عمران خان کا عدلیہ سے رات گئے عدالتیں کھولنے کا شکوہ، امریکہ کی شہباز شریف کو مبارکباد

لائیو کوریج

1. 11 اپريل 2022عمران خان کے سابق مشیر اور پرنسپل سیکریٹری کے نام سٹاپ لسٹ پر

   

   ،تصویر کا ذریعہTWITTER/GETTY

   وفاقی تحقیقات ادارے (ایف آئی اے) کی جانب سے سابق وزیر اعظم عمران خان کے متعدد ساتھیوں کے نام سٹاپ لسٹ میں ڈالے گئے ہیں۔

   عمران خان کے سابق معاون خصوصی شہباز گل اور شہزاد اکبر کے نام سٹاپ لسٹ میں شامل کیے گئے ہیں۔

   سابق پرنسپل سیکریٹری اعظم خان، ارسلان خالد اور ڈاکٹر رضوان کا نام بھی اس نو فلائی لسٹ میں شامل ہے۔

   جبکہ گوہر نفیس بھی اس فہرست میں شامل ہیں۔

   

   ،تصویر کا ذریعہFIA

   سٹاپ لسٹ کیا ہے؟

   وزارت داخلہ کے ایک اہلکار نے نامہ نگار شہزاد ملک کو بتایا کہ سٹاپ لسٹ عدالتی فیصلے کی روشنی میں تیار کی جاتی ہے جس میں پولیس اور احتساب کے قومی ادارے نیب کے پاس یہ اختیار ہوتا ہے کہ اگر کوئی بھی شخص ان کو کسی مقدمے میں مطلوب ہوتا ہے اور اس کے بیرون ملک جانے کا خدشہ ہو تو اس کا نام سٹاپ لسٹ میں شامل کر لیا جاتا ہے۔

   اہلکار کے مطابق سٹاپ لسٹ پر عمل درآمد پاکستان سے بیرون ملک جانے والے افراد کے لیے ہوتا ہے۔ سٹاپ لسٹ میں کسی کا بھی نام ہو تو وہ صرف 30 روز تک رہ سکتا ہے۔

   اُنھوں نے کہا کہ اگر کوئی شخص اس مدت کے گزرنے کے باوجود بھی ان اداروں کو مطلوب ہو تو دوبارہ سٹاپ لسٹ میں نام ڈالنے کے لیے نوٹیفکیشن جاری کرنا پڑتا ہے۔

2. 11 اپريل 2022عمران خان کے خلاف تحریک عدم اعتماد کامیاب: کب کیا ہوا؟

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

   عمران خان وزیرِاعظم پاکستان نہیں رہے۔ سنیچر کے دن گہما گہمی اور سیاسی ہل چل عروج پر رہی۔

   تمام دن کیا ہوتا رہا جانیے اس ویڈیو میں۔۔۔

3. 11 اپريل 2022کیا پاکستان میں نئی ممکنہ مخلوط حکومت مہنگائی کے جن پر قابو پا سکے گی؟

4. 11 اپريل 2022سیاست پر تبصروں میں فنکار بھی پیش پیش

   پاکستان کی سیاسی صورتحال کے پیش نظر انٹرٹینمنٹ انڈسٹری سے وابستہ افراد بھی اپنی رائے کا اظہار کر رہے ہیں۔

   اداکارہ ریشم نے سپریم کورٹ کا شکریہ ادا کیا جس نے آئین کی بالادستی کے ساتھ ’پاکستان کو بحران سے نکال کر آگے بڑھنے کا ایک راستہ دیا ہے۔

   وہ ایک ویڈیو میں کہتی ہیں کہ ’آئین ہے تو ہم ہیں، آئین ہے تو پاکستان ہے۔ پاکستان فوج کا سیاست سے دور رہنا بھی قابل ستائش ہے۔‘

   X پوسٹ نظرانداز کریں, 1

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام, 1

   دوسری طرف ماہرہ خان نے عمران خان کی جانب سے شیئر کی گئی ویڈیو ری ٹویٹ کرتے ہوئے لکھا ہے کہ ’پاکستان کے عوام نہیں چاہتے کہ تاریخ دہرائی جائے۔‘

   X پوسٹ نظرانداز کریں, 2

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام, 2

5. 11 اپريل 2022نئے وزیر اعظم کا انتخاب کیسے کیا جاتا ہے؟

   

