Commonwealth games 2022 open for Birmingham with style

Live Coverage

1. 8 July 2022Lagos govnor match break for safe abortion guidelines

   Lagos State Governor Babajide Sanwo-Olu don order di suspension of di “State Guidelines on Safe Termination of Pregnancy for Legal Indications” wey di Directorate of Family Health and Nutrition in for di Ministry of Health issue.

   Na for inside statement wey di Commissioner for Health, Prof. Akin Abayomi, titled, “Retraction on guidelines relating to safe termination of pregnancy for medical reasons in Lagos State’.

   Sanwo-Olu say dem no go implement di new until dem don torchlight di mata well well.

   Di govnor add say di suspension go give dem enough time for public sensitisation and stakeholder engagement.

   Dem go reach di required consensus for successful guideline development.

   “Among di plenti factors wey contribute to maternal mortality, illegal abortions and high-risk pregnancies leading to unresolvable complications rank high.

   “Di Lagos State Ministry of Health dey find different different methods to remove illegal abortions and ensure say any mother no die during childbirth, wey dey scatter di family unit.

2. 8 July 2022Sepp Blatter and Michel Platini dey not guilty for dia fraud trial

   One fraud trial don find former Fifa president Sepp Blatter and vice-president Michel Platini not guilty of di charges against dem.

   Di two men bin dey stand trial over a payment of 2m Swiss francs (£1.6m) wey Blatter pay to Platini in 2011.

   Both bin don deny say dem do wrong over di transfer of payment for wetin di former Fifa president say na for Platini advisory work for Fifa.

   As e arrive court Friday, Blatter say: "I no dey innocent in my life but for dis case I dey innocent."

   Di 11-day hold for di Federal Criminal Court in Bellinzona, Switzerland and e end on 22 June.

   

   Wia dis foto come from, Getty Images

3. 8 July 2022To chop just two goals against Super Falcons na achievement - Botswana coach

4. 8 July 2022Una Good morning

   Anoda day of new and ognonge tori don start.

   Make you tanda hia for all di latest tori.

5. 8 July 2022US, UK warn dia citizens about Abuja afta Kuje prison break, locals dey fear

6. 7 July 2022Scroll down for Thursday tori!

   We dey hail una for staying wit us throughout our live coverge of tori from around di world including Nigeria, Ghana plus oda kontris.

   Make una scroll down for all di ogbonge tori wey you for don miss today.

   You fit read about wetin dey happun to UK Prime Miniter here

   Join us again on Friday.

7. 7 July 2022Bamise murder trial: Court adjourn again as lawyer no show face, Lawyer Omotubora bin dey absent for June 7, 9 and 30th wey make court adjourn di case for dose dates.

   Article Information

   • • 
     • Author, Andrew Gift
     • Role, BBC Pidgin, Lagos

   

   Justice Sherifat Sonaike of Lagos Lagos High Court TBS on Thursday vex ontop di continued absence of lawyer to di first defendant for di ongoing trial Andrew Nice di BRT bus driver.

   Andrew Nice dey face accuse say e rape and murder 22 years old fashion designer Oluwabamise Anyawola inside BRT bus for February 2022.

   Im dey also face accuse say e also rape anoda passenger Maryjane Odezelu November 2021.

   Lawyer Omotubora bin dey absent for June 7, 9 and 30th wey make court adjourn di case for dose dates.

   Justice Sonaike say wetin di lawyer dey do dey bad and no be so good lawyer suppose behave.

   She advise di defendant to get new lawyer.

   Di judge say di lawyer no even write di court to tok why e no show face for court wen di case come up on Thursday.

   E say if di defendant no get lawyer for di next adjourned date, office of di legal aid counsel go appoint lawyer to am.

   She adjourn di case to September 28 for further hearing.

   Since di death of Bamise Ayanwola, her bodi still dey morgue as di family dey insist say dem want Justice for dia late sister

   

8. 7 July 2022See as Odumeje Church react to demolition incident by Anamabra goment

9. 7 July 2022Police confam gunmen shoot pastor, kill two sons and kidnap daughter for Adamawa

   

   Wia dis foto come from, Getty Images

   Police for Adamawa State don confirm say gunmen storm di house of di pastor of EYN Church Reverend Daniel Umaru on Wednesday and abduct im teenage daughter afta killing im two sons.

   Tok-tok pesin for di police in Adamawa State DSP Suleima Nguroji tell BBC Pidgin say di gunmen also shoot di pastor for leg but im dey respond to treatment.

   Nguroji say di command receive distress call between 1am and 2am on Wednesday say gunmen attack di pastor house.

   Im say di pastor wife currently dey experience trauma sake of wetin happun to her family.

   “Dem kill im sons and di pastor also sustain gunshot injury. Dem kidnap im daughter but we don dey go afta di kidnappers and we dey assure members of di public say we go resuce am alive and gbab di suspects,” di command tok-tok pesin tell BBC Pidgin.

   E say di command dey liase wit di medical doctors wey dey take care of di pastor to ensure say di man receive proper medical treatment and get back on im feet.

