پاکستان میں جمعرات کو 100 سے زیادہ نئے مریض سامنے آنے بعد ملک میں کورونا سے متاثر ہونے والے افراد کی تعداد 2426 ہوگئی ہے جبکہ 35 افراد اس وبا سے ہلاک ہوئے ہیں۔ وزیراعظم عمران خان نے کہا ہے کہ پاکستان میں جس شرح سے کورونا پھیل رہا ہے اس سے نمٹنے کے وسائل موجود ہیں۔
،تصویر کا ذریعہGetty Images
کورونا وائرس کے پیش نظر ملک میں لاک ڈاؤن جیسی صورتحال کے پیش نظر وزیر اعظم عمران خان نے قوم سے خطاب کے آخر میں کہا کہ ’ذخیرہ اندوزوں کی وجہ سے افراتفری پھیلتی ہے اور اشیا کی قیمتیں اوپر جاتی ہیں جس سے غریبوں کو نقصان ہوتا ہے اس لیے ان لوگوں کو کہنا چاہتا ہوں جو اس وقت سے فائدہ اٹھانا چاہتے ہیں ان سے ریاست سخت کارروائی کرے گی۔‘
وزیر اعظم عمران خان نے قوم سے خطاب کرتے ہوئے کہا ہے کہ سٹیٹ بینک نے اعلان کیا ہے کہ کوئی بھی ادارہ ملازمین کو بے روزگار نہیں کرے گا جس کے لیے سٹیٹ بینک سستے اور آسان شرائط پر قرضے دے گا۔‘
وزیراعظم عمران خان نے کہا کہ حکومت کے احساس پروگرام کے ذریعے پاکستان بھر میں کوئی خیرات کرنا چاہتا تو ان کو رجسٹر کر کے انھیں بتائیں گے کہ کہاں خرچ کرنا ہے تاکہ کسی ایک جگہ خرچ نہ ہو تا کہ پاکستان میں پہلی مرتبہ ریلیف کی کوششیں رابطے سے چل سکیں۔
پاکستان کے وزیر اعظم عمران خان نے کورونا وائرس کے وبا کے پیش نظر کورونا ریلیف فنڈ کے قیام کا اعلان کیا ہے، ان کا کہنا تھا کہ ’آج میں ریلیف فنڈ قائم کررہا ہوں اور نیشنل بینک میں اکاؤنٹ کھولا جائے گا جس میں بیرون ملک موجود لوگ بھی عطیات جمع کراسکتے ہیں۔‘
انھوں نے کہا کہ اس اکاؤنٹ میں فنڈزکا آڈٹ ہوگا اورمکمل تفصیلات فراہم کی جائیں گی۔
،تصویر کا ذریعہGetty Images
پاکستان کی تاریخ کا سب سے بڑا ریلیف پیکیج دیا جو آٹھ ارب ڈالر کا ہے۔ تاہم انھوں نے واضح کیا کہ پاکستان کے وسائل امریکہ جیسے نہیں جنہوں نے اس سے کئی گنا بڑا ریلیف پیکج دیا۔
وزیر اعظم کا کہنا تھا ’ ہمارے پاس سب سے بڑی چیز ایمان ہے۔ دوسری طاقت ہماری نوجوان آبادی ہے۔ ان دونوں کا استعمال کرنا ہے۔
وزیر اعظم عمران خان نے قوم سے خطاب کے دوران ملک میں نوجوانوں پر مشتمل کورونا ٹائیگرز ریلیف فورس کے قیام کا اعلان کیا ہے۔ یہ فورس غریبوں کب گھروں میں کھانا اور ضرورت کی اشیا پہنچائے گی
وزیر اعظم عمران خان کا کہنا ہے کہ دنیا کا کوئی ملک بھی صرف وسائل کے بل بوتے پر کورونا کے خلاف جنگ نہیں جیت سکتا، ہم بھی اپنے وسائل سے یہ جنگ نہیں جیت سکتے، ہم اس کے خلاف جنگ حکمت عملی سے جیتے گے۔ ان کا کہنا تھا کہ ہم نوجوان کے طاقت کو استعمال کریں گے۔ ¬
