کورونا وائرس: دنیا میں اب تک کیا ہوا؟

لائیو کوریج

1. 20 مار چ 2020انڈیا میں پھنسے پاکستانی بچے کی واپسی

   کورونا وائرس کی صورتحال میں پاکستان اور انڈیا کی طرف سے سرحدیں بند کرنے کے بعد کئی شہری دونوں اطراف پھنس گئے۔ انڈیا میں پھنسے ایک 12 سالہ پاکستانی بچے کو جمعے کو پاکستان داخلے کی خصوصی اجازت دی گئی۔ تفصیل دیکھیے اس رپورٹ میں

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

2. 20 مار چ 2020افریقہ کی صورتحال کیا ہے؟

   

   ،تصویر کا ذریعہGetty Images

   اب پورے افریقہ میں تصدیق شدہ کیسوں کی تعداد بڑھ کر 850 ہوگئی ہے، جو صرف ایک ہفتہ قبل ریکارڈ کی جانے والی تعداد سے چھ گنا زیادہ ہے۔

   پورے براعظم میں ممالک نے اس وائرس کے پھیلاؤ کو روکنے کے لیے متعدد اقدامات اٹھائےہیں جن میں سینیگال اور تیونس سمیت چند ممالک نے تمام مذہبی اجتماعات کو معطل کر دیا ہے۔

3. 20 مار چ 2020سماجی دوری کیسے قائم کی جائے؟

   

4. 20 مار چ 2020سندھ میں 11 نئے مریض، ملک میں متاثرین کی کل تعداد 478 ہو گئی

   

   ،تصویر کا ذریعہGetty Images

   پاکستان کے صوبے سندھ میں کورونا وائرس کے 11 نئے مریض سامنے آئے ہیں جس کے بعد صوبے میں متاثرین کی کل تعداد 249 ہو گئی ہے جبکہ ملک میں تعداد 478 تک پہنچ گئی ہے۔

   وزیر اعلیٰ سندھ سید مراد علی شاہ نے عوام سے اپیل کی ہے کہ وہ اگلے تین روز مکمل طور پر خود کو تنہائی میں رکھیں۔

5. 20 مار چ 2020شادیوں سے وبا کا پھیلاؤ

   آسٹریلیا میں ایک شادی کی تقریب میں شرکت کرنے والے کم از کم 35 افراد میں کورونا وائرس کی تشخیص ہوئی ہے۔

   اے بی سی نیوز کے مطابق یہ شادی 6 مارچ کو نیو ساؤتھ ویلز میں ہوئی تھی۔

   ادھر یوروگوائے میں ایک شادی میں شرکت کے بعد 44 مہمانوں کو ایک ایسے شخص سے وائرس منتقل ہوا ہے جو یورپ سے ہو کر آیا تھا۔

6. 20 مار چ 2020کورونا وائرس: انڈیا کا شہر ممبئی لاک ڈاؤن کی طرف بڑھ رہا ہے

   

   ،تصویر کا ذریعہGetty Images

   انڈیا کا معاشی دارالحکومت ممبئی کورونا وائرس کی وبا کے باعث لاک ڈاؤن کی طرف بڑھ رہا ہے۔

   انڈیا کی مغربی ریاست مہاراشٹرا کے وزیر اعلیٰ ادھو ٹھاکرے نے آج ممبئی، پونے، پمپری چنچواڑ اور ناگپور سمیت ریاست کے بڑے شہروں میں جزوی طور پر لاک ڈاؤن کے متعدد اقدامات کا اعلان کیا۔

   ریاست مہاراشٹرا ملک میں سب سے زیادہ متاثرہ ریاست ہے اور یہاں مجموعی طور پر 52 کورونا وائرس کے مثبت کیسز سامنے آئے ہیں۔ جبکہ ممبئی میں اس سے اب تک ایک ہلاکت ہوئی ہے۔

   لاک ڈاؤن کے حوالے سے مندرجہ ذیل اقدامات کیے گئے ہیں:

