Children fit spread coronavirus if schools reopen?

Live Coverage

Daniel Semeniworima

1. 18 May 2020Una goodnight!

   Na here we go march break today on top our live coverage of di coronavirus and how e affect di world.

   No forget to scroll down for Monday tori dem.

   We go leave una with dis video of South Africa Presido Cyril Ramaphosa wey dey cause tok-tok for social media.

   World pipo dey accuse am say im no observe social distancing wen im stop to snap picture with two women wey im meet during im morning jogging.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

2. 18 May 2020Kano goment give green light for Friday and Eid prayer

   Article Information

   • • 
     • Author, Mansur Abubakar
     • Role, BBC Pidgin, Kano

   Kano Govnor Abdullahi Ganduje on Monday announce say for di first time in five weeks, Muslims dey allowed to go for juma’at prayers and dem go also pray Eid prayer di next day wey fit be sallah.

   Di govnor say e make di announcement after consulting 30 top mallams for di northwest state but add say Hisbah go send dia officers to every mosque to make sure say pipo dey maintain all di procedures wey medical pipo give in order not to spread coronavirus.

   Kano goment directive dey come hours after Secretary to di federal goment and head of di Presidential Task Force on Covid-19 Boss Mustapha announce extension of two weeks lockdown for Kano state.

   Di state currently get 825 cases of coronavirus with 32 pipo wey die and 111 pipo wey dem don discharge.

3. 18 May 2020Bars and cafes don dey reopen for Denmark

   

   Wia dis foto come from, Getty Images

   Denmark cafes, restaurants and pubs don begin reopen, after two months wey dem lockdown.

   Dis na di new phase as Denmark relax dem lockdown.

   Dem don also reduce Social distancing from 2m (6.5ft) to 1m. Dis one means say many customer go fit sidon wey go make restaurant get more customers.

   “Di two metres be big issue because en no allow enough space.” Na so Jacob Niebuhr, Chairman of Denmark Restaurant and Cafe Association bin tok.

   One cafe owner dey expect say food go cheap and shops go give discount.

   Face masks no dey compulsory for Denmark and ten pipo fit siddon together.

4. 18 May 2020Museveni dey teach Ugandans how to manage dia food stuff palliative

   

   Wia dis foto come from, Twitter

   Uganda Presido Yoweri Museveni don tok say di food dem give pipo fit last up to 24 days if dem no "chop am wastefully."

   Dis dey come ontop pipo complain say di palliative wey dem give dem chop for dia coronavirus lockdown no reach.

   Presido Museveni bin post for im twitter page, video of how 1kg of maize flour wen dem cook am to 'posho' fit last for pipo.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

   Di food na for di urban poor and pipo wey don lose dia jobs because of di lockdown.

   Although di palliative suppose last 24 days, dia lockdown don dey on for over 50 days.

   And although Uganda Minister Peter Ogwang say 1.3 million Ugandans don receive aid, plenti more don dey complain say palliative neva reach dia side.

   Museveni dey expected to announce dis week weda dem go extend di lockdown for kontri wey get 248 confam cases and no deaths.

5. 18 May 2020UK goment punish Pastor Chris Loveworld TV for coronavirus 5G sermon

6. 18 May 2020Nigeria tell WHO say health workers go collect "hazard bonus", Osagie for April bin tell lawmakers say im no sabi anytin about hazard allowance

   

   Wia dis foto come from, Getty Images

   Di Nigeria minister of health Dr Osagie Ehanire say health workers go get "hazard bonus and insurance" because di goment "appreciate" dem.

   Oga Osagie tell WHO dis one on Monday during di 73rd World Health Assembly, virtual meeting wey dem do - as all speakers across di world use video call to participate.

   For early April, during one panel briefing wey Dr Osagie go do before House of Assembly lawmakers, di minister say "im no dey aware" if health workers suppose collect hazard allowance because na "standard" job dem dey do.

   Many kontris dey arrange extra protection and money give dia health care workers wey dia work involve to treat and take care of Covid-19 patients.

   Although Dr Osagie no fit finish im address as im use pass di time dem give am, im tok oda key tins like how Nigeria dey collabo wit WHO ontop different - different vaccines for Covid-19; say plans to improve di kontri healthcare system don begin; and say di goment go package support money give small and medium companies dem, wey coronavirus don spoil market for.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

7. 18 May 2020Premier League clubs go begin training for small groups by Tuesday

   

   Wia dis foto come from, Getty Images

   Premier League clubs don agree to di stage one of di return to training protocols wey go allow teams to start training for small groups from Tuesday.

   All di clubs vote on top di decision for dia Monday "Project Restart" meeting.

   Players must to observe social distancing rules, and to dey touch oda pipo during training no dey allowed.

   Di statement tok say dem agree on di first stage after dem consult with players, managers, club doctors, independent experts and di government.

