کورونا وائرس: دنیا میں اب تک کیا ہوا؟

دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔

لائیو کوریج

20 مار چ 2020پاکستان میں انٹرنیٹ بینکنگ سے رقومات کی منقتلی اور ادائیگی پر عائد تمام چارجز کا خاتمہ
،تصویر کا ذریعہGetty Images
پاکستان کے بینکوں نے صارفین کو مشورہ دیا ہے کہ وہ بینک کے دفاتر آنے سے گریز کریں اور بلوں کی ادائیگی، رقومات کی منتقلی کے لیے آن لائن بینکنگ، موبائل بینکنگ یا پھر ڈیبٹ کارڈ کا استعمال کریں۔
یہ ہدایات جمعرات کو سٹیٹ بینک آف پاکستان کی جانب سے سامنے آنے والے احکامات کی روشنی میں جاری کیے گئے ہیں۔
خیال رہے کہ سٹیٹ بینک نے انٹرنیٹ، موبائل بینکنگ سے رقومات کی منقتلی اور ادائیگی پر عائد تمام چارجز ختم کردیے تھے۔
سٹیٹ بینک کے ترجمان عابد قمر نے بی بی سی کے نامہ نگار ریاض سہیل کو بتایا کہ کورونا وائرس کی صورتحال کی وجہ سے یہ فیصلہ کیا گیا ہے تاکہ فنانشل سہولیات موجود رہیں اور لوگوں کی بینکوں میں آمد کو کم سے کم کیا جا سکے۔
ان کا کہنا تھا کہ اس اقدام سے کرنسی کے پھیلاؤ کو کم سے کم کیا جا سکے گا کیونکہ کرنسی نوٹ کے ذریعے بھی وائرس پھیلنے کے خدشات موجود ہوتے ہیں۔
سٹیٹ بینک کے جائزہ رپورٹ کے مطابق پاکستان میں ڈیجیٹل چینلز کے ذریعے بینکنگ کا رجحان مقبول ہو رہا ہے۔ ریئل ٹائم آن لائن برانچز، اے ٹی ایم، پی او ایس مشینوں، انٹرنیٹ بینکنگ، موبائل بینکنگ، کال سینٹرز، ای کامرس اس کا ذریعہ ہیں۔ ایک تخمینے کے مطابق گزشتہ سال ان ذرائع سے 170 ٹرلین کی منتقلیاں کی گئی ہیں۔
رپورٹ کے مطابق پاکستان میں اس وقت ساڑھے 15 ہزار سے زائد بینکوں کی برانچز ہیں جبکہ 15 ہزار کے قریب اے ٹی ایم مشینیں اور 56 ہزار سے زائد پی او ایس مشینیں موجود ہیں۔
،تصویر کا ذریعہState Bank of Pakistan
20 مار چ 2020کورونا: بلوچستان میں ’گھر گھر‘ آگاہی مہم چلائی جائے گی
،تصویر کا ذریعہGetty Images
بلوچستان میں کورونا وائرس کی روک تھام اور اس سلسلے میں آگاہی پیدا کرنے کے لیے ہر انتظامی افسر کو تین روز تک اپنے علاقے میں گھر گھر جا کر آگاہی مہم چلانے کی ہدایت دی گئی ہے۔
وزیر اعلیٰ بلوچستان جام کمال خان کی زیر صدارت ایک اعلیٰ سطحی اجلاس میں فیصلہ کیا گیا ہے کہ تمام ڈویژنل کمشنرز، ڈپٹی کمشنرز، ڈسٹرکٹ ہیلتھ آفیسرز، اسسٹنٹ کمشنرز، ایس ایس پی اور تحصیلدار اپنے اپنے علاقوں میں تین دن تک تسلسل کے ساتھ عوامی آگاہی مہم چلائیں گے۔
اس دوران احتیاطی معلومات پر مبنی پمفلٹ تقسیم کیے جائیں گے اور پولیو ورکرز اور لیڈی ہیلتھ ورکرز کو بھی مہم میں شامل کیا جائے گا جو گھر گھر جاکر احتیاطی تدابیر کا پیغام پہنچائیں گی۔
اجلاس میں صوبے کے واپس آنے والے زائرین کو قرنطینہ میں علیحدہ علیحدہ رہائش کی سہولت دینے کے انتظامات کو فوری طور مکمل کرنے کی ہدایت کی گئی ہے۔
اجلاس میں چمن میں قائم کیے جانے والے قرنطینہ میں تمام ضروری پروٹوکول کو یقینی بنانے اور زیادہ سے زیادہ غسل خانوں کی تعمیر کی ہدایت کی گئی ہے۔
چیف سیکریٹری بلوچستان نے اجلاس کو آگاہ کیا کہ این ڈی ایم اے نے رہائش اور غسل خانوں کی سہولت سے آراستہ 900 کنٹینر روانہ کئے ہیں جن میں سے 600 کنٹینر تفتان اور 300 کوئٹہ کے لئے ہیں۔
20 مار چ 2020عمران خان کا چمن بارڈر کھولنے کا اعلان!
