قازقستان میں دوبارہ لاک ڈاؤن نافذ، پنجاب میں 646 نئے متاثرین، 13 ہلاکتیں

دنیا میں کورونا کے مریضوں کی تعداد ایک کروڑ 14 لاکھ سے تجاوز کر چکی ہے جبکہ پاکستان میں اب تک دو لاکھ 31 ہزار سے زیادہ لوگ متاثر ہو چکے ہیں۔ قازقستان میں کورونا کے متاثرین میں اضافے کے بعد دوبارہ لاک ڈاؤن نافذ کر دیا گیا ہے جبکہ امریکی ریاست ٹیکساس کے شہر آسٹن کے میئر نے خبردار کیا ہے کہ اگر کورونا کے متاثرین میں اضافہ ہوتا رہا تو اگلے دو ہفتوں میں ہسپتالوں میں بستر کم پڑ سکتے ہیں۔

لائیو کوریج

4 جولائی 2020امریکہ کا 244واں یومِ آزادی: کورونا وائرس کے سائے میں 4 جولائی کا دن کیسے منایا جا رہا ہے
،تصویر کا ذریعہReuters
امریکی شہری یومِ آزادی یعنی 4 جولائی کا دن عام طور پر آتش بازی دیکھنے یا پریڈوں میں سرخ، سفید اور نیلے رنگ کی جھنڈیاں لہرانے میں گزارتے ہیں۔۔ لیکن اس برس کورونا وائرس کے باعث بہت سے امریکیوں نے یوم آزادی کے موقع پرگھر پر ہی رہنا مناسب سمجھا۔
امریکہ کا 244واں یومِ آزدی اس بار ایسے موقع پر آیا ہے جب ملک کی کم سے کم آٹھ ریاستوں میں کورونا وائرس کے یومیہ متاثرین کی تعداد میں ریکارڈ اضافے کے بعد متعدد گورنرز معاشرتی دوری کے سخت اقدامات نافذ کرنے پر مجبور ہو گئے ہیں اور لوگوں کو گھروں میں رہ کر یومِ آزادی منانے کی تاکید کی گئی ہے۔
،تصویر کا ذریعہReuters
،تصویر کا ذریعہReuters
،تصویر کا ذریعہReuters
،تصویر کا ذریعہReuters
4 جولائی 2020دنیا بھر میں کورونا وائرس سے سب سے زیادہ متاثرہ ممالک میں پاکستان کہاں پر ہے؟
،تصویر کا ذریعہhttps://coronavirus.jhu.edu/data/mortality
جان ہاپکنز یونی ورسٹی کی جانب سے جمع کیے گئے اعداد و شمار کے مطابق کووڈ 19 سے سب سے زیادہ متاثر ہونے والے 20 ممالک میں فی 100 متاثرین پر موت کی شرح کے اعتبار سے پاکستان کا نمبر 15 ہے۔
اس کا مطلب یہ ہے کہ مجموعی آبادی یا اس کی اوسط کے بجائے صرف متاثرین کی تعداد کے اعتبار سے اگر شرح نکالی جائے تو کس ملک میں موت کی شرح سب سے زیادہے ہے۔
اس حوالے سے برطانیہ پہلے نمبر پر ہے جہاں 285000 سے زیادہ متاثرین کی تشخیص ہو چکی ہے اور وہ دنیا میں ساتویں نمبر پر ہے، لیکن شرح اموات کے اعتبار سے 15.5 فیصد کے ساتھ وہ پہلے نمبر پر ہے۔ اب تک برطانیہ میں 44 ہزار سے زیادہ ہلاکتیں ہوئی ہیں۔
برطانیہ کے بعد میکسیکو کا نمبر آتا ہے جہاں متاثرین 245000 سے زیادہ ہیں لیکن اب تک 29 ہزار سے زیادہ اموات ہو چکی ہیں اور اس کی شرح 12.2 فیصد بنتی ہے۔
