزیر اعظم مودی نے کہا کہ عوام کی جدوجہد سے اچھا نتیجہ برآمد ہوا ہے ، لیکن اب یہاں رکنا نہیں بلکہ اب زیادہ محتاط رہنا ہے۔

    اس دوران وزیر اعظم مودی نے یہ بھی کہا کہ حکومت مذہب، ایمان، صنف، ذات یا زبان کی بنیاد پر کوئی امتیازی سلوک نہیں کرتی ہے۔

    دوسری جانب کانگریس کے رہنما راہل گاندھی نے بھی سنیچر کے روز ٹویٹ کیا کہ حکومت کا کووڈ 19 سے نمٹنے کا کوئی منصوبہ نہیں ہے۔

    انھوں نے ٹویٹ کیا کہ ’کووڈ 19 ملک کے نئے حصوں میں تیزی سے پھیل رہا ہے۔ لیکن انڈیا کی حکومت کا اسے شکست دینے کا کوئی منصوبہ نہیں ہے۔ وزیر اعظم خاموش ہیں۔ انھوں نے ہتھیار ڈال دیے ہیں اور وہ اس وبا سے لڑنے سے قاصر ہیں۔‘

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

20. 27 جون 2020کورونا وائرس: خیبرپختونخوا میں ٹراؤٹ مچھلیوں کے فارم میں گنجائش ختم

    پاکستان میں لاک ڈاؤن کے دوران مالاکنڈ اور ہزارہ ڈویژن میں سیاحوں کی بندش سے جہاں ہوٹل اور دیگر انڈسٹری متاثر ہوئی ہے وہیں ان علاقوں میں ٹراؤٹ مچھلیوں کے کاروبار سے جڑے لوگ بھی اس سے متاثر ہوئے ہیں۔

    ایک اندازے کے مطابق ان علاقوں میں 270 سے زائد فارموں میں لاکھوں کلو کی مچھلی جمع ہوگئی ہے جس سے مالکان کو ان کو خوراک کے فراہمی بڑا مسئلہ بن رہا ہے۔

    مزید بتا رہے ہیں پشاور سے بلال احمد اس رپورٹ میں۔۔