پاکستان کی متعدد سیاسی جماعتوں نے انتخابات کے نتائج میں تاخیر پر تحفظات کا اظہار کیا ہے جبکہ الیکشن کمیشن کے مطابق پہلی مرتبہ متعارف کروائے جانے والے نظام میں تکنیکی خرابی نتائج میں تاخیر کی وجہ بنی ہے۔ الیکشن 2018 پر بی بی سی اردو کی لائیو کوریج۔
ذیشان حیدر، حسن زیدی، رضا ہمدانی ذیشان علی، حمیرا کنول
صوبہ پنجاب کے شہر رحیم یار خان سے پاکستان پیپلز پارٹی کو ایک اور کامیابی ملی ہے، جہاں اس کے امیدوار سید مرتضیٰ محمود نے غیر حتمی غیر سرکاری نتائج کے مطابق قومی اسمبلی کے حلقہ این اے 180 کی نشست پر 71988 ووٹوں سے فتح حاصل کی ہے۔ ان کے مدمقابل پاکستان مسلم لیگ ن کے امیدوار محمد ارشد خان لغاری 54990 ووٹوں سے دوسرے نمبر پر رہے ہیں۔
،تصویر کا ذریعہAnadolu Agency
پاکستان کے سابق وزیر داخلہ چوہدری نثار جنھوں نے آزاد حیثیت سے ان انتخابات میں حصہ لیا کو راولپنڈی سے قومی اسمبلی کے حلقہ این اے 59 میں شکست ہو گئی ہے۔ غیر حتمی غیر سرکاری نتائج کے مطابق چوہدری نثار کو 66369 ووٹ ملے جبکہ ان کے مقابلے میں پاکستان تحریک انصاف کے کامیاب ہونے والے امیدوار کو 89055 ووٹ پڑے۔
غیر حتمی، غیر سرکاری نتائج کے مطابق قومی اسمبلی کے حلقہ این اے 133 لاہور سے مسلم لیگ ن کے محمد پرویز ملک 89678 ووٹ لے کر کامیاب قرار دیے گئے ہیں، جب کہ دوسرے نمبر پر تحریک انصاف کے اعجاز احمد چودھری رہے جنھوں نے 77231 ووٹ حاصل کیے۔
رحیم یار خان کے حلقہ این اے 177 سے پاکستان تحریکِ انصاف کے خسرو بختیار کامیاب ہو گئے۔
انھوں نے 100768 ووٹ حاصل کیے جب کہ ان کے مدِ مقابل پیپلز پارٹی پارلیمنٹیریئنز کے مخدوم شہاب الدین نے 64645 ووٹ لیے۔
،تصویر کا ذریعہPTI
قومی اسمبلی کے حلقہ این اے 81 سے مسلم لیگ ن کے خرم دستگیر خان 130837 ووٹ لے کر کامیاب ٹھہرے ہیں
ان کے حریف تحریکِ انصاف کے چوہدری محمد صدیق کے حصے میں 88166 ووٹ آئے ہیں۔
خیبر پختونخوا کے علاقے صوابی سے قومی اسمبلی کے حلقہ این اے 19 سے بھی پاکستان تحریک انصاف کے امیدوار کو فتح ہوئی ہے۔ پی ٹی آئی کے امیدوار عثمان خان نے غیر حتمی غیر سرکاری نتائج کے مطابق 83903 ووٹ حاصل کیے جبکہ ان کے مدمقابل عوامی نیشنل پارٹی کے امیدوار وارث خان نے 53288 ووٹ لیے۔
خیبر پختونخوا
تحریکِ انصاف:22
عوامی نیشنل پارٹی: 2
متحدہ مجلسِ عمل: 2
آزاد: 2
پنجاب:
مسلم لیگ ن: 16
تحریکِ انصاف: 12
آزاد: 2
سندھ
پیپلز پارٹی: 5
گرینڈ ڈیموکریٹک الائنس: 1
بلوچستان
بلوچستان عوامی پارٹی: 2
بلوچستان نیشنل پارٹی: 1
،تصویر کا ذریعہGetty Images
قومی اسمبلی کے حلقے این اے 186 مظفر گڑھ سے بھی پاکستان تحریک انصاف کو فتح ہوئی ہے۔ پی ٹی آئی کے امیدوار عامر طلال خان نے غیر حتمی غیر سرکاری نتائج کے مطابق 62915 ووٹ حاصل کیے۔ ان کے مدمقابل پاکستان پیپلز پارٹی کے امیدوار محمد داود خان 52790 ووٹوں کے ساتھ دوسرے نمبر پر رہے۔
ڈی جی خان سے قومی اسمبلی کے حلقہ این اے 191 سے پاکستان تحریکِ انصاف کی مشہور خاتون رہنما زرتاج گل نے 79817 ووٹ لیے ہیں۔
انھوں نے اس حلقے میں روایتی طور پر انتہائی بااثر فیملی سے تعلق رکھنے والی لغاری خاندان کے سردار اویس احمد خان لغاری کو شکست دی ہے۔
اویس لغاری کو 54548 ووم ملے۔
،تصویر کا ذریعہFacebook