وزیر اعظم عمران خان نے خطاب میں کہا کہ ایسا نہیں ہے کہ غریب علاقوں میں لاک ڈاؤن نہیں کریں گے اور یہ وائرس صرف وہیں رہے گا اور امیر علاقوں میں نہیں جائے گا۔ کیونکہ وائرس طبقے کی تمیز نہیں کرتا۔
انھوں نے واضح کیا کہ ’ساری قوم کو مل کر لڑ کر یہ جنگ جیتنا ہے۔ ‘
ان کا کہنا تھا ’امریکہ کا یہ حال ہے جو صرف وسائل سے نہیں لڑ پا رہا۔‘انھوں نے انڈیا کی مثال دیتے ہوئے کہا انڈیا نے پورے ملک کو لاک ڈاؤن کیا اور آج ان وزیر اعظم کو قوم سے معافی مانگنی پڑی۔ کہ سوچے سمجھنے بنا لاک ڈاؤن کیا۔ اب وہاں لوگوں کے بھوک سے مرنے کا خدشہ ہے۔
وزیر اغطم کا کہنا تھا ’یہ جنگ ہم نے حکمت سے لڑنی ہے۔ اپنے ملک کے حالات دیکھنے ہیں ، جس علاقے کو لاک ڈاؤن کریں گے تو کیا ہم اس علاقے میں لوگوں کو گھروں میں کھانا پہنچا سکیں گے؟‘
پاکستان کے وزیر اعظم عمران خان نے عوام سے خطاب کرتے ہوئے کہا ہے کہ کورونا وائرس کے خلاف جنگ میں سب سے زیادہ کامیابی چین نے حاصل کی ہے۔ اس نے ملک میں لاک ڈاؤن کر دیا تھا، ہم چین کی طرح لاک ڈاؤن نہیں کر سکتے۔ ان کا کہنا تھا کہ اگر آج ہمارے چین جتنے وسائل ہوتے تو میں آج ہی ملک میں لاک ڈاؤن کر دیتا۔
ان کا کہنا تھا کہ ہماری 25 فیصد آبادی دیہاڑی دار ہے۔ ہمارے ملک کے حالات لاک ڈاؤن کے متحمل نہیں۔ پاکستان میں لاک ڈاؤن کامیاب نہیں ہو گا۔
،تصویر کا ذریعہGetty
پنجاب میں کورونا وائرس سے مزید تین مریض ہلاک ہو گئے ہیں جس کے بعد صوبے میں ہلاکتوں کی کل تعداد 9 ہو گئی۔ہلاک ہونے والوں میں راولپنڈی میں 55 سالہ کوثر پروین اور 70 سالہ عبدالعزیز شامل ہیں۔ جبکہ لاہور کے میو ہسپتال میں 42 سالہ محمد اکبر کی ہلاکت ہوئی۔راولپنڈی میں ہلاک ہونے والی خاتون کوثر پروین سعودی عرب سے واپس آئی تھی اور انہیں 27 مارچ کو ہسپتال داخل ہوئی۔ جبکہ عبدالعزیز برطانیہ سے آنے کے بعد 28 مارچ کو ہسپتال داخل ہوئے تھے۔
پنجاب میں کورونا وائرس سے ہلاکتوں کی مجموعی تعداد 9 ہو گئی۔ جن میں لاہور میں 4، راولپنڈی میں 3، فیصل آباد اور رحیم یار خان میں ایک ایک ہلاکت ہوئی۔
،تصویر کا ذریعہGOVT OF PUNJAB
،تصویر کا ذریعہGOVT OF PUNJAB
،تصویر کا ذریعہGOVT OF PUNJAB
،تصویر کا ذریعہGetty Images
سندھ میں جاری کیے جانے والے تازہ سرکاری اعداد و شمار کے لیے مطابق
