کورونا وائرس: دنیا میں اب تک کیا ہوا؟

دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔

لائیو کوریج

23 مار چ 2020یورپی یونین رکن ممالک میں ماسک اور وینٹی لیٹرز تقسیم کرے گا
یورپی یونین نے رکن ممالک کے لیے طبی سامان جیسے کہ ماسک اور وینٹی لیٹرز فراہم کرنے کا فیصلہ کیا ہے۔
یورپی کمیشن نے کہا ہے کہ اس کے لیے 90 فیصد مالی معاونت وہ فراہم کرے گا اور اس سامان کو ان ممالک میں تقسیم کیا جائے گا جن کو اس کی ضرورت ہے۔
یہ اعلان ایک ایسے وقت میں کیا گیا ہے جب یورپی یونین کو کوویڈ 19 سے بڑھتی ہوئی ہلاکتوں سے نمٹنے والی متعدد ریاستوں کی حمایت کے لیے خاطر خواہ اقدامات نہ کرنے پر تنقید کا نشانہ بنایا جا رہا ہے۔
اس کے علاوہ یورپی یونین بیرون ملک پھنسے رکن ممالک کے شہریوں کو وطن واپس لانے میں مدد بھی جاری رکھے ہوئے ہے۔ وطن واپسی کی لاگت کا 75 فیصد حصہ یورپی یونین کے ذریعہ پورا کیا جاتا ہے۔
23 مار چ 2020میک ڈونلڈ کا برطانیہ میں اپنے تمام ریستوران بند کرنے کا فیصلہ
،تصویر کا ذریعہGetty Images
فاسٹ فوڈ کمپنی میک ڈونلڈ نے 23 مارچ سے برطانیہ اور آئرلینڈ میں اپنے تمام ریستوران بند کرنے کا فیصلہ کیا ہے۔
میک ڈونلڈ انتظامیہ نے کہا ہے کہ یہ فیصلہ ’آسانی سے نہیں لیا گیا‘ بلکہ ’اپنے ملازمین کی فلاح و بہبود اور حفاظت کے ساتھ ساتھ ہمارے صارفین کے بہترین مفادات کوسامنے رکھ کر کیا گیا ہے۔
ٹوئٹر پر میک ڈونلڈ نے اپنے ’شاندار ملازمین‘ کا ان کی محنت پر شکریہ ادا کیا اور کہا کہ جیسے ہی یہ محفوظ ہو جائے گا ریستوران دوبارہ کھل جائیں گے۔
23 مار چ 2020کورونا وائرس: انگلینڈ میں 18 برس کا نوجوان دم توڑ گیا
انگلینڈ میں کورونا وائرس سے 18 برس کا ایک نوجوان دم توڑ گیا ہے۔
اتوار کے روز انگلینڈ میں کورونا وائرس سے 37 لوگ ہلاک ہوئے ہیں۔ اس کے علاوہ ویلز میں سات، سکاٹ لینڈ میں تین اور شمالی آئر لینڈ میں بھی ایک شخص ہلاک ہوا ہے۔
23 مار چ 2020نیویارک کے گورنر کی شہریوں پر تنقید: ’یہ جذبات سے عاری اور تکبر ہے‘
امریکی ریاست نیویارک کے گورنر اینڈریو کومو نے صحت سے متعلق سرکاری رہنمائی کی خلاف ورزی اور بڑے گروپوں میں میل جول کرنے پر شہریوں پر غصے کا اظہار کیا ہے۔
اتوار کے روز انھوں نے کہا ’یہ ایک غلطی ہے۔ یہ جذبات سے عاری اور تکبر ہے۔ یہ خود کو تباہ کرنے والا ہے۔‘
’یہ مذاق نہیں ہے اور میں مذاق نہیں کر رہا، انھوں نے شہریوں میں گھروں کے اندر رہنے سے پیدا ہونے والی مایوسی کا ذکر کرتے ہوئے کہا ’میں حتیٰ کہ کتے سے بھی تنگ ہو رہا ہوں۔‘
اینڈریو کومو نے بتایا کہ نیویارک میں کورونا وائرس کے 15168 کسیز ہیں جبکہ 114 افراد اس سے ہلاک ہو چکے ہیں۔