   1. تمام نجی دفاتر، دکانیں، مالز، عوامی مقامات، تھیئٹرز کو 31 مارچ تک بند کر دیا گیا ہے۔ نجی دفاتر تمام ملازمین کو گھر سے کام کرنے کی سہولت فراہم کریں گے۔

   2. شہر میں صرف اشیا خوردو نوش کی دکانیں، دودھ کی دکانیں، میڈیکل سٹورز اور بینک کھلے رہیں گے۔ سرکاری دفاتر صرف 25 فیصد افرادی قوت کے ساتھ کام کریں گے۔ تمام ملازمین روٹیشن میں کام کریں گے۔

   3. سکول اور کالج 31 مارچ تک بند رہیں گے۔ اس تعلیمی سال کے بیشتر گریڈز کے امتحانات منسوخ کر دیئے گئے ہیں اور چند کو ملتوی کردیا گیا ہے۔

   تاہم ریاست میں اب تک ٹرینیں، بسیں اور دیگر عوامی ٹرانسپورٹ چلتی رہے گی۔ لیکن اگر صورتحال خراب ہوئی تو حکومت ان کی بندش کا فیصلہ کر سکتی ہے۔

   حکومت نے تمام عوامی، سماجی، سیاسی تقاریب کی اجازت پہلے ہی منسوخ کر دی ہے اور شہریوں کو گھر کے اندر ہی رہنے کا مشورہ دیا ہے۔

7. 20 مار چ 2020پی ڈی ایم اے سندھ نے کورونا آگاہی مہم کا آغاز کر دیا

   پی ڈی ایم اے سندھ نے صوبے میں کویڈ-19 سے نمٹنے کے لیے آگاہی مہمات کاآغاز کیا ہے جن میں ہاتھوں کی صفائی کی متعلق مہم اور آگاہی مہم شامل ہے۔

   اس سلسلے میں پی ڈی ایم اے میں رضاکار شامل ہو رہے ہیں جو سڑکوں پر عوام کی خدمت کر رہے ہیں اور کوویڈ 19 کے خلاف حقیقی معنوں میں اگلے محاذ پر لڑنے والے ثابت ہو رہے ہیں۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

8. 20 مار چ 2020پاکستان میں اب تک وائرس قابو میں ہے: وزیر اعظم عمران خان

   وزیر اعظم عمران خان کا کہنا ہے کہ تفتان سے آنے والے کیسز کے علاوہ پاکستان میں اب تک یہ وائرس قابو میں ہے اور ’ہم اس پر قابو پا سکتے ہیں‘۔

   ان کا کہنا تھا کہ اگر شہری ڈیڑھ ماہ تک عوامی مقامات پر نہ جائیں اور اگر کسی میں بیماری کی علامات ظاہر ہوں تو وہ خود کو محدود (قرنطینہ) کر لے اور یہ ہسپتال جانے سے زیادہ ضروری چیز ہے کیونکہ 90 فیصد لوگوں کو ہسپتال کی ضرورت نہیں ہے۔

9. 20 مار چ 2020امریکہ میں ایک ہی خاندان کے 4 افراد کی موت

   

   ،تصویر کا ذریعہFamily photo / Go Fund MeCopyright

   نیو جرسی میں ایک ماں اور اس کے تین بالغ بچے کورونا وائرس سے ہلاک ہوگئے ہیں۔

   امریکی میڈیا کے مطابق ایک ساتھ کھانے کے بعد اب ان افراد کے مزید تین رشتہ دار ہسپتال میں ہیں۔

   73 سالہ گریس فُسکو اور ان کے تین بچوں کی موت بدھ اور جمعرات کو ہوئی۔ ان کے مزید تین بچے ہسپتال میں ہیں۔

   خاندان کے ترجمان کے مطابق خاندان کے 19 افراد اب خود ساختہ تنہائی میں ہیں اور ایک ہفتے سے اپنے ٹیسٹ کے نتائج کا انتظار کر رہے ہیں۔

