Commonwealth games 2022 open for Birmingham with style

Live Coverage

1. 5 July 2022Activists dey careful on Sudan milirary promise to handover to civilian

   

   Wia dis foto come from, AFP

   Pro-democracy protesters for Sudan don react wit caution to di promise by di kontri military leader wey say im go handover to civilian goment.

   Activists say General Abdel Fattah al-Burhan don change im mind for dis kain commitments before.

   Di general neva give time for wen di transition go happun.

   One campaigner tell BBC say im for like make Gen Burhan step down now.

   Some dey also call for military leaders to face justice for di killing of more dan 100 protesters since di coup for October.

   "No be exactly wetin we want becos wetin we dey actualy ask na for [Gen Burhan] to step down becos afta di protest wey don last for eight months over 100 pipo don die.

   “We want make pipo stand trial for wetin happun so we want am to stand trial, not just to give up power."

   Na so Hajooj Kuka, wey be feem maker and activist tok.

   Di activists say dem expect demonstrations to kontinu until goment meet dia demands.

2. 5 July 2022Goment shut Lagos primary school afta five-year-old pupil death

3. 5 July 2022‘Parents remain calm’ as Ghana teachers strike - Education Service tok

4. 5 July 2022Una good morning

   Welcome back to di live page as e dey hot.

5. 5 July 2022US 4 July mass shooting suspect dey arrested, pipo die

6. 5 July 2022Meet lawyer wey appear in court dressed as Nigerian traditionalist

7. 4 July 2022Scroll down for Monday tori!

   We dey hail una for staying wit us throughout our live coverge of tori from around di world including Nigeria, Ghana plus oda kontris.

   Make una scroll down for all di ogbonge tori wey you for don miss today.

   Click here for our live coverage of di Super Falcons vs Bayana Bayana match for di Wafcon 2022.

   Join us again on Tuesday.

8. 4 July 2022How defending champions Super Falcons chop first defeat from Bayana Bayana for Wafcon 2022

9. 4 July 2022Tips on how you fit save money from market as food prices dey increase

10. 4 July 2022Pope Francis deny say im dey plan to resign soon, dismiss cancer rumour

    

    Wia dis foto come from, Getty Images

    Pope Francis don dismiss reports say im dey plan to resign in di near future.

    E say e dey on track to visit Canada dis month and hope say im go fit go Moscow and Kyiv as soon as possible afta dat.

    For one exclusive interview wit Reuters for im Vatican residence, Francis also deny rumours say im get cancer cancer, joking say im doctors "no tell me anytin about am".

    For di first time im give details of di knee condition wey prevent am from carrying out some duties.

    In a 90-minute conversation on Saturday afternoon witout any aide present, di 85-year-old pontiff also repeat im condemnation for abortion afta di US Supreme Court ruling last month.

11. 4 July 2022Police go investigate attack on Inec office

    

    Wia dis foto come from, INEC

    Enugu state goment say dem go torchlight wetin cause di fire for di Independent National Electoral Commission office for di state.

    INEC, for statement say some jaguda pipo bin burn dia office for Igboeze North LGA of Enugu State.

    Enugu state goment bin place Igboeze North and Igboeze South Council areas under 6:00pm to 6:00am curfew sake of insecurity.

12. 4 July 2022Shark attack and kill two women inside Red Sea for Egypt

    

    Wia dis foto come from, Getty Images

    Egyptian officials say two women don die afta shark attack dem wen dem dey swim in di Red Sea.

    Di environment ministry say di attacks happun within 600m (1,970 ft) of each oda.

    Di authorities bin don announce say an Austrian woman in her 60s bin die from her injuries on Friday .

    One Romanian woman in her 40s also die.

    Di incidents happen in di Hurghada region, wey be major tourist resort.

    Several beaches don dey closed for di areas sake of di situation.

13. 4 July 2022Prices rise for fastest pace in 24 years for Turkey

    

    Wia dis foto come from, Getty Images

    Prices for Turkey dey rise for dia fastest rate inside 24 years, according to di latest official figures.

    Di annual rate of inflation, di pace wey prices rise, hit 78.62% for June, wey dey slightly higher dan expectations.

    Transport moni and housing bin see some of di sharpest price increase, wey di Ukraine war make worse.

    Inflation don rise since last year, when di Turkish president cut interest rate to try boost di economy.

    Usually kontries go increase interest rates to try cool inflation. But President Recep Tayyip Erdogan don describe interest rates as "di mama and papa of all evil", and don used more uncommon policy to try to wet prices including to chook mouth for foreign exchange markets.

    Last year cut for interest rates from 19% to 14% don lead to fall for di value of di Turkish lira, wey mean say e cost more for di kontri to import goods from abroad.

    For di latest inflation figure, transportation see di biggest rise for costs, as e climb 123% over di past year.

    Food and non-alcoholic beverages dey close behind wit price increase of 94%, while di cost of furniture and household equipment dey up 81%.

    Di overall inflation figure be di highest since September 1998, when annual inflation bin hit 80.4% and Turkey dey battle to end one decade of chronically high inflation.

14. 4 July 2022After 40 years of extinction, rhinos don come back to Mozambique

    

    Wia dis foto come from, Reuters

    Over four decades afta dem become extinct locally, rhinos dey roam again for Mozambique.

    One group of rangers capture, sedate and move black and white rhinos over 1,000 miles (1,610 km) to Mozambique's Zinave National Park, wey get over 400,000 hectares and more than 2,300 oda reintroduced animals.

