امریکہ میں ہلاکتیں ایک لاکھ 40 ہزار سے زیادہ، میکسیکو میں 5311 نئے متاثرین

لائیو کوریج

1. 17 جولائی 2020انڈیا میں کورونا ویکسین کے انسانوں پر تجربوں کا آغاز

   

   ،تصویر کا ذریعہBharat Biotech

   انڈیا کی ریاست ہریانہ کے وزیرِ صحت انیل وج کا کہنا ہے کہ انڈیا نے پی جی آئی روہٹک میں کورونا وائرس ویکیسن کے انسانوں پر تجربوں کا آغاز ہو گیا ہے۔

   بھارت بائیوٹیک کمپنی کی جانب سے بنائی جانے والی ویکسین کے چوہوں اور خرگوشوں پر کامیاب تجربے کیے جا چکے ہیں۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

   انیل وج کے مطابق جن لوگوں کو یہ ویکسین دی گئی ہے ان میں اس کے کوئی مضر اثرات سامنے نہیں آئے۔

2. 17 جولائی 2020یہ بیلجیئم میں وبا کی دوسری لہر کا آغاز ہو سکتا ہے، ماہر متعدی امراض

   

   ،تصویر کا ذریعہReuters

   بیلجیئم میں متعدی امراض کے ماہر نے خبردار کیا ہے کہ ملک میں گذشتہ ہفتے کیسز کی تعداد میں 32 فیصد اضافہ دراصل دوسری لہر کا آغاز ہو سکتا ہے۔

   وی آر ٹی ریڈیو سے بات کرتے ہوئے مارک وین رانسٹ کا کہنا تھا کہ ’ان اعداد و شمار کا جائزہ لیا جائے تو پتا چلتا ہے کہ یہ وبا کی دوسری لہر کا آغاز ہو سکتا ہے۔‘

   بیلجیئم میں وائرس کا رپروڈکشن ریٹ اب بڑھ کر ایک ہو گیا ہے یعنی کووڈ 19 سے متاثرہ ایک شخص کم از کم مزید ایک شخص کو متاثر کر سکتا ہے۔ چار اپریل کے بعد یہ پہلا موقع ہے کہ یہ ریٹ ایک سے بڑھا ہے۔

3. 17 جولائی 2020سپین: کورونا وائرس کے پھیلاؤ کا خدشہ، بارسیلونا میں پابندیاں عائد کرنے کی تیاری

   

   ،تصویر کا ذریعہReuters

   کیٹالان خطے کی بارسیلونا اور اس کے نواحی علاقوں میں بھر سے پابندیاں عائد کرنے کی تیاری شروع کر دی ہے تاکہ کورونا وائرس کی وبا کو قابو کیا جا سکے۔

   ان پابندیوں میں بڑے مجمعوں کی حوصلہ شکنی کرنا شامل ہے خاص کر ایسی جگہوں پر جہاں سماجی فاصلہ برقرار رکھنا ممکن نہیں ہے۔

   مقامی میڈیا کے مطابق ریستورانوں، بارز، نائٹ کلبز اور مذہبی مقامات پر جانے والے افراد کی تعداد محدود کی جا سکتی ہے۔

   جمعرات کے روز سپین میں 580 نئے کیسز رپورٹ ہوئے جو ملک میں دو ماہ میں کیسز میں سب سے بڑا اضافہ ہے۔ کیٹالونیا اور ایراگون میں کیسز میں سب سے زیادہ اضافہ ہوا۔

   کیٹالونیا کے کچھ علاقوں میں پابندیاں پھر سے عائد کی جا چکی ہیں۔

4. 17 جولائی 2020ایکٹیمرا انجکشن سے سنا مکی تک: کوورنا کے علاج میں یہ سب کس حد تک مددگار؟

   

   ،تصویر کا ذریعہROCHE

   دنیا بھر میں جہاں کورونا وائرس سے متاثرہ افراد کی تعداد دن بدن بڑھتی جا رہی ہے وہیں اس کی ویکسین کی تیاری کی کوششوں میں بھی تیزی آئی ہے۔

