د امریکا ولسمشر ډونلډ ټرمپ ويلي، لا تر اوسه له ایران
سره جوړجاړي
ته چمتو نه دی.
له
اېن
بي سي نیوز سره په ټلیفوني
مرکه کې، ښاغلي ټرمپ ويلي،
ایران غواړي معامله
وکړي، خو دی
اوس مهال هوکړې ته چمتو
نه دی، "ځکه چې شرایط لا تر اوسه هغومره ښه نه دي."
که څه هم نوموړي په ډاګه
نه کړه
چې دا شرایط به څه دي،
خو ويې ويل چې د ایران له خوا د اټومي وسلو د
ترلاسه کولو له هر ډول
پلانونو تېرېدل به د احتمالي معاملې برخه وي.
ښاغلي ټرمپ په مرکه کې دا هم ويلي، ډېری هیوادونو ژمنه کړې
چې د هرمز تنګي د امنیت په برخه کې به مرسته وکړي خو د دغو هېوادونو نومونه یې په ډاګه نه کړل.
هغه دا ادعا هم وکړه چې امریکا د خارګ ټاپو چې د ایران د تېلو د صادراتو مهم مرکز بلل کېږي
"په بشپړه توګه ویجاړ" کړی دی.
د امریکا ولسمشر د تېلو د بیو لوړېدو د اندېښنو په اړه وويل،"ډېر تیل او ګاز شته. ډېرې سرچینې موجودې دي، يوازې له ستونزو سره مخامخ شوې دي،
خو
دا وضعیت به ډېر
ژر حل شي."
اسرائیل وايي د ایران له خوا توغول شوي توغندي یې شنډ کړي
د اسرائيلو
پوځ وايي د يکشنبې په سهار له ایران څخه ویشتل شوي توغندي یې شنډ کړي دي.
د ایران د فضايي څېړنو انسټیټیوټ، په ۲۰۱۱ کال کې د مخابراتو وزارت لاندې پیل شو، چې له ۲۰۱۹ کال راهیسې د امریکا د بندیزونو په لست کې شامل دی.
د ویډیو تشریح، د ایران پر فضايي څېړنیز مرکز د اسرائیلو برید هوايي برید
لبنان وايي پر یوه روغتیايي مرکز د اسرائیلو برید کې ۱۲ کارکوونکي وژل شوي
د عکس سرچینه، ge
د لبنان د عامې روغتیا وزارت وايي د جمعې په ورځ د لبنان
په جنوب کې پر يوه روغتیایي مرکز د اسرائیلو برید کې ۱۲ روغتیايي کارکوونکي وژل
شوي چې په هغوی کې ډاکتران او نرسان هم شامل دي.
د روغتيا نړيوال ادارې دا کړنه غندلې ده. د یادې ادراې
مشر ټيډروس ګېبريوسس وایي، "د روغتيا نړيوال سازمان دا کړنه غندي او د روغتيايي
کارکوونکو پر خونديتوب تينګار کوي".
د اسرائيلو پوځ وايي د لبنان په جنوب کې یې پر بورج
قلعويه سيمه د هوایي برید خبر ترلاسه کړی او په دې اړه پلټنې روانې دي.
وروستی, پر ایران بمبارۍ: څرنګه پر ټولې نړۍ اغېز کوي؟, پاول اډمز/د بي بي سي د ډیپلوماټیکو چارو خبریال
د عکس سرچینه، Getty Images
د امریکا د "لوی قهر" له عملیاتو دوه اونۍ وروسته، پر ایران بریدونو نړیوال اقتصاد او سیمه ییز ثبات اغېزمن کړی دی.
که څه هم د ایران اټومي او پوځي تاسیسات په نښه شوي، خو د تېلو د بیو لوړېدو او د هرمز تنګي ګډوډۍ له اسیا تر اروپا ژوند سخت کړی دی.
وزارت
همدارنګه ویلي چې په اصفهان ولایت کې د نقش جهان میدان مجموعه چې د نړیوال میراث
په لېست کې شامله ده، د چهلستون ماڼۍ، جامع عباسي جومات او د اصفهان ښار د تاریخي
سیمې ځینې برخې هم د بریدونو هدف ګرځېدلې دي.
د یاد وزارت په وینا، په لرستان ولایت کې فلکالافلاک
تاریخي کلا او د هغې موزیمونه زیانمن شوي دي او همدارنګه په کرمانشاه، بوشهر او ایلام
ولایتونو کې هم یو شمېر ارزښتناک تاریخي اثار د بریدونو له امله زیانمن شوي دي.