پاکستان کے وزیرِ اعظم عمران خان نے افغانستان کے ساتھ چمن-سپین بولدک سرحد کھولنے کا اعلان کرتے ہوئے ٹرکوں کو افغانستان میں داخلے کی اجازت دینے کی ہدایات دی ہیں۔
ایک ٹویٹ میں عمران خان کا کہنا تھا کہ کورونا وائرس جیسی عالمی وبا پھوٹنے کے باوجود ہم اپنے افغان بھائیوں اور بہنوں کی مدد کے لیے پوری طرح یکسو اور پرعزم ہیں۔
انھوں نے کہا کہ ’میں نے چمن-سپین بولدک سرحد کھولتے ہوئے ٹرکوں کو افغانستان میں داخلے کی اجازت دینے کی ہدایات دی ہیں۔
’بحرانی کیفیت میں ہم پوری ثابت قدمی سے افغانستان کے ساتھ ہیں۔‘
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
20 مار چ 2020امریکہ: کیلیفورنیا کے لاک ڈاؤن پر مزید تفصیلات
کیلیفورنیا کے گورنر گیوین نیوسوم نے کہا ہے کہ وہ لوگوں سے ’گھر پر رہنے‘ کے احکامات پر عمل کرنے کے لیے طاقت کا استعمال کرنے کے بجائے سماجی دباؤ پر منحصر ہیں۔
چنانچہ توقع یہ کی جا رہی ہے کہ چند یورپی ممالک کے برعکس جہاں لوگوں پر گھروں سے باہر نکلنے پر جرمانے عائد کیے جا رہے ہیں، وہاں کیلیفورنیا میں اس حوالے سے قانون نافذ کرنے والے ادارے حرکت میں نہیں آئیں گے۔
پریس کانفرنس کے دوران ہی ان سے پوچھا گیا کہ ریاست میں جو غیر رجسٹرڈ تارکینِ وطن ہیں، کیا وہ ڈاکٹرز کے پاس جا پائیں گے، تو اس پر گورنر کا کہنا تھا کہ کیلیفورنیا میں ’بلا امتیاز طبی سہولیات سب کے لیے موجود ہیں۔‘
پبلک پالیسی انسٹیٹیوٹ آف کیلیفورنیا کے مطابق ریاست میں 23 لاکھ سے 26 لاکھ کے درمیان غیر رجسٹرڈ تارکینِ وطن موجود ہیں۔
گورنر نیوسوم نے کہا کہ انھیں علم ہے کہ کیلیفورنیا میں ایشیا سے تعلق رکھنے والے افراد کے خلاف نسل پرستانہ رویہ رکھا جا رہا ہے۔
’یہاں تک کہ لوگوں کی جائے پیدائش اور ان کے چہرے کے خدوخال کی وجہ سے ان پر حملوں میں بھی اضافہ ہوا ہے۔‘
انھوں نے عوام سے اپیل کی کہ یہ مرحلہ انسانیت کی مشترکہ بنیادوں پر غور کرنے کا ہے۔
انھوں نے کورونا وائرس کی وبا سے نمٹنے کے لیے کیلیفورنیا کے لیے ایک ارب ڈالر امداد کی بھی اپیل کی۔
20 مار چ 2020جنوبی کوریا یورپ سے آنے والے تمام افراد کا ٹیسٹ کرے گا
،تصویر کا ذریعہGetty Images
جنوبی کوریا نے 22 مارچ سے یورپ سے آنے والے تمام افراد کا ٹیسٹ کرنے کا فیصلہ کیا ہے۔
بی بی سی نیوز کی لاؤرا بکر کے مطابق جیسے جیسے جنوبی ایشیا میں بیرونِ ملک سے آنے والے کورونا وائرس کیسز میں اضافہ ہو رہا ہے جنوبی کوریا نے اس حوالے سے کوئی کسر نہ چھوڑنے کا فیصلہ کیا ہے اور یورپ سے آنے والے تمام افراد کے ٹیسٹ کروانے کا فیصلہ کیا ہے۔
اگر ٹیسٹ منفی آیا تو:
- جنوبی کوریائی باشندوں یا وہ افراد جو ملک میں طویل المدتی ویزا پر موجود ہیں کو 14 دنوں کے لیے اپنے ہی گھر میں یا حکومتی مرکز میں آئیسولیشن میں رکھا جائے گا۔