   تاحال اس بیماری کا علاج دریافت نہیں کیا جا سکا ہے لیکن پاکستان میں اس وبا کے آغاز کے ساتھ ہی سوشل میڈیا پر ایسے پیغامات کی بھرمار دیکھی گئی جس میں مختلف ادویات، جڑی بوٹیوں یا پھر کھانے پینے میں روزمرہ استعمال ہونے والی اشیا کو اس بیماری سے صحت یابی میں مددگار یا پھر اس کا علاج ہی قرار دے دیا گیا۔

   یہ بات جہاں ادرک اور کلونجی یا ملیریا کے علاج میں استعمال ہونی والی دوائی کلوروکوئین سے شروع ہوئی وہیں آج کل اکٹیمرا نامی انجیکشن اور سنامکی نامی جڑی بوٹی کا شہرہ ہے اور ایسی ادویات و جڑی بوٹیوں کے بارے میں یہ تاثر عام ہے کہ ان کا استعمال کورونا کے مریض کے جسم میں وائرس کے پھیلاؤ کو روکنے میں مددگار ثابت ہو رہا ہے۔

   مزید جانیے ہماری نامہ نگار ترہب اصغر کی اس تحریر میں۔

5. 17 جولائی 2020بریکنگ, صوبہ سندھ میں ایک دن میں 14 ہزار سے زیادہ مریض صحتیاب، مزید 30 ہلاکتیں

   

   پاکستان کے صوبہ سندھ میں ایک روز میں 14 ہزار سے زیادہ مریض صحتیاب ہوئے ہیں جبکہ مزید 30 افراد کورونا وائرس کے باعث ہلاک بھی ہو چکے ہیں۔

   گذشتہ روز صوبے میں مزید 1170 افراد میں کورونا وائرس کی تشخیص ہوئی جبکہ اب تک یہاں صحتیاب ہونے والے افراد کی کل تعداد 88103 ہو چکی ہے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

   اب تک صوبے میں کل 111238 افراد اس وائرس سے متاثر ہو چکے ہیں۔

6. 17 جولائی 2020کیا کورونا وائرس آپ کو دوبارہ متاثر کر سکتا ہے؟

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

   کیا آپ کورونا وائرس سے دوبارہ متاثر ہوسکتے ہیں؟ آپ کا نظام مدافعت کسی بھی وائرس سے بچاؤ میں کیا کردار ادا کرتا ہے اور اینٹی باڈیز کیسے متاثرہ جسم کو آئندہ اس بیماری سے بچا سکتی ہیں۔ جانیے اس ڈیجیٹل ویڈیو میں۔

7. 17 جولائی 2020ازبکستان سے 25 میٹرک ٹن حفاظتی سامان اور ادویات کی پاکستان آمد

   

   ،تصویر کا ذریعہNDMA

   پاکستان میں ہنگامی صورتحال سے نمٹنے کے قومی ادارے (این ڈی ایم اے) کے مطابق ازبکستان نے پاکستان کو 25 میٹرک ٹن حفاظتی سامان اور ادویات عطیہ کی ہیں۔

   ترجمان کے مطابق ’یہ سامان ازبکستان کے صدرکی طرف سے پاکستان کو عطیہ کیا گیا ہے۔ سامان خصوصی طیارے آئی ایل 76 کے ذریعے نور خان ایئربیس پہنچایا گیا۔

   ’پاکستان میں قائم مقام ازبک سفیر نے سامان این ڈی ایم اے کے حوالے کیا۔ سامان میں سرجیکل ماسک، دستانے، سینیٹائزر، شوز کور، پائرو میٹر، رسپیریٹر اور مختلف قسم کی ادویات شامل ہیں۔

8. 17 جولائی 2020’برطانیہ میں پانچ لاکھ ٹیسٹ روزانہ کیے جائیں گے‘

   

   برطانوی وزیر اعظم بورس جانسن نے ایک پریس بریفنگ کے دوران کہا ہے کہ ملک میں اکتوبر کے اواخر تک پانچ لاکھ افراد کی ٹیسٹنگ روزانہ عمل میں لائی جائے گی۔

