Commonwealth games 2022 open for Birmingham with style

Live Coverage

1. 13 July 2022Raheem Sterling leave Man City to Chelsea afta seven seasons

   Raheem Sterling don confam say im don leave Manchester City.

   Chelsea don also confam im move to join di Blues afta e dump City.

   Di 27-year-old dey make £50m move to Premier League rivals Chelsea.

   Sterling say e arrive Manchester wen e be 20-year-old and today e dey leave as a man.

   E say e play seven seasons, win 11 major trophies for City.

   And im dey walk away wit a lifetime of memory.

   Skip X post

   Allow X content?

   Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of X post

2. 13 July 2022Tiff pocket Mandela boxing belt

   

   Wia dis foto come from, Getty Images

   South African police don begin find suspects wey tiff one boxing belt wey US champion Sugar Ray Leonard donate give Nelson Mandela.

   Di world champion belt wey worth about $3,000 (£2,500) bin dey on display for di Mandela House museum for Soweto.

   Police tok-tok pesin Col Dimakatso Sello say dem don begin investigation.

   E dey alleged say di staff wey report for duty for di famous museum na im notice say di belt don miss.

   According to Mandela House, dem give Mandela di belt shortly afta im release from prison by South Africa white-minority government in February 1990.

3. 13 July 2022ASUU reply Buhari order to call off strike

4. 13 July 2022Owner of S/Africa bar wia teenagers die dey arrested

   

   Wia dis foto come from, EPA

   South African police don arrest three pipo say dem get hand for di deaths of di 21 teenagers wey die inside one bar for di city of East London last month.

   Di teenagers death dey strange as e happun as dem dey party for di Enyobeni Tavern.

   Di arrest of di three suspect wey include di owner of di bar dey in connection say e sell alcohol to under-age children.

   Di liquor licence board bin file complain give di police afta di death of di teenagers wey collapse as dem attend di party to celebrate say dem don edn mid-year exams last month.

   Twenty six odas wey dem admit for hospital don dey discharged.

   Di owner of di bar go appear for court next week.

   Two of im employees get options of paying fine of about $120 for selling alcohol to pipo wey neva reach di age of 18.

   Police still dey try know how exactly di teenagers take die.

   Di toxicology report neva dey released yet but pathologist don suggest say di cause of dia death fit be from something dem inhale or ingest.

5. 13 July 2022Rivers APC 'big wigs' resign, Over 10 APC stalwarts for Rivers State don comot from di party over di past five days

   Article Information

   • • 
     • Author, Karina Igonikon
     • Role, BBC Pidgin, Port Harcourt

   

   Di All Progressives Congress, APC for Rivers State don lose many of di party big wigs as over 10 party stalwarts don tender resignation letter from di party.

   Some wey don resign include Dawari George, former govnorship aspirant and House of Reps member, former Acting Managing Director of NDDC Ibim Semenitari,

   Former govnorship aspirant Prince Tonye Princewill, former member Rivers State House of Assembly, Golden Chioma, Chidi Wihioka among many odas wey dia resignation happUn within di past five days make pipo dey wonder wetin dey happUn.

   While most of dem no give reason why dem comot, some like Chidi Wihioka say na becos dem no value im contributions to di party while odas like Prince Tonye Princewill say di reason e comot na becos e no happy with di Muslim-Muslim presidential ticket of di party as e dey insensitive and e no good for good governance.

   As at now, di ones wey don comot never tok weda dem go join anoda political party.

   Di leader of di party for Rivers State and former presidential aspirant of di APC, Chibuike Rotimi Amaechi never react to di recent resignations.

   

   Wia dis foto come from, Prince Tonye Princewill

6. 13 July 2022Horse accident, stampede and gun attack: Three tragic accidents wey hit Kano, Katsina for Salah

7. 13 July 2022Hundreds of pipo die for South Sudan cattle wars

   

   Wia dis foto come from, AFP

   Di authorities for South Sudan say more dan 230 pipo don die ova di last two weeks for ethnic clashes for di south of di kontri.

   Di fight ova cattle and grazing fields start for Eastern Equatorial state early dis month.

   Di killing happun for Kapoeta North county wia rival communities clash following cattle raids for one of di villages.

   Pipo wey die include one local chief wey dem shoot as mourners gada to bury pipo wey die in di violence.

   Di govnor of di state don condemn di killings and ask di goment to urgently send security forces to di area to help restore calm.

   E come as South Sudan mark 11 years of independence.