    "Rhinos dey important to di ecosystem, wey be one of di reasons why we dey move dem all dis distance and doing all dis effort to get dem dia," Kester Vickery tell Reuters.

    Vickery na conservationist wey dey supervise di rhino translocation.

    Di Peace Parks Foundation (PPF) conservation group, wey dey conduct di operation, aims to relocate over 40 rhinos in di next two years to Mozambique.

    Dia project manager, Anthony Alexander, tok say di group don already bring in certain predators and many elephants to di park and di na rhino's turn.

    "E dey very exciting now to complete di presence of historical species in di park," Alexander tok.

15. 4 July 2022'No exams on Sallah day' – NECO

    

    Wia dis foto come from, Getty Images

    National Examinations Council (NECO) don tok say dem no scheduled any examination for Saturday 9th July, 2022.

    NECO say make pipo no listen to dat informate wey dey spread for some quarters say di Council schedule examination for 9th July, 2022, wey be Sallah Day (Eid- Adha),

    Di exam bodi tok for one statement from dia Head Information and Public Relations Division, Azeez Sani, say dem dey Conscious of di importance of religious festivals.

    "...di Council don always make adequate provision for such in fixing examination dates."

    "Di Council don give a whole examination free week, beginning from Friday, 8th July to Wednesday, 13th July, 2022 for di On-going Senior School Certificate Examination (SSCE) for School based candidates to enable Muslim faithful get enof time to celebrate di festival.

    NECO remind pipo say di 2022 Senior School Certificate Examination (SSCE) for School based Candidates commence on 27th June, and will end on 12th August, 2022.

16. 4 July 2022Ugandan say dem no train Ethiopian rebels

    

    Wia dis foto come from, AFP

    Di army for Uganda don deny reports say dem dey attempt to destabilise Ethiopia by training and providing support to di Tigray People's Liberation Front (TPLF).

    TPLF don dey at war wit di Ethiopian goment since 2020.

    Na around May di reports first come out on Ethiopian outlets.

    Ugandan Army tok-tok pesin Brigadier Felix Kulayigye tweet on Sunday say di alleged attempts by Uganda to destabilise Ethiopia na total frabrication.

    One detailed article appear last week for one online outlet based in New Zealand.

    Di article come wti a list of Ugandan senior army officers and odas from across di security forces, wey dey allegedly lead di training operation in di central Ugandan district of Masaka.

    Di document indicate say over 4,000 Tigrayan soldiers go receive training in four separate facilities in Uganda.

    Further claim by di document na say di US and Egypt dey support di training operation.

    One of di senior officers wey dem name inside di report na di president son and commander of di Ugandan land forces General Muhoozi Kainerugaba.

    Kainerugaba bin tweet in 2021 in support of di Tigrayan forces and im refer to dem as “brothers”.

    E never dey clear yet if di document dey authentic or na part of fake news campaign.

    Di New Zealand website, known as Scoop, tok say dem no fit verify di source or weda di details dey accurate or not.

17. 4 July 2022Marmolada glacier collapse kill seven for Italy

    

    At least seven pipo don die after dem dey caught in an avalanche wey collapse of one glacier for di northern Italian Alps cause.

    Emergency officials say eight others dey injured for di collapse, with two pipo suffering serious injuries.

    Rescue teams using helicopters and drones don resume searching for 15 still missing.

    Rescuers don identify four of di seven pipo we die, three of dem na Italian, wey include two mountain guides.

    Video of di incident showed ice mass collapsing down di slopes of Marmolada, wey be di area's highest mountain.

18. 4 July 2022Bandits abduct anoda Catholic priest for Kaduna

    

    Wia dis foto come from, Getty Images

    Bandits for early hours of Monday abducted Reverend Father Emmanuel Silas of di St. Charles Catholic Church, Zambina, for Kauru Local Goment Area of Kaduna State.

    Di chairman of di Christian Association of Nigeria (CAN) for Kaduna State, Joseph Hayab confam di incident.

    E say e happun early hours of today and dat worshippers observe wetin happun when dem no see priest for morning prayers.

    Dis dey come less than a week after dem bury one Catholic priest, Reverend Father Vitus Borogo wey terrorists kill.

    Dem kill Reverend Father Vitus Borogo on June 25, 2022.

19. 4 July 2022Ukraine go need $750bn for reconstruction

    

    Wia dis foto come from, BBC/Joel Gunte

    Ukraine go need $750bn for a recovery plan in di wake of Russia's invasion - Ukrainian Prime Minister Denys Shmyhal tok on Monday.

    Shmyhal tell di Ukraine Recovery Conference, wey dey currently take place for Switzerland, dem bin over $100bn of direct damage to infrastructure from Russian aggression.

    Di two-day conference for Lugano, wey don already hear from President Zelensky, dey bring together several world leaders and NGOs with di aim of drawing up a roadmap for Ukraine's reconstruction after di war.

20. 4 July 2022FG go facilitate admission for students from Ukraine into Nigerian higher institutions

    

    Wia dis foto come from, Fehintola Moses Damilola

    Federal goment don announce say Nigerian students wey run comot from Ukraine sake of di war for di kontri go fit continue dia studies for Nigeria tertiary institutions.

    Tok-tok pesin for di Ministry of Foreign Affairs Francisca Omayuli for inside statement say goment dey put effort to see say dem get admission for di higher institutions.

    Goment advise students wey get interest to visit di Ministry of Foreign Affairs website and complete di online Nigerian student in Ukraine (NSU) registration form wit di required information on or before 15 July 2022.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post