   ،تصویر کا ذریعہNATIONAL ASSEMBLY

   اپوزیشن جماعتوں نے پاکستان مسلم لیگ نون کے رہنما شہباز شریف اور پاکستان تحریک انصاف نے شاہ محمود قریشی کو نئے وزیراعظم کے لیے اپنا اپنا امیدوار نامزد کیا ہے۔ اس حوالے سے قومی اسمبلی کا اجلاس آج دوپہر دو بجے شروع ہو گا۔

   نئے قائد ایوان یا وزیر اعظم کے انتخاب کا عمل امیدواروں کے کاغذات نامزدگی جمع ہونے سے شروع ہوتا ہے پھر ان کی جانچ پڑتال ہوتی ہے اور آخری مرحلے میں ووٹنگ ہوتی ہے۔

   ایک رکن کو ایک سے زیادہ مرتبہ امیدوار نامزد کیا جا سکتا ہے لیکن تائید کنندہ اور تجویز کنندہ ایک سے زیادہ مرتبہ دستخط نہیں کریں گے۔ اسی طرح تحریک عدم اعتماد پر ووٹنگ ہارنے والی جماعت کسی دوسرے امیدوار کو نامزد کرنے کے ساتھ ساتھ دوبارہ اس شخص کو بطور امیدوار بھی نامزد کر سکتی ہے جو پہلے ہار چکا ہو۔ اس پر بھی قواعد و ضوابط کے تحت کوئی پابندی نہیں ہے۔

   قومی اسمبلی کے سپیکر تین وجوہات کی بنا پر امیدوار کے کاغذات نامزدگی مسترد کر سکتے ہیں۔ اول یہ کہ امیداور قومی اسمبلی کا رکن نہ ہو، دوئم یہ کہ قومی اسمبلی کے رول نمبر 32 کی خلاف ورزی کی گئی ہو اور سوئم یہ کہ تجویز کنندہ اور تائید کنندہ کے دستخط جعلی ہوں۔

   کاغذات نامزدگی مسترد یا منظور کیے جانے سے متعلق سپیکر قومی اسمبلی کا فیصلہ حتمی ہو گا۔ کاغذات نامزدگی جمع کروانے اور واپس لینے کا مرحلہ ووٹنگ سے ایک دن قبل مکمل کیا جاتا ہے۔

   اگر قائد ایوان کے عہدے کے لیے ایک سے زیادہ امیدوار ہوں تو پھر تقسیم ہو گی اور ارکان قومی اسمبلی سے کہا جائے گا کہ فلاں امیدوار کے حمایتی دائیں جانب والی لابی میں چلے جائیں اور فلاں امیدوار کے حامی بائیں جانب والی لابی میں چلے جائیں۔

   گنتی کا عمل مکمل ہونے کے بعد سپیکر قومی اسمبلی کامیاب ہونے والے قائد ایوان کے نام کا اعلان کریں گے۔

   عمران خان وزیر اعظم نہیں رہے، اب آگے کیا ہو گا؟

6. 11 اپريل 2022’تمام شہروں میں عوام اُٹھ چکے ہیں‘, تحریک انصاف کے مختلف شہروں میں مظاہرے

   

   ،تصویر کا ذریعہEPA

   تحریک انصاف کے رہنماؤں کا دعویٰ ہے کہ گذشتہ روز ملک گیر احتجاجی مظاہروں نے ثابت کیا ہے کہ عوام اب بھی سابق وزیر اعظم عمران خان کے ساتھ کھڑے ہیں۔ پی ٹی آئی نے مختلف شہروں میں مظاہرے کیے اور اپنی سٹریٹ پاور دکھائی ہے۔

   سابق وزیر اطلاعات اور رہنما پی ٹی آئی نے کہا ہے کہ ’میں نے عرض کیا تھا سیاست کے فیصلے عدالتوں میں کرنے کی کوشش تباہ کن ہو گی، جن کو سمجھ نہیں آ رہی تھی آج باہر نکلیں اور عوام کے اس سمندر کو روک کر دکھائیں۔‘

   ادھر حماد اظہر کہتے ہیں کہ ’ہم پاکستان کے تمام شہروں میں تاریخی لمحات دیکھ رہے ہیں۔ یہ بے مثال اور بے ساختہ ہے۔ عوام اُٹھ چکے ہیں۔‘

   X پوسٹ نظرانداز کریں, 1

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام, 1

   اسد عمر نے ٹوئٹر پر لکھا کہ ’بار بار سمجھا رہے ہیں لیکن لگتا ہے بات سمجھ نہیں آ رہی۔ قوم فیصلہ کر بیٹھی ہے کے مستقبل کے فیصلے پاکستان کے عوام نے کرنے ہیں کسی اور نے نہیں۔ ایک ہی جمہوری راستہ ہے۔ الیکشن۔‘