- اگر کوئی غیر ملکی شخص مختصر دورانیے کے لیے یورپ سے جنوبی کوریا آیا ہے اور اس کا ٹیسٹ منفی آتا ہے تو انھیں ایک فون ایپلیکیشن ڈاؤن لوڈ کرنی ہو گی جس کے ذریعے وہ علامات کے بارے میں معلومات حاصل کر سکتے ہیں اور صحت کے حکام انھیں ہر روز کال کر کے ان کی طبیعت دریافت کریں گے۔
اگر ٹیسٹ مثبت آیا تو:
- ایسے افراد کو ان کی علامات کو دیکھتے ہوئے قرنطینہ میں رکھا جائے گا۔ دوسری جانب دیگر ممالک سے آنے والے افراد کے درجہ حرارت چیک کیے جائیں گے، انھیں ایک سوال نامہ بھرنا ہو گا اور روزانہ کی بنیادوں پر انھیں اپنے فون پر موجود ایپلیکیشن کے ذریعے علامات کا جائزہ لینا ہو گا۔
20 مار چ 2020جی 7 سربراہی اجلاس ملتوی کر دیا گیا
،تصویر کا ذریعہGetty Images
،تصویر کا کیپشنجاپان کے وزیراعظم شنزو آبے گی 7 کی ویڈیو کانفرس سے باہر آتے ہوئے
امریکہ نے جی 7 سربراہی اجلاس کو ملتوی کر دیا ہے جسے رواں سال جون میں امریکہ میں کیمپ ڈیوڈ میں منعقد ہونا تھا۔
جی 7 دنیا کے سات ترقی یافتہ ممالک کی تنظیم ہے جس میں کینیڈا، فرانس، جرمنی، اٹلی، جاپان، برطانیہ اور امریکہ شامل ہیں۔ مگر اس وقت یہ تمام ممالک کورونا وائرس کو پھیلنے سے روکنے کے لیے بحرانی صورتحال کا سامنا کر رہے ہیں اور معیشتوں پر وائرس کے متوقع اثرات سے نمٹنے کی تیاری کر رہے ہیں۔
کم از کم رہنما اور وفود تو ملاقات نہیں کریں گے اور یوں معلوم ہوتا ہے کہ جیسے ایک عالمی سربراہی کانفرنس میں بھی گھروں سے شرکت کی جا سکتی ہے۔
وائٹ ہاؤس کے ترجمان جوڈ ڈیر کا کہنا ہے کہ تمام میٹنگز ویڈیو کانفرنس کے ذریعے ہوں گی تاکہ ’تمام ممالک اپنے تمام تر وسائل کو کووِڈ-19 سے جنم لینے والے طبی اور معاشی مسائل سے نمٹنے کے لیے استعمال کر سکیں۔‘
20 مار چ 2020امریکہ کا پاکستان کو ’10 لاکھ ڈالر‘ کی امداد دینے کا اعلان
امریکی وزارت خارجہ کے بیورو آف ساؤتھ اینڈ سینٹرل ایشیا نے ایک ٹویٹ میں کہا ہے کہ امریکہ نے کووڈ 19 سے نمٹنے کے لیے پاکستان کو ابتدائی طور پر 10 لاکھ ڈالر کی امداد دینے کا فیصلہ کیا ہے۔
ایک ٹویٹ میں ان کا کہنا تھا کہ یہ امداد وبا کی بہتر مانیٹرنگ اور اس حوالے سے ردِ عمل بہتر بنانے کے لیے دی گئی ہے۔ اس ٹویٹ میں مزید کہا گیا ہے کہ دنیا کو صحت کے حوالے سے درپیش مسائل کا سامنا کرنے کے لیے امریکہ اور پاکستان کی طویل شراکت داری رہی ہے۔
’اس وقت سینٹر آف ڈیزیز کنٹرول کی وبائی بیماریوں کی لیب کے 100 سے زائد پاکستانی گریجویٹس گلگت بلتستان اور پنجاب میں کووڈ 19 کے کیسز پر تحقیق کر رہے ہیں۔‘
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
20 مار چ 2020کیلیفورنیا میں شہریوں کو ’گھر پر رہنے‘ کا حکم
،تصویر کا ذریعہGetty Images