   انھوں نے کہا کہ حکام موسم سرما سے قبل مشکل حالات کے لیے تیاری کر رہے ہیں جس میں 30 ہزار وینٹیلیٹرز کا اضافہ، حفاظتی لباس کی دستیابی اور فلو کے لیے ویکسین کے سب سے بڑے منصوبے کا آغاز شامل ہیں۔

   ’این ایچ یس (برطانیہ میں محکمہ صحت) کے لیے تین ارب پاؤنڈ کی فنڈنگ منظور ہوچکی ہے۔‘

   انھوں نے عوام سے اپیل کی ہے کہ وائرس سے بچاؤ کے لیے جس حد تک ممکن ہو گھروں میں ہی قیام کریں۔

   بورس جانسن نے یہ بھی کہا ہے کہ آنے والے عرصے کے دوران مقامی سطح پر لاک ڈاؤن نافذ کیے جائیں گے تاکہ بیماری کے پھیلاؤ پر قابو پایا جاسکے۔

9. 17 جولائی 2020وہ پاکستانی جنھوں نے لاک ڈاؤن ماحول اور انسانیت کی خدمت کے نام کیا

10. 17 جولائی 2020اسلام آباد: ’گذشتہ 11 ہفتوں میں سب سے کم یومیہ متاثرین ریکارڈ‘

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

    پاکستان کے دارالحکومت اسلام آباد میں گذشتہ روز 52 افراد میں کورونا وائرس کی تشخیص ہوئی جبکہ 2,816 ٹیسٹ کیے گئے تھے۔

    ضلعی صحت کے افسر (ڈی ایچ او) اسلام آباد کے مطابق یومیہ متاثرین کی یہ تعداد گذشتہ 11 ہفتوں کے مقابلے سب سے کم ہے۔

    ’مثبت کیسز کی شرح 1.8 فیصد پر آگئی ہے۔ اسلام آباد میں ٹیسٹنگ میں کمی نہیں آئی اور انھیں روزانہ کی بنیاد پر کچھ کم یا زیادہ کیا جارہا ہے۔‘

    اسلام آباد میں تاحال کورونا سے 157 اموات ہوئی ہیں جبکہ 11599 افراد صحتیاب ہوئے ہیں۔

11. 17 جولائی 2020بیمار ہونے کے کئی ماہ بعد بھی تھکاوٹ اور سانس پھولنے کی شکایت, پروفیسر جان رائٹ، بریڈفورڈ انسٹیٹیوٹ فار ہیلتھ ریسرچ کے سربراہ

    

    ،تصویر کا ذریعہJOHN WRIGHT

    کورونا وائرس کی عالمی وبا کے چار ماہ گزرنے کے بعد ڈاکٹر اب بھی بعض چیزیں سمجھنے کی کوشش کر رہے ہیں۔ ڈاکٹروں کو ایک بات پر حیرت ہے کہ کچھ مریضوں میں کووڈ 19 کی علامات اتنی دیر تک موجود کیسے رہتی ہیں۔

    بریڈبورڈ رائل انفرمری (بی آر آئی) کے ڈاکٹر جان رائٹ نے ان دو خواتین سے بات کی ہے جو اس مرض میں مبتلا ہونے کے کئی ہفتوں بعد بھی تھکاوٹ اور سانس پھولنے جیسی علامات کا شکار ہیں۔

    ہمسایہ ہسپتال کی ڈاکٹر امیرہ والی بھی ان افراد میں سے ہیں جو اگر ایک مرتبہ سیڑھیاں چڑھتی ہیں تو ان کی سانس پھولنے لگتی ہے۔

    بی آر آئی میں فزیو تھیراپسٹ مولی ویلمز ہمیشہ سے ایک صحتمند ایتھلیٹ رہی ہیں۔ لیکن اب ان کے لیے 'سانس پھولنا ایک عام حالت بن گئی ہے۔'

    اس کے علاوہ وہ کئی طرح کے جذبات محسوس کر رہی ہیں۔ اور انھیں یادداشت کے حوالے سے بھی مشکلات کا سامنا ہے۔

