امریکہ میں ہلاکتیں ایک لاکھ 40 ہزار سے زیادہ، میکسیکو میں 5311 نئے متاثرین

امریکہ میں ہر ہفتے تقریباً پانچ ہزار لوگ وائرس سے ہلاک ہو رہے ہیں اور سب سے زیادہ متاثرہ امریکی شہروں میں حکام کے پاس مردہ خانوں میں جگہ ختم ہونے کے باعث لاشیں رکھنے کی جگہ باقی نہیں بچی ہے۔ پاکستان میں اس مرض سے اب تک دو لاکھ 64 ہزار سے زیادہ لوگ متاثر جبکہ دو لاکھ پانچ ہزار سے زیادہ صحتیاب ہو چکے ہیں۔

لائیو کوریج

18 جولائی 2020بریکنگ, این سی او سی کا اجلاس آج کراچی میں ہوگا
،تصویر کا ذریعہRADIO PAK
نیشنل کمانڈ اینڈ آپریشن سینٹر، این سی او سی کی مرکزی ٹیم کراچی پہنچ گئی جہاں ادارے کے چیئرمین کی سربراہی میں ایک خصوصی اجلاس آج ہو گا۔
آئی ایس پی آر کی جانب سے موصول ہونے والے پیغام کے مطابق وزیر اعلیٰ سندھ مراد علی شاہ اجلاس میں خصوصی شرکت کریں گے جبکہ اسلام آباد، آزاد جموں وکشمیر اور دیگر صوبوں کے نمائندے ویڈیو لنک کے ذریعے شرکت کریں گے۔
کراچی میں ہونے والے اجلاس میں عید الاضحیٰ کے موقع پر ایس او پیز پر عمل درآمد اور مویشی منڈیوں کے سلسلے میں تمام صوبے بریفنگ دیں گے۔
بتایا گیا ہے کہ کورونا کے حوالے سے `ہاٹ سپاٹ ایریاز، سمارٹ لاک ڈاؤن، کانٹیکٹ ٹریسنگ کے حوالے سے خصوصی جائزہ لیا جائے گا۔`
این سی او سی کا صوبائی دارلاحکومت میں یہ دوسرا اجلاس ہے۔
اس سلسلے کا پہلا اجلاس گذشتہ ہفتے لاہور میں منعقد ہوا تھا۔
صوبائی دارالحکومت میں ہونے والے ان اجلاسوں کا مقصد کورونا وبا کے خلاف قومی یکجہتی, مسائل کی بہتر تفہیم اور ہم آہنگی پیدا کرنے کے ساتھ ساتھ صوبوں کی کورونا کے خلاف کارکردگی کو سراہنا ہے۔
وفاقی وزیر وزیر داخلہ اعجاز شاہ سندھ میں عید الاضحی, مویشی منڈیوں اور محرم الحرام کے حوالے سے بھی اجلاس کی صدارت کریں گے۔
18 جولائی 2020دنیا بھر میں متاثرین ایک کروڑ 40 لاکھ سے زیادہ، گذشتہ 24 گھنٹوں میں یومیہ متاثرین کی تعداد میں ریکارڈ اضافہ
،تصویر کا ذریعہGetty Images
عالمی ادارہ صحت نے دنیا بھر میں کورونا وائرس کے پھیلاؤ سے متعلق بتایا ہے کہ گذشتہ 24 گھنٹوں میں یومیہ سب سے زیادہ اضافہ دیکھنے میں آیا جب 237743 نئے متاثرین کی دنیا بھر میں تشخیص ہوئی۔
امریکی یونیورسٹی جان ہاپکنز کے اعداد و شمار کے مطابق اس وقت دنیا بھر میں ایک کروڑ 40 لاکھ سے زیادہ کل متاثرین ہو چکے ہیں جبکہ ہلاک ہونے والوں کی مجموعی تعداد چھ لاکھ سے تجاوز کر گئی ہے۔
سب سے زیادہ متاثرین امریکہ، انڈیا، برازیل اور جنوبی افریقہ میں نظر آئے۔ اور پہلے تین ممالک کے مجموعی متاثرین کو دیکھیں تو 80 لاکھ مریض صرف ان تین ممالک میں سامنے آئے ہیں۔
