Commonwealth games 2022 open for Birmingham with style

Live Coverage

1. 7 July 2022Jerry Harris wey be Star of Netflix Cheer chop 12 years in prison

   

   Wia dis foto come from, Getty Images

   Jeremiah "Jerry" Harris, one of di stars of Netflix documentary series Cheer, don chop sentence to 12 years in prison on child sex abuse charges.

   E plead guilty for February to charges of child pornography and travelling across state lines with di purposes of having sex with a child.

   Dem also sentence am to eight years of supervised released afta prison.

   Harris admit to exchange lewd pictures with 10-15 children for three states wey e know to dey underage.

   Di Emmy-award winning series Cheer follow di lives of di Navarro College cheerleading squad inside Texas.

   Harris' fame see am win one invitation to di Academy Awards as guest of TV host Ellen DeGeneres, where e interview celebrities on di red carpet.

   Wetin lead to im investigation na one complaint from one Texas mother, wey her twin sons dey abused by Harris.

   For one later season of Cheer, di boys go on to describe how di abuse sometimes take place for cheerleading competitions.

   Di boys, wey now dey di age of 16,dey present for di sentencing hearing inside Chicago, according to USA Today.

   Each of dem give statements, describing di lasting impacts of Harris' crimes.

2. 7 July 2022Key points from Boris Johnson statement as e step down

   

   Wia dis foto come from, Reuters

   Boris Johnson just finish im resignation statement. Here na summary of di key points:

   • Johnson tok say e dey "clearly now di will of di parliamentary party" for dia to be new Prime Minister
   • Dem go announce di timetable for choosing new PM next week
   • E say e wait so long to make di decision as e bin dey very serious to deliver on di voters' mandate in pesin, saying e feel say dis na im duty and obligation to do wetin e don promise
   • E say e dey very proud of im achievements, including getting Brexit done, getting di UK through di pandemic and leading di West in standing up to Vladimir Putin invasion of Ukraine
   • E say di UK must "keep levelling up", adding doing so go make di kontri di most prosperous inside Europe
   • Johnson say e try to persuade colleagues say e go deystrange to change goment wen dem get dis kain mandate, but regret say e no dey successful for those arguments
   • E say "for Westminster di herd instinct dey powerful, wen di herd move, dem move"
   • E say e bin wan let di public know "how sad I dey to give up di best job for di world" but "them's di breaks"
   • E thank im wife Carrie, im children, di NHS , armed forces and Downing Street staff

3. 7 July 2022Kenya freeze bank accounts of Nigeria tech company

   

   Wia dis foto come from, Getty Images

   One Kenyan court don freeze bank accounts of one Nigeria online payments' company inside allegations say dem get connect to fraud and money-laundering.

   Kenya Assets Recovery Agency (ARA) say dem ask and receive orders to freeze a total of 6.2bn shillings ($52.5m; £43.9m) in 62 bank accounts belonging to Flutterwave and six oda companies.

   Flutterwave be one Nigeria company wey allow African businesses and dia customers to pay online.

   Last year, di company become di fastest African-led company on di continent to don reach one billion-dollar valuation.

   Di Kenyan authorities say dem be no get explanation or supporting documents to back Flutterwave transactions for 29 accounts wey dem spread across three banks.

   Di accounts contain moni for Kenyan shillings, US dollars, euros and pound sterling.

   Flutterwave also chop accuse say dem no get authorisation from Kenya Central Bank to provide payment services.

   “Further investigations show say reasonable grounds dey to believe say di moni be proceeds of crime wey dem get from illegitimate source.

   " We need to preserve di moni till di filing and hearing of one intended forfeiture application” di agency dey quoted say dem don submit am for court.

   Flutterwave oga Gbenga Agboola don reportedly deny di allegations, e tell tori pipo Peoples Gazette say di charges fit dey politically motivated.

   “Why Nigerian companies for Kenya dey targeted by Kenya ARA? Dis dey happun near dia election time,” dem quote im tok.

   None of di banks don comment on di matter.

4. 7 July 2022Sankara family want arrest of ex-President Compaoré

   

   Wia dis foto come from, ge

   Di family lawyers of Burkina Faso independence hero, Thomas Sankara don call on di judiciary to arrest former President Blaise Compaoré, wey dey expected to return home from exile on Friday.

   Compaoré, wey dey in exile since e comot from office for 2014, chop life sentence over di 1987 assassination of Sankara.

   Di demand by Sankara lawyers come afta Burkina Faso goment announce say Compaoré go dey among former heads of state wey go tok wit di military regime on Friday “as part of effort to rush di issue of reconciliation”.

   E no dey clear whether oga Compaoré go face judicial process.

