All di latest tori ontop coronavirus from all ova di world.
Daniel Semeniworima
Na here we go march break today ontop our live coverage of di coronavirus and how e dey affect di world.
Abeg make una scroll down for Sunday tori dem.
We go leave una with dis photo from Aso Rock, wia Nigeria President Muhammadu Buhari meet with di kontri Covid-19 taskforce.
Wia dis foto come from, Nigeria presidency
Kaduna state goment don adjust to Wednesday and Thursday di two-day window wia di restriction of movement dey relaxed.
Residents go dey free to visit dia neighbourhood markets on 20th and 21st May 2020 to buy food and oda essentials according to di statement from goment.
Di statement also add say no market go open next Saturday.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
As at Saturday 16, May, Kaduna get 138 confam cases of coronavirus.
Wia dis foto come from, AFP
Madagascar don record dia first coronavirus death, according to one official announcement wey dem do for television.
Di 57-year-old medical worker wey die on Saturday, bin dey suffer from diabetes and high blood pressure, Reuters news agency wey report di tori quote di statement.
Di President of Madagascar, Andry Rajoelina, dey promote one herbal tonic as treatment for Covid-19, wey several African kontries don already collect.
Di World Health Organization don warn against di use of medicine wey dem never test.
Madagascar get 304 confam cases of di virus, according to AFP news agency.
Some Nigerians wey goment carry come from Dubai don test positive for coronavirus.
Na three of dem get di COVID-19 virus afta dem do test, according to Professor Akin Abayomi, di Lagos state Commissioner of Health
Health authorities don carri di patients go Lagos Covid- 19 care centre for treatment.
Oga Abayomi encourage pipo wey dey live for di state, especially dos wey dey land di kontri from obodo oyinbo make dem cooperate wit di Covid- 19 response team.
Wia dis foto come from, Prof. Akin Abayomi/TWITTER
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Wia dis foto come from, @TELFORDCOPS
West Mercia Police for England don scata one group of 70 pipo wey gada do party for Granville Country Park for Telford, Shropshire.
Di group disobey di lockdown rule, tell police say self-isolation don dey make dem sick.
One police official tok say dem don work sotey and sacrifice so much, yet dis group no count any of dia effort.
Di police say dem dey shocked say pipo no even care.
Although England don dey relax some of dia lockdown restrictions but goment advise say make plenty pipo no too gada except wit dia family members only.
Goment warn say di coronavirus infection rate go increase if pipo break di rules.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Wia dis foto come from, RVGH
Except anytin change last minute, di total lockdown for di main bizness district inside oil rich Rivers State go return by 8PM on Sunday until further notice.
Govnor Nyesom Wike na im give di order on Wednesday 13 May, 2020 afta e bin allow for six days break from di first total lockdown for di southern Nigeria state wey begin on Thursday 7 May till Monday 11 May.
Dis restriction order go mainly affect Port Harcourt City and Obio Akpor Local Goment Areas wey be di two LGAs wey get more population out of a total of 23 local goment areas inside di oil rich state.
Di total lockdown na to stop di spead of coronavirus insde Rivers State wey don record 35 cases of COVID-19 disease infection.
Wia dis foto come from, AFP
Kenya President Uhuru Kenyatta don order di closure of land border wey dem share wit Tanzania and Somalia except for trucks wey dey carri goods.
Presido Kenyatta order take effect from Saturday midnight.
Di Kenyan leadet tok say e don become by force alia compulsory to do coronavirus test for drivers for border posts.
78 truck drivers na im test positive to di virus last week and dem no allow dem enta di kontri.
Long queues na im dey between Uganda and Kenya border now, wia compulsory COVID-19 test don begin.
E dey quick and easy for dem to sabi lorry drivers wey dey at high risk sake of dia experience and knowledge on how dem handle HIV/AIDS.
President Uhuru Kenyatta also don extend di nationwide overnight curfew and ban on all movement in and out of plenty towns and cities including di capital, Nairobi.
Welcome to Sunday 17 May, 2020 tori dem as e dey hot ontop coronavirus
We go begin wit today proverb:"Apple of your eye fit get pesin wey don chop am for back."
If you sabi di meaning just enta awa social media platforms -BBC News Pidgin - for Facebook, Instagram and Twitter to interprete am.
Wia dis foto come from, Getty Images
Wia dis foto come from, Ministry of Information
Ghana confirmed cases of COVID-19 don catch 5735 pipo.
According to latest informate about di coronavirus infections wey drop from Ghanaian authorities early Sunday morning, na 29 deaths di West African kontri don record so far wit 1754 recorveries
For di break down, na di Greater Accra Region still get di highest COVID-19 infections for Ghana, with 4314 cases.
Wia dis foto come from, Ministry of Information - GH
Na here we go stop Saturday tori dem as e concern Coronavirus tori dem.
Sunday 17 May, 2020 we go show again!
Make we leave una dis night wit dis follow-along 5-minute African Dance workout with Kukuwa Fitness video.
Wia dis foto come from, LSG/Twitter
Na double joy Lagos, Nigeria commercial centre record ontop dis coronavirus palava on Saturday, 16 May.
Doctors deliver baby of COVID-19 patient for di Gbagada isolation centre inside Lagos mainland.
Lagos State discharge 67 COVID-19 patients, including two Indians and one Chinese national
Nigeria Airport Authority FAAN don deny say dem don release any post Covid-19 air travel guidelines.
For statement FAAN say dem still dey work on di guidelines and go release am for di normal official channels.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
