پاکستان کی سپریم کورٹ کی جانب سے توہین رسالت کے جرم میں سزائے موت پانے والی مسیحی خاتون آسیہ بی بی کی بریت کی اپیل کی منظوری اور اس کے بعد مذہبی جماعت تحریک لبیک کے احتجاج پر بی بی سی اردو کی خصوصی کوریج۔
وزیر اعظم عمران خان نے مختصر خطاب میں کہا کہ یہ نہیں ہو سکتا کہ اگر فیصلہ اپنی پسند کا نہ آیے تو اس قسم کے زبان استعمال کی جائے کہ جج واجب القتل ہیں۔
انھوں نے ملک بھر میں جاری مظاہروں کو تنقید کا نشانہ بناتے ہوئے کہا کہ سڑکیں بند کرنے اور مظاہروں سے لوگوں کو روزی کمانے کے لیے مشکلات ہوں گی۔
’کون سا ملک کام کر سکے گا اگر لوگ کہیں گے کہ ججوں کو مار دو اور فوج کے خلاف کھڑے ہو جاؤ۔‘
عمران خان نے کہا کہ یہ ملک دشمن عناصر کہتے ہیں کہ فوج میں بغاوت ہو جائے، ججوں کو قتل کر دیں۔ ریاست سے نہ ٹکرائیں۔
انھوں نے کہا کہ اس ملک کی خاطر آپ اپنی سیاست چمکانے کے لیے اس ملک کو نقصان نہ پہنچائیں۔ ریاست اپنی ذمہ داری پوری کرے گی، کوئی توڑ پھوڑ نہیں ہونے دیں گے، ریاست کو وہاں نہ لے کر جائیں جہاں وہ کوئی ایکشن لے۔
وزیر اعظم پاکستان نے کہا کہ ریاست کو مجبور نہ کیا جائے کہ اس کو کارروائی کرنی پڑے۔
عمران خان نے کہا ہے کہ پاکستان جب عظیم ملک بنے گا تو وہ مدینہ کی ریاست کے اصول پر چل کر بنے گا
وزیراعظم عمران نے قوم سے ٹی وی پر خطاب کرتے ہوئے کہا ہے کہ سپریم کورٹ کے فیصلے پر ایک چھوٹے سے طبقے نے جس قسم کی زبان استعمال کی ہے اس پر میں آپ سے بات چیت کرنا چاہتا ہوں، انھوں نے کہا کہ یہ کہنا کہ ججز واجب القتل ہیں اور آرمی چیف غیر مسلم ہیں، اور جنرلز کو کہا جا رہا ہے کہ آرمی چیف کے خلاف بغاوت کرو۔
آسیہ بی بی کی رہائی کے فیصلے کے بعد سلمان تاثیر کے بچے کیا کہہ رہے ہیں؟
،تصویر کا ذریعہAFP
کراچی میں جامعہ بنوریہ کے مفتی محمد نعیم نے میڈیا کو دیے گئے ایک بیان میں کہا ہے کہ ’آسیہ کی رہائی کا مسلمانوں کے جذبات پر کیا اثر ہوگا حکومت اور عدلیہ کو شاید اس کا ادراک نہیں۔‘۔
انھوں نے کہ کہ آسیہ بی بی کی رہائی انصاف کا خون ہے۔
،تصویر کا ذریعہAFP
موٹروے پولیس کے مطابق ایم ٹو اسلام آباد لاہور موٹر وے درج ذیل مقامات پر بند ہے۔
1. کوٹ مومن
2. مخدوم
3. پنڈی بھٹیاں
4. کوٹ سرور
5. خانقاہ ڈوگراں
6. ہرن مینار
7. شیخوپورہ
8. کالا شاہ کاکو
9.کوٹ عبدالمالک
10. فیض پور
11. بابو صابو
12. ٹھوکر نیاز بیگ
آل پاکستان پرائیوٹ سکولز فیڈریشن نے جمعرات کو ملک بھر کے پرائیویٹ سکولوں میں چھٹی کا اعلان کردیا۔ یکم نومبر کو ملک بھر کے تمام نجی سکولز بند رہیں گے۔
چیرمین آل پرائیوٹ اسکولز کے مطابق ملک کے کشیدہ حالات کے پیش نظر یہ فیصلہ کیا گیا ہے اور سکیورٹی وجوہات کے باعث تمام طالب علم، اساتذہ اور سٹاف گھروں میں رہنے کی ہدایت کی گئی ہے۔
،تصویر کا ذریعہAFP
