’ہم کسی سے بدلہ نہیں لیں گے‘
مسلم لیگ نون کے صدر شہباز شریف نے کہا ہے کہ ہم کسی سے بدلہ نہیں لیں گے مگر قانون اپنا راستہ لے گا۔
انھوں نے متحدہ اپوزیشن کے رہنماؤں کی جانب اشارہ کرتے ہوئے کہا کہ ہم مشاورت کے ساتھ کام کریں گے۔
عمران خان کا عدلیہ سے رات گئے عدالتیں کھولنے کا شکوہ، امریکہ کی شہباز شریف کو مبارکباد
پاکستان کے سابق وزیرِ اعظم عمران خان نے اپنے خلاف تحریکِ عدم اعتماد کی کامیابی کے بعد عوامی جلسوں کے سلسلے کا آغاز کیا ہے اور گذشتہ رات پشاور جلسے سے خطاب کرتے ہوئے عدلیہ سے شکوہ کیا کہ ’میں نے کیا جرم کیا تھا کہ رات کے 12 بجے آپ نے عدالتیں لگائیں۔‘ ادھر امریکہ کی جانب سے شہباز شریف کو وزیرِ اعظم منتخب ہونے پر مبارکباد دی گئی ہے۔
لائیو کوریج
’آج آئین اور قانون کا پاکستان دوبارہ بنانا جاتا ہے‘, شہباز شریف، صدر مسلم لیگ نون
قومی اسمبلی میں تحریکِ عدم اعتماد کامیاب ہونے کے بعد ایوان سے خطاب کرتے ہوئے مسلم لیگ نون کے صدر شہباز شریف نے کہا آج آئین اور قانون کا پاکستان دوبارہ بنا چاہتا ہے۔
شہباز شریف کا ایوان سے خطاب
ایاز صادق کی جانب سے عمران خان کے خلاف عدم اعتماد کی قراردار کامیاب ہونے کے اعلان کے بعد اب شہاز شریف ایوان سے خطاب کر رہے ہیں، جس میں وہ اپوزیشن رہنماؤں کا شکریہ ادا کر رہے ہیں۔
عمران خان کے خلاف تحریک عدم اعتماد کامیاب، ایوان میں شدید نعرے بازی
وزیراعظم عمران خان کے خلاف تحریک عدم اعتماد کامیاب ہونے پر ایوان میں شدید نعرے بازی کی گئی۔
نون لیگ کے رہنماؤں نے ’شیر‘ شیر‘ کے نعرے لگائے۔
تحریک عدم اعتماد پر ووٹنگ مکمل ہونے کے بعد جمعیت علما اسلام کے سربراہ مولانا فضل الرحمان بھی ایوان کی گیکری میں تشریف لائے۔
بریکنگ, قومی اسمبلی میں تحریکِ عدم اعتماد کامیاب، عمران خان وزیراعظم پاکستان نہیں رہے
،تصویر کا ذریعہGetty Images
پاکستان کی قومی اسمبلی میں وزیراعظم عمران خان کے خلاف پیش کی گئی تحریک عدم اعتماد کامیاب ہوگئی ہے۔ اس تحریکِ کے حق میں 174 ارکان نے ووٹ دیے۔ یہ پاکستان کی تاریخ میں پہلا موقع ہے کہ کسی وزیراعظم کے خلاف تحریکِ عدم اعتماد کامیاب ہوئی ہے۔
’عمران خان کی کال پر کل ہو گا پر امن احتجاج‘
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
مبینہ خط کی تحقیقات، اسلام آباد ہائی کورٹ پیر کو سماعت کرے گی
اسلام آباد ہائیکورٹ میں سیکرٹری دفاع کو مبینہ خط کی تحقیقات کی حکم دینے کی درخواست سماعت کے لیے مقرر کر دی گئی ہے۔
چیف جسٹس اطہر من اللہ مولوی اقبال حیدر کی درخواست پر پیر کے روز سماعت کریں گے۔