اس سے قبل 12 جولائی کو یومیہ سب سے زیادہ متاثرین کی شناخت سامنے آئی تھی۔
جولائی کے مہینے میں اب تک روزانہ یومیہ تقریباً پانچ ہزار اموات کا اوسط ہے۔
18 جولائی 2020بلوچستان: حکومت کا عید کے موقع پر کاروباری اوقات بڑھانے کا فیصلہ
حکومت بلوچستان نے عید کے باعث کاروباری اوقات کار میں تین گھنٹے کا اضافہ کرنے کا اعلان کیا ہے۔
نامہ نگار محمد کاظم نے بتایا کہ محکمہ داخلہ حکومت بلوچستان کے ایک نوٹیفیکیشن کے مطابق نئے کاروباری اوقات صبح نو بجے سے رات دس بجے تک ہوں گے۔
اس سے قبل صوبے میں سمارٹ لاک ڈاﺅن کے تحت تمام غیر ضروری اشیا کی دکانوں اور مارکیٹوں کو کھولنے کے اوقات صبح نو بجے سے شام سات بجے تک تھے لیکن اب وقت کو بڑھا دیا گیا ہے۔
،تصویر کا ذریعہCourtesy Govt of Balochistan
18 جولائی 2020پاکستان کے زیر انتظام کشمیر میں مزید 32 افراد میں کووڈ 19 کی تشخیص، 14 جولائئ کے بعد خطے میں کوئی اموات نہیں, ایم اے جرال، صحافی
پاکستان کے زیر انتظام کشمیر میں محکمہ صحت کے فوکل پرسن برائے کووڈ 19 ڈاکٹر ندیم الرحمن کے مطابق گذشتہ 24گھنٹوں کے دوران خطے میں 330 افراد کے ٹیسٹ لیے گے ہیں جس کے نتیجے میں آٹھ خواتین سمیت 32 افراد میں کورونا وائرس کی تصدیق ہوئی ہے.
ان کے مطابق اب تک خطے میں 1840 افراد کورونا وائرس سے متاثر ہوچکے ہیں.
ڈاکٹر ندیم الرحمن نے مزید کہا کہ گذشتہ 24 گھنٹوں کے دوران 17 مریض صحتیاب ہوئے ہیں جس کے بعد صحتیاب ہونے والے مریضوں کی مجموعی تعداد 1094 ہوگئی ہے۔
اس کے علاوہ 14 جولائی سے اس خطے میں مزید کوئی کووڈ 19 سے ہلاکت نہیں ہوئی ہے اور کل تعداد 46 پر ہی ہے۔
18 جولائی 2020بریکنگ, صوبہ پنجاب میں 442 نئے مریض، مزید آٹھ ہلاکتیں
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
پاکستان کے صوبہ پنجاب میں مزید 442 افراد میں کورونا وائرس کی تشخیص ہوئی ہے جبکہ مزید آٹھ افراد ہلاک بھی ہوئے ہیں۔
اب تک صوبے میں متاثرہ افراد کی کل تعداد 89465 ہو گئی ہے جبکہ یہاں 2067 ہلاکتیں بھی ہوئی ہیں۔
اب تک پنجاب میں کورونا وائرس سے صحتیاب ہونے والوں کی تعداد 65009 ہو گئی ہے۔
17 جولائی 2020بریکنگ, صوبہ بلوچستان میں تین ہلاکتیں، صرف 185 ٹیسٹ
پاکستان کے صوبہ بلوچستان میں گدشتہ 24 گھنٹوں کے دوران 20 نئے مریض سامنے آئے ہیں جبکہ مزید تین افراد ہلاک ہو گئے ہیں۔
بلوچستان میں کورونا کے مجموعی کیسز کی تعداد 11405 ہو گئی ہے جبکہ کورونا سے ہلاک ہونے والے افراد کی مصدقہ تعداد 131 ہو گئی ہے۔
محکمہ صحت حکومت بلوچستان ترجمان داکٹر وسیم بیگ کے مطابق 17 جولائی 2020 کو کورونا کے 185 ٹیسٹ کیے گئے جن میں سے 20 مثبت آئے۔
بلوچستان میں اب تک کورونا کے مجموعی طور پر 55142 ٹیسٹ کیے گئے ہیں جن میں سے43737 کے نتائج منفی آئے۔