   However, di goment say di upcoming meetings between di military regime and ex-leaders “no go staop di legal proceedings wey some of dem initiate".

5. 7 July 2022Hunters enta bush in search of salah meat sake of inflation

   

   Di high cost of ram don make hunters decide to enta bush go look for meat wey dem go use for Salah celebration inside dis Nigerian town.

   Some hunters for Kano State for northwest Nigeria begin dia mission of hunting animal wey dem go slaughter on Salah day.

   Adamu Mai Salati, leader of di hunting group tell BBC News Pidgin say dem take di decision becos dem no fit afford to buy ram or cow.

   E say dem no wan make dia children or family members beg for meat for oda places.

   “As ram and oda animals for market too cost na im we decide since we be hunters to use our hands to get animals inside bush to slaughter.”

   “Our children and family deserve to enjoy salah meat like any oda normal family na why we dey enter bush.

   "But if Dangote or any oda rich pesin from Kano call us to come collect ram we go comot from inside bush.”

   Many muslims across di kontri dey complain of high cost of rams and cows wey dem go use celebrate Eid-ul-Adha wey come up dis weekend.

   Di Eid el Kabir na big feast wey Muslims dey celebrate every year to mark di end of Hajj.

   Di festival of Eid al Adha or Eid el Kebir na important religious holiday for Muslims, na di festival of sacrifice.

   Muslims all over di world dey do dis festival as symbol or reminder.

   

   

6. 7 July 2022Pensions secretary refuse to quit, despite 'very bad situation'

   

   Wia dis foto come from, EPA

   Work and Pensions Secretary Therese Coffey say she go remain for office to make sure say di "wheel of goment continue to turn".

   For tweet, she say she understand her colleagues' concern and "di very bad situation we we dey inisde now".

   But Coffey say her department need to dey "fire on all cylinders" to support di most vulnerable pipo for society.

7. 7 July 2022UK Court say organ donor be adult, remand Ekweremadu, wife till Aug. 4

8. 7 July 2022Una welcome

   Good morning and welcome to our daily live tori.

9. 7 July 2022Ghana IMF loan history since 1966

10. 6 July 2022'We need more explanation' - Ukrainian returnee student react to FG admission offer

11. 6 July 2022Scroll down for Wednesday tori!

    We dey hail una for staying wit us throughout our live coverge of tori from around di world including Nigeria, Ghana plus oda kontris.

    Make una scroll down for all di ogbonge tori wey you for don miss today.

    Join us again on Thursday.

12. 6 July 2022Pope wan give women more top-level positions

    

    Wia dis foto come from, Getty Images

    Pope Francis don tok say im wan give women more top-level positions in di Holy See.

    Di pontiff disclose say for di first time e go name women to Vatican committee wey go help am select di world's bishops.

    Before, na only male dey inside di committee.

    Di role of women for di Vatican hierarchy na one of di many Church and international topics di 85-year-old pontiff discuss for one exclusive interview wit Reuters for im Vatican residence on 2 July.

    One new constitution for the Holy See's central administration wey dem begin use last month allow any baptised Catholic, including lay men and women, to head most Vatican departments.

    "I dey open to give (women) an opportunity," im tok.

13. 6 July 2022Goment no dey stop work sake of terrorist attack – Nigeria Presidency

    Nigeria Presidency don respond to Nigerians reactions to President Muhammadu Buhari trip to Dakar, Senegal less dan 24 hours afta gunmen attack im advance team convoy and Kuje Prison.

    Inside Presidency Nigeria Twitter post, di gomen say, to cancel di trip go means say di terrorists don get upper hand.

    “To cancel di trip to Senegal go mean say di terrorists don success to call di shots or give order, dis na sometin wey no responsible goment for world go allow.”

    E stress say “goments no dey stop work just becos dia kontris dey face terrorist threats.”

14. 6 July 2022Man City Sterling don agree to join Chelsea

    

    Wia dis foto come from, Getty Images

    Manchester City forward Raheem Sterling don agree personal terms wit Chelsea.

    Sterling wey be 27-year-old get one year left on im contract for City and e don attract interest from major clubs overseas.

    City bin sign Sterling from Liverpool for £49m deal in 2015 and e don score 131 goals in 339 games.

    If di deal dey completed, Sterling – wey get 77 caps for England - go become Chelsea first major signing since di take ova by consortium wey Todd Boehly lead dis summer.

15. 6 July 2022Two Catholic priests wey dem kidnap for Uromi don regain freedom, Acting Governor of Edo State give matching orders to security agents to effect dia release

    Article Information

    • • 
      • Author, Karina Igonikon
      • Role, BBC Pidgin, Port Harcourt

    

    Wia dis foto come from, Edo State Govt

    Di two Catholic priests wey kidnappers bin gbab for Catholic Diocese of Uromi Edo State don regain dia freedom.

