پاکستان کی سپریم کورٹ کی جانب سے توہین رسالت کے جرم میں سزائے موت پانے والی مسیحی خاتون آسیہ بی بی کی بریت کی اپیل کی منظوری اور اس کے بعد مذہبی جماعت تحریک لبیک کے احتجاج پر بی بی سی اردو کی خصوصی کوریج۔
پشاور میں رنگ روڈ پر واقع پیر زکوڑی پل پر مظاہرین نے راستہ بند کر رکھا ہے اور ان کا دھرنا جاری ہے۔ نامہ نگار رفعت اللہ اورکزئی کے مطابق شہر میں تمام نجی تعلیمی ادارے سکیورٹی کے پیش نظر بند ہیں۔ مختلف تنظیموں نے آج احتجاج کی کال دے رکھی ہے۔ پشاور پولیس نے ممکنہ احتجاج کے پیشِ نظر اقلیتوں کے مذہبی مقامات کی سکیورٹی بڑھا دی ہے۔
کراچی میں بی بی سی کی نمائندہ سحر بلوچ نے بتایا کہ شہر کے مختلف علاقے جیسے بلدیہ ٹاؤن ، شارع فیصل، سٹار گیٹ، نمائش چورنگی، الآصف سکوائر سہراب گوٹھ اور سرجانی ٹاؤن فور کے چورنگی میں اس وقت دھرنا جاری ہے۔ بلدیہ ٹاؤن جانے والی سڑک بند ہے جبکہ شیر شاہ سے بلدیہ جانے والی ٹریفک کا رُخ لیبر سکوائر کی طرف موڑ دیا گیا ہے۔
،تصویر کا ذریعہAFP
موٹروے پولیس نے اپنے سرکاری ٹوئٹر ہینڈل سے ملک بھر کی شاہراہوں کے بارے میں اپڈیٹ جاری کیا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
گوگل میپ کے ذریعے دیکھا جا سکتا ہے کہ صبح لاہور شہر کی مرکزی شاہرائیں بلاک کی گئی ہوئی ہیں اور شہریوں کو کافی مشکلات کا سامنا کرنا پڑ رہا ہے۔
،تصویر کا ذریعہGoogle
بی بی سی کی نمائندہ فرحت جاوید نے بتایا کہ سرگودھا سے اسلام آباد تک موٹر وے ایم ٹو ٹریفک کے لیے کھلی ہے، ان کا کہنا تھا کہ موٹر وے پولیس کے ایک اہلکار کے مطابق گذشتہ رات ساڑھے گیارہ بجے موٹروے کھول دی گئی تھی۔ لیکن دوسری جانب آج علی الصبح ہی موٹروے پر مذہبی جماعتوں کے کارکنان سے بھری کئی بسیں اور ٹرک لاہور کی جانب رواں دیکھے گئے۔
،تصویر کا ذریعہAFP
راولپنڈی سے اسلام آباد کے سرکاری سکول میں پڑھانے کے لیے آنے والی اساتذہ نے بی بی سی کو بتایا کہ کل جب چھٹی ہوئی تو ہمیں آدھے راستے سے واپس سکول کی جانب آنا پڑا اور پھر مقامی اساتذہ کے گھر ٹھہرنا پڑا۔
اساتذہ کا کہنا ہے کہ گذشتہ بار کے دھرنے اور احتجاج نے بھی ہمارا بجٹ بہت بڑھایا تھا اور ایک گھنٹے کا فاصلہ طے کرنے کے لیے ہمیں چار چار گھنٹے خوار ہونا پڑتا تھا۔
ان اساتذہ نے بتایا کہ اس مرتبہ تحریک لبیک کے کارکنان خواتین سے زیادہ سختی سے پیش آ رہے ہیں اور کسی بھی خاتون کو احتجاج کے مقام سے پیدل گزرنے کی اجازت بھی نہیں دی جا رہی۔
موٹر وے پولیس کی جانب سے مسافروں سے کہا گیا ہے کہ وہ سفر سے اجتناب کریں
ترجمان موٹر وے پولیس نے اپنے پیغام میں کہا کہ مسافروں سے درخواست ہے کہ سفر سے اجتناب کریں۔ کسی بھی قسم کی مدد اور راھنمائی کیے نیشنل ہائی ویز اینڈ موٹروے پولیس ہیلپ لائن 130 پر رابطہ قائم کریں۔
اسلام آباد کے سرکاری تعلیمی اداروں میں چھٹی نہیں دی گئی اور وہ معمول کے مطابق کھلے رہیں گے۔
محکمہ تعلیم کی جانب سے جاری کیے جانے والے تحریری بیان میں لکھا گیا ہے کہ تمام تعلیمی ادارے جمعرات کو کھلے رہیں گے اور تعلیمی اداروں کی سرکاری بسیں شہر کے اندر اور ان تمام علاقوں میں معمول کے مطابق جائیں گی جہاں کے روٹس بند نہیں کیے گئے۔