قومی اسمبلی کی سیٹ این اے 166 بہاولنگر سے آزاد امیدوار محمد عبدالغفار وٹو 101811 ووٹوں کے ساتھ کامیاب رہے ہیں جبکہ دوسرے نمبر پر پی ٹی آئی کے سید محمد اںغر رہے ہیں۔
پاکستان تحریک انصاف کے آبائی علاقے میانوالی کے حلقہ این اے 96 سے پاکستان تحریک انصاف کے امیدوار امجد علی خان کامیاب ٹھہرے ہیں۔ انھوں نے غیر حتمی غیر سرکاری نتائج کے مطابق 157422 ووٹ حاصل کیے جبکہ مدمقابل مسلم لیگ ن کے امیدوار محمد حمیر حیات خان نیازی کو 54909 ووٹ پڑے۔
،تصویر کا ذریعہGetty Images
شکارپور کے حلقہ این اے 199 سے گرینڈ ڈیموکریٹک الائنس کے امیدوار غوث بخش خان مہر غیر حتمی غیر سرکاری نتائج کے مطابق 62785 ووٹوں کے ساتھ پہلے نمبر پر رہے ہیں جبکہ پاکستان پیپلز پارٹی کے امیدوار ذوالفقار علی کماریو 55987 ووٹوں کے ساتھ دوسرے نمبر پر آئے۔
جلہم سے قومی اسمبلی کے حلقہ این اے 66 سے پاکستان تحریک انصاف کے امیدوار چوہدری فرخ الطاف نے غیر حتمی غیر سرکاری نتائج کے مطابق 112356 ووٹوں سے کامیابی حاصل کی۔ دوسرے نمبر پر پاکستان مسلم لیگ ن کے امیدوار چوہدری ندیم خادم رہے جنھوں نے 92912 ووٹ لیے۔
قبائلی علاقے کے حلقہ این اے 41 سے پاکستان تحریک انصاف کے امیدوار گل ظفر خان نے غیر حتمی غیر سرکاری نتائج کے مطابق 22730 ووٹوں سے کامیابی حاصل کی جبکہ ان کے مقابل آزاد امیدوار عبدالمجید کو 14792 ووٹ ملے۔
،تصویر کا ذریعہGetty Images
پشاور سے قومی اسمبلی کے حلقے این اے 29 کے غیر حتمیٰ غیر سرکاری نتیجے کے مطابق پاکستان تحریک انصاف کے ناصر خان نے 49762 ووٹ لیے جبکہ متحدہ مجلسِ عمل کے امیدوار نعیم جان 29357 ووٹ لے کر دوسرے نمبر پر رہے۔
اب تک پشاور سے قومی اسمبلی کے تین حلقوں پر تحریکِ انصاف کامیاب ہوئی ہے۔
ننکانہ صاحب کے اس حلقے سے پاکستان تحریکِ انصاف کے اعجاز احمد شاہ نے سخت مقابلے کے بعد مسلم لیگ ن کی خاتون امیدوار شزرا منصب علی کو شکست دی ہے۔
اعجاز احمد نے 63818 ووٹ حاصل کیے جبکہ شزرا 61413 ووٹ حاصل کر سکیں۔ یوں تحریکِ انصاف نے یہ نشست 2405 ووٹوں کے فرق سے جیتی ہے۔
،تصویر کا ذریعہAFP
پاکستان کے صوبہ پنجاب کے علاقے رحیم یار خان سے قومی اسمبلی کے حلقہ این اے 178 سے پاکستان پیپلز پارٹی کے امیدوار سید مصطفیٰ محمود نے کامیابی حاصل کی ہے جو کہ پنجاب میں پاکستان پیپلز پارٹی کی پہلی جیت ہے۔ پیپلز پارٹی کے امیدوار سید مصطفی محمود نے غیر حتمی غیر سرکاری نتائج کے مطابق 93044 ووٹ حاصل کیے۔ مدمقابل پاکستان مسلم لیگ ن کے امیدوار محمد طارق 50723 ووٹوں کے ساتھ دوسرے نمبر پر رہے ہیں۔
اب تک موصول ہونے والے غیرحتمی، غیر سرکاری نتائج کے مطابق قومی اسمبلی کے نتائج حسبِ ذیل ہیں:
تحریکِ انصاف: 10
مسلم لیگ ن: 3
پیپلز پارٹی: 3
دیگر: 1
،تصویر کا ذریعہGetty Images
صوبائی اسمبلیوں کے اب تک موصول ہونے والے غیرحتمی، غیر سرکاری نتائج:
خیبر پختونخوا
تحریکِ انصاف:18
عوامی نیشنل پارٹی: 2
آزاد: 1
پنجاب
مسلم لیگ ن: 11
تحریکِ انصاف: 8
آزاد: 1
سندھ
پیپلز پارٹی: 4
بلوچستان
بلوچستان عوامی پارٹی: 2
بلوچستان نیشنل پارٹی: 1
خانیوال کے حلقہ این اے 153 سے پاکستان مسلم لیگ ن کے چوہدری افتخار نذیر فاتح رہے ہیں۔ انھوں نے غیر حتمی غیر سرکاری نتائج کے مطابق اپنے مدمقابل پاکستان تحریک انصاف کے امیدوار ملک غلام مرتضیٰ کے 76920 ووٹوں کے مقابلے میں 106291 ووٹ حاصل کیے۔