   Di UN don warn say di kontri risk a return to civil war sake of di inter-communal fight wey don displace millions of pipo.

8. 13 July 2022 How hospital catch doctor wey allegedly rape pregnant woman during C-section

9. 13 July 2022Two-storey building collapse for PalmGrove, Lagos

   

   One two-storey building don collapse for Palmgrove area of Lagos State on Wednesday.

   Di Lagos State Emergency Management Agency (LASEMA) say di abandoned building wey dey for No 15, Oke Arin Street, Ilupeju Palm Grove, collapse to ground zero for early momo.

   Di authorities say nobody die but one man injure.

   “Further investigation show say di incident happun around 12:45 sake of di building don old,” LASEMA tok for di situation report. “Fortunately, no loss of life.

   Wednesday incident na di latest for di chains of building collapses for Lagos.

10. 13 July 2022‘Dem murder de 18-year-old for money ritual to buy latest car’

11. 13 July 2022Osun state govnorship candidates go sign peace accord today

    

    Candidates for Osun State govnorship election go sign peace accord today.

    Di peace accord na for di candidates to commit demsef to di smooth and peaceful conduct of di election wey go happun on Saturday.

    Meanwhile, di stage don set for di election.

    Di govnorship election wey dey happun on Saturday 16 July, 2022 go see ogbonge contenders battle to become di number 10 govnor since di creation of di state for 1991.

    Na fifteen candidates dey di race to become di next govnor of di South Western state.

    Di current sitting govnor, Adegboyega Oyetola dey di race as im dey seek re-election into office for second term.

    For candidate of di main opposition party, PDP dis na di second time im go contest for Osun govnorship election.

    Click here to read more about di main candidates dia profile.

12. 13 July 2022Ugandan police arrest 25 pipo sake of cost of living protest

    

    Wia dis foto come from, Getty Images

    Police for Uganda don arrest 25 pipo sake of Monday demonstration against high prices of food and fuel.

    Many of di pipo wey take part in di protests in di eastern district of Jinja - about 80km (50 miles) from di capital, Kampala - na motorcycle taxi riders aka bodaboda.

    Dem demand say make di goment intervene to subsidise di price of essential commodities.

    Kiira region police tok-tok pesin James Mubi say dem get information say na politicians organise di protests.

    Di police say dem go summon di politicians for questioning.

    Di protesters block one major highway wit logs and tyres but di police quickly scata dem.

    Price of fuel don almost double from 3,900 Ugandan shillings ($1.02) to 7,500 Ugandan shillings for some parts of di kontri.

13. 13 July 2022Twitter drag Elon Musk go court sake of $44bn takeover deal

    

    Wia dis foto come from, Getty Images

    Twitter don drag billionaire Elon Musk go court to try force am to buy di social media firm, setting up a legal battle wit di world richest man.

    Dis dey come afta Oga Musk announe say im dey waka from im proposed $44bn (£37bn) takeover of Twitter on Friday.

    E claim say Twitter neva give information about di number of fake and spam accounts on dia platform.

    Now Twitter don ask one Delaware court to order Oga Musk to complete di merger at di agreed $54.20 per Twitter share.

14. 13 July 2022Sri Lanka prime minister declare a state of emergency as president run go Maldives

15. 13 July 2022France jail ex-Rwandan official for genocide role

    

    Wia dis foto come from, Getty Images

    One French court don find man wey plan one of di bloodiest single episodes of di Rwandan genocide guilty of complicity and sentence am to 20 years in prison.

    Laurent Bucyibaruta na di highest-ranking Rwandan to face trial for France sake of di 1994 massacres, wia an estimated 800,000 Tutsis and moderate Hutus die.

    As govnor of di southern Gikongoro province, Oga Bucyibaruta encourage tens of thousands of Tutsis to take refuge for Murambi Technical School.

    Days later, dem slaughter di pipo.

    Evidence from survivors help to convict Oga Bucyibaruta.

16. 13 July 2022Una good morning!

    Welcome to our live page coverage for today.

    Na here we go bring una updates from across Nigeria, Africa and di world as dem dey happun.

17. 13 July 2022Newcastle dey target Isak, Cristiano Ronaldo offer imsef to Paris St-Germain?

18. 13 July 2022Meet di candidates wey dey eye Osun govnorship seat

19. 12 July 2022'In need of a miracle' - Update on pastor Gray life-threatening condition

20. 12 July 2022Checkout Nasa space telescope new spectacular pictures