خیال رہے کہ راولپنڈی اور اسلام آباد کے سنگم پر واقع فیض آباد کو گذشتہ بار کی طرح اس بار بھی تحریک لبیک کے کارکنان نے احتجاج کے لیے منتخب کر رکھا ہے جس کی وجہ سے آنے جانے والے مسافروں کو شدید مشکلات کا سامنا کرنا پڑ رہا ہے۔
پنجاب کے بعد خیبر پختونخوا حکومت نے بھی تعلیمی اداروں میں ایک دن کی چھٹی کا اعلان کیا ہے۔ سرکاری ٹی وی کے مطابق صوبے کے تمام سکول، کالجز اور یونیورسٹیاں جمعرات کو بند رہیں گی۔
،تصویر کا ذریعہGetty Images
کراچی سے نامہ نگار سحر بلوچ کے مطابق کچھ ٹرینوں کا آپریشن وقتی طور پر تاخیر کا شکار ہے۔ ترجمان ریلوے کی جانب سے کہا گیا ہے کہ جو گاڑیاں روانہ نہیں ہو سکیں ان کے مسافر اپنا ری فنڈ سٹیشن سے لے سکتے ہیں۔
بی بی سی کے نامہ نگار شیراز حسن کے مطابق سماجی کارکن ماریہ عمر نے ایک پیغام میں بتایا ہے کہ وہ اس وقت موٹر وے ایم ٹو اسلام آباد لاہور روٹ پر سیال میں موجود ہیں۔ جہاں ابھی چار ڈائیو بسیں رائیونڈ جانے کے لیے کھڑی ہوئی ہیں۔ اان کا کہنا ہے کہ یہاں کئی بسیں دس گھنٹے سے زیادہ وقت سے پھنسی ہوئی ہیں جن میں خواتین اور بچے بھی سوار ہیں۔ ماریہ کا کہنا ہے کہ بچے اور خواتین مسجد کے اندر سو رہے ہیں اور ہم آگے مزید سفر کرنے کا رسک نہیں لے رہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
سکھ کمیونٹی آف پاکستان نے اپنے ایک بیان میں کہا ہے کہ وہ تمام اہل پاکستان و اسلام کے اس دکھ کی گھڑی میں ان کے ساتھ برابر کی شریک ہیں۔
چیئرمین رادیش سنگھ ٹونی کی جانب سے جاری کردہ بیان میں کہا گیا ہے کہ ’ ہمیں امید ہے کہ کل بروز جمعرات اور بروز جمعہ پاکستان بھر میں منعقدہ ہونے والے احتجاجی مظاہروں کے پیش نظر اقلیتوں اور ان کی عبادت گاہوں کو ڈسٹرکٹ سول و فوجی انتظامیہ کی طرف مکمل طور پر سکیورٹی دی جائے گی اور ان کے جان و مال کی زمہ داری بھر پور طریقے سے فرائض انجام دے گی۔‘
حکومت پنجاب کی جانب سے جاری کردہ بیان کے مطابق جمعرات کو تمام سرکاری اور نجی سکول بند رہیں گے۔
وفاقی وزیر اطلاعات فواد چوہدری نے کہا ہے کہ وزیر اعظم عمران خان اور آرمی چیف جنرل قمر باجوہ کی ملاقات ہے جس میں ملک کی عمومی صورتحال اور اہم امور پر گفتگو کی گئی۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
سلمان تاثیر کے صاحبزادے شہریار تاثیر نے وزیر اعظم عمران خان کے خطاب پر اپنے ردعمل میں کہا کہ ’سپریم کورٹ کے آج کے فیصلے سے متعلق عمران خان کا خطاب اچھا تھا۔ اس میں سخت تنیہ بھی تھی۔ حکومت کو کوئی کارروائی کرنے پر مجبور نہ کیا جائے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
عمران خان کے قوم سے خطاب پر سابق گورنر سلمان تاثیر کے صاحبزادے شہباز تاثیر نے اپنے ردعمل میں کہا کہ ’اللہ عمران خان اور ہم سب کی حفاظت کرے۔‘
سلمان تاثیر کی اہلیہ آمنہ تاثیر نے بھی عمران خان کے خطاب کی تعریف کی ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
تحریک لبیک پاکستان کے سربراہ مولانا خادم حسین رضوی نے جمعے کو پورے ملک میں ہڑتال اور ’عوامی ریفرینڈم‘ کراونے کا اعلان کیا ہے۔
،تصویر کا ذریعہReuters
آسیہ بی بی کی رہائی کا تفصیلی فیصلہ سپریم کورٹ کے چیف جسٹس جناب جسٹس ثاقب نثار نے تحریر کیا ہے اور سینئر جج جناب جسٹس آصف سعید کھوسہ نے اس کی حمایت میں اضافی نوٹ تحریر کیا ہے۔ اس فیصلے میں جن اہم پہلوؤں کی نشاندہی کی گئی ہے پڑھنے کے لیے یہاں کلک کریں۔