کراچی میں مقامی منتقلی کے کیسز کی تعداد 21 ہے
حیدر آباد میں مقامی منتقلی کے کیسز کی تعداد 05 ہے
جیکب آباد میں مقامی منتقلی کے کیسز کی تعداد 01 ہے
کراچی = 249 کیسز: (جن میں سے 21 نئے کیسز ایسے ہیں جو مقامی طور پر منتقل ہوئے‘
دادو= 01
حیدر آباد = 12 ( پانچ نئے کیسز مقامی منتقلی کے تھے )
جیکب آباد= 01 کیس مقامی متقلی کا
صحت یاب ہونے والے = 41 (01 حیدر آباد ، 17 کراچی، 23 سکھر کے قرنطیہ مرکز میں، )
ہلاکتیں = 05
زیر علاج = 217
263 مجموعی کیسز میں سے 205 کیسز مقامی منتقلی کے ہیں۔
سکھر میں زائرین جن میں کورونا کی تصدیق ہوئی = 265
لاڑکانہ میں موجود زائرین جن میں کورونا کی تصدیق ہوئی= 07
سندھ بھر میں مجوعی تعداد = 535
اب تک سندھ میں کیے جانے والے ٹیسٹ : 6328
صوبائی ھیلتھ ڈائریکٹریٹ کورونا وائرس سیل بلوچستان کی جانب سے جاری کیے گئے تازہ اعداد و شمار کے مطابق
بلوچستان میں کورونا وائرس سکریننگ کیے گئے لوگوں کی کل تعداد: 2149
پیر کے روز کورونا وائرس کے نئے مریضوں کی تعداد:11 کورونا و ائرس مثبت رزلٹ کی مریضوں کی کل تعداد: 152 کورونا وائرس منفی رزلٹ کی تعداد:1554 مشتبہ مریضوں کی تعداد : 1771 کورونا وائرس سے صحت یاب مریضوں کی تعداد:02
پاکستان کے صوبے سنھ میں وزیراعلیٰ سندھ سید مراد علی شاہ نے جمعے کے بڑے اجتماع کرنے کے خلاف تمام داخل ایف آئی آر واپس لینے کا فیصلہ کیا ہے۔
وزیراعلیٰ سندھ نے آئی جی کو ایف آئی آر واپس لینے کی ہدایت کردی اور ہدایت کی کہ جن لوگوں نے اپنی ضمانتیں کروائی ان کو ان کی سیکیورٹیز واپس کی جائیں گی۔
مراد علی شاہ کا کہنا تھا کہ ’آئندہ جمعے کو علما نے کورونا وائرس کے پیش نظر حکومت سے تعاون کی یقین دہانی کروائی ہے۔‘
وزیراعلیٰ سندھ سید مراد علی شاہ نے محکمہ پولیس کو نماز جمعہ کے لیے تیار کردہ ضابطہ اخلاق کی خلاف ورزی کرنے پر مساجد کے پیش اماموں اور دیگر کے خلاف درج تمام ایف آئی آرز واپس لینے کی ہدایت کی ہے۔
وزیراعلیٰ سندھ نے کہا کہ ہم نے مختلف مکاتب فکر کے ممتاز علمائے کرام اور ڈاکٹروں سے مشاورت کے بعد یہ فیصلہ کیا تھا کہ کورونا وائرس کے خطرے کے سبب جمعہ کی نماز مسجد کے امام ، مؤذن ، خادم اور دو دیگر افراد کے درمیان ہوگی لیکن بدقسمتی سے کچھ لوگوں نے اس ضابطہ اخلاق کی خلاف ورزی کی جس کے نتیجے میں قانون نے اپنا راستہ اختیار کیا۔
