Commonwealth games 2022 open for Birmingham with style

Live Coverage

1. 4 July 2022Ebola outbreak don officially dey over for DR Congo

   

   Wia dis foto come from, AFP

   Di latest Ebola outbreak don dey contained within three months thanks to "swift" and "robust response" for Democratic Republic of Congo, World Health Organization (WHO) tok.

   Four pipo don die since dis outbreak - wey be di kontri14th since 1976 - and wey dem declare for April inside di western city of Mbandaka.

   Three of those wey die dey considered as "confirmed cases" and one dey considered as "probable" case, di global health body tok.

   WHO go continue to monitor di situation in case of any "flare-ups", but for one statement dem praise Congolese authorities. Di UN organisation work together with di goment to roll out vaccinations, testing, contract tracing, infection prevention and control plus community engagement.

   "Dis outbreak response show say by bolstering preparedness, disease surveillance and swift detection, we go fit stay one step ahead," WHO Regional Director for Africa Dr Matshidiso Moeti tok for statement on Monday.

2. 4 July 2022Teachers for Ghana declare indefinite nationwide strike

3. 4 July 2022Attackers set INEC office on fire inside Enugu State

   

   Wia dis foto come from, Inec

   Nigeria election agency, Inec, don confam attack on dia office for Enugu state, for di Southeast region.

   Festus Okoye, Inec National commissioner say attackers burn down dia office for Igboeze North LGA on Sunday midnight.

   Independent National Electoral Commission say di pipo wey set di place on fire overpower dia security.

   

   Wia dis foto come from, Inec

4. 4 July 2022Burkina Faso leader junta overthrow for coup go get "total freedom"

   

   Wia dis foto come from, AFP

   Burkina Faso military leaders don grant di former president Roch Kabore total freedom afta dem overthrow am for coup in January.

   Dem tok say di move na part of reconciliation effort, according to wetin Radio Omega website report on Sunday.

   Na just last month military leader Lt Col Paul-Henri Damiba to tok about mata of national interest.

   Na for April wey dem allow oga Kaboré to go back im family house for di capital of Ougadougou afta dem put am for house arrest since di coup.

   Im party, di People's Movement for Progress (MPP) say di former leader since dat time, "no dey free to move, free to receive some pipo or tok".

   Di military junta on Sunday confam, "di total release for di former head of state" as part of "moves to make social unity to dey stronger, and national reconciliation".

5. 4 July 2022IMF loan no go save Ghana economy - US Economist

6. 4 July 2022Osun election big pass Ekiti but we don ready

   

   Wia dis foto come from, INEC

   Di Independent National Electoral Commission (Inec) say dem don make bigger preparation for di governorship election for Osun state.

   Festus Okoye, Inec Commissioner in charge of voter education say di Osun election big pass di Ekiti own wey just end.

   On July 16, Osun pipo go cast dia vote for di next governor.

   Unlike Ekiti wey het 17 Local goment areas, Osun state get 31 LGAs – most of di areas dey populated.

   “We dey work to make sure say we dey train our officers on di secrecy of di voting cubicles. Dis na our own way of stopping vote buying,” Okoye tok.

   Di Inec oga add say “Osun big pass Ekiti in terms of registered voters, polling units and everything. Dis na why we dey put extra work for tin wey dey do to make sure say e go well.

   “Inec dey currently witness sudden increase in PVC collection for Ogun state ahead of July 16. We dey also try our best to meet up wit di demands. Our own be say make pipo come out to vote dat day.”

7. 4 July 2022Ohio Police release video wia officers shoot Black man 60 times

8. 4 July 2022Gunmen don kidnap two Catholic priests for Edo - Police

   Gunmen don kidnap two Catholic priests for Edo State inside southern Nigeria.

   E dey happun two weeks afta kidnappers kill on priest for di state.

   Police name Reverend Father Udo Peter and Reverend Father Philemon Oboh as di victims.

   Chidi Nwabuzor, di Edo State Police tok-tok pesin say e happun along di Benin-Auchi Expressway.

   Last week some gunmen kill Rev. Fr Christopher Odia wey be di priest in charge of St. Michael Catholic Church for for Ikabigbo inside Etsako West Local Government Area for di state.

   E bin dey kidnapped for im house as e dey prepare to go mass, and na so dem later kill am.

   Meanwhile authorities for Zamfara state for northwest Nigeria don employ at least 9,000 pipo to work as “community protection guards” to fight bandits.

   Zamfara state Govnor Mr. Bello Matawalle yarn as im dey inaugurate di guards dis weekend say dem need to “bravely stand up to face di bandits kasala”.

   Na di latest security measures afta di govnor bin tell pipo say make dem carry gun take protect demselves from bandits.

   Zamfara state Commissioner for Information Ibrahim Dosara tell BBC say di guards dey currently do training.

   Afta which dem go don 24 hour protecting for di communities and collabo with security forces to take jaguda gangs wey dey attack residents, Dosara add.

9. 4 July 2022Copenhagen shooting no be act of terror - Police chief

   

   Wia dis foto come from, Reuters

   Danish police say no indication dey to show say Sunday shooting be act of terror.

   Di suspect get a history of mental health issues, dem tok.

   One gunman don kill three pipo and wounjure odas inside one of di biggest shopping malls for Denmark, according to police.

   One 22 year old don chop arrest and charge for di attack wey ginger fear for di shoppers inside di Field's mall for Copenhagen.

   Prime Minister Mette Frederiksen say Denmark don suffer cruel attack.

   Even as she dey tok sorry to pipo wey dia loved ones die, she say she wan ginger Danes make dem stand togeda and support each oda for dis difficult time.

   She say "Our beautiful and normally safe capital don change in one split second."

10. 4 July 2022Central Afrocan republic don launch dia Crypto hub

    

    Wia dis foto come from, Reuters

    Di Central African Republic don launch dia goment backed house for Bitcoin wey dem call Sango, afta one di kontri official languages.

    President Faustine Archange Touadéra launch di hub with announcement for social media.

    Dis dey come as di kontri approve Bitcoin as legal tender for May. Dis mae CAR di second kontri afta El Salvador to do am.

    President Touadéra say for im pos say di project be like “digital gold”.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

    E neva clear how everytin go work yet but according to di Mining Minister Rufin Benam Beltoungou di project na to help pipo invest inside di kontri mining resources among odas.

    Many pipo dey fear about di use of Bitcoin as legal tender afta di crypto crash by 20% last month.

    Dis na to add with di 90% of pipo for di kontri wey no gry access to internet, although dem don sign agreement with Cameoroon to share di fibre optic network for 2023.

    Di goment don estimate say Central Africa Republic natural resources to dey worth pass $3 trillion but di kontiri don dey fight back to back civil wars fror almost ondecade and dey among di poorest for world.

11. 4 July 2022Good morning

    Una welcome.

12. 4 July 2022Nigeria vs South Africa match preview, team news

13. 5 May 2021Lagos state goment say Baba Ijesha get case to ansa, recommend am to face a five-count charge of sexual abuse