بلوچستان میں مجموعی طوپر پر122627 افراد کی سکریننگ کی گئی ہے۔ کورونا وائرس سے اب تک 8313 افراد صحتیاب ہوئے ہیں۔
17 جولائی 2020بالی وڈ اداکارہ اشویریا رائے بچن ’ہسپتال منتقل‘
،تصویر کا ذریعہReuters
انڈیا کے خبررساں ادارے اے این آئی کے مطابق بالی وڈ اداکارہ اشویریا رائے بچن کو آج ہسپتال منتقل کر دیا گیا ہے۔
چند روز قبل اشویریا رائے اور ان کی بیٹی کا کورونا وائرس ٹیسٹ مثبت آیا تھا تاہم وہ گھر پر ہی خودساختہ تنہائی میں چلی گئیں تھیں۔
ان کے شوہر ابھیشیک بچن اور سسر امیتابھ بچن میں بھی کورونا وائرس کی تشخیص ہوئی تھی جس کے بعد انھیں گذشتہ ہفتے ہسپتال منتقل کر دیا گیا تھا۔
46 برس کی اشویریا رائے بالی وڈ کا ایک مشہور چہرہ ہیں۔ وہ اس سے قبل مس ورلڈ بھی رہ چکی ہیں۔
17 جولائی 2020سکاٹ لینڈ میں مردم شماری 2021 ایک سال کے لیے مؤخر کر دی گئی
سکاٹ لینڈ کی حکومت نے فیصلہ کیا ہے کہ مارچ 2021 میں ہونے والی مردم شماری کو ایک سال کے لیے مؤخر کر دیا جائے۔
اب یہاں مارچ 2022 میں مردم شماری کی جائے گی۔
یہ 1941 کے بعد پہلا موقع ہے کہ مردم شماری کو مؤخر کیا گیا ہو۔ سکاٹ لینڈ میں 1801 کے بعد سے ہر دس برس بعد مرد شماری کی جاتی ہے۔
انگلینڈ اور ویلز میں آئندہ برس مردم شماری ہونی ہے لیکن ابھی تک اس حوالے سے کوئی اعلان نہیں کیا گیا ہے۔
17 جولائی 2020کورونا وائرس اور نزلہ زکام میں فرق کیا ہے
،تصویر کا ذریعہGetty Images
آج کل فلُو یا نزلے زکام کا موسم ہے، جسے دیکھیں چھینکیں مارتا یا ناک صاف کرتا دکھائی دیتا ہے۔ جسے زکام ہوتا ہے وہ خود ہی کہہ دیتا ہے کہ مجھ سے دور رہیں کہیں آپ کو بھی جراثیم نہ لگ جائیں۔
یا پھر آپ خود ہی اس متاثرہ شخص کے پاس جانے سے پرہیز کرتے ہیں۔ یہ کوئی نئی بات نہیں ہے، ایسا ہر سال ہوتا ہے، تاہم اس مرتبہ ایک بات نئی ضرور ہے۔
آپ لندن میں ٹرین میں بیٹھیں ہیں اور ایک دم کسی کو چھینک یا چھینکیں آنے لگتی ہیں تو پہلے تو لوگ آپ کو غور سے دیکھنے لگتے ہیں اور اس کے بعد آہستہ آہستہ سرکتے ہوئے دور جانے لگتے ہیں۔
مزید جانیے ہمارے ساتھی عارف شمیم کی اس تحریر میں۔
17 جولائی 2020پاکستانی نژاد ڈاکٹر نے امریکہ میں وینٹیلیٹر کی کمی کا حل کیسے ایجاد کیا؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
امریکہ میں کورونا وائرس کے بڑھتے ہوئے کیسز کے باعث وینٹیلیٹرز کی کمی دیکھنے میں آ رہی ہے۔
ایسے میں ایک پاکستانی نژاد ڈاکٹر سعود انور نے ایک ایسا آلہ بنانے میں مدد کی ہے جس سے ایک وینٹیلیٹر کے ذریعے سات افراد کو آکسیجن فراہم کی جا سکتی ہے۔
طبی ماہرین نے ان کی اس کامیابی کو سراہا اور ان کی تعریف کی۔