درخواست میں مؤقف اختیار کیا گیا ہے کہ سیکریٹری دفاع کو خط سے متعلق تحقیقات کا حکم جاری کیا جائے۔
درخواست میں کہا گیا کہ عدم اعتماد کے دوران وزیراعظم نے خط موجود ہونے کا دعویٰ کیا اور خط کے دعوے سے ملکی مفاد کو ٹھیس پہنچانے کی کوشش کی گئی۔
عدالتِ عظمیٰ کے ججز واپس روانہ, شہزاد ملک، بی بی سی
چیف جسٹس ہاکستان عمر عطا بندیال اور دیگر ججز سپریم کورٹ سے واپس روانہ ہو گئے ہیں۔ اس سے پہلے اسلام آباد ہائی کورٹ کے عملے کو بھی گھر واپس جانے کی ہدایت کر دی گئی تھی۔
وزیرِ اعظم کے پرنسپل سیکریٹری اعظم خان کو ہٹا دیا گیا
وزیرِ اعظم کے پرنسپل سیکریٹری اعظم خان کو فوری طور پر اسٹیبلشمنٹ ڈویژن رپورٹ کرنے کی ہدایت کر دی گئی ہے۔
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
اس وقت قومی اسمبلی میں حکومتی نشستوں پر فقط چار اراکین دکھائی دے رہے ہیں
پارلیمنٹ کا عملہ حکومتی بنچوں پر جو خالی ہیں وہاں ایجنڈے کی کاپیاں رکھ رہے ہیں۔ ابھی کچھ ہی دیر پہلے پی ٹی آئی اراکین ایوان سے نکل گئے تھے۔
عمران خان نے وزیرِ اعظم ہاؤس چھوڑ دیا
عمران خان کے خلاف قومی اسمبلی میں تحریکِ عدم اعتماد کی کارروائی دوبارہ شروع ہو گئی ہے۔ اس وقت تازہ ترین اطلاع یہ ہے کہ عمران خان نے وزیرِ اعظم ہاؤس چھوڑ دیا ہے اور وہ بنی گالہ میں اپنی ذاتی رہائش گاہ کی طرف روانہ ہو چکے ہیں۔
،تصویر کا ذریعہGetty Images
اجلاس 12 بج کر دو منٹ تک لیے ملتوی
قومی اسمبلی کا اجلاس مختصر مدت کے لیے ملتوی کر دیا گیا ہے۔
بریکنگ, وزیراعظم عمران خان کے خلاف عدم اعتماد کی تحریک پر کارروائی شروع
قومی اسمبلی میں وزیراعظم عمران خان کے خلاف عدم اعتماد کی تحریک پر کارروائی کا آغاز ہو گیا ہے۔
ایوان میں ووٹنگ کا عمل جاری ہے جبکہ حکومتی اراکین ایوان سے واک آؤٹ کر گئے ہیں۔
بریکنگ, قومی اسمبلی کے سپیکر نے استعفیٰ دے دیا
قومی اسمبلی کے سپیکر اسد قیصر نے استعفیٰ دے دیا ہے۔ اسد قیصر کے بعد اب نون لیگ کے رہنما ایاز صادق قومی اسمبلی کے اجلاس کی صدارت کریں گے۔
اسد قیصر نے کہا کہ ’زمینی حقائق اور واقعات کے پیشِ نظر میں نے یہ فیصلہ کیا ہے کہ میرے پاس جو دستاویزات پہنچ گئے ہیں، میں اپوزیشن لیڈر سے درخواست کروں گا کہ یہ میرے دفتر میں پڑا رہے گا، سپریم کورٹ میں بھیجوں گا کہ وہ معائنہ کریں۔ ضرورت ہے کہ اس ملک کی خود مختاری کے لیے کھڑے ہوں اور میں نے فیصلہ کیا ہے کہ میں سپیکر کے عہدے پر مزید نہیں رہ سکتا۔‘
بریکنگ, قومی اسمبلی کا اجلاس دوبارہ شروع
قومی اسمبلی کا اجلاس دوبارہ شروع ہو گیا ہے۔