توہین مذہب کے مقدمے میں سپریم کورٹ سے رہائی پانے والی آسیہ بی بی کے وکیل سیف الملوک نے بی بی سی سے بات کرتے ہوئے یہ امکان ظاہر کیا ہے کہ ان کی موکلہ کو اگلے تین چار روز میں رہا کردیا جائے گا۔
اُنھوں نے کہا کہ سپریم کورٹ کے فیصلے کی مصدقہ نقل لاہور ہائی کورٹ کو بھجوائی جائے گی جہاں سے یہ کاپی ڈسٹرکٹ اینڈ سیشن جج ننکانہ صاحب کو بھجوائی جائے گی۔
اُنھوں نے کہا کہ چونکہ آسیہ بی بی کو ڈسٹرکٹ اینڈ سیشن جج ننکانہ صاخب کے حکم پر ہی جیل بھیجا گیا تھا اس لیے اُنھی کے حکام پر جیل کے حکام آسیہ بی بی کو رہا کریں گے۔
آسیہ بی بی کی رہائی کے بعد ان کے مستقبل کے بارے میں سیف الملوک کا کہنا تھا کہ ان کا کام صرف مقدمہ لڑنے کی حد تک کا تھا۔
،تصویر کا ذریعہHandout
موٹروے پولیس کے مطابق ایم فور موٹر وے گوجرہ تا فیصل آباد ٹریفک کے لیے مکمل طور پر بند ہے۔
کراچی میں بی بی سی کی نامہ نگار سحر بلوچ کے مطابق تحریکِ لبیک پاکستان کی جانب سے شہر میں فی الوقت حب ریور، ٹاور، لیاری ایکسپریس وے، لیاری، اسٹار گیٹ، نمائش، صدر، تبت سینٹر، حسن اسکوائر، اورنگی، کورنگی، نیو کراچی، سہراب گوٹھ اور ملیر میں دھرنا دیا جا رہا ہے۔
تحریکِ لبیک کے کراچی میں موجود ترجمان کے مطابق انتظامیہ سے اس وقت بات چیت جاری ہے لیکن دھرنا مناسب فیصلے کے بعد ہی ختم کیا جائے گا۔
،تصویر کا ذریعہEPA
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
امیر جماعتِ اسلامی پاکستان سراج الحق نے سپریم کورٹ کے فیصلے کے خلاف جمعے کو ملک گیر احتجاج کا اعلان کیا ہے۔ امیر جماعتِ اسلامی سراج الح کا کہنا ہے کہ عدالت اپنے فیصلے پر نظر ثانی کرے۔
بی بی سی کے نامہ نگار محمد کاظم کے مطابق کوئٹہ میں منان چوک پر احتجاج کیا جا رہا ہے۔
آسیہ بی بی کا مقدمہ چونکہ بین الاقوامی شہرت اختیار کر چکا تھا اس لیے اس کی اپیل پر آنے والے فیصلے کو سننے کے لیے مقامی میڈیا کے علاوہ بین الاقوامی میڈیا سے تعلق رکھنے والے صحافیوں کی ایک قابلِ ذکر تعداد بھی عدالت جانے کے لیے قطاروں میں لگی ہوئی تھی۔
،تصویر کا ذریعہAFP
وفاقی وزیراطلاعات فواد چوہدری نے کہا ہے کہ وزیراعظم عمران خان اب سے کچھ دیر بعد قوم سے خطاب کریں گے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
کراچی میں بی بی سی کی نامہ نگار سحر بلوچ کے مطابق پرانا کلفٹن پل احتجاج کے باعث ٹریفک کے لیے بند ہے جبکہ لیاری ایکسپریس وے بھی احتجاج کی وجہ سے بند ہے۔
جبکہ مذہبی جماعتوں کی جانب سے ہونے والے مظاہروں کے نتیجے میں سندھ بھر میں دفعہ 144 نافذ کر دی گئی ہے۔
محکمہ داخلہ سندھ کے نوٹیفیکیشن کے مطابق صوبے میں چار سے زائد افراد کے اجتماع پر 14 دن کی پابندی لگا دی گئی ہے۔
امیر جماعۃ الدعوۃ پاکستان حافظ محمد سعید نے آسیہ بی بی کیس سے متعلق سپریم کورٹ کے فیصلہ پر ردعمل ظاہر کرتے ہوئے جمعے کو ملک بھر میں احتجاج کا اعلان کیا ہے۔
،تصویر کا ذریعہEPA