امریکہ کی سب سے زیادہ آبادی والی ریاست کیلیفورنیا میں انتظامیہ نے کورونا وائرس کے پھیلاؤ کو روکنے کے لیے شہریوں کو ’گھر پر رہنے‘ کا حکم دے دیا ہے۔
ریاست کے گورنر گیون نیوسام نے شہریوں سے کہا کہ وہ اس عالمی وبا کے دوران صرف اس وقت گھروں سے نکلیں جب سخت ضرورت ہو۔
انھوں نے اس سے قبل ایک اندازے کے مطابق کہا تھا کہ ریاست کی چار کروڑ آبادی کے نصف کو اگلے دو مہینوں میں کووڈ 19 کی تشخیص ہو سکتی ہے۔
امریکہ میں اس وائرس کے نتیجے میں اب تک 200 افراد ہلاک جبکہ کل 13678 اس وائرس سے متاثر ہوئے ہیں۔
20 مار چ 2020بریکنگ, اردن میں فوج نے کورونا وائرس کے پیشِ نظر دارالحکومت امان کا کنٹرول سنبھال لیا
اردن میں فوج نے دارالحکومت امان کو دیگر ملک سے مکمل طور پر منقطع کر کے شہر کا کنٹرول سنبھال لیا ہے۔
شہر کے داخلی پوائنٹس پر آرمی کے چیک پوائنٹس بنا دیے گئے ہیں۔ شہر میں داخل ہونے پر پابندی لگا دی گئی ہے جس کے تحت صرف اہم ترین ساز و سامان اور لوگوں کو ہی داخل ہونے دیا جائے گا۔
گذشتہ روز اردن میں تصدیق شدہ کیسز کی تعداد میں 13 مریضوں کا اضافہ ہوا جس کے بعد ملک میں کل کیسز کی تعداد 69 ہوگئی ہے۔
،تصویر کا ذریعہEPA
20 مار چ 2020فرانس میں 24 گھنٹوں میں 108 اموات
فرانس میں گذشتہ 24 گھنٹوں میں اموات کی تعداد میں 108 افراد کا اضافہ ہوا ہے اور اب ملک میں کورونا وائرس سے اموات کی تعداد 372 ہوگئی ہے۔
فرانس میں صحت کے سرکردہ ماہر کا کہنا ہے کہ انفیکشن ’ہر چار دن میں دگنا‘ ہو رہا تھا اور وائرس کا پھیلاؤ ’تیزی اور شدت‘ سے پھیل رہا تھا۔
20 مار چ 2020, کورونا وائرس: کیا ماسک پہننے سے وائرس کی منتقلی سے بچا جا سکتا ہے؟
،تصویر کا ذریعہGetty Images
انفیکشن سے بچنے کے لیے ایسے نقاب یا ماسک کا استعمال دنیا کے بہت سے ممالک میں مقبول ہے۔ خاص طور پر چین میں کورونا وائرس کے حالیہ پھیلاؤ کے دوران ان کا استعمال بڑھ گیا ہے جبکہ ایسے ہی ماسک چین میں بڑے پیمانے پر پائی جانے والی فضائی آلودگی سے بچنے کے لیے بھی پہنے جاتے ہیں۔
تاہم ماہرین فضا سے پھیلنے والے وائرس سے بچاؤ میں ماسک کے پراثر ہونے کو شک کی نظر سے دیکھتے ہیں۔
مکمل خبر: کیا ماسک آپ کو کورونا وائرس سے بچا سکتا ہے؟
19 مار چ 2020’اگر وائرس پھیل گیا تو لاکھوں افراد مر سکتے ہیں‘
،تصویر کا ذریعہGetty Images
اقوام متحدہ کے سیکریٹری جنرل نے عالمی رہنماؤں کو کورونا وائرس کے پھیلاؤ کو روکنے کے لیے مل کر کام کرنے کے بارے میں سخت انتباہ جاری کیا ہے۔
انٹونیو گوٹریس کا کہنا تھا کہ ’اگر ہم وائرس کو جنگل کی آگ کی طرح پھیلنے دیں، خاص طور پر دنیا کے انتہائی کمزور خطوں میں تو یہ لاکھوں افراد کو ہلاک کردے گا۔ عالمی یکجہتی نہ صرف اخلاقی ضروری ہے، بلکہ یہ ہر ایک کے مفاد میں ہے۔