دنیا میں کل متاثرین اور کل اموات کے اعتبار سے پہلے نمبر پر امریکہ ہے لیکن اس فہرست میں 4.7 فیصد کے ساتھ ان کے نمبر چھٹا ہے۔
پاکستان میں 225000 سے زیادہ متاثرین سامنے آئے ہیں لیکن اموات کی شرح 2.14 فیصد ہے اور وہ اس فہرست میں 15ویں نمبر پر ہے۔
4 جولائی 2020برازیل میں ماسک پہننا لازمی قرار، تاہم صدر بولسونارو کے مطابق چرچ، سکول اور بازار میں یہ قانون لاگو نہیں ہوگا
،تصویر کا ذریعہGetty Images
برازیل کے صدر جئیر بولسونارہ نے ملک میں ماسک پہننے کو لازمی قرار دینے والے قانون کی منظور دے دی ہے لیکن ساتھ ساتھ یہ بھی اضافہ کروایا ہے کہ بازار، گرجا گھر اور سکولوں میں ماسک پہننا ضروری نہیں ہوگا۔
سوشل میڈیا پر جاری کیے گئے پیغام میں برازیل کے صدر نے کہا کہ وہ لوگ جو اپنے گھروں پر ماسک نہیں پہنیں گے ان پر جرمانہ عائد کیا جا سکتا ہے۔
انھوں نے ایک بار پھر اس بات کو تسلیم کرنے سے انکار کیا کہ برازیل میں کورونا وائرس ایک بڑا مسئلہ ہے حالانکہ دنیا میں سب سے زیادہ متاثرین اور اموات کے اعتبار سے دوسرا نمبر برازیل کا ہے۔
ملک میں اب تک 15 لاکھ سے زیادہ افراد متاثر ہو چکے ہیں اور 60 ہزار سے زیادہ اموات ہوئی ہیں۔
4 جولائی 2020روس میں کورونا وائرس سے ہونے والی ہلاکتوں کی تعداد 10 ہزار سے تجاوز کر گئی
،تصویر کا ذریعہReuters
روس میں سنیچر کو ناول کورونا وائرس سے متاثرہ 6632 نئے مریضوں کی تصدیق کی گئی ہے جس کے بعد ملک میں متاثرین کی کل تعداد 674،515 ہوگئی ہے۔
حکام کے مطابق گذشتہ 24 گھنٹوں کے دوران کووڈ 19 سے مزید 168 افراد ہلاک ہوگئے جس کے بعد ہلاکتوں کی مجموعی تعداد 10027 ہوگئی ہے۔
4 جولائی 2020آسٹریلیا: وکٹوریہ میں 108 نئے متاثرین، تین مہینوں میں اب تک کا سب سے بڑا اضافہ
،تصویر کا ذریعہReuters
آسٹریلیائی کی دوسری سب سے زیادہ آبادی والی ریاست وکٹوریہ میں مارچ کے آخر سے اب تک کورونا وائرس متاثرین کی سب سے بڑی تعداد سامنے آئی ہے جس کے بعد حکام نے مزید دو مضافاتی علاقوں کے لیے گھروں میں رہنے کے حکامات میں توسیع کی ہے اور نو پبلک ہاؤسنگ ٹاورز میں مکمل لاک ڈاؤن کر دیا گیا ہے۔
اس جنوب مشرقی ریاست میں 108 نئے متاثرین رپورٹ ہوئے درج کیے گئے ہیں۔
پچھلے ایک ہفتے سے وکٹوریہ میں متاثرین کی تعداد بڑھتی جا رہی ہے جس کے بعد حکام نے ہفتے کے شروع میں 30 سے زیادہ مضافاتی علاقوں میں لاک ڈاؤن نافذ کر دیا تھا۔
4 جولائی 2020ڈیکسا میتھازون اور پلازمہ کا استعمال کب کرنا چاہیے؟