اینڈریو کومو نے نیویارک میں کورونا وائرس کے مریضوں کی بڑھتی تعداد کے پیش نظر تمام غیر تشویش ناک آپریشنز کو منسوخ کر دیا ہے۔
23 مار چ 2020بریکنگ, امریکی سینیٹر میں کورونا وائرس کی تشخیص
امریکی سینیٹر رینڈ پال میں کورونا وائرس کی تشخیص ہوئی ہے۔
امریکی ایوان نمائندگان کے کئی ممبران میں کورونا وائرس کی تشخیص ہو چکی ہے تاہم رینڈ پال وہ پہلے امریکی سینیٹر ہیں جن میں اس مرض کی تشخیص ہوئی ہے۔
،تصویر کا ذریعہGetty Images
23 مار چ 2020بریکنگ, فرانس میں ہلاکتوں کی تعداد 112 سے بڑھ کر 674 ہو گئی
فرانس میں کورونا وائرس سے ہونے والی ہلاکتوں کی تعداد 112 سے بڑھ کر 674 ہو گئی ہے۔
اتوار کے روز فرانس میں محکمہ صحت کے عہدیدار جیروم سالومون نے کہا ’وائرس ہلاک کرتا ہے اور اس کا یہ سلسلہ جاری ہے۔‘
انھوں نے خبردار کیا کہ فرانس میں اب تک کورونا وائرس کے 16018 کیسز ریکارڈ کیے گئے ہیں تاہم اس کی تعداد کہیں زیادہ ہو سکتی ہے۔
فرانس میں گزشتہ منگل سے لاک ڈاؤن ہے۔ جیروم سالومون نے فرانسیسی شہریوں سے ’صبر‘ کا مظاہرہ کرنے کی اپیل بھی کی ہے۔
22 مار چ 2020لاک ڈاؤن جیسے اقدامات ’صحیح موقع‘ پر ہی ہوں گے: بورس جانسن
برطانوی وزیراعظم بورس جانسن نے اتوار کو لندن میں ایک پریس کانفرنس کے دوران کہا ہے کہ ملک کو لاک ڈاؤن کرنے جیسے اقدامات کے یورپ میں اثرات ابھی سامنے نہیں آ سکے ہیں۔
ان کا کہنا تھا کہ اس سلسلے میں فیصلہ ہمیشہ سائنس کی رہنمائی میں لیا جائے گا۔ ’آپ کو اس قسم کے اقدامات اس وقت کرنے چاہییں جب ان کا اثر سب سے زیادہ ہو۔‘
بورس جانسن کا کہنا تھا کہ کرفیو کا نفاذ اور نقل و حرکت پر دیگر پابندیاں صحیح وقت پر ہی لگائی جانی چاہییں۔
برطانوی وزیراعظم نے متنبہ کیا کہ اگر سماجی دوری کے مشورے پر صحیح طریقے سے عمل نہ کیا گیا تو حکومت مزید اقدامات کرے گی۔
ان کا کہنا تھا کہ وہ چاہتے ہیں کہ لوگ باغات میں جاتے رہیں لیکن ایک دوسرے سے دو میٹر دور رہیں۔
22 مار چ 2020بریکنگ, جرمن چانسلر اینگلا مرکل بھی قرنطینہ میں منتقل
،تصویر کا ذریعہGetty Images
جرمنی کی چانسلر اینگلا مرکل بھی قرنطینہ میں چلی گئی ہیں، ان کے ترجمان کا کہنا ہے کہ اینگلا مرکل نے قرنطینہ منتقل ہونے کا فیصلہ اس لیے کیا ہے کیونکہ جمعہ کو انھوں نے جس ڈاکٹر سے ملاقات کی تھی ان کا کورونا ٹیسٹ مثبت آیا ہے۔
اتوار کے روز انھیں ایک پریس کانفرنس کے بعد ڈاکٹر کے مثبت ٹیسٹ کے بارے میں بتایا گیا تھا جس میں انھوں نے کورونا وائرس کے پھیلاؤ کو روکنے کے لیے مزید اقدامات کا اعلان کیا تھا۔