    یہ دونوں خواتین تقریباً تین ماہ قبل بیمار ہوئی تھیں۔

    مکمل تحریر

12. 17 جولائی 2020بریکنگ, ’گذشتہ عید کی طرح اس بار ایس او پیز کی خلاف ورزی، ہسپتالوں پر بوجھ مت دہرائیں‘, عمران خان کا ٹوئٹر پر پیغام

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

    پاکستان کے وزیر اعظم عمران خان نے ٹوئٹر پر اپنے پیغام میں کہا ہے کہ ’پاکستان اس لحاظ سے خوش قسمت ملکوں میں سے ہے جہاں ہسپتالوں، بالخصوص انتہائی نگہداشت، میں مریضوں کی تعداد میں کمی آئی ہے اور اموات کی شرح بھی کم ہوئی ہے۔ ایسا بدقسمتی سے ہمارے ہمسایہ ملک انڈیا میں نہیں ہوا۔‘

    ’یہ ہمارے سمارٹ لاک ڈاؤن کی پالیسی کا نتیجہ ہے اور عوام حکومتی ایس او پیز پر عمل کر رہی ہے۔‘

    عمران خان نے عوام سے عید الاضحیٰ کے موقع پر ایس او پیز پر عمل کرنے کی اپیل کرتے ہوئے کہا کہ ’عید الاضحیٰ سادگی سے منائیں۔ گذشتہ عید کی طرح اس بار ایس او پیز کی خلاف ورزی اور ہسپتالوں پر بوجھ مت دہرائیں۔

    ’میں حکومتی ایس او پیز پر سختی سے عملدرآمد کا حکم دے رہا ہوں۔‘

13. 17 جولائی 2020چین: سنکیانگ میں کورونا کے نئے متاثرین، سینکڑوں پروازیں منسوخ

    

    ،تصویر کا ذریعہAFP

    چین کے صوبہ سنکیانگ کے دارالحکومت اُرومچی جانے والی 600 سے زیادہ پروازیں اس لیے منسوخ کر دی گئی ہیں کیونکہ شہر میں کورونا وائرس کے ایک متاثرہ شخص کی تصدیق ہوگئی۔

    جمعرات کو ایک 24 سالہ خاتون میں وائرس کی تشخیص ہوئی۔ اس میں علامات ظاہر ہوئی تھیں۔ ان کے دائرے کے تین مزید افراد کے ٹیسٹ مثبت آئے لیکن ان میں علامات موجود نہیں۔

    اُرومچی کے ایئر پورٹ پر 80 فیصد سے زیادہ پروازیں اس واقعے کے بعد منسوخ کر دی گئیں۔

    جمعے سے متعدد ایئر لائنز تمام مسافروں کو پابند کریں گی کہ وہ ارومچی داخل ہونے یا اس سے باہر نکلنے سے قبل کورونا وائرس کا منفی نیوکلک ایسڈ ٹیسٹ دکھائیں۔ یہ بھی ضروری ہوگا کہ یہ ٹیسٹ گذشتہ سات روز میں کیا گیا ہو۔

    چینی سرکاری ذرائع ابلاغ کے مطابق مسافروں کو ایک موبائل ایپ پر خود کو محفوظ ظاہر کرنا ہوگا۔

    چائنہ ایسٹرن ایئرلائنز نے پہلے ہی ان سختوں کا نفاذ کر دیا ہے۔ اُرومچی میں جمعرات سے سبوے سروس معطل کر دی گئی ہے۔

    حکام کے مطابق جمعے کو چین میں کورونا کے 10 متاثرین کی تصدیق ہوئی۔ ان میں سے نو غیر ملکی تھے۔

14. 17 جولائی 2020وینٹیلیٹر کی کمی کا حل

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

    امریکہ میں کورونا وائرس کے بڑھتے ہوئے کیسز کے باعث وینٹیلیٹرز کی کمی دیکھنے میں آ رہی ہے۔ ایسے میں ایک پاکستانی نژاد ڈاکٹر سعود انور نے ایک ایسا آلہ بنانے میں مدد کی ہے جس سے ایک وینٹیلیٹر کے ذریعے سات افراد کو آکسیجن فراہم کی جا سکتی ہے۔ طبی ماہرین نے ان کی اس کامیابی کو سراہا اور ان کی تعریف کی۔ ہمارے ساتھی ونیت کھرے نے ان سے بات کی اور اس بارے میں مزید جاننے کی کوشش کی۔ ڈاکٹر سعود نے کیا کہا، دیکھیں اس ویڈیو میں