   ترجمان نے سی این این سے بات کرتے ہوئے کہا کہ ان کے مطابق ’خاندان کے افراد جو کہ ہسپتال میں نہیں ہیں ان کے ٹیسٹ کے تنائج کیوں نہیں دیے جا رہے۔ ایسا کیوں ہے کہ ایتھلیٹس اور معروف شخصیات جن میں علامات بھی نہیں ہیں، انہیں اس خاندان سے زیادہ اہمیت دی جا رہی ہے جو وائرس سے سب سے زیادہ متاثر ہے۔‘

10. 20 مار چ 2020بریکنگ, تفتان میں برے حالات کا علم تھا، وزیر اعظم عمران خان

    پاکستان کے وزیر اعظم عمران خان کا کہنا ہے کہ جب قُم سے زائرین آنا شروع ہوئے تو ہم ایران کی حکومت سے مسلسل رابطے میں تھے کہ کس طرح صورتحال سے نمٹا جائے اور اس کے بعد ڈاکٹر ظفر مرزا خود تفتان گئے اور انھوں نے صورتحال دیکھ کر ہمیں بتایا کہ بہت برے حالات ہیں۔

11. 20 مار چ 2020بریکنگ, وزیر اعظم عمران خان: پاکستان میں کرفیو لگانا بہت مشکل کام ہے

    پاکستان کے وزیر اعظم عمران خان کا کہنا ہے کہ ملک میں مکمل طور پر لاک ڈاؤن کرنے کا مطلب ہے کہ ملک میں کرفیو نافذ کر دینا، ’اس وقت یہ کرنا ممکن نہیں کیونکہ اس کے وسائل پاکستان کے پاس نہیں۔ ضرورت پڑنے پر ہم لوگوں کو کلسٹر میں لاک ڈاؤن کریں گے۔‘

12. 20 مار چ 2020بریکنگ, کورونا کے درست اعداد و شمار منظر عام پر آنا حکومتی مفاد میں ہے: وزیراعظم عمران خان

    اسلام آباد میں سینئر صحافیوں سے ملاقات کے بعد گفتگو میں ان کا کہنا تھا کہ کورونا کے معاملے کی روزانہ کی بنیاد پر مانیٹرنگ کریں گے اور چین کے تجربات سے استفادہ حاصل کریں گے جبکہ جو بھی صورتحال ہوگی عوام کے سامنے رکھیں گے۔

    ان کا کہنا تھا کہ کورونا کے درست اعداد و شمار منظر عام پر آنا حکومت کے مفاد میں ہے۔

13. 20 مار چ 2020بریکنگ, پاکستان لاک ڈاؤن کا متحمل نہیں ہو سکتا: وزیراعظم عمران خان

    وزیر اعظم عمران خان کا کہنا ہے کہ پاکستان لاک ڈاؤن کا متحمل نہیں ہو سکتا، اس سے 'ہمیں خطرہ ہے کہ معاشرے میں افراتفری پھیلے گی، کمزور طبقہ مشکل کا شکار ہو گا۔ دوسرا خطرہ یہ ہے کہ لاک ڈاؤن سے ہسپتالوں میں طبی عملہ بھی متاثر ہو گا، ادویات کی فراہمی میں مشکل ہو گی۔ ہمیں سماجی دوری کا خیال رکھنا چاہیے اور عوام خود سے اس پر عمل کریں۔‘

14. 20 مار چ 2020بریکنگ, مریضوں کو انتہائی نگہداشت کی سہولت فراہم کرنا مشکل ہو گا، وزیر اعظم عمران خان

    وزیر اعظم عمران خان کا کہنا ہے کہ پاکستان میں وبا پھیلی تو 4 سے 5 فیصد مریضوں کو انتہائی نگہداشت کی ضرورت پڑے گی اور ان کو یہ سہولت فراہم کرنا مشکل ہو گا۔