ہمارے ساتھی ونیت کھرے نے ان سے بات کی اور اس بارے میں مزید جاننے کی کوشش کی۔ ڈاکٹر سعود نے کیا کہا، دیکھیں اس ویڈیو میں
17 جولائی 2020بریکنگ, برطانیہ میں مزید 114 افراد ہلاک، 687 نئے مریض
برطانیہ کے محکمہ میں صحت کے مطابق گذشتہ 24 گھنٹوں کے دوران یہاں مزید 114 افراد ہلاک ہوئے جبکہ مزید 687 افراد میں اس وائرس کی تشخیص ہوئی ہے۔
اب تک برطانیہ میں کل 45233 افراد اس وائرس کے باعث ہلاک ہو چکے ہیں جبکہ دو لاکھ 93 ہزار سے زیادہ اس وائرس سے متاثر بھی ہوئے ہیں۔
17 جولائی 2020جاپان کی امریکی فوجیوں سے کورونا ٹیسٹ کروانے کی درخواست
،تصویر کا ذریعہReuters
جاپان کے وزیرِ دفاع تارو کونو نے جاپان آنے والے امریکی فوجیوں سے کورونا وائرس ٹیسٹ کروانے کی درخواست کی ہے کیونکہ اوکیناوا جزیرے پر کورونا وائرس کے پھیلاؤ میں اضافہ ہوا ہے۔
کونو کے مطابق امریکہ میں اس وقت صرف ان لوگوں کے ٹیسٹ کیے جا رہے ہیں جن میں علامات ظاہر ہو رہی ہیں تاہم وہ اس درخواست پر غور کر رہے ہیں۔
جمعرات تک اوکیناوا جزیرے پر کل 138 فوجیوں میں کورونا وائرس کی تشخیص ہو چکی تھی اور یہ وہی جزیرہ ہے جہاں امریکی فوجیوں کی بڑی تعداد موجود ہے۔
گذشتہ ہفتے اوکیناوا کے گورنر ڈینی ٹماکی نے رپورٹرز کو بتایا کہ ’مجھے امریکی فوجیوں کی جانب سے وائرس کے پھیلاؤ کو روکنے کے حوالے سے لیے جانے والے اقدامات پر شک کرنا پڑ رہا ہے۔‘
انھوں نے دعویٰ کیا کہ امریکی فوجیوں نے چار جولائی کو فوجی اڈے سے باہر جا کر پارٹیز میں گئے اور مقامی نائٹ لائف علاقوں میں بھی گئے۔
اوکیناوا کے مقامی لوگوں اور امریکی فورسز کے درمیان تناؤ کی کیفیت رہی ہے۔ مقامی افراد فوجیوں کی منتقلی کے بارے میں ایک عرصے سے احتجاج کر رہے ہیں۔
17 جولائی 2020بریکنگ, صوبہ خیبرپختونخوا میں 183 نئے مریض، مزید چھ اموات
،تصویر کا ذریعہGovt. of KPK
پاکستان کے صوبہ خیبر پختونخوا میں گذشتہ 24 گھنٹوں کے دوران مزید 183 نئے مریض سامنے آئے جبکہ چھ ہلاکتیں بھی ہوئیں۔
اب تک صوبے میں صحتیاب ہونے والے افراد کی کل تعداد 22873 ہو گئی ہے جبکہ کل 31669 کیسز بھی سامنے آ چکے ہیں۔
17 جولائی 2020کورونا وائرس کا ٹیسٹ کیسے ہوتا ہے اور کیوں ضروری ہے؟
،تصویر کا ذریعہGetty Images
نیا میں کورونا وائرس کے مریضوں کی تعداد میں اضافے کا سلسلہ جاری ہے اور جہاں اس سے 200 سے زیادہ ممالک میں 25 لاکھ سے زیادہ افراد متاثر ہو چکے ہیں وہیں ہلاکتوں کی تعداد بھی ایک لاکھ 71 ہزار سے بڑھ چکی ہے۔
دنیا بھر کی حکومتوں نے کورونا وائرس کے خلاف جنگ میں مختلف طریقوں سے اپنا ردِعمل ظاہر کیا ہے اور عالمی ادارۂ صحت نے جن چیزوں کو اس کوشش میں سب سے اہم قرار دیا ہے ان میں سے ایک اس بیماری کی تشخیص کے لیے زیادہ سے زیادہ افراد کی ٹیسٹنگ کا عمل ہے۔