ان کی حکومت نے دو ہفتوں کے لیے گھر یا دفتر سے باہر دو افراد سے زیادہ کےاکھٹے ہونے پر پابندی عائد کر رکھی ہے۔
22 مار چ 2020بریکنگ, اٹلی میں مزید 651 ہلاکتیں، کل تعداد ساڑھے پانچ ہزار کے قریب
یورپی ملک اٹلی میں کورونا وائرس سے ہلاکتوں کی تعداد میں اضافے کا سلسلہ جاری ہے اور حکام نے تصدیق کی ہے کہ اتوار کو مزید 651 افراد اس کا شکار بن گئے ہیں۔
اس طرح اٹلی میں کووڈ-19 سے اب تک 5476 افراد ہلاک ہو چکے ہیں جو دنیا کے کسی بھی ایک ملک میں اس سے مرنے والوں کی سب سے زیادہ تعداد ہے۔
اٹلی میں اس وائرس کے مصدقہ متاثرین کی تعداد بھی دس فیصد اضافے کے بعد 59 ہزار سے بڑھ چکی ہے جو چین کے بعد دنیا میں دوسرے نمبر پر ہے۔
ان میں سے صرف چھ ہزار افراد ہی اب تک صحت یاب ہو سکے ہیں تاہم حکام کا کہنا ہے کہ روزانہ ہلاک ہونے والوں اور نئے مریضوں کی تعداد کم ہونا شروع ہو گئی ہے۔
22 مار چ 2020بریکنگ, برطانیہ میں اموات بڑھ کر 281 ہوگئیں
برطانیہ میں کورونا وائرس سے ہونے والی اموات میں 48 کا اضافہ ہوا ہے اور اموات کی کل تعداد 281 ہوگئی ہے۔
برطانیہ میں اب تک وائرس کے 5683 کیسز کی تصدیق ہو چکی ہے جو کہ سنیچر کے اعداد و شمار میں 665 کا اضافہ ہے۔
22 مار چ 2020کورونا وائرس کے خلاف لڑنے والے ’پہلی صف کے سپاہی‘
،تصویر کا ذریعہGetty Images
میں کچھ دن سے بیمار ہوں، ویسے جب بہار کا موسم آتا ہے تو ساتھ ہی پولن الرجی اور ’ہے فیور‘ بھی آ جاتا ہے۔ آنکھیں ملتے ہیں،چھینکیں مارتے ہیں اور ناک صاف کرتے رہتے ہیں۔ آج تک یہ سب کچھ نارمل تھا۔ لیکن اب نہیں ہے۔
عارف شمیم کی تحریر کو مزید پڑھیے: کورونا وائرس کے خلاف لڑنے والے ’پہلی صف کے سپاہی‘
22 مار چ 2020بریکنگ, جرمنی میں دو سے زیادہ لوگوں کے ملنے پر پابندی
جرمنی نے کورونا وائرس کا خاتمہ کرنے کے لیے مزید اقدامات کا اعلان کیا ہے جس میں کام یا گھر سے باہر دو سے زیادہ لوگوں کی ملاقات پر دو ہفتوں کی پابندی عائد کر دی گئی ہے۔
22 مار چ 2020کورونا وائرس مختلف سطحوں پر کتنی دیر تک زندہ رہ سکتا ہے؟
جیسے جیسے کورونا وائرس کی وبا پھیل رہی ہے، ہمارا سرفیسز یعنی کسی بھی چیز کی سطح جیسے کہ ٹیبل یا دروازے کا خوف بڑھتا جا رہا ہے۔
اب عوامی مقامات پر بہت سے مناظر عام ہو گئے ہیں جیسے کہ لوگوں کا دروازے اپنی کہنیوں سے کھولنے کی کوشش کرنا، ٹرین کا سفر کرتے ہوئے کسی ہینڈل کو نہ پکڑنا، دفاتر میں ہر روز ملازمین کا اپنی میزوں کو صاف کرنا۔
جن علاقوں میں کورونا کا بہت اثر پڑا ہے وہاں پر تو حکام عمارتوں، پارکس، اور گلیوں میں جراثیم کش ادویات چھڑک رہے ہیں۔
ہسپتالوں، دفاتر، دکانوں سب ہی میں صفائی کے اقدامات بڑھ گئے ہیں۔
