ચિલીમાં ભયાનક દાવાનળ, આખું શહેર તબાહ, ગાડીઓ ખોખું બની

ચિલીમાં તાજેતરમાં તેના ઇતિહાસમાંની સૌથી ભયંકર આગ લાગી. આ આગમાં અંદાજે 64 લોકોએ જીવ ગુમાવ્યો છે.

આ દાવાનળ વાલ્પેરાઇસો, ઓ'હિગિન્સ અને અરાઉકાનિયાનાથી ફેલાઈને શહેર સુધી પહોંચી ગયો હતો.

3000થી 6000 જેટલાં ઘરો આગમાં બળીને ખાખ થઈ ગયાં છે. હાલમાં બચાવ કામગીરી ચાલુ છે અને આગથી પ્રભાવિત વિસ્તારોમાં બચાવદળને પહોંચવામાં મુશ્કેલી પડી રહી છે.

રાષ્ટ્રપતિ ગેબ્રિયલ બોરિકે કટોકટીની સ્થિતિ જાહેર કરી છે. ચિલીમાં મૃત્યુઆંક હજુ પણ વધવાની ધારણા છે અને 370થી વધુ લોકો હજુ પણ ગુમ છે.

4 ફેબ્રુઆરીના રોજ 1400 અગ્નિશામકો સહિત લશ્કરી કર્મચારીઓ અને હજારો સ્વયંસેવકોને બચાવ કામગીરીમાં તહેનાત કરાયા છે.

જે વિસ્તારો આગથી પ્રભાવિત થયા છે ત્યાં ઉનાળાની રજાઓ માણવા મોટી સંખ્યામાં લોકો આવતા હોય છે.

ચિલી 2010ના ભૂકંપ પછી સૌથી મોટી કટોકટીનો સામનો કરી રહ્યું છે. 2010ના ભૂકંપમાં 432 લોકો માર્યા ગયા હતા.

ચિલીની સરકારે લોકોને અસરગ્રસ્ત વિસ્તારમાં ન જવા કહ્યું છે અને બચાવ ટુકડીઓની કામગીરીમાં અડચણ ન પડે એ માટે કેટલાક વિસ્તારોમાં કર્ફ્યૂ જાહેર કરાયો છે

ગેબ્રિયલ બોરીકે એક્સ પર જાહેરાત કરી હતી કે આ સમયે અમારી પ્રાથમિકતા છે લોકોનો જીવન બચાવવાની, લાગેલી આગને ઓલવવાની, મૃત લોકોના મૃતદેહોને કાઢવાની, આશ્રયસ્થાનોમાં પીડિતોને તાત્કાલિક સહાય પૂરી પાડવાની, પોલીસ અને સશસ્ત્ર દળો દ્વારા જાહેર વ્યવસ્થાની બાંહેધરી અને તપાસ કરવા માટે મૂળભૂત માહિતી એકત્રિત કરવાની.

તમે બીબીસી ગુજરાતીને સોશિયલ મીડિયા પર અહીં ફૉલો કરી શકો છો

Facebook પર સમાચાર વાંચવા અહીં ક્લિક કરો.

Instagram પર બીબીસી ગુજરાતીને અહીં ફૉલો કરો.

YouTube પર બીબીસી ગુજરાતીના વીડિયો જોવા માટે અહીં ક્લિક કરો.

Twitter પર બીબીસી ગુજરાતીની ફૉલો કરવા અહીં ક્લિક કરો.