وروستی, ایران د عراق شمال کې پر ایراني کردانو بریدونه پراخ کړي
د عکس سرچینه، Matthew Goddard / BBC
د عکس تشریح، د ایراني کردانو د یوې مخالفې ډلې پر یوې اډې د ایران لخوا بریدونه شوي
د ایران پوځ اعلان وکړ چې د عراق په شمال کې یې د ایراني کردانو مرکزونه په نښه کړي دي. دا ګام په ایران او عراق دواړو کې پر کردي سیمو د بریدونو د زیاتوالي ښکارندویي کوي.
د ایران دولتي رسنیو د پوځ له قوله ویلي چې دوی په "عراقي کردستان کې د انقلاب ضد کرد ډلو پر مرکزونو درې توغندي وار کړي دي."
تهران په عراق کې پر ایراني کرد ډلو خپل بریدونه په داسې حال کې زیات کړي چې اټکل کېږي د امریکا ولسمشر ډونلډ ټرمپ غواړي دا ډلې د ایران پر ضد جګړه کې ورمخکې کړي. دا هرڅه داسې مهال دي چې پر ایران د امریکا او اسرائیلو بریدونه لا هم دوام لري.
نن سهار همدا راز د قطر پلازمېنې دوحه کې هم
د چاودنو غږونه اورېدل شوي دي.
ایران پر دغه هېواد د امریکا او اسرائيل د
بریدونو له پیلېدو راهیسې پر اسرائیل سربېره د فارس خلیج په هېوادونو کې هم ځینې
اهداف د توغندیو او چاودېدونکو ډرونونو تر بریدونو لاندې راوستي.
په سوریه کې ویل شوي چې د مارچ پر دویمه نږدې لس زره سوریایي او نږدې یو زر لبنانیان له لبنانه ووتل، چې له ورځني اوسطه نږدې درې برابره زیات دي.
سعودي عرب وايي، توغندي یې شنډ کړي دي
سعودي عرب کې چارواکي وايي، نن (چهارشنبه) یې درې کروز
توغندي شنډ کړي دي. د سعودي عرب دفاع وزارت پر خواله رسنیو یوه پیغام کې لیکلي:
"درې کروز توغندي له الخرج ښاره بهر شنډ کړل شوي او ویجاړ شوي دي."
وروستی, د قطر بهرنیو چارو وزیر له خپل ایراني سیاله وغوښتل چې بریدونه 'سملاسي ودروي'
د قطر بهرنیو چارو وزیر محمد بن عبدالرحمن آل ثانی، د نښتو له پیل راهیسې لومړی ځل له خپل ایراني سیال
عباس عراقچی سره ټیلیفوني خبرې کړې دي.
د قطر په دوحه کې د بي بي سي خبریاله باربرا پلیټوشر وايي، د عربي هېوادونو
مشران له دې کبله غوسه دي، چې ایران د قطر په ګډون پر ګاونډیو هېوادونو سلګونه توغندي
او بېپیلوټه الوتکې توغولي دي.
د ایران ولسمشر مسعود پزشکيان ګاونډیو
خلیجي هېوادونو ته په خطاب کې ویلي چې ایران ته د امریکا او اسرائیلو د بریدونو
په وړاندې ځواب ورکول لازمي وو.
د فبرورۍ په ۲۸مه، د امریکا او اسرائیلو
له خوا پر ایران د بریدونو له پېل وروسته، ایران په ځواب کې په خپلو عرب ګاونډیو سلګونو توغندي او
بېپیلوټه الوتکې ویشتلې.
دغه بریدونه د امریکا پوځي اډو او د
خلیج هېوادونو د ملکي او انرژۍ زیربناوې هم په نښه کړي - چې په دې کې متحده عربي امارات،
قطر او عمان شامل دي.
پر ایکس پزشکيان خپلو
ګاونډیو هېوادونو ته ویلي چې ایران هڅه کړې "ستاسو په همکارۍ" جګړه
وځنډوي.
خو هغه زیاتوي چې د امریکا-اسرائیل
بریدونو ایران ته "هېڅ انتخاب پاتې نه کړ، پرته له دې چې له ځانه دفاع وکړي".