مزید پڑھیے: کورونا وائرس مختلف سطحوں پر کتنی دیر تک زندہ رہ سکتا ہے؟
22 مار چ 2020کورونا وائرس: فون کو جراثیم سے پاک کرنے کا صحیح طریقہ
ہم اپنی روز مرہ زندگی میں موبائل فون کا سب سے زیادہ استعمال کرتے ہیں لیکن کیا آپ جانتے ہیں کہ فون کو جراثیم سے پاک کرنے کا صحیح طریقہ کیا ہے؟
اس بارے میں دیکھیے ہماری یہ ڈیجیٹل ویڈیو۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
22 مار چ 2020چہل قدمی کے لیے جائیں لیکن ہجوم ہو تو کیا کریں
،تصویر کا ذریعہgetty iamges
برطانوی حکومت کو مشورہ دینے والے ماہرین میں شامل ناٹنگھم یونیورسٹی کے ماہر سماجیات پروفیسر رابرٹ ڈِنگوال کا کہنا ہے کہ اگر لوگ دو میٹر یا چھ فٹ کا فاصلہ نہیں رکھتے تو اس سے مسائل ہو سکتے ہیں۔
ان کا کہنا ہے کہ ’اگر ایسا ہو تو بہتر یہی ہے کہ گھر جائیں اور ایک ایسے وقت یا جگہ کا انتخاب کریں جب خاموشی ہو۔’
آکسفرڈ یونیورسٹی سے تعلق رکھنے والے ڈاکٹر رابن تھامپسن وباوٴں کے ماہر ہیں۔ ان کا کہنا ہے کہ ’اہم چیز رابطے کو کم سے کم رکھتے ہوئے ورزش کرنا ہے۔’
22 مار چ 2020کیسے پتا چلے کہ آپ کو کورونا وائرس ہے؟
کورونا وائرس کی دو اہم علامات ہیں۔ یہ بخار سے شروع ہوتا ہے جس کے بعد خشک کھانسی آتی ہے۔ مگر آپ کیسے جانچ سکتے ہیں کہ آپ کو کورونا وائرس کے سلسلے میں اپنے ڈاکٹر کے پاس جانا چاہیے یا آپ جو محسوس کر رہے ہو سکتے ہیں وہ شاید عام نزلہ اور زکام ہے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
22 مار چ 2020یورپ میں تازہ ترین صورتحال کیا ہے؟
،تصویر کا ذریعہGetty Images
اٹلی کے سب سے متاثرہ خطے لومبارڈی میں لاک ڈاؤن میں سخت اقدامات کا اعلان کیا گیا ہے۔ گھروں سے باہر نکل کر کھیل اور ہر قسم کے جسمانی ورزش پر پابندی عائد کر دی گئی ہے اور وینڈنگ مشینوں کے استعمال پر بھی پابندی ہوگی۔
ملک کے صدر کا کہنا ہے کہ انھیں امید ہے کہ باقی دنیا اٹلی کی مشکلات سے سیکھ رہی ہے۔ ان کا کہنا ہے کہ یورپی یونین کے شہریوں کو یہ احساس ہونا چاہیے کے یونین تمام ٹھوس اقدامات کر رہی ہے۔
انھوں نے میڈیکل ساز و سامان بھیجنے کی حامی بھرنے پر جرمنی کا شکریہ ادا کیا۔ دوسری جانب روس نے ملٹری ڈاکٹر، انفیکشن کا خاتمہ کرنے والی گاڑیاں اور دیگر میڈیکل سامان اٹلی بھیجنا شروع کر دیا ہے۔
سپین میں اب تک کے بدترین اعداد و شمار ریکارڈ کیے گئے ہیں جہاں ایک دن میں تقریباً 400 اموات ہوئی ہیں۔ وہاں اموات کی کل تعداد 1720 ہوگئی ہے۔ میڈرڈ کے کانفرسن سینٹر میں ایک عارضی ہسپتال قائم کر دیا گیا ہے۔