مراد علی شاہ نے کہا کہ چونکہ علمائے کرام نے اپنے خلاف مقدمات کے اندراج کا معاملہ اٹھایا ہے لہذا میں انسپکٹر جنرل پولیس کو ہدایت کر رہا ہوں کہ وہ پورے سندھ میں پیش اماموں اور دیگر لوگوں کے خلاف درج ایف آئی آرز کو علمائے کرام سے اس درخواست کے ساتھ واپس لے لیں کہ وہ اپنی جمعہ کی جماعت کو پانچ افراد تک محدود رکھیں گے، جیسا کہ پہلے اتفاق کیا گیا ۔
،تصویر کا ذریعہPakistan Railway
پاکستان ریلویز کراچی ڈویژن نے کورونا وائرس کے بڑھتے ہوئے پھیلاؤ کے پیش نظر کینٹ سٹیشن کراچی میں قرنطینہ سپیشل ٹرین کا قیام عمل میں لایا ہے۔
کینٹ سٹیشن کراچی پر ریلوے کے ملازمین اور ورکرز کے لیے قرنطینہ سپیشل ٹرین 3 اے سی سلیپر اور 2 اے سی بزنس کلاس بوگیوں پر مشتمل ہے۔
،تصویر کا ذریعہPAKISTAN RAILWAY
اس کی 5 کوچز میں 36 لوگوں کو آئسولیشن میں رکھنے کی گنجائش ہے جس کو ضرورت پڑنے پر بڑھایا بھی جا سکتا ہے۔
ایمرجنسی آئسولیشن رومز کا مقصد کرونا وائرس کے مشتبہ افراد کو آئسولیشن فراہم کرنا ہے۔ آئسولیشن رومز میں کورونا کے مشتبہ مریضوں کے لیے ہر ممکن سہولت کا اہتمام کیا گیا ہے۔
پاکستان ریلویز کا میڈیکل سٹاف چوبیس گھنٹے ایمرجنسی آئسولیشن رومز میں ڈیوٹی کے فرائض انجام دے گا۔ضرورت پڑنے پر سندھ حکومت بھی ان آئسولیشن رومز کو استعمال میں لا سکتی ہے۔
،تصویر کا ذریعہPAKISTAN RAILWAY
پاکستان کے وزیراعظم عمران خان پیر کی شام قوم سے خطاب کریں گے۔ اس بات کا اعلان تحریکِ انصاف سے تعلق رکھنے والے ترجمان ڈاکٹر شہباز گل نے ٹوئٹر پر کیا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
،تصویر کا ذریعہGOVT OF PUNJAB
،تصویر کا ذریعہGOVT OF PUNJAB
،تصویر کا ذریعہGetty Images
کورونا وائرس کی وبا کے پیش نظر خیبر پختونخوا میں اضلاع کی سطح پر 222 ایسے قیدیوں کی رہائی کے احکامات جاری کیے گئے ہیں جو معمولی مقدمات میں گرفتار تھے۔
پشاور ہائی کورٹ کے سنگل بینچ نے ایک ہفتے کے دوران قیدیوں کی ضمانت کی درخواستوں کو ترجیحی بنیاد پر سماعت کی ہے اور اس مد میں 126 درخواستوں پر فیصلے کیے گئے ہیں۔
پشاور ہائی کورٹ کی جانب سے کورونا وائرس کی وجہ سے پیدا ہونے والی صورتحال پر جاری ایک بیان میں کہا گیا ہے ضلع کی سطح پر ڈیوٹی پر مامور ججوں نے جیلوں کے دورے کے دوران 222 ایسے قیدیوں کی رہائی کے احکامات جاری کیے ہیں جو معمولی نوعیت کے مقدمات میں گرفتار تھے۔
اس کے علاوہ خصوصی جج نے پشاور ، مردان ، نوشہرہ اور صوابی میں جیلوں کے دورے کر کے 33 قیدیوں کی رہائئ کے احکامات جاری کیے ہیں۔