بریکنگ, سپریم کورٹ بار ایسوسی ایشن کی درخواست میں کیا کہا گیا ہے؟
سپیکر ڈپٹی سپیکر چئیر پرسن امجد علی خان، منزہ حسن، عمران خٹک کو سپریم کورٹ کے حکم پر عمل درآمد کا پابند کیا جائے
- ان تمام فریقین کو قومی اسمبلی کے اجلاس کی صدارت کرنے سے روکا جائے
- جب تک عدم اعتماد پر ووٹنگ نہیں ہو جاتی وزیرِ اعظم، وفاقی حکومت کو سات اپریل کے حکم نامے کی خلاف ورزی کرنے سے روکا جائے
- عدم اعتماد کی رائے شماری ہو جانے تک صدر پاکستان کو وزیراعظم کی کسی بھی ایڈوائس پر عمل سے روکا جائے
- تمام ریاستی اداروں اور اہلکاروں کو سپریم کورٹ کے سات اپریل کے حکم پر عمل درآمد کا حکم دیا جائے
- سندھ ہائی کورٹ بار کے تین نومبر 2007 کی ایمرجنسی کے خلاف دائر کیے گئے مقدمے کے فیصلے میں طے کیے گئے آئینی اصولوں کے خلاف کسی بھی اقدام سے روکنے کا حکم دیا جائے
اپوزیشن رہنماؤں کی بڑی تعداد ایوان میں واپس اپنی نشستوں پر
اس وقت اپوزیشن رہنماؤں کی بڑی تعداد ایوان میں واپس اپنی نشستوں پر آ گئی ہے۔
اسمبلی کی کارروائی میں کسی صورت رکاوٹ نہیں ڈالی جائے گی: وزیر اعظم عمران خان
وزیراعظم عمران خان کی سینیئر صحافیوں سے ملاقات ہوئی ہے جس میں انھوں نے کہا کہ ’عوام ملک کے اندر اس طرح کی تبدیلی کے حق میں نہیں۔‘
سرکاری ٹی وی کے مطابق وزیر اعظم کا کہنا ہے کہ ’ہر ہفتے عوام میں جا کر جلسہ کروں گا۔‘
وزیراعظم نے صحافیوں سے ملاقات میں مراسلے کا ذکر کیا اور کہا ملک میں رجیم چینج کرنے کے لیے اپوزیشن کو بیرونی مدد مل رہی ہے۔‘
وزیراعظم کا کہنا تھا کہ مراسلے سے متعلق اعلیٰ حکام سمیت اداروں کے سربراہوں کو آگاہ کر دیا گیا ہے۔ ان کا مزید کہنا تھا کہ صدر، چیف جسٹس ، چیئرمین سینیٹ کو مراسلے سے آگاہ کر دیا گیا۔
وزیراعظم کا کہنا تھا کہ ’عالمی سازش کو کسی صورت کامیاب نہیں ہونے دیں گے، اسمبلی کی کارروائی میں کسی صورت رکاوٹ نہیں ڈالی جائے گی۔ قوم کے لیے آخری بال تک لڑوں گا۔
سپریم کورٹ کے حکم پر عملدرآمد کروانے کے لیے درخواست دائر، سماعت پانچ رکنی بینچ کرے گا
وزیراعظم عمران خان کے خلاف تحریک عدم اعتماد کی کارروائی کو یقینی بنانے کے لیے سپریم کورٹ بار ایسوسی ایشن نے عدالتِ عظمیٰ سے رجوع کرلیا ہے۔
رجسٹرار سپریم کورٹ کو سپریم کورٹ بار اسوسی ایشن کی درخواست موصول ہو چکی ہے اور درخواست کو سماعت کے لیے منظور کرلیا گئی ہے۔ چیف جسٹس کی سربراہی میں پانچ رکنی بنچ سماعت کرے گا۔
فوجی قیادت میں تبدیلی کی خبریں بے بنیاد ہیں: فواد چوہدری
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام