پاکستان کی متعدد سیاسی جماعتوں نے انتخابات کے نتائج میں تاخیر پر تحفظات کا اظہار کیا ہے جبکہ الیکشن کمیشن کے مطابق پہلی مرتبہ متعارف کروائے جانے والے نظام میں تکنیکی خرابی نتائج میں تاخیر کی وجہ بنی ہے۔ الیکشن 2018 پر بی بی سی اردو کی لائیو کوریج۔
ذیشان حیدر، حسن زیدی، رضا ہمدانی ذیشان علی، حمیرا کنول
خارجہ پالسی میں عمران خان نے افغانستان کا ذکر بھی کیا اور کہا کہ افغانستان کے لوگوں کو امن کی ضرورت ہے۔
’ہماری حکومت کی پوری کوشش ہو گی کہ ہر طرح افغانستان میں امن لایا جائے۔ ان کا کہنا تھا کہ ہم تو چاہیں گے کہ پاکستان اور افغانستان کا اوپن بارڈر ہو جیسے یورپی ممالک میں ہوتا ہے۔‘
عمران خان نے اپنے خطاب میں ایران اور سعودی عرب کا دکر کیا اور کہا کہ ایران سے اچھے تعلقات چاہتے ہیں۔
سعودی عرب کا ذکر کرتے ہوئے ان کا کہنا تھا کہ ہم چاہیں گے کہ مشرق وسطیٰ میں مختلف ممالک کے درمیان اختلافات میں ثالث کا کردار ادا کریں۔
عمران خان نے خطاب میں کہا کہ ہمسایہ ممالک سے بہتر تعلقات قائم کریں گے۔ انھوں نے سی پیک کا ذکر کیا اور کہا کہ چین سے سیکھنا چاہتے ہیں کہ کیسے انھوں نے ستر کروڑ لوگوں کو غربت سے نکالا۔
انھوں نے کہا کہ ملک کا بڑا چیلینج ملک کی خارجہ پالیسی ہے۔
عمران خان نے کہا کہ انھیں شرم آئے گی کہ وہ وزیراعظم ہاؤس میں جا کر رہیں۔
’ہماری حکومت فیصلہ کرے گی کہ وزیراعظم ہاؤس کا کیا کرنا ہے۔ تعلمی ادارے کے طور پر استعمال کریں گے۔ گورنر ہاؤسز کو بھی عوامی مقامات کے طور پر استعمال کریں گے۔‘
عمران خان نے کہا کہ اب تک جو حکمران آئے انھوں نے خود پر پیسہ خرچ کیا۔ بڑے بڑے محلات پر اور غیر ملکی دوروں پر لیکن ہمارے دور حکومت میں سادی کا قائم کیا جائے گا۔
’میں سب سے پہلے آپ کے سامنے وعدہ کرتا ہوں کہ عوام کے ٹیکس کے پیسے کی حفاظت کروں گا۔‘
عمران خان نے کہا کہ کرپشن کی وجہ سے لوگ ملک میں سرمایہ کاری نہیں ہو سکتی۔ بیرون ملک مقیم پاکستانیوں کو دعوت دیں گے کہ یہاں سرمایہ کاری کریں۔
جنوبی پنجاب میں قومی اسمبلی کے اس حلقے سے تحریک انصاف کے امیدوار ظہور حسین قریشی 108707 ووٹ حاصل کر کے کامیاب رہے جبکہ مسلم لیگ ن کے امیدوار پیر ایم اسلم بودلا 98938 ووٹ حاصل کر کے دوسری پوزیشن پر رہے۔
سندھ میں قومی اسمبلی کے اس حلقے سے پیپلز پارٹی کے امیدوار ذوالفقار بچانی 97147 ووٹ حاصل کر کے کامیاب رہے جبکہ جی ڈی اے کے امیدوار محمد محسن 70914 ووٹ حاصل کر کے دوسری پوزیشن پر رہے۔
خطاب میں عمران خان نے کہا کہ احتساب کا عمل مجھ سے شروع کیا جائے گا۔ قانون کی بالا دستی ہو گی۔ ان نے ملک کی اقتصادی حالت کا ذکر کیا اور کہا کہ یہ اس وقت ایک بڑا چیلنج ہے اور اداروں کی غیر فعالیت کی وجہ سے ایسا ہے۔
،تصویر کا ذریعہPTI
عمران خان نے خطاب میں کہا کہ ہو چاہتے ہیں کہ اس موقع پر ملک متحد ہو۔ ہمارا مقصد میری ذات سے بہت بڑا ہے۔ ان کا کہنا تھا کہ ہماری حکومت میں سیاسی انتقام نہیں لیا جائے گا۔