دنیا میں کورونا وائرس کے ٹیسٹ کرنے کا عمل مختلف ممالک میں مختلف رفتار سے جاری ہے۔ امریکہ میں جہاں ابتدا میں اس عمل میں سست رفتاری دکھائی دی وہ اب دنیا میں سب سے متاثرہ ملک بن چکا ہے اور اب وہاں ٹیسٹنگ کے عمل میں تیزی آئی ہے۔
مزید جانیے اس تحریر میں۔
17 جولائی 2020وبا کے دوران ایشیا بھر میں قزاقی کے واقعات میں اضافہ
،تصویر کا ذریعہGetty Images
ایک نئی رپورٹ کے مطابق کورونا وائرس کی وبا کے دوران ایشیا بھر میں قزاقی کے واقعات میں تیزی سے اضافہ ہوا ہے۔
سال کے پہلے چھ ماہ میں 50 کیسز رپورٹ ہوئے اور یہ تعداد گذشتہ برس اس دورانیہ میں 25 واقعات ہوئے تھے۔ یہ رپورٹ ری کیپ نام ادارے کی جانب سے شائع کی گئی ہے۔
ایسے واقعات جو کسی ریاست کی حدود سے باہر ہوں انھیں قزاقی کہا جاتا ہے جبکہ اگر یہ کسی ریاست کی حدود میں ہوں تو انھیں مسلح ڈکیتی کا نام دیا جاتا ہے۔
یونیورسٹی آف ٹینیز کے سکالر برینڈن پرنز کا کہنا ہے کہ امکان یہی ہے کہ کورونا وائرس کے دوران لوگ سمندری قزاقی پر مجبور ہوئے ہیں۔
انھوں نے بی بی سی سے بات کرتے ہوئے کہا کہ ’مجھے خوف یہ ہے کہ کووڈ 19 کے باعث عالمی تجارت میں کمی آئے گی جس سے شرح نمو بھی کم ہو گی اور اس کے باعث غربت میں اضافہ ہو گا اور بیروزگاری بڑھے گی اور پھر سمندری قزاقی میں بھی اضافہ ہو گا۔‘
17 جولائی 202060 فیصد امریکی ڈونلڈ ٹرمپ کے کورونا وائرس کے خلاف ردِ عمل سے خوش نہیں: سروے
،تصویر کا ذریعہReuters
امریکہ میں اخبار واشنگٹن پوسٹ اور اے بی سی نیوز کی جانب سے کیے جانے والے سروے کے مطابق زیادہ تر امریکی صدر ڈونلڈ ٹرمپ کے عالمی وبا کے خلاف ردِ عمل سے خوش نہیں ہیں۔
سروے کے مطابق 60 فیصد امریکی صدر کی جانب سے کووڈ 19 کے خلاف ردِ عمل سے خوش نہیں تھے۔ یہ مئی میں سامنے آنے والے 53 فیصد سے زیادہ ہے۔ جبکہ 38 فیصد ان کے ردِ عمل کی حمایت کرتے ہیں۔
10 میں سے چھ امریکیوں کا کہنا ہے کہ وہ ڈونلڈ ٹرمپ کے کووڈ 19 سے متعلق بیانیے پر یقین نہیں کرتے۔
امریکی صدر پر سکولوں کو جلد کھولنے کے فیصلے پر تنقید کی گئی ہے کیونکہ ریاستوں میں کیسز بتدریج بڑھ رہے ہیں۔ ناقدین کا ماننا ہے کہ صدر نے عالمی وبا کے دوران طبی حکام کی بات نہیں سنی۔
رواں ہفتے امریکی یونیورسٹی کوینیپیاک کے ایک سروے کے مطابق 62 فیصد ووٹرز یہ سمجھتے ہیں کہ ٹرمپ عالمی وباؤ کا پھیلاؤ روکنے کے حوالے سے کیے جانے والے اقدامات میں حائل ہو رہے ہیں۔
17 جولائی 2020کورونا وائرس سے بچنے لیے خلائی لباس پہننے والا برازیلین جوڑا