   ’پی ٹی آئی کس کے خلاف احتجاج کر رہی ہے؟‘

   اس کے ردعمل میں مسلم لیگ ن کی رہنما حنا پرویز بٹ نے تبصرہ کیا ہے کہ ’اگر سڑکوں پر عوام اکٹھے کرنا اور سوشل میڈیا پر بڑے ٹرینڈ بنانا ہی مقبولیت کا پیمانہ ہے تو پھر تحریک لبیک پی ٹی آئی سے بڑی جماعت ہے۔‘

   وہ یہ بھی کہتی ہیں کہ ’مجھے سمجھ نہیں آ رہا کہ پی ٹی آئی کس کے خلاف احتجاج کر رہی ہے، ان معزز ججز کے خلاف جنھوں نے عمران نیازی کی آئین شکنی کو مسترد کر دیا۔ پاک فوج کے خلاف جو اپنی آئینی حد میں رہی یا پھر عوام کے منتخب کردہ 174 ارکان کے خلاف جنھوں نے عوام دشمن حکومت کو آئینی طریقے سے برطرف کیا۔‘

   X پوسٹ نظرانداز کریں, 2

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام, 2

7. 11 اپريل 2022بریکنگ, شہباز شریف یا شاہ محمود قریشی: پاکستان کے نئے وزیراعظم کا انتخاب آج ہو گا

   

   ،تصویر کا ذریعہTolo News/Getty Images

   عمران خان کے خلاف تحریک عدم اعتماد کامیاب ہونے کے بعد پاکستان کی قومی اسمبلی آج ملک کے نئے وزیراعظم کا انتخاب کرے گی۔

   اپوزیشن جماعتوں نے پاکستان مسلم لیگ نون کے رہنما شہبازشریف اور پاکستان تحریک انصاف نے شاہ محمود قریشی کو وزیراعظم کے لیے اپنا اپنا امیدوار نامزد کیا ہے۔

   قومی اسمبلی کا اجلاس آج دوپہر دو بجے شروع ہو گا، جس میں ملک کے 23ویں وزیراعظم کا انتخاب ہو گا۔

8. 11 اپريل 2022’شہباز گل، شہزاد اکبر، اعظم خان اور ڈاکٹر رضوان کا نام نو فلائی لسٹ میں ڈال دیا گیا‘

   پاکستان مسلم لیگ نون کے رہنما عطا اللہ تارڑ کے مطابق تحریک انصاف کے شہباز گل، شہزاد اکبر، اعظم خان اور ڈاکٹر رضوان کا نام نو فلائی لسٹ میں ڈال دیا گیا۔

   عطا اللہ تارڑ نے اپنی ٹویٹ میں لکھا کہ یہ اب ملک چھوڑ کر نہیں بھاگ سکتے۔

   ’میں کب سے یہ بات کر رہا تھا۔ انتقام، جھوٹ اور فریب کا انجام کبھی بھی اچھا نہیں ہوتا۔‘

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

9. 11 اپريل 2022پاکستان کے وفاقی دارالحکومت اسلام آباد میں بھی عمران خان کے لیے مظاہرہ

   پاکستان کے وفاقی دارالحکومت اسلام آباد کے ایف نائن پارک میں بھی عمران خان کے حق میں مظاہرہ کیا گیا ہے۔

   مظاہرے کے شرکا نے ہاتھوں میں ’امپورٹڈ حکومت نامنظور‘ کے پتلے اٹھا رکھے تھے۔

   

   

10. 10 اپريل 2022عمران خان کا قوم کے نام شکریہ کا پیغام

    سابق وزیراعظم عمران خان نے ٹوئٹر پر اپنے پیغام میں ان تمام لوگوں کا شکریہ ادا کیا ہے، جنھوں نے آج تحریک انصاف کی حکومت کے خاتمے کے خلاف احتجاج یا مظاہرے میں شرکت کی۔

    انھوں نے لکھا: ’یکجہتی کےاظہار اور امریکی حمایت سے مقامی میر جعفروں کے بل پر حکومت بدلنے اور ضمانتوں پر رہا ڈاکوؤں کے ٹولے کو اقتدار دلوانے کے خلاف جذبات سے بھرپور احتجاج کے لیے بڑی تعداد میں نکلنے پر میں اہلِ پاکستان کا مشکور ہوں۔ اس سے ثابت ہوتا ہے کہ ملک و بیرونِ ملک مقیم پاکستانیوں نے اسے پوری شدت سے مسترد کر دیا ہے۔‘

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

11. 10 اپريل 2022کوئٹہ میں بھی عمران خان کے حق میں مظاہرہ

    