وروستی, لبنان کې د ژغورونکو د وژل کېدو تر ټولو تازه او درنه مرګژوبله, کارین طربیه –بیروت کې د بي بي سي عربي خبریاله
د لبنان د
روغتیا وزارت اعلان کړی چې لږ تر لږه دوولس
کسان وژل شوي دي، چې په کې ډاکټران، نرسان او ژغورونکي شامل دي.
دا
کسان د اسرائیل په هغه هوايي برید کې وژل
شوي چې د "روغتیا اسلامي ادارې" د لومړنۍ پاملرنې یو مرکز یې په نښه کړی و. دا اداره پر حزب الله پورې تړلی روغتیايي او ژغورندوی بنسټ دی او په دې جګړه کې د روغتیا او
ژغورنې د سکتور ډېری وژل شوي کسان هم له همدې ادارې سره تړاو لري.
سره صلیب
ژوره اندېښنه څرګنده کړې او ویلي یې دي هغه ځایونه هم په نښه شوي دي چې ژغورونکي
پکې د ټپیانو د انتقال لپاره موجود وو.
بل لور
ته، د اسرائیل پوځ حزب الله تورن کړی چې د امبولانس موټرونه او روغتیايي تاسیسات د
پوځي موخو لپاره کاروي. د اسرائیلي پوځ ویاند افیخای ادرعي پر اېکس (X) په یوه بیان کې ویلي:
"موږ خبرداری ورکوو چې
باید سملاسي د روغتیايي تاسیساتو او امبولانسونو پوځي کارونه بند شي او ټینګار کوو
که دا تګلاره ونه درول شي، نو اسرائیل به د نړیوال قانون له مخې د حزب الله د هر
هغه پوځي فعالیت پر وړاندې اقدام وکړي چې له دغو تاسیساتو او امبولانسونو څخه کار
اخلي."
خو د لبنان د روغتیا وزارت ویلي چې د
اسرائیلي پوځ دا ادعاوې یوازې د هغو "جرمونو د توجیه کولو هڅه ده چې دا پوځ
یې د انسانیت پر ضد ترسره کوي او په دې سره ټول نړیوال او بشري قوانین تر پښو
لاندې کوي".
د
وزارت په بیان کې همدارنګه ویل شوي ویشتل شوی روغتیايي مرکز د هېواد د روغتیايي مرکزونو د شبکې برخه
ده چې د عامې روغتیا وزارت تر څارنې لاندې د مدني ټولنو له بنسټونو سره په همغږۍ
فعالیت کوي.
د عکس سرچینه، Anadolu
پهلوي: د اسلامي جمهوریت تر سقوط وروسته ایران کې د انتقالي پړاو د مشرتابه لپاره چمتو یم
د عکس سرچینه، AFP
د ایران د وروستي شاه زوی رضا پهلوي اعلان کړی "کله چې اسلامي جمهوریت سقوط وکړي"، د خپل هېواد د انتقالي پړاو د مشرتابه لپاره چمتو دی.
پهلوي، چې د امریکا پنسلوانیا ایالت کې د جلاوطنۍ ژوند کوي، ویلي هغه له وړاندې د ایران دننه او بهر د ځینو شخصیتونو د ټاکلو په کار بوخت دی او دده په ټکو د"انتقالي نظام" رامنځ ته کېدو لپاره کار کوي.
خو تر اوسه پورې پهلوي نه دی توانېدلی چې د امریکا د ولسمشر ډونلډ ټرمپ رسمي ملاتړ ترلاسه کړي، ځکه ټرمپ تر اوسه رسما له هغه سره هېڅ نه دي لیدلي.
ټرمپ همدارنګه شک ښودلی چې د شاه زوی به د ایران مشري وکړای شي که نه؛ ځکه د ټرمپ په وینا هغه له ډېرو کلونو راهیسې له ایرانه بهر دی.
وروستی, ټرمپ وايي په یو نه یو ډول به د هرمز تنګی پرانیزي او خوندي کوي
د امریکا ولسمشر ډونلډ ټرمپ وايي په یو نه یو ډول به د هرمز تنګی پرانیزي او خوندي کوي.
ده له بریتانیا او نورو هېوادو غوښتي چې ددې مهمې سوداګریزي لارې خوندي کولو لپاره بېړۍ واستوي.
پرایران له د امریکا او اسرائیلو د برید له پیله د راپورونو له مخې دې تنګي کې پر ګڼو بېړیو برېدونه شوي دي. له دې تنګي د نړۍ شا او خوا ۲۰ سلنه تېل صادرېږي.