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
وہ کیا طریقہ ہو، جس سے آپ خود کو کووڈ 19 سے محفوظ بھی رکھ سکیں اور باہر نکل کر چہل قدمی بھی کر سکیں؟ اسی مشکل کا ایک دلچسپ حل ڈھونڈا ہے برازیل کے ایک جوڑے نے۔۔ حفاظتی سوٹ پہنے چہل قدمی کرتے انھیں دیکھ کر گمان تو یہ ہوتا ہے کہ آپ زمین کا نہیں بلکہ خلا کا نظارہ کر رہے ہیں۔
17 جولائی 2020کورونا وائرس ویکسین بنانے میں کم سے کم سات ماہ لگ سکتے ہیں: انڈین دوا ساز کمپنی
،تصویر کا ذریعہGetty Images
انڈیا میں دوا ساز کمپنی زائڈس کڈیلا نے کہا ہے کہ ان کی جانب سے بنائی جانے والی کورونا وائرس ویکسین کے کلینکل ٹرائلز اگلے برس فروری یا مارچ تک مکمل کرنے کا منصوبہ بنیا ہے۔
خبررساں ادارے روئٹرز کے مطابق کمپنی کے چیئرمین پنکج پٹیل کا کہنا ہے کہ سب کچھ معمول کے مطابق رہا تو کمپنی ایک سال میں ویکسین کی 10 کروڑ خوراکیں بنانے کے قابل ہو جائے گی۔
کڈیلا کی جانب سے بنائی جانے والی ویکیسن کو ذی وائے کووڈی کا نام دیا گیا ہے۔
کمپنی کا خیال ہے کہ وہ اگلے دو سے تین ماہ میں ویکسین کے انسانوں پر تجربے کے پہلے اور دوسرے مرحلے کو مکمل کر لے گی۔
گذشتہ ماہ کڈیلا نے امریکی کمپنی جلیئڈ کے ساتھ مل کر انڈیا میں ویکسین بنانے کا معاہدہ کیا تھا۔
17 جولائی 2020بریکنگ, نئی دہلی میں متاثرین ایک لاکھ 20 ہزار سے تجاوز کر گئے
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
انڈیا کی ریاست دلی میں گذشتہ 24 گھنٹوں کے دوران 1462 نئے مریض سامنے آئے ہیں۔ اس طرح ریاست میں کیسز کی مجموعی تعداد ایک لاکھ 20 ہزار سے تجاوز کر گئی ہے۔
گذشتہ 24 گھنٹوں کے دوران مزید 26 افراد اس وائرس کے باعث ہلاک بھی ہوئے ہیں جس سے ریاست میں ہلاک ہونے والوں کی کل تعداد 3571 ہو گئی۔
تاہم اس وقت ریاست میں 17235 افراد زیرِ علاج ہیں جبکہ 99301 صحتیاب ہو چکے ہیں۔
17 جولائی 2020انڈیا میں کورونا وائرس سے متاثرہ افراد کے نجی آئی سی یوز
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
انڈیا میں کورونا وائرس کے مثبت کیسز کی تعداد دس لاکھ سے تجاوز کر گئی ہے، اور اس وقت انڈیا متاثرہ ممالک کی فہرست میں تیسرے نمبر پر ہے۔
جہاں ایک جانب حکومت کی جانب سے دعوے کیے جاتے ہیں کہ تمام متاثرہ افراد کے لیے ضروری طبّی سہولیات فراہم کی جارہی ہیں وہیں سینکڑوں کی تعداد میں متاثرہ افراد کو ہسپتالوں میں بستروں کی کمی کی وجہ سے واپس لوٹنا پڑا۔
وہ افراد جو استطاعت رکھتے ہیں اپنے گھروں میں ہی علاج کی ضروری سہولیات کا انتظام کر رہے ہیں جن میں نجی آئی سی یو بھی شامل ہیں۔
گھروں میں آئی سو یو کیسے بنائے جارہے ہیں، دیکھیے بی بی سی کے نِتِن شریواستو کی رپورٹ