10. 7 July 2022Usifo Ataga murder: Wetin make court adjourn Chidinma trial again, Chidinma dey standing trial along side her younger sister Chioma and one Adedapo Quadri.

    Article Information

    • • 
      • Author, Andrew Gift
      • Role, BBC Pidgin, Lagos

    

    High court for Lagos state southwest of Nigeria don adjourn again di ongoing trial of Chidinma Ojukwu di alleged killer of Super TV boss, Usifo Ataga.

    Chidinma dey stand trial alongside her younger sister Chioma and one Adedapo Quadri for di alleged murder of Oga Usifo Ataga.

    Dem dey face counts of murder and conspiracy plus odas.

    Wen di case come up on Thursday, counsel to di first defendant Onwuka Egwu send request to court to vacate Thursday 7 July date as im no go dey court.

    E say im dey stuck for Anambra state southeast of Nigeria sake of flight delay.

    Counsels to di state A.O. Oluwafemi say dem no happi say counsel to di first defendant no dey court and no even fit call dem for phone.

    She claim say dem carri witness come court and dis come dey happun.

    Counsel to di second defendant Mr Babatunde frown ontop di matter, e remind court say last time dem adjourn dis case na sake of say di third defendant counsel dey new for di case and request for time to collect documents to follow di case.

    Come add say now same third defendant get new lawyer again and all dis dey contribute to delay for di case.

    Justice Adesanya tell di counsels say dat kain tin no go happun again for di case as she no go allow counsels to delay di case wit dat claim reason again.

    She adjourned di case to 4th and 6th October 2022 for continuation of trial.

    Chidinma Ojukwu don dey prison for over one year after police arrest am for 2021 ontop accuse say e kill Mr Ataga.

    She and oda accused pesins plead not guilty to di charges against dem.

    About five pipo don testify ontop di matter including di owner of apartment wey Chidinma and Ataga lodge before di incident happun dia.

11. 7 July 2022Lagos goment set up trust fund to investigate domestic violence cases free, Di fund wey dem call Domestic and Sexual Violence Trust Fund go help settle cost of investigating related cases

    Article Information

    • • 
      • Author, Andrew Gift
      • Role, BBC Pidgin, Lagos

    

    Wia dis foto come from, Lagos govt

    Goment for Lagos state southwest Nigeria don set up special unit/trust fund to handle domestic and sexual violence cases for di Nigeria commercial capital.

    Di fund wey dem call Domestic and Sexual Violence Trust Fund go help settle cost of investigating related cases.

    Di trust fund dey partner wit Nigeria police to run investigations ontop domestic and sexual violence matters.

    Places you fit find family support units to report cases

    Goment say dem get Family Support Unit FSU for di following locations for Lagos.

    1. Ketu

    2. Isokoko

    3. Ikotun

    4. Adeniji Adele

    5. Epe

    6. Badagry

    7. Festac

    8. Igbogbo

    9. Owutu

    10. Ilupeju

    11. Okokomaiko

    12. Ajegunle

    13. Alakuko

    14. Gender desk

    15. Ajah

    16. Bariga

    17. Ikeja police station.

    Di fund say police pipo wey dey di units no suppose request for money to investigate cases or to carri cases go court.

    Goment say if any FSU demand money from you wen you report such matter make you alert di Domestic and Sexual Violence Agency sharperly.

    Before now wen most pipo carri domestic and sexual violence cases go meet security pipo, some security agencies dey demand for money to prosecute di matter.

12. 7 July 2022Wetin make Egypt arrest pipo wey dress like Batman?, Dem wan fight to find di real one

    

    Wia dis foto come from, Getty Images

    Egyptian authorities don arrest four organisers for one joke Facebook event with charges say dem dey "plan riot" and "use reactions... take make money".

    Dem bin set up di "Helwan Real Batman Battle" afta two pipo for Facebook dey use joke dey argue on top weda dem be Batman.

    Anoda pesin come join say make dem dress up as di comic character and "fight battle" for Cario inside di Helwan district on 13 August to "settle di mata".

    Di event description say, "whoeva still dey alive na di real Batman".

    Di post come make pipo dey crack joke and comedy around even reach Egypt celebs sef.

    Until e reach some TV stations wey dey support President Abdul Fattah al-Sisi, those ones come hala say dis kain event fit promote violence against security agencies.

    Popular TV presenter, Lamis al-Hadidi say di date wey dem choose mark di anniversary of di military overthrow of President Mohammed Morsi wia 900 pipo die.

    She come tell pipo say even though dis tin start as joke make dem no take ma lightly.

    Pipo see social media for Egypt as "safe haven" to criticize President Sisi rule but dat one na bobo on top say interior ministry department dey wey dey monitor di platforms 24 hours a day.

13. 7 July 2022Burkina Faso convicted president return from exile

    Former President of Burkina Faso, Blaise Compaoré, don return to im kontri afta spending seven years for exile.

    Di goment say im dy di kontri to do tok tok wit di military junta as part of reconciliation efforts.