نیدرلینڈز، یونان، فرانس اور جرمنی میں اموات اور کیسز میں اضافہ ہوا ہے۔ رومانیا میں وائرس سے پہلی ہلات رپورٹ کی گئی ہے۔
22 مار چ 2020امارات ایئرلائنز کا فضائی آپریشن محدود کرنے کا اعلان
دبئی کی فضائی کمپنی امارات نے 25 مارچ سے اپنی زیادہ تر پروازیں معطل کرنے کا اعلان کیا ہے۔ امارات کا کہنا ہے کہ اس کا کارگو آپریشن جاری رہے گا جبکہ چند ممالک کی حکومتوں اور مسافروں کی درخواست پر فضائی آپریشن جاری رہے گا۔
X پوسٹ نظرانداز کریں, 1
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام, 1
X پوسٹ نظرانداز کریں, 2
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام, 2
22 مار چ 2020کورونا وائرس کے مرض کی نئی علامت؟
،تصویر کا ذریعہScience Photo Library
فرانس کے صحت کے حکام نے حال ہی میں کہا ہے کہ وہ کووڈ 19 کی ایک نئی ممکنہ علامت کا تجزیہ کر رہے ہیں۔ یہ علامت ہے سونگھنے کی حس کا متاثر ہونا۔
فرانس کے محکمہ صحت کے سربراہ جیروم سیلومون نے بتایا کہ جن افراد کی ناک بند تھی یا بہہ رہی تھی ان میں’سونگھنے کی حس کا اچانک ختم ہو جانا’ سامنے آیا ہے جو کووڈ 19 کی ممکنہ علامت ہو سکتی ہے۔ تاہم ایسا ابھی زیادہ مریضوں میں نہیں دیکھا گیا ہے۔
انھوں نے بتایا کہ اس سے قبل ذائقے کو پہچاننے کی صلاحیت متاثر ہونا سامنے آیا تھا، یہ دونوں ہی علامات کورونا وائرس سے متاثر کم عمر مریضوں میں زیادہ دکھائی دے رہی ہیں۔
برطانیہ کے آئی این ٹی محکمے کا مشورہ ہے کہ جن علامات کی بنیاد پر خود کو تنہا کرنے کا مشورہ دیا جا رہا ہے ان میں انھیں بھی شامل کر دیا جانا چاہیے۔
22 مار چ 2020جنوبی کوریا: حکومتی اپیل کے باوجود گرجا گھروں میں عبادت
،تصویر کا ذریعہEPA
جنوبی کوریا میں کورونا وائرس کے پھیلاؤ کو روکنے کے لیے حکومت کی جانب سے اجتماعات نہ کرنے کی اپیل کے باوجود اتوار کو سینکڑوں گرجا گروں میں مذہبی رسومات ادا کی گئیں۔
ریاستی خبر رساں ایجنسی کے مطابق گرجا گھروں کے رہنماؤں نے عبادت کے لیے آنے والوں کو ایک دوسرے سے کئی میٹر دور کھڑے ہونے اور ماسک پہننے کو کہا۔ ملک کے وزیر ثقافت نے گرجا گھروں کے عہدیداروں سے دارالحکومت سیول میں ملاقات کی اور اس اپیل کو دہرایا کہ چرچ سروسز کو آن لائن منتقل کر دیا جائے۔
جنوبی کوریا کے رہنما کہہ چکے ہیں کہ اگر عوام نے اجتماعات سے متعلق حکومت کی ہدایات پر عمل نہ کیا تو اسے سخت قرنطینہ احکامات لاگو کرنے ہوں گے۔
سیول میں گذشتہ 24 گھنٹوں میں 98 نئے کیس سامنے آئے ہیں۔ اسے بہتری کے طور پر دیکھا جا رہا ہے کیوں کہ فروری کے آخر میں ایک دن میں 909 کیسز بھی سامنے آ چکے ہیں۔
دیگر ممالک کو بھی مذہبی اجتماعات کو روکنے میں مشکلات کا سامنا ہے۔