15. 17 جولائی 2020بولیویا: سیکس ورکرز کا کورونا سے تحفظ کے لیے برساتی کا استعمال

16. 17 جولائی 2020ملکہ برطانیہ کا 100 برس کے کیپٹن ٹام کے لیے سر کا خطاب, کووڈ کے مقابلے کے لیے کیپٹن ٹام نے 30 ملین پاؤنڈز جمع کیے

    

    ،تصویر کا ذریعہPA Media

    کیپٹن ٹام مُور یوں تو اپنی زندگی کی 100 بہاریں دیکھ چکے ہیں مگر آج کا دن ان کی زندگی کا اہم ترین دن ہو گا۔ آج ملکہ برطانیہ انھیں سر کا خطاب دینے جا رہی ہیں۔

    دوسری عالمی جنگ میں حصہ لینے والے 100 سالہ کیپٹن ٹام مُور نے جنگی محاذ پر تو جو قربانیاں دیں وہ تاریخ کا حصہ ہیں مگر عمر کے اس حصے میں انھوں نے اپنے وطن کو درپیش ایک اور چیلنج کے مقابلے کے لیے بھی ہیرو جیسا کردار ادا کیا ہے۔

    کورونا وائرس کی وبا مقابلہ کرنے کے لیے برطانیہ کے نظام صحت (نیشنل ہیلتھ سسٹم) کے لیے 30 ملین پاؤنڈز جمع کیے۔

    یہ تقریب ونڈسر محل کے صحن میں ہو گی جس میں کیپٹن ٹام کے خاندان کے افراد بھی شریک ہوں گے۔ اس تقریب سے قبل سر ٹام نے ایک ٹویٹ میں اس دن کو اپنی زندگی کا خاص ترین دن قرار دیا۔

    جون اور جولائی میں ہونے والی دیگر تمام تقریبات ملتوی کر دی گئیں مگر سر ٹام کی تقریب کو خاص استثنیٰ دیا گیا ہے۔

17. 17 جولائی 2020آدھی سے زیادہ امریکی ریاستوں نے ماسک کی پابندی لازمی قرار دے دی

    

    ،تصویر کا ذریعہGetty Images

    ہر گزرتے دن کے ساتھ امریکی ریاستیں خود سے عوامی مقامات پر شہریوں کے لیے ماسک پہننا لازم قرار دے رہی ہیں۔ امریکہ کی 50 ریاستوں میں سے 25 سے زیادہ امریکی ریاستیں شہریوں کے لیے عوامی مقامات پر ماسک کا استعمال لازم قرار دے چکی ہیں۔

    امریکہ میں کورونا وائرس متاثرین کی تعداد میں مسلسل ریکارڈ یومیہ اضافہ ہو رہا ہے۔

    ماسک لازمی قراد دینے والی ریاستوں کی اس فہرست میں حالیہ عرصے کے دوران لوزیانا کا اضافہ ہوا ہے جہاں اب اِن ڈور میں بھی ماسک پہننا لازم ہوگیا ہے۔ ڈیموکریٹک پارٹی سے تعلق رکھنے والے گورنر کا کہنا ہے کہ جنوب مشرقی ریاست میں بار بھی بند رہیں گی۔

    

    ،تصویر کا ذریعہReuters

    کولوراڈو کے گورنر، جو ڈیموکریٹ ہیں، نے مغربی ریاست میں دس سال سے زیادہ عمر کے تمام افراد کو عوامی مقامات میں ماسک پہننے کا حکم دیا تھا۔

    تاہم یہ ایک ایسا موضوع ہے جس پر رائے منقسم ہے۔

    جارجیا میں ریپبلیکن پارٹی کے گورنر نے بعض میئرز کے خلاف مقدمہ دائر کر دیا ہے، جنھوں نے اپنے شہروں میں ماسک کو لازمی قرار دیا تھا۔ ان کے مطابق میئرز کے پاس ایسے اختیارات نہیں ہیں۔