    One journalist bin don dey tweet pictures of di return:

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

14. 7 July 2022Court convict man wey kill Rapper Nipsey Hussle of murder

    

    Wia dis foto come from, Getty Images

    Court don find di man wey shot and kill Los Angeles rapper Nipsey Hussle minutes afta one brief argument for 2019 guilty of murdering di ogbonge artist.

    One jury for California convict Eric Holder, wey be 32, on Wednesday afta six hours of deliberations.

    E shot Hussle, wey im real name na Ermias Asghedom, outside im LA clothing store. Di 33-year-old dey reportedly know di killer for plenti years.

    Following im death, pipo across di music industry bin tributes to am.

    Dem also find Holder guilty of two counts of attempted manslaughter as two oda men dey shot for di incident.

    E fit get life in prison wen dem sentence am in September.

15. 7 July 2022Boris Johnson: Russia and Ukraine react as UK PM endgame dey happun

    

    Wia dis foto come from, Ukraine Goment

    Kremlin for Moscow don react to outgoing UK Prime Minister Boris Johnson, wey bin dey responsible for di consistent British support for Ukraine for im fight against Russia invasion.

    President Putin tok tok pesin Dmitry Peskov say Oga Johnson "really no like us - and we sef no like am too".

    E say im hope "more professional pipo" wey fit "make decisions through dialogue" go take over for London.

    Meanwhile, Russian foreign ministry tok tok pesin Maria Zakharova tell tori pipo say Oga Johnson collect "di boomerang wey im take im hand launch."

    She add say di moral of di story be say "no try to destroy Russia".

    But Ukraine reaction na di opposite: di presidency thank di politician for im support for "di most difficult of times", according to news agency AFP.

    Ukrainian President Volodymyr Zelensky bindevelop close relationship wit Mr Johnson since di start of di war.

    Im adviser, Mykhailo Podolyak, enta Twitter to thank am for being "di first to land Kyiv, despite missile attacks" and "always being at di forefront of supporting" Ukraine.

16. 7 July 2022Kazuki Takahashi: Yu-Gi-Oh! manga comic creator deadi bodi found for sea at 60

    Authorities find di deadi bodi of Kazuki Takahashi, wey im popular manga comic series Yu-Gi-Oh! became popular all ova di world including as TV shows, films and successful card game, for sea for Japan.

    Di 60-year-old die afta snorkelling near di southern Okinawa Island, di coastguard tok.

    E add say Investigation don begin to know weda na accident abi na crime.

    Yu-Gi-Oh!, wey mean King of Games, na about spiky-haired teenager Yugi, wey receive ancient puzzle wake di alter ego of one Egyptian pharaoh inside am.

    Yugi dey solve conflicts using games.

    Ddem publish am for Japanese comic magazine Shonen Jump between 1996 and 2004, and for 1999 dem turn am to real-life trading card game.

    

    Wia dis foto come from, Peter Ednig/EPA

17. 7 July 2022Jabeur become first African woman to reach Wimbledon final

    

    Wia dis foto come from, Reuters

    Tunisian third seed Ons Jabeur don become di first Arab and African woman to reach Grand Slam singles final as she beat German mother-of-two Tatjana Maria for di last four at Wimbledon.

    Jabeur win 6-2 3-6 6-1 against 103rd-ranked Maria, wey aim to become di lowest-ranked woman to reach di final.

    Two of dem na good friends but dem come be rivals on Centre Court, sharing one long and loving embrace for di net.

    Jabeur wey be 27 years, go face Simona Halep or Elena Rybakina for Saturday's showpiece.

18. 7 July 2022Swahili language don get im own UN day of celebration

    Swahili na di first African language to get dia own UN-designated day, wey dem mark today for di first time.

    Di UN cultural organisation, Unesco, say dem get over 200 million speakers and na one of di most widely used African languages.

    Di African Union, wey recently adopt Swahili as one of dia official languages, don join di celebrations:

    Skip X post, 1

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post, 1

    Unesco say di theme for dis year na ro promote di language as "a beacon for unity, peace, and enhanced multiculturalism":

    Skip X post, 2

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post, 2

    On Tuesday, Uganda cabinet approve di adoption of Swahili as official language - di latest move by kontries and organisations around di continent to promote di language.

19. 7 July 2022Nigeria goment declare two days public holiday for Eid-al-Kabir

    

    Wia dis foto come from, Rauf Aregbesola

    Nigeria Minister of Interior, Rauf Aregbesola on Thursday announce Monday 11 July and Tuesday 12 July as public holidays as Muslims for di kontri join odas across di world to celebrate dis year Eid-al-Kabir.

    Inside one statement from di Ministry of Interior, Aregbesola ask Muslims wey dey celebrate to be vigilant of bad belle pipo wey fit wan do one kain for dia communities.

    Eid-al-Kabir na one of di events wey dey popular among Muslims.

    Adherents of Islamic religion dey kill ram as sacrifice to Allah while pipo wey fit afford am, go go do hajj pilgrimage for Saudi-Arabia as one of di five pillars of Islam.

20. 7 July 2022Why court sama Nicki Minaj husband one year house arrest