دنیا بھر کی طرح پاکستان میں بھی کورونا وائرس کے علاج کے بارے میں جاننے کی تگ و دو جاری ہے۔
جہاں ایک طرف ڈیکسامیتھازون دوا کو علاج کے لیے ایک اہم پیشرفت کا خطاب ملنے کے بعد وہ اب مارکٹ میں دستیاب نہیں ہے وہیں دوسری جانب پلازمہ ڈونیٹ کرنے کے بارے میں جیسے ہی اطلاع عام ہوئی تو لوگوں نے ایک لاکھ کی رقم کے عوض اپنے پلازمہ لوگوں میں بانٹے۔
لیکن ماہرین نے متنبہ کیا ہے کہ یہ تمام طریقہ اور ادویات اس وقت انڈر ٹرائل ہیں۔ اور ان کو کورونا وائرس کا مکمل علاج سمجھنا غلط ہے۔
اس بارے میں بی بی سی نے آغا خان یونیورسٹی ہسپتال کے شعبہ وبائی امراض کے سیکشن ہیڈ ڈاکٹر فیصل سے بات کی، انھوں نے اس تمام تر صورتحال کے بارے میں کہا دیکھیے اس ویڈیو میں
4 جولائی 2020کورونا وائرس: کولمبیا میں جج نے ضعیف افراد پر قرنطینہ پابندیوں کو متعصبانہ قرار دیا
،تصویر کا ذریعہReuters
کولمبیا کے ایک جج نے حکومت کو 70 سال یا اس سے زیادہ عمر کے افراد پرکورونا وائرس کے دوران خصوصی پابندیوں کے اطلاق سے روک دیا ہے۔
جج نے ان اقدامات کو بزرگ افراد کے لیے متعصبانہ قرار دیا جن کے تحت ملک میں قرنطینہ پابندیاں جولائی کے وسط سے ختم کی جا رہی ہیں لیکن ضعیف افراد کو اگست کے آخر تک ان کا پابند بنایا جا رہا تھا۔
4 جولائی 2020عالمی ادارہ صحت: وائرس کے متعلق پہلی اطلاع ہمارے دفتر نے دی، چین نے نہیں بتایا
،تصویر کا ذریعہReuters
عالمی ادارہ صحت کا کہنا ہے کہ ادارے کو ووہان میں نمونیا کے پہلے کیسوں کے متعلق چین نے نہیں بتایا تھا بلکہ انھیں چین میں موجود اپنے دفتر سے پہلا الرٹ موصول ہوا تھا۔
عالمی ادارہ صحت نے کووڈ 19 بحران کے ابتدائی مراحل کی اطلاعات ملنے سے متعلق تازہ ترین معلومات جاری کی ہیں۔
خبر رساں ادارے اے ایف پی کے مطابق، رواں ہفتے شائع ہونے والی نئی ٹائم لائن سے ایسے اشارے ملتے ہیں کہ 31 دسمبر کو چین میں ڈبلیو ایچ او کے دفتر نے ووہان ہیلتھ کمیشن کی ویب سائٹ پر مقامی میڈیا کو دی جانے والی معلومات کی روشنی میں اپنے علاقائی دفتر کو ’وائرل نمونیہ‘ کے مریضوں سے متعلق مطلع کیا تھا۔
اسی روز ڈبلیو ایچ او کی وبا سے متعلق انفارمیشن سروس نے امریکہ میں کام کرنے والے وباؤں سے متعلق عالمی نگرانی کے نیٹ ورک سے ایک خبر ملی جس میں نامعلوم وجوہات کی بنا پر نمونیہ کے انھیں متاثرین کا تذکرہ تھا۔
جس کے بعد ڈبلیو ایچ او نے یکم اور 2 جنوری کو چینی حکام سے اس بارے میں معلومات طلب کیں، جو انھوں نے 3 جنوری کو فراہم کیں۔