’صحت کے شعبے میں آنے والی اس تباہی سے یہ بات واضح ہوجاتی ہے کہ ہم صحت کے کمزور ترین نظام کی طرح ہی مضبوط ہیں۔‘
اقوام متحدہ کے سیکرٹری جنرل نے حکومتوں اور بین الاقوامی اداروں پر بھی زور دیا کہ وہ معاشی طور پر کمزور طبقے، کم اجرت والے مزدوروں ، اور چھوٹے اور درمیانے درجے کے کاروباری افراد کی مدد کریں۔
19 مار چ 2020ملکہ برطانیہ کا عوام کو یکجا ہونے کا پیغام
،تصویر کا ذریعہGetty Images
ملکہ برطانیہ نے عوام کے نام اپنے پیغام میں کہا ہے کہ قوم ایک ’انتہائی تشویشناک اور غیر یقینی کے دور میں داخل ہو رہی ہے‘۔
93 سالہ ملکہ نے سائنسدانوں، میڈیکل اور ایمرجنسی سٹاف کی تعریف کی لیکن ساتھ ہی کہا کہ ہر کسی کو ’اہم کردار ادا کرنا ہے‘۔
ان کا کہنا تھا کہ ’ہماری تاریخ ان لوگوں اور کمیونیٹیز کی وجہ سے آگے بڑھی ہے جنھوں نے ایک ہو کر کام کیا ہے‘
ملکہ برطانیہ آج لندن سے وِنڈزر روانہ ہوگئی ہیں۔
ان کا یہ بیان نیشنل ہیلتھ سروس کی جانب سے 137 ہلاکتوں کی تصدیق کے بعد بنگھنگم پیلس نے جاری کیا ہے۔
19 مار چ 2020بریکنگ, برطانیہ میں ہلاکتیں 137 تک پہنچ گئیں
برطانیہ میں کورونا وائرس سے متاثرہ افراد کی ہلاکتوں کی تعداد 137 تک پہنچ گئی ہے۔
جبکہ اس سے قبل انگلینڈ کی نیشنل ہیلتھ سروس نے مزید 29 افراد کی ہلاکت کی تصدیق کی تھی۔
شمالی آئرلینڈ میں بھی کورونا سے پہلی ہلاکت ہوئی ہے اور سکاٹ لینڈ میں مزید تین افراد ہلاک ہوئے ہیں۔
19 مار چ 2020برطانوی حکومت کی بریفنگ میں مزید کیا کہا گیا
برطانوی وزیر اعظم بورس جانسن کا کہنا ہے کہ وہ پراعتماد ہیں کہ برطانیہ میں اگلے 12 ہفتوں میں وائرس سے نمٹنے میں پیش رفت ہوگی لیکن صرف اس وقت جب لوگ حکومت کی ہدایات پر عمل کریں۔
اس کے بعد ان کا کہنا تھا کہ ’اب تک نہیں لگتا‘ کہ اس بیماری پر حکومتی اقدامات جیسا کہ سوشل ڈسٹنسنگ یا سماجی دوری کا اثر ہو رہا ہے۔ ساتھ ہی ان کا کہنا تھا کہ ’میں آپ کو بتا سکتا ہوں کہ جون کے آخر تک اگر ممکن ہوا تو اس بیماری میں کمی آئے گی‘۔
19 مار چ 2020بورس جانسن: حکومت کو شاید لندن میں مزید اقدامات کرنے پڑیں
،تصویر کا ذریعہGetty Images
،تصویر کا کیپشنبرطانوی وزیر اعظم بورس جانسن میڈیا کو روزانہ بریفنگ دیتے ہیں
جمعرات کو بریفنگ کے دوران برطانوی وزیر اعظم بورس جانسن سے لندن میں سخت اقدامات کی قیاس آرائیوں کے بارے میں پوچھا گیا۔
ان کا کہنا تھا وہ یہ دیکھنا چاہتے ہیں کہ ’ہم نے دارالحکومت میں جہاں یہ بیماری تیزی سے بڑھ رہی ہے، جو ہدایات دی ہیں لوگ ان پر عمل کریں‘۔
ان کا کہنا تھا کہ اس بات کے شواہد ملے ہیں کہ لوگ اس پر عمل کر رہے ہیں کیوں کہ بارز، ریستورانوں اور ٹراسپورٹ نیٹورک میں لوگوں کی تعداد کم ہے۔
لیکن ان کا یہ بھی کہنا تھا کہ ’کچھ شواہد ہیں کہ ۔۔۔ بعض معاملات میں لوگ ان ہدایات پر عمل نہیں کر رہے جو انھیں کرنی چاہییں۔‘