،تصویر کا ذریعہbbc
بلوچستان کے دارالحکومت کوئٹہ میں میڈیکل سٹور مالکان نے پیر کو بطور احتجاج اپنی دکانیں بند رکھیں۔میڈیکل سٹور مالکان نے دکانیں انتظامیہ کی جانب سے چھاپوں اور بعض دکانوں کو سیل کرنے کے خلاف احتجاج کیا۔ آل بلوچستان میڈیکل اسٹورز ایسوسی ایشن کے چیئرمین نصیب اللہ نے بی بی سی کو بتایا کہ انتطامیہ کی جانب سے بلاجواز شہر میں تین میڈیکل اسٹورز کو بند کیا گیا۔
انھوں نے بتایا کہ انھوں نے انتظامیہ کو بعض مطالبات پیش کیے ہیں۔ اگر انتظامیہ نے ان کی بات نہیں مانی تو پورے بلوچستان میں مڈیکل سٹورز کو بند کیا جائے گا۔میڈیکل سٹورز کی بندش کے باعث لوگوں ادویات کی خریداری میں شدید پریشانی اور مشکلات کا سامنا کرنا پڑا۔ دوسری جانب اسسٹنٹ کمشنر ندا کاظمی نے بتایا کہ بعض میڈیکل سٹورز کے خلاف گراں فروشی کی شکایت ملی تھی جس پر ان کے خلاف کارروائی کی گئی۔
پاکستان کے وزیرا عظم کے معاون خصوصی برائے صحت ظفر مرزا نے پیر کی شام میڈیا بریفنگ میں بتایا ہے کہ اس وقت 7507 افراد مختلف علاقوں کے قرنطیہ مراکز میں موجود ہیں جن میں سے 4255 لوگوں کے ٹیسٹ کیے جا چکے ہیں۔
ان کا کہنا تھا کہ اب تک جن افراد کے ٹیسٹ کیے گئے ہیں ان میں سے 19 فیصد میں وائرس پایا گیا ہے۔
ظفر مرزا کا یہ بھی کہنا تھا کہ ملک میں جو مصدقہ مریض ہیں ان میں سے 883 ایران سے آنے والے زائرین ہیں جبکہ 247 افراد ایسے ہیں جو ایران کے علاوہ دوسرے ممالک سے آئے جو کل تعداد کا 15 فیصد بنتے ہیں۔
انھوں نے خبردار کیا کہ پاکستان میں اس وقت 29 فیصد معاملے مقامی منتقلی کے ہیں جو بتدریج بڑھ رہے ہیں۔
ظفر مرزا کا کہنا تھا کہ پاکستان میں اس وقت 783 افراد مختلف ہسپتالوں میں داخل ہیں جن میں 773 لوگ صحت یاب ہو رہے ہیں جبکہ 10 مریضوں کی حالت تشویش ناک ہے۔
پاکستان کے وزیرا عظم کے معاون خصوصی برائے صحت ظفر مرزا کا کہنا تھا پچھلے چوبیس گھنٹوں میں ٹیسٹوں کے بعد کورونا وائرس کے مصدقہ کیسز کی تعداد سنیچر کے روز کی نسبت کم رہی کو 99 ہے۔
ان نئے کیسز کے بعد ملک بھر میں کورونا وائرس کے مریضوں کی مجموعی تعداد 1625 ہو گئی ہے۔
ان کی تفصیلات کچھ وں ہیں :
پاکستان کے زیرِ انتظام کشمیر : 06 بلوچستان: 144
گلگتء 128
اسلام آباد: 51
پنجاب: 593
سندھ: 508
خیبر پختونخواہ میں: 195
صحت یاب: 32
ہلاکتیں: 21
( ایک بلوچستان، گلگت 02 ، پنجاب06 ، سندھ 07، خیبرپختونخواہ 05 )
پچھلے چوبیس گھنٹوں میں پانچ ہلاکتیں ہوئی۔