   Di Premier League statement add say: "Strict medical protocols of di highest standard go dey in place to ensure everyone return to training for di safest environment possible.

   "Di health and wellbeing of all participants be di Premier League's concern, and di safe return to training be step-by-step process.

   "Full consultation go continue with players, managers, clubs, di PFA and LMA as dem dey protocols for full-contact training ."

   Official protocols wey dem send give players and managers last week and wey BBC see show say dem go disinfect corner-flags, balls, cones, goalposts and even playing surfaces after each training session.

   Surveillance measure wey dey go on include twice-weekly testing and one daily pre-training questionnaire and temperature check.

   Clubs don dey do coronavirus testing dis weekend.

8. 18 May 2020Breaking, Kano go dey under lockdown for anoda two weeks

   Kano state for north west Nigeria go dey under lockdown for anoda two weeks.

   Na so oga of Nigeria Presidential Task Force on Covid-19, Boss Mustapha tok for di daily press briefing of di committee.

9. 18 May 2020Nigeria extend partial lockdown for anoda two weeks - See wetin you need to know

10. 18 May 2020Presidential task force go work with state govnors - Buhari

    

    Wia dis foto come from, @MBuhari/Twitter

    President Muhammadu Buhari don direct di Presidential Task Force on Covid-19 to "work closely wit all state govnors" for di kontri.

    President Buhari say di need dey to carry out public education and enlightenment as goments need to kontinu to dey educate and make Nigerians accept di reality of di situation and do all necessary tins to stay safe.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

    Dis statement from president Buhari for im twitter handle dey come as di kontri citizen dey expect am to address di nation.

    But earlier on Monday di presidency confam say di president no get plan to tok to im citizens, instead na di President Task Force on Covid-19 go update di nation during dia daily briefing.

11. 18 May 2020Meet di 95-year-old Ghana WW2 veteran wey dey raise money to fight Covid-19

    

    Wia dis foto come from, Guba

    One 95-year-old Second World War veteran from Ghana don set challenge for imself say im go waka two miles everyday for one week to raise money for charity dem wey dey fight coronavirus.

    Private Joseph Hammond dey hope to raise $600,000 (£500,000) for frontline workers and veterans across Africa.

    Private Hammond bin fight with British army for Burma, for Gold Coast Regiment for Royal West African Frontier Force.

    Now, im say im go join di fight for different type of war to help health workers defeat Covid-19 on for di continent.

    Di money wey im go raise dem go use am buy PPE for covid-19 frontline workers and veterans wey get sickness for Commonwealth kontries.

12. 18 May 2020Italians go return to church and bars

    Italy and Spain dey among European kontris wey dem further reduce dia coronavirus restrictions on Monday.

    Most businesses for Italy including bars and hairdressers don dey reopen afta more dan two months of nationwide lockdown measures.

    Di measures follow steady drop in di number of pipo wey dey die daily.

    For Italy, Catholic churches dey free to resume Mass, but must observe social distancing and worshipers must wear face masks. Oda faiths also dey allowed to hold religious services.

    But health officials don warn of di danger wey dey wen pipo gada like sardine for one place.

13. 18 May 2020Breaking, President Buhari no go address di nation

14. 18 May 2020Hospitals for São Paulo fit run out of space soon sake of coronavirus palava

15. 18 May 2020Ghana start research to find ‘herbal solution’ for Covid-19

16. 18 May 2020"E dey pain me say for di first time in 30 years I no get single almajiri"

17. 18 May 2020Dis football club use 'sex dolls' replace fans sake of coronavirus

    Article Information

    • • 
      • Author, Ogechi Obidiebube
      • Role, BBC Pidgin, Lagos

    

    Wia dis foto come from, AFP

    Top South Korean football club FC Seoul don tok sorry to fans afta dem para, accuse di club say dem use sex dolls as to replace fans for stadium.

    Since di outbreak of di coronavirus, some football matches don dey go on witout real fans inside di stadiums to prevent di spread of di virus.

    FC Seoul insist say na mannequins dem use, no be sex dolls but dem admit say di dolls bin come from one supplier wey dey produce sex toys.

    And some of di dolls bin dey hold signs wey dey advertise x-rated websites, upon say pornography dey banned for South Korea.

    Di mannequins manufacturer tell BBC say dem tok sorry to FC Seoul. But dem also insist say di dolls na mannequins.

18. 18 May 2020Port Harcourt return to total lockdown no dey strict like before - See wetin we find out

19. 18 May 2020Rivers lockdown: Di first morning for di new lockdown for Port Harcourt and Obio Akpor LGA

20. 18 May 2020Una Good Moring!

    Welcome to Monday 18 May, 2020 tori dem as e dey hot ontop coronavirus

    We go begin wit today proverb: "Village wey lion na barber, goat go keep afro."

    If you sabi di meaning just enta awa social media platforms -BBC News Pidgin - for Facebook, Instagram and Twitter to interprete am.