انھوں نے مزید کہا کہ اس کے نتیجے میں حکومت کو ’مزید اقدامات‘ کرنے ہوں گے لیکن ’ایسے کوئی امکانات نہیں ہیں کہ ہم لندن میں پبلک ٹرانسپورٹ بند کرنا چاہیں‘۔
19 مار چ 2020کورونا وائرس: آپ کیسے محفوظ رہ سکتے ہیں؟
کورونا وائرس سے بچاؤ کے لیے کیا کریں؟ جانیے کہ آپ کیا اقدامات کر کے اس سے محفوظ رہ سکتے ہیں۔
19 مار چ 2020بریکنگ, بلوچستان میں 5 مزید نئے مریض، ملک میں مجموعی تعداد 450 سے تجاوز کر گئی
پاکستان کے صوبہ پنجاب، بلوچستان، خیبر پختونخوا اور کراچی میں جمعرات کو 152 نئے مریض سامنے آنے کے بعد ملک میں کورونا وائرس سے متاثرہ افراد کی تعداد 454 تک پہنچ گئی ہے۔
اب تک پاکستان میں دو افراد اس مرض سے ہلاک بھی ہو چکے ہیں جن کا تعلق خیبرپختونخوا سے تھا۔
سندھ کی وزیر صحت کی میڈیا کورڈنیٹر میران یوسف کے مطابق کراچی میں اب تک 93 افراد میں کووڈ-19 کی تصدیق ہوئی ہے اور ان میں سے 41 افراد میں یہ وائرس مقامی طور پر منتقل ہوا جو کہ انتہائی پریشان کن ہے۔
وفاقی اور صوبائی اعداد و شمار کے مطابق اس وقت سندھ میں 245، پنجاب میں 78، بلوچستان میں 81، خیبر پختونخوا میں 23, گلگت بلتستان میں 21 اور اسلام آباد میں کورونا کے پانچ متاثرین موجود ہیں۔ اس کے علاوہ پاکستان کے زیرِ انتظام کشمیر میں بھی ایک مریض کی تصدیق کی گئی ہے۔
19 مار چ 2020بریکنگ, کورونا وائرس: اٹلی میں ہونے والی ہلاکتیں چین سے تجاوز کر گئیں
،تصویر کا ذریعہEPA
اٹلی میں کورونا وائرس سے ہونے والی ہلاکتیں چین میں ہونے والی ہلاکتوں سے تجاوز کر گئیں ہیں۔
اٹلی میں گذشتہ 24 گھنٹوں میں کورونا وائرس سے متاثرہ 427 افراد نے دم توڑا، جس کے بعد ملک میں اموات کی مجموعی تعداد 3405 ہو گئی ہے۔
19 مار چ 2020بریکنگ, پاکستان میں کورونا کے 147 نئے مریض، متاٰثرین 449 ہو گئے
،تصویر کا ذریعہGetty Images
پاکستان کے صوبہ پنجاب، بلوچستان، خیبر پختونخوا اور کراچی میں جمعرات کو 147 نئے مریض سامنے آنے کے بعد ملک میں کورونا وائرس سے متاثرہ افراد کی تعداد 449 تک پہنچ گئی ہے۔
اب تک پاکستان میں دو افراد اس مرض سے ہلاک بھی ہو چکے ہیں جن کا تعلق خیبرپختونخوا سے تھا۔
سندھ کی وزیر صحت کی میڈیا کورڈنیٹر میران یوسف کے مطابق کراچی میں اب تک 93 افراد میں کووڈ-19 کی تصدیق ہوئی ہے اور ان میں سے 41 افراد میں یہ وائرس مقامی طور پر منتقل ہوا جو کہ انتہائی پریشان کن ہے۔
وفاقی اور صوبائی اعداد و شمار کے مطابق اس وقت سندھ میں 245، پنجاب میں 78، بلوچستان میں 76، خیبر پختونخوا میں 23, گلگت بلتستان میں 21 اور اسلام آباد میں کورونا کے پانچ متاثرین موجود ہیں۔ اس کے علاوہ پاکستان کے زیرِ انتظام کشمیر میں بھی ایک مریض کی تصدیق کی گئی ہے۔