عمران خان نے کہا کہ وہ پاکستان کو پیغمبر اسلام کے دور میں بنائی جانے والی مدینہ کی فلاحی ریاست جیسا بنانا چاہتے ہیں۔
انھوں نے بتایا کہ وہ اس دور کے نظام سے متاثر ہوئے ہیں۔
پاکستان تحریک انصاف کے سربراہ اس وقت خطاب کر رہے ہیں۔ انھوں نے کہا ہے کہ میں اللہ کا شکر ادا کرتا ہوں۔ یہ الیکشن تاریخی الیکشن تھا۔
قومی اسمبلی کے حلقہ این اے 220 عمر کوٹ میں پاکستان پیپلز پارٹی پارلیمینٹیرین نے جیت حاصل کی ہے۔
غیر سرکاری اور غیر حتمی نتائج کے مطابق اس حلقے میں پی پی پی کے محمد یوسف تالپور 162979 ووٹ لے کر پہلے جبکہ پاکستان تحریک انصاف کے شاہ محمود حسین قریشی 104267 نمبر لے کر دوسرے نمبر پر رہے۔
اب تک موصول ہونے والے غیرحتمی، غیر سرکاری نتائج کے مطابق قومی اسمبلی کے نتائج حسبِ ذیل ہیں:
تحریکِ انصاف: 38
مسلم لیگ ن: 13
پیپلز پارٹی: 7
دیگر: 8
،تصویر کا ذریعہReuters
،تصویر کا ذریعہGetty Images
کراچی می قومی اسمبلی کے اس حلقے سے تحریک انصاف کے امیدوار سیف الرحمان 27333 ووٹ حاصل کر کے جیت گئے جبکہ پیپلز پارٹی کے امیدوار محمد اقبال 11823 ووٹ حاصل کر کے دوسری پوزیشن پر رہے۔
قومی اسمبلی کے حلقہ این اے 189 ڈی جی خان ون میں پاکستان تحریک انصاف نے کامیابی حاصل کی ہے۔ غیر سرکاری اور غیر حتمی نتائج کے مطابق پی ٹی آئی کے خواجہ شیراز محمود 78596 ووٹ لے کر پہلے بمبر پر رہے۔ ان کے مقابلے میں آزاد امیدوار سردار بادشاہ میر خان 39522 ووٹ لے کر دوسرے نمبر پر رہے۔
،تصویر کا ذریعہReuters
پنجاب میں قومی اسمبلی کے حلقہ این اے 67 سے تحریک انصاف کے رہنما فواد چوہدری 93380 ووٹ لے کر جیت گئے جبکہ مسلم لیگ نون کے رہنما راجہ مطلوب مہدی 82731ووٹ حاصل کر سکے۔
قومی اسمبلی کے حلقہ این اے 42 قبائلی علاقہ 03 میں پاکستان تحریک انصاف نے کامیابی حاصل کی ہے۔ غیر سرکاری اور غیر حتمی نتائج کے مطابق یہاں سے پاکستان تحریک انصاف کے امیدوار ساجد خان 22717 ووٹ لے کر پہلے جبکہ آزاد امیدوار بلال رحمان 21078 ووٹ لے کر دوسرے نمبر پر رہے۔
قومی اسمبلی کے حلقہ این اے 45 قبائلی علاقہ 06 میں متحدہ مجلس عمل کو کامیابی ملی ہے۔ غیر سرکاری اور غیر حتمی نتائج کے مطابق یہاں منیر خان اورکزئی 16363 ووٹ لے کر پہلے جبکہ آزاد امیدوار ملک رشید احمد 6653 ووٹ لے کر دوسرے نمبر پر رہے۔
قومی اسمبلی کے حلقہ این اے 62 راولپنڈی 06 میں عوامی مسلم لیگ نے کامیابی حاصل کی ہے۔ غیر سرکاری اور غیر حتمی نتائج کے مطابق جماعت کے سربراہ شیخ رشید نے 117719 ووٹ لے کر پہلی پوزیشن حاصل کی۔ ان کے مد مقابل امیدواروں میں مسلم لیگ ن کے بیرسٹر چوہدری دانیال 91312 ووٹ لے کر دوسرے نمبر پر رہے۔ خیال رہے کہ یہاں شیخ رشید کے مدمقابل پی ٹی آئی کا کوئی امیدوار کھڑا نہیں ہوا تھا۔