ڈبلیو ایچ او کی ہنگامی صورتحال کے ڈائریکٹر مائیکل ریان نے جمعہ کے روز ایک پریس کانفرنس میں بتایا کہ کسی بھی ملک کے پاس کسی واقعے کی باضابطہ طور پر تصدیق کرنے اور ایجنسی کو کسی واقعے کی نوعیت یا اس کے بارے میں اضافی معلومات فراہم کرنے کے لیے 24 سے 48 گھنٹے کا وقت ہوتا ہے۔
ریان نے مزید بتایا کہ رپورٹ کی تصدیق کے لیے چینی حکام نے فوری طور پر ایجنسی سے رابطہ کیا۔
4 جولائی 2020کورونا انسانی جسم پر کیسے حملہ آور ہوتا ہے؟
،تصویر کا ذریعہGetty Images
چین سے شروع ہو کر دنیا کے بیشتر ممالک میں پھیلنے والے کورونا وائرس کے انفیکشن سے لڑنے والے ڈاکٹروں کی لڑائی ایسی ہے جیسے وہ کسی نامعلوم دشمن کے خلاف لڑ رہے ہوں۔
یہ آپ کے جسم پر کیسے حملہ آور ہوتا ہے؟ انفیکشن کے بعد انسانی جسم میں کس قسم کی علامات پیداہوتی ہیں؟
کن لوگوں کے لیے شدید بیمار ہونے یا مرنے کے خدشات زیادہ ہوتے ہیں؟ اور آپ اس کا علاج کس طرح کریں گے؟
چین کے شہر ووہان کے جنینٹان ہسپتال میں اس وبائی مرض کا علاج کرنے والی ڈاکٹروں کی ٹیم نے اب ان سوالات کے جوابات دینا شروع کردیئے ہیں۔
کورونا وائرس سے متاثر ہونے والے پہلے 99 مریضوں کے علاج سے متعلق مفصل رپورٹ لانسیٹ میڈیکل جرنل میں شائع ہوئی ہے۔
4 جولائی 2020چین میں کورونا وائرس کے تین نئے متاثرین کی تصدیق
،تصویر کا ذریعہReuters
چین میں سنیچر کے روز کورونا وائرس کے تین نئے متاثرین رپورٹ ہوئے۔ جبکہ ایک دن قبل یہ تعداد پانچ تھی۔
نیشنل ہیلتھ کمیشن کے مطابق نئے متاثرین میں سے دو افراد بیرونِ ملک سے آئے ہیں جبکہ دارالحکومت بیجنگ میں ایک نیا مریض رپورٹ ہوا ہے۔
ملک میں کوئی نئی اموات نہیں ہوئیں۔
چین میں چار نئے اےسیمپوٹومیٹک مریضوں کی تصدیق کی گئی ہے۔ ملک میں کووڈ 19 متاثرین کی مجموعی تعداد 83،545 ہو گئی ہے۔
مئی کے وسط سے چین میں کورونا وائرس سے ہونے والی ہلاکتوں کی تعداد 4634 ہے اور اس میں کوئی اضافہ نہیں ہوا۔
4 جولائی 2020پاکستان میں صحتیاب ہونے والوں کی تعداد فعال متاثرین سے بڑھ گئی، یومیہ صحتیاب ہونے والوں کی تعداد میں ریکارڈ اضافہ
جون کے آخری ہفتے کے بعد سے پاکستان میں جہاں کورونا وائرس کے پھیلاؤ کے رجحان میں جہاں ٹیسٹنگ میں کمی دیکھنے میں آئی ہے، اس کے ساتھ ساتھ یومیہ نئے متاثرین کی تعداد میں بھی واضح کمی سامنے آئی ہے۔
،تصویر کا ذریعہhttp://www.covid.gov.pk/
لیکن اس سے بھی زیادہ خوش آئند بات مجموعی صحتیاب ہونے والوں کی تعداد میں زبردست اضافہ ہے۔