    Tok tok pesin for Edo State Police Command, SP Chidi Nwabuzor confam to BBC Pidgin say dem release dem to di Acting Governor of Edo State, Philip Shuaibu and now dem don reunite with dia families and di Catholic community.

    Na on Sunday 3 July, 2022 kidnappers gbab Rev. Fr. Udo Peter of St. Patrick's Catholic Church Uromi and Rev. Fr. Philemon Oboh of St Joseph Retreat Centre Ugboha for Esan East LGA, along di Benin-Auchi Expressway as dem dey return to Uromi from Benin, di Edo State Capital.

    Di Acting Governor don visit di catholic priests as well as Rev. Fr. Luigi Brenna wey dem bin dey kidnap too.

    

    Wia dis foto come from, Edo State Govt

16. 6 July 2022'Nigerians wey no believe say we do well, make dem come try' - Lai Mohammed

17. 6 July 2022Kenya carri third globally for teenage pregnancies

    

    Wia dis foto come from, Getty Images

    Kenya don get third position globally for teenage pregnancies.

    Dis na according to a UNFPA report where dem reveal say nearly a third of all women for developing kontris start to get pikin at di age of 19 or younger.

    One senior health official for Kenya tok say one in every five adolescent women aged 15-19 na mother or dem don already get belle of dia first pikin.

    She add say in 2021, about 21% (317,644) of all pregnancies wey dem record for di kontri na among adolescents aged 10-19 years.

    Dis dey come at a time wen di kontri don launch di National Reproductive Health Policy 2022-2032.

    Di policy draw condemnation from around di kontri as youth tok say dem no involve dem in di consultations.

18. 6 July 2022Man Utd target De Jong no dey for sale - Barca

    

    Wia dis foto come from, Getty Images

    Barcelona dey claim say Frenkie de Jong no dey for sale - even though Manchester United get agreement to sign di midfielder.

    Last week, United bin agree one 65m euro (£56m) fee, plus add-ons, wit Barca for di Netherlands international and dat deal still dey active.

    But Barca president Joan Laporta say: "[De Jong] na Barca player and unless we need or dey interested in selling him, we no go sell am."

    De Jong join dem from Ajax for 2019 for a fee of £65m plus £9.5m in variables, and sign a five-year contract.

    However, Barcelona gatz need to sell dia high-earning players to balance dia books.

    BBC Sport understand say one deal dey in place wit Premier League side United but progress towards di completion dey slow.

    A move to di Red Devils go reunite De Jong wit im former Ajax boss Erik ten Hag, wey dey in charge of im first season for Old Trafford.

    Laporta add say: "We know say [De Jong] get offers. If at any moment we dey interested, we go consider am, but right now, we no dey sell di player."

19. 6 July 2022Tunisia freeze bank accounts of top politicians

    

    Wia dis foto come from, Getty Images

    Tunisia's financial auditor don order say make dem freeze di bank accounts and financial assets of 10 pipo including two senior officials.

    Di Tunisian Financial Analysis Committee say dia order na sake of one letter from an anti-terrorism judge, and dem no give details.

    Di 10 pipo include Rached Ghannouchi, di head of di Islamic Ennahda Party and former Speaker, along wit im son and son-in-law; former prime minister Hamadi Jebali and im two daughter.

    Last May, one Tunisian court ban Mr Ghannouchi and more dan 30 oda pipo from travel sake of say dem dey under investigations.

20. 6 July 2022Eedris Abdulkareem get Kidney failure, transplant na for July ending

    

    Wia dis foto come from, Instagram/ Eedris Abdulkareem

    Nigeria rap star, Eedris Abdulkareem don comot to confam report say im get kidney failure.

    For statement wey di "Nigeria Jaga Jaga" rapper make for im social media page, e reveal say e bin dey diagnosed recently and don dey run dialysis for one unnamed hospital for Lagos since then.

    Di statement als oreveal say na im family member dey donate di kidney for di transplant.

    E ask Nigerians say, "on behalf of di AbdulKareem family and Lakreen Entertainment Inc, we an ask for prayers and good wishes for Eedris and we dey pass through dis hard times".

    Eedris Abdulkareem bin burst enta limelight for di early 2000s with gbedu like Mr Lecturer, Jaga Jaga, and Country Hard among ods.

    Skip Instagram post

    Allow Instagram content?

    Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of Instagram post

    Part of di stars wey don ginger for di rapper na fellow rapper M.I Abaga wey reveal wetin im hear including account number to send money for di surgery.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post