    صدر ٹرمپ کو گذشتہ ہفتے پہلی مرتبہ عوامی مقام پر ماسک پہنے دیکھا گیا تھا۔

18. 17 جولائی 2020پاکستان: حکومت کا محرم کے دوران مجالس، جلوس کی اجازت دینے کا فیصلہ

    

    ،تصویر کا ذریعہRadio Pakistan

    پاکستان کی وفاقی حکومت نے محرم کے دوران مجالس اور جلوس منعقد کرنے کی اجازت دے دی ہے۔

    ریڈیو پاکستان کے مطابق یہ اجازت حفاظتی تدابیر اور ایس او پیز سے مشروط ہوگی۔

    رپورٹ کے مطابق ایوان صدر میں شیعہ علما نے صدر عارف علوی کے ساتھ ملاقات کے دوران ایس او پیز پر اتفاق کیا ہے۔

    وزیر مذہبی امور نور الحق قادری نے کہا ہے کہ نیشنل کمانڈ اینڈ آپریشن سینٹر سے منظوری کے بعد یہ ایس او پیز صوبوں کو بھیجی جائیں گی۔

    ان مجالس میں سماجی فاصلے اور دیگر احتیاطی تدابیر سے متعلق علما بھی شرکا کو آگاہی دیں گے۔

19. 17 جولائی 2020بریکنگ, برٹش ایئرویز کا تمام بوئنگ 747 طیارے ریٹائر کرنے کا فیصلہ

    

    ،تصویر کا ذریعہGetty Images

    فضائی سفر میں تیزی سے کمی کے بعد برٹش ایئرویز نے تمام بوئنگ 747 طیاروں کو ریٹائر کرنے کا اعلان کیا ہے۔

    دنیا میں سب سے بڑے جمبو طیاروں کی آپریٹر برطانوی ایئرلائن کے پاس کل 31 طیارے ہیں۔

    برٹشن ایئرویز کے ایک ترجمان نے بی بی سی کو بتایا ہے کہ ہم بڑے افسوس کے ساتھ اس کی تصدیق کرتے ہیں کہ ہم نے اپنے تمام 747 طیاروں کو فوری طور پر ریٹائر کرنے کی تجویز دی ہے۔

    خیال رہے کہ کورونا وائرس کی وبا کی وجہ سے سفری پابندیوں کی وجہ سے دنیا بھر کی ایئرلائنز کا کاروبار شدید متاثر ہوا ہے۔

    برٹش ایئرویز کے ترجمان کے مطابق کورونا وائرس کی وجہ سے پہنچنے والے نقصان کی وجہ سے اب اس بات کا بہت کم امکان ہے کہ ہماری ’آسمانوں کی شہزادی‘ کبھی کمرشل خدمات انجام دے سکے۔

    واضح رہے کہ برٹش ایئر ویز کی مالک انٹرنیشنل ایئرلائنز ہے جس نے فوری طور پر اس سروس کو بند کرنے کا اعلان کیا ہے۔ ان طیاروں کو سنہ 2024 کو ریٹائر کیا جانا تھا مگر کاروباری خسارے کی وجہ سے اب انھیں چار سال پہلے ہی ریٹائر کیا جا رہا ہے۔

20. 17 جولائی 2020امریکہ میں یومیہ متاثرین کی ریکارڈ تعداد

    

    ،تصویر کا ذریعہReuters

    امریکہ میں 16 جولائی کو کورونا وائرس کے 74,500 نئے متاثرین کی تصدیق ہوئی ہے۔ یہ عالمی وبا کے آغاز سے ملک میں یومیہ متاثرین کی سب سے بڑی تعداد ہے۔

    جانز ہاپکنز یونیورسٹی کے مطابق امریکہ میں اب کل متاثرین کی تعداد 3,570,000 سے تجاوز کر گئی ہے۔ متاثرین 30 ریاستوں میں بڑھ رہے ہیں۔

    گذشتہ روز تقریباً ایک ہزار افراد کورونا سے ہلاک ہوئے ہیں۔ اس طرح اموات کی کل تعداد 138,000 ہوگئی ہے۔