تین جولائی کو پاکستان میں یومیہ صحتیاب ہونے والے افراد میں ریکارڈ اضافہ سامنے آیا جب اعداد و شمار کے مطابق 11 ہزار سے زیادہ افراد صحتیاب ہو گئے جس میں سے نو ہزار سے زیادہ صرف پنجاب میں تھے۔
،تصویر کا ذریعہhttp://www.covid.gov.pk/
،تصویر کا ذریعہhttp://www.covid.gov.pk/
جولائی کے پہلے تین دنوں میں پاکستان میں 24 ہزار سے زیادہ افراد صحتیاب ہوئے ہیں اور کورونا وائرس کے آغاز کے بعد یہ پہلا موقع ہے جب فعال متاثرین کی تعداد مجموعی صحتیاب ہونے والوں سے کم ہو گئی ہے۔
گذشتہ تین دنوں میں پاکستان میں صحتیاب ہونے والوں کی تعداد:
1 جولائی: 3892
2 جولائی: 8929
3 جولائی: 1147
،تصویر کا ذریعہhttp://www.covid.gov.pk/
4 جولائی 2020کیا چمگادڑ کورونا وائرس پھیلاتے ہیں؟
سائنسدان کووڈ 19 کے نقطہ آغاز سے متعلق تحقیقات میں مصروف ہیں اور ایسے میں اس بات کا خوف بڑھ رہا ہے کہ چمگادڑ اس وبا کو پھیلا رہے ہیں۔ چمگادڑوں کی بحالی کا کام کرنے والے ان الزامات کو رد کرتے ہیں اور بتاتے ہیں کہ چمگاذڑ کس طرح انسانوں کی مدد کرتے ہیں۔
4 جولائی 2020انڈیا: متاثرین کی تعداد میں ایک بار پھر ریکارڈ اضافہ، 24 گھنٹوں میں 442 اموات
،تصویر کا ذریعہReuters
انڈیا میں گذشتہ 24 گھنٹوں کے دوران کورونا وائرس کے باعث 442 افراد ہلاک ہوگئے ہیں اور 22،771 نئے متاثرین کی تصدیق کی گئی ہے۔
وزارت صحت کے اعداد و شمار کے مطابق ملک میں کورونا متاثرین کی کل تعداد بڑھ کر 648،315 ہوگئی ہے۔
فعال متاثرین کی تعداد 235،433 ہے اور 394،227 صحتیاب ہو چکے ہیں۔
ملک میں کورونا سے اب تک 18،655 افراد ہلاک ہوچکے ہیں۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
4 جولائی 2020کیا انڈیا میں کورونا ویکسین یومِ آزادی، 15 اگست سے دستیاب ہو گی؟, میانک بھگوت، دیپتی باتنی، بی بی سی مراٹھی / بی بی سی تلگو
،تصویر کا ذریعہGetty Images
انڈین کونسل آف میڈیکل ریسرچ (آئی سی ایم آر) نے امید ظاہر کی ہے کہ انڈیا میں بنائی جانے والی کورونا ویکسین عام لوگوں کے استعمال کے لیے 15 اگست تک دستیاب ہو جانی چاہئے۔ کونسل نے اس ویکسین کے ٹرائل سے وابستہ اداروں کو ایک خط میں یہ بات کہی ہے۔
یہ ویکسین آئی سی ایم آر اور حیدرآباد میں مقیم انڈیا بائیوٹیک کمپنی مل کر بنارہی ہیں۔
آئی سی ایم آر کا کہنا ہے کہ کلینیکل ٹرائل مکمل ہونے کے بعد یہ ویکسین عام لوگوں کے لئے 15 اگست یعنی انڈیا کی آزادی کے دن شروع کی جاسکتی ہے۔