15. 20 مار چ 2020بریکنگ, عالمی برادری ایران پر سے پابندیاں اٹھائے، وزیر اعظٌم عمران خان

    پاکستان کے وزیر اعظم عمران خان کا کہنا ہے کہ ایران میں کورونا کی وبا سے بہت مشکل صورتحال پیدا ہو چکی ہے اور عالمی برادری کو چاہیے اس وقت ایران پر عائد پابندیاں اٹھا لے۔

16. 20 مار چ 2020بریکنگ, میں ہفتے میں دو مرتبہ عوام سے خطاب کروں گا، وزیر اعظم عمران خان

    پاکستان کے وزیر اعظم عمران خان نے اسلام آباد میں سنئیر صحافیوں سے بات کرتے ہوئے کہا ہے کہ وہ عوام کو کورونا کی صورتحال پر آگاہ رکھیں گے اور ہفتے میں دو مرتبہ خطاب کریں گے

17. 20 مار چ 2020ایکسپو سینٹر کراچی میں قرنطینہ قائم کر دیا گیا

    پاکستان کے سب سے بڑے شہر کراچی میں صوبائی حکومت اور پاکستان کی فوج نے مل کر ایکسپو سینٹر کراچی میں کورونا وائرس سے متاثرہ افراد کے لیے آئسولیشن مرکز قائم کردیا گیا ہے۔

    

    ،تصویر کا ذریعہSyed Kazim Raza

18. 20 مار چ 2020پنجاب میں 16 نئے مریض، ملک میں کل تعداد 467 ہو گئی

    پاکستان کے صوبہ پنجاب میں جمعہ کے روز کورونا وائرس کے 16 نئے مریض سامنے آئے ہیں۔ جس کے بعد صوبے میں متاثرہ افراد کی تعداد 96 اور ملک میں کل تعداد 467 تک پہنچ گئی ہے۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

19. 20 مار چ 2020افراتفری میں خریداری کرنے والے افراد کے نام!

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

    آسٹریلیا کی ریاست نیو ساؤتھ ویلز کی پولیس نے ایک ٹویٹ میں افراتفری میں خریداری کرنے والے افراد کے لیے ایک خالی فہرست ٹویٹ کی ہے یعنی یہ بتایا ہے کہ ایسا کچھ بھی نہیں ہے جو آپ کو افراتفری میں خریدنے کی ضرورت ہے۔

    خیال رہے کہ دنیا بھر میں کورونا وائرس کے خدشات کے باعث گذشتہ چند روز کے دوران افراتفری میں خریداری کے کئی واقعات سامنے آئے ہیں جبکہ حکام اس حوالے سے شہریوں کو تحمل کا مظاہرہ کرنے کی تلقین کرتے رہے ہیں۔

20. 20 مار چ 2020ممبئی لاک ڈاؤن کے قریب!

    

    ،تصویر کا ذریعہGetty Images

    انڈیا میں کریانے کی دکانوں، دواخانوں اور دیگر ضروری سروسز دینے والی جگہوں کے علاوہ تمام نجی کاروباری مقامات کو 31 مارچ تک بند کرنے حکم دیا گیا ہے۔ یہ کسی بھی انڈین شہر میں کیے جانے والے سخت ترین اقدامات ہیں۔

    ممبئی اور دیگر شہروں میں سکول، کالج، شاپنگ مال اور سینما گھر پہلے ہی بند کر دیے گئے تھے۔ انڈیا کی ریاست مہاراشٹر میں 47 افراد میں کووڈ 19 کی تشخیص ہوئی ہے۔ یہ وہی ریاست ہے جہاں ممبئی شہر واقع ہے۔

    انڈیا میں مجموعی طور سامنے آنے والے کیسز کی تعداد 206 ہو چکی ہے۔ ممبئی شہر سے انڈیا کے جی ڈی پی کو چھ فیصد اور انکم ٹیکس ریوینیو کو 30 فیصد ملتا ہے۔