    پاکستان کے صوبہ بلوچستان کے شہر کوئٹہ میں بھی سابق وزیراعظم عمران خان کے حق میں مظاہرہ کیا گیا ہے۔

    دوسری جانب عمران خان کی حکومت کے خاتمے کی خوشی میں پاکستان پیپلز پارٹی کے کارکنوں نے کوئٹہ پریس کلب کے سامنے ڈھول کی تھاپ پر روایتی رقص کیا اور مٹھائیاں بھی تقسیم کیں۔

12. 10 اپريل 2022باجوڑ میں پی ٹی آئی کے حق میں مظاہرہ

    بلال یاسر نے ہمیں ضلع باجوڑ خیبر پختونخوا سے وہاں ہونے والے پی ٹی آئی مظاہرے کی تصاویر بھیجی ہیں۔

    عمران خان کی اپیل پر پاکستان کے مختلف شہروں میں مظاہرے جاری ہیں۔

    

    ،تصویر کا ذریعہBilal Yasir

    

    ،تصویر کا ذریعہBilal Yasir

    

    ،تصویر کا ذریعہBilal Yasir

13. 10 اپريل 2022تیاری کر لو، اس مہینے نقشہ بدلے گا: شیخ رشید

    

    ،تصویر کا ذریعہAFP

    لال حویلی پر عوام سے خطاب کرتے ہوئے سابق وزیرِ داخلہ شیخ رشید نے کہا کہ تیاری کر لو، اس مہینے نقشہ بدلے گا۔

    شیخ رشید کا کہنا تھا کہ اُنھوں نے عمران خان سے کہا ہے کہ اسمبلیوں سے استعفیٰ دے دینا چاہیے۔

    اُنھوں نے کہا کہ وہ جلد ہی لال حویلی سے ہر روز جیل بھرو تحریک شروع کریں گے۔

    شیخ رشید نے کہا کہ وہ جنرل باجوہ سے مطالبہ کرنا چاہتے ہیں کہ اس ملک میں خانہ جنگی کے حالات پیدا ہو چکے ہیں، اس طرح ملک نہیں چل سکتا، فوری طور پر انتخابات کروائے جائیں۔

    شیخ رشید نے کہا کہ چیف الیکشن کمشنر عدالت میں کہتے ہیں کہ سات ماہ تک الیکشن نہیں ہو سکتے، سات ماہ تک ملک کے حالات ایسے ہیں کہ ملک کے وزیرِ داخلہ کی حیثیت سے الزام لگا رہا ہوں، کہ آج بیوروکریٹس مسلم لیگ (ن) اور پیپلز پارٹی کے کیسز کی فائلیں بدلتے رہے ہیں، اور دہشتگردی کے خدشات ہیں۔

    اُنھوں نے کہا کہ اگر اس ملک کو بچانا ہے تو رات کی تاریکی میں فیصلہ نہیں بلکہ دن کی روشنی میں کرنا چاہیے۔

14. 10 اپريل 2022عمران خان کی حمایت میں تحریکِ انصاف کے مظاہرے, ترہب اصغر، نامہ نگار بی بی سی، لاہور

    عمران خان کے خلاف تحریکِ عدم اعتماد منظور ہونے کے بعد اُن کے حامیوں کی جانب سے لاہور میں ایک بڑا احتجاجی مظاہرہ کیا جا رہا ہے۔

    واضح رہے کہ عمران خان نے سات اپریل کے عدالتی فیصلے کے بعد قوم سے خطاب میں کہا تھا کہ عوام اتوار 10 اپریل سے بعد نمازِ عشا اپنے اپنے شہروں میں مظاہرے کریں۔

    پی ٹی آئی کارکنان کے لبرٹی مارکیٹ میں جاری احتجاج کے باعث ٹریفک کو مختلف مقامات سے موڑا جا رہا ہے۔

    اس حوالے سے لاہور سینٹر سے سینٹر پوائنٹ کی جانب ڈائیورشن لگا دی گئی ہے اور ٹریفک کو ایم ایم عالم روڈ اور سینٹر پوائنٹ سے جانب فردوس مارکیٹ بھجوایا جا رہا ہے۔

    

    

    

    

    

15. 10 اپريل 2022عمران خان کو وزیرِ اعظم کے عہدے سے ڈی نوٹیفائی کر دیا گیا

    کابینہ ڈویژن نے قومی اسمبلی میں عمران خان کے خلاف تحریکِ عدم اعتماد کامیاب ہونے کے بعد اُن کی وزارتِ عظمیٰ کے خاتمے کا نوٹیفیکیشن جاری کر دیا ہے۔