انڈیا کے 12 ادراوں کو کلینیکل ٹرائلز کے لیے منتخب کیا گیا ہے۔ آئی سی ایم آر کے ڈائریکٹر ڈاکٹر بلارام بھگوا نے 2 جولائی کو ان 12 اداروں کو ایک خط میں کہا ہے کہ انھیں 7 جولائی تک کلینیکل ٹرائل کی اجازت لے لینا چاہیے۔
اپنے خط میں ڈاکٹر بھگوا لکھتے ہیں ’کورونا سے بچنے کے لیے آئی سی ایم آر کے ذریعے بنائی گئی ویکسین کے فاسٹ ٹریک ٹرائلز کے لیے انڈیا بائیوٹیک کمپنی کے ساتھ معاہدہ کیا گیا ہے۔‘
’کلینیکل ٹرائل کے بعد، آئی سی ایم آر اس ویکسین کو 15 اگست تک لوگوں تک پہنچانا چاہتا ہے۔ انڈیا بایوٹیک بھی ہنگامی بنیادوں پر کام کر رہا ہے۔ لیکن اس ویکسین کی کامیابی کا انحصار ان اداروں کی حمایت پر ہے جو کلینیکل ٹرائلز کے لیے منتخب ہوئے ہیں۔‘
4 جولائی 2020جنوبی کوریا میں 63 مزید نئے متاثرین، کل تعداد 13 ہزار سے زیادہ ہو گئی
،تصویر کا ذریعہAFP
جنوبی کوریا میں 63 نئے مریضوں کی تشخیص کے بعد ملک میں کورونا وائرس سے متاثرہ افراد کی کل تعداد 13 ہزار سے زیادہ ہو گئی ہے جبکہ کل ہلاکتیں 283 ہو چکی ہیں۔
دارالحکومت سئیول میں 28 نئے کیسز سامنے آئے جن میں سے 27 افراد ایسے تھے جو بیرون ملک سفر کر کے کوریا پہنچے تھے۔
چین میں بھی تین نئے مریضوں کی تشخیص ہوئی ہے اور اب ملک میں مریضوں کی کل تعداد 83 ہزار سے زیادہ جبکہ کل اموات 4634 ہو چکی ہیں۔
4 جولائی 2020میونسپل کونسلر نے ’زوم شاور‘ کے بعد استعفیٰ کی پیشکش کر دی
اگرچہ ہم میں سے کئی ایک کچھ مہینوں سے زیادہ زوم میٹنگز کر رہے ہیں، لیکن اس نئی ٹیکنالوجی کے مسائل کچھ لوگوں کے لیے شرمندگی کا باعث بھی بنے ہیں۔
شمالی سپین کے علاقے ٹوریلاویگا میں ایک میونسپل کونسلر کو ایک زوم کال کے بعد ہونے والی شرمندگی پر اپنے استعفیٰ کی پیشکش کرنی پڑی۔
بظاہر ان کی ویڈیو سب کو نظر آ رہی تھی جب برنارڈو بسٹِلو نے وقت بچانے کے لیے میٹنگ کے دوران ہی نہایا اور پھر اپنی بیٹی کو سیر کے لے گئے۔
اس واقع کی فوٹیج میں وہ ایک جگہ شاور سے برہنہ باہر نکلتے ہوئے نظر آتے ہیں۔ اس کے بعد یہ ویڈیو وائرل ہو گئی۔
میڈیا کو بھیجے گئے ایک خط میں انھوں نے کہا کہ اگر کسی کو واقع سے ’پریشانی‘ ہوئی ہے تو انھیں اس پر افسوس ہے لیکن اخبار ایل منڈو کے مطابق انھوں نے یہ بھی کہا کہ انھیں نہیں لگتا کہ انھیں معافی مانگنی چاہیئے۔
انھوں نے کہا کہ ’میں نہیں سمجھتا کہ یہ کوئی مجرمانہ، اخلاقی یا قابلِ بے حرمتی فعل تھا، لیکن ایک غلطی تھی جس میں سمجھا گیا کہ کیمرا منقطع ہے۔‘
4 جولائی 2020امریکہ میں ایک دن میں 53 ہزار، برازیل میں 42 ہزار سے زیادہ نئے متاثرین کی تشخیص
،تصویر کا ذریعہAFP
لاطینی امریکی ملک برازیل میں ایک دن میں 42 ہزار سے زیادہ نئے متاورین کی تشخیص ہوئی ہے جبکہ امریکہ میں 53 ہزار سے زیادہ نئے مریض سامنے آئے ہیں۔
دنیا بھر میں کورونا وائرس سے سب سے زیادہ متاثرہ یہی دونوں ممالک ہیں جہاں سب سے زیادہ مریض اور سب سے زیادہ اموات ہوئی ہیں۔
گذشتہ 24 گھنٹوں میں برازیل میں 1290 مزید افراد ہلاک ہو گئے اور ملک میں کل ہلاکتوں کی تعداد 63 ہزار سے زیادہ ہو گئی ہے۔
4 جولائی 2020ایئر فرانس کا 7500 افراد کو نوکری سے برخاست کرنے کا فیصلہ
،تصویر کا ذریعہGetty Images
فرانسیسی فضائی کمپنی ایئر فرانس نے 7500 افراد کو نوکری سے نکالنے کا فیصلہ ہے۔ یہ فیصلہ ایک ایسے وقت میں سامنے آیا ہے جب دنیا بھر میں مختلف فضائی کمپنیاں کورونا وائرس کی وجہ سے شدید مشکلات کا شکار ہیں۔
یورپ کی دوسری سب سے بڑی فضائی کمپنی اپنے 6560 ملازمین کو نوکری سے فارغ کرے گی جبکہ اس کی مقامی ذیلی کمپنی ’ہاپ!‘ 1020 افراد کو برخاست کرے گی۔ ’
کمپنی نے ایک بیان میں کہا: ’حالات میں بہتری میں کافی دیر ہو سکتی ہے۔‘
4 جولائی 2020بریکنگ, پاکستان میں کورونا وائرس کی تازہ ترین صورتحال، 68 مزید اموات
پاکستان کے نیشنل کمانڈ اینڈ آپریشن سینٹر (این سی او سی) کے مطابق پاکستان میں تین جولائی کو 68 مزید افراد کی ہلاکت کے بعد کل اموات کی تعداد 4619 ہو گئی ہیں۔
لیکن دوسری جانب ٹیسٹنگ کا رجحان مسلسل کم دیکھا جا رہے اور تین جولائی کو بھی 22 ہزار کے قریب ٹیسٹس کیے گئے جبکہ ملک میں یومیہ صلاحیت این سی او سی کے مطابق 71 ہزار کے قریب ہے۔
تاہم ایک خوش آئند بات جو سامنے آئی ہے کہ ملک میں پہلی مرتبہ مجموعی طور پر صحتیاب ہونے والوں کی تعداد اس وقت کووڈ 19 میں مبتلا افراد سے زیادہ ہو گئی ہے۔
26 فروری سے پہلے کیس کی تشخیص کے بعد پاکستان میں اب تک کل 225283 مریضوں کی شناخت ہو چکی ہے۔
4 جولائی 2020امریکہ: 24 گھنٹوں میں کورونا وائرس کے 53،000 نئے متاثرین
،تصویر کا ذریعہGetty Images
امریکہ میں جمعے کے روز کورونا وائرس کے 53،000 نئے متاثرین رپورٹ ہوئے ہیں۔
خبر رساں ادارے روئٹرز کے مطابق امریکہ کی متعدد ریاستوں میں نئے کیس سامنے آئے ہیں۔
جمعہ کو الاباما، الاسکا، اڈاہو، مسیسیپی، شمالی کیرولینا، جنوبی کیرولائنا اور ٹینیسی میں ریکارڈ متاثرین سامنے آئے۔
تاہم جمعرات کو اس سے بھی زیادہ نئے مریض رپورٹ ہوئے تھے۔ جمعرات کو مجموعی طور پر 55،405 افراد میں کووڈ 19 کی تصدیق کی گئی تھی۔