    

    ،تصویر کا ذریعہGovernment of Pakistan

16. 10 اپريل 2022پنجاب میں حکومت سازی کا محاذ، متحدہ اپوزیشن کی مشاورت

    متحدہ اپوزیشن کے ارکان پنجاب اسمبلی کی رائل سوئس ہوٹل میں افطار پر مشاورتی ملاقات ہوئی ہے۔

    حمزہ شہباز نے متحدہ اپوزیشن کے ارکان اسمبلی کے اعزاز میں افطار ڈنر دیا۔ مسلم لیگ ن، ترین گروپ، اسد کھرکھر گروپ، علیم خان گروپ کے ارکان اسمبلی اس افطار میں شریک ہوئے۔

    اس دوران وزیرِ اعلیٰ پنجاب کے انتخاب کے لیے سیاسی صورتحال پر مشاورت کی گئی۔

    لاہور ہائیکورٹ میں کل سے زیر سماعت آنے والی پٹیشن پر بھی بات چیت ہوئی۔

    حمزہ شہباز کا کہنا تھا کہ ’حکومت کے تاخیری حربے ناکام رہیں گے اور متحدہ اپوزیشن کی 202 سے زائد ارکان اسمبلی کی پارلیمانی طاقت متحد ہے۔ ‘

    متحدہ اپوزیشن کا کہنا تھا کہ ’وفاق میں حکومت کو شکست فاش ہوئی جبکہ پنجاب میں بھی ان کا یہی مقدر ہے۔‘

17. 10 اپريل 2022’لیڈر کا صرف ایماندار ہونا کافی نہیں‘

18. 10 اپريل 2022استعفے آئیں گے تو پھر دیکھا جائے گا کیا کرنا ہے، ایاز صادق

    پی ٹی آئی کی طرف سے استعفوں پر ایاز صادق نے کہا ہے کہ ارکانِ قومی اسمبلی کے استعفوں کا ایک طریقہ کار ہے۔

    اُنھوں نے کہا کہ یہ طریقہ کار سپریم کورٹ میں بھی رکھا گیا تھا اور میں نے بطور سپیکر پی ٹی آئی کے استعفوں کے حوالے سے جو رولنگ دی تھی اس میں دیا گیا تھا۔

    ان کا کہنا تھا کہ یہ نہیں ہوتا کہ استعفی دے دیا اور مان لیا بلکہ جب سارے استعفے دیں گے تو پھر دیکھیں گے۔

    پیر کے اجلاس کے حوالے سے اُنھوں نے کہا کہ کل اجلاس کی صدارت کون کرے گا اس کا کل ہی پتا چلے گا۔

19. 10 اپريل 2022شاہ محمود قریشی اور شہباز شریف کے کاغذات منظور

    وزارتِ عظمیٰ کے لیے شہباز شریف اور شاہ محمود قریشی دونوں کے کاغذاتِ نامزدگی منظور ہو گئے ہیں۔

20. 10 اپريل 2022فواد چوہدری: پی ٹی آئی اسمبلیوں سے مستعفی ہو گی

    شیخ رشید احمد، حماد اظہر، فواد چوہدری اور فرّخ حبیب نے اب سے کچھ دیر قبل میڈیا سے گفتگو کی۔

    شیخ رشید نے کہا کہ فیصلہ ہو چکا ہے کہ جن لوگوں پر کل (11 اپریل) کو فردِ جرم عائد ہونی تھی ان کے ساتھ اسمبلیوں میں نہیں بیٹھیں گے اور استعفے دیں گے۔

    فواد چوہدری کا کہنا تھا کہ آج پارلیمانی کمیٹی کے اجلاس میں اس بات کا فیصلہ ہو گا کہ آیا پاکستان تحریکِ انصاف اپنی اسمبلی نشستوں سے استعفیٰ دے رہی ہے یا نہیں۔ اُنھوں نے کہا کہ وزارتِ عظمیٰ کا انتخاب لڑنے کا فیصلہ اس لیے کیا گیا ہے تاکہ شہباز شریف کے کاغذات چیلنج کیے جا سکیں۔

    اُنھوں نے کہا کہ کور کمیٹی نے عمران خان کو تجویز دی ہے کہ ہمیں مستعفی ہو جانا چاہیے۔ ہم قومی اسمبلی سے شروع کر رہے ہیں۔ اگر شہباز شریف کے کاغذات پر ہمارے اعتراضات کو تسلیم نہیں کیا جاتا تو ہم کل ہی استعفے دینے شروع کر دیں گے۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام