Россия Хитойнинг энг йирик нефть таъминотчисига айланди

Жонли ёритиш

1. 8 апрел 2022Диққат, Украина: Ўзбекистонликлар кимга ишонади ва Путинга қарши руслар қаерга кочмоқда?, Можаронинг 44-куни

   Украина ишғолига бағишланган “Диққат Украина” ҳафталик дастуримизнинг бугунги сони BBC Uzbekнинг Facebook ва YouTube каналлари орқали жонли тарзда эфирга узатилган.

   Буча фожеаси: Рус аскарлари Киев яқинидаги шаҳарда қуролсиз, оддий фуқароларни ўлдиргани айтилмоқда. Далиллари чиқди.

   Мурданинг қўли қимирладими? Россия Ғарб матбуотини фэйк хабар тарқатганликда айбламоқда. Ростдан ҳам шундайми?

   Туркияга қочаётган руслар жуда қўрқувда, улар нега ўз хавфсизлиги ва келажагидан хавотирда?

   Бугун дастуримизда ўтаётган ҳафтанинг энг муҳим шу ва яна бошқа хабарлари кўтарилган.

   Шунингдек, Украина урушига Ўзбекистондан назар ташланган:

   Ўзбекистонликлар Украина воқеаларини қайси манбалардан кузатишмоқда ва кимга ишонишади?

   Жонли мулоқотда Тошкент ва Истанбулдаги мухбирларимиз ҳам иштирок этишди.

   Дастур бошловчиси Шодиёр Сайф.

2. 8 апрел 2022Россия Украина урушида Киев атрофидан чекинди, навбат Донбасс минтақасигами?, Можаронинг 44-куни

   Россия қўшинлари Киев атрофидаги минтақаларни ташлаб чиққан.

   Украина ҳукуматига кўра, Россия босқинчилари барибир Киевни олишга яна келажакда ҳаракат қилиб кўришади.

   Москва эндиликда барча эътиборини Украина шарқаига қаратган - асосан Донбасс минтақаси.

   Минтақани юз минглаб одамлар ташлаб чиқмоқда.

   Украина қўшинлари 8 йилдан бери сепаратистларга қарши курашмоқда.

   Би-би-си мухбири Жонатан Бил Лисичанск шаҳрига борган.

3. 8 апрел 2022Европа Иттифоқи Россияни яна жазолашга қарор қилди, Можаронинг 44-куни

   Европа Иттифоқи Россияни молиявий жиҳатдан янада кучсизлантирмоқчи – қўшимча санкциялар қўллашга қарор қилди.

   Иттифоққа кўра, “жиловловчи чоралар”дан иборат санкцияларнинг бешинчи тўплами Кремлга иқтисодий босим ўтказиш ва унинг Украина ишғолини молиялашига тўсқинлик қилишни мақсад қилган.

   Сўнгги санкциялар сирасига:

   • Россиядан кўмир экспортини буткул тўхтатиш
   • Тўрт Россия банкининг активларини музлатиш ва трансакцияларини буткул тақиқлаш.
   • Иттифоқ чегараларини Россия ва Беларуснинг юк машиналарига ёпиш
   • Россия кемаларини иттифоқ портларига киритмаслик.
   • Россияни харид шартномаларидан четлаштириш ҳам киради.

   Европа Иттифоқи яна нефть импорти ва трансакция усулларини нишонга олувчи қўшимча санкцияларни ҳам кўриб чиқмоқда.

   Иттифоқ Россиянинг энергия импортига қарамлигини камайтириш ўзлари учун устивор вазифа эканини таъкидлади.

4. 8 апрел 2022Россия расман раддия билан чиқди, Можаронинг 44-куни

   Россия Краматорск вокзалига уюштирилган ракета ҳужумига ўзининг ҳеч бир алоқаси йўқлигини айтиб чиқди.

   Россия Мудофаа вазирлиги буни “провокация” ва “мутлақо ёлғон”, деб атади.

   Расмий Москва сўнгги кунларда ўз қўшинлари Украинанинг қатор шаҳарларида тинч фуқароларни ўлдирганликларига оид бўй кўрсатаётган далилларни ҳам тан олмай турибди.

5. 8 апрел 2022Псков, Краснодар, Жанубий Осетия: қаердан ва қанча аскар Украинада жанг қилишдан бош тортмоқда

   Россия Украинага бостириб кирганидан бери турли минтақалардан келган рус ҳарбий хизматчилари урушга боришдан бош тортгани ва бунинг учун жазоланаётгани ҳақида хабарлар пайдо бўлди. Жанубий Осетиядан келган баъзи ҳарбийларнинг Украинада жанг қилишдан бўйин товлагани ҳақида ҳам маълумотлар бор. Одатдагидек, бу ҳақда мустақил ОАВ ўзларининг аноним манбаларига таянган ҳолда хабар бермоқда.

   Би-би-си Рус хизмати Украинада жанг қилишдан бош тортганлар ҳақида маълум бўлган маълумотларни ҳикоя қилади.

   Тафсилотлари учун иловамизни босинг.

6. 8 апрел 2022Видео. Россия уруши Тошкентда уй ижарасини қимматлаштириб юбордими?

   Украинага босқин ортидан Россия ва Беларусга қўйила бошланган санкциялар туфайли юзага келган қийин вазият ва бошқа омиллар бу давлатлар фуқароларининг кўп сонда хорижга кўчишига сабаб бўлмоқда.

   Шу жумладан Ўзбекистонга ҳам, асосан, интернет технологиялари соҳаси вакиллари кела бошлаган.

   Тажрибали риелтор Алишер Ниязов бу ҳолат пойтахт Тошкентда уй-жойга бўлган талабни сезиларли ошириб юборганини айтади.

   У билан Би-би-си Ўзбек хизматининг Тошкентдаги мухбири Аваз Тоҳиров суҳбатлашган.

7. 8 апрел 2022Краматорск вокзалидан суратлар чиқди, Зеленский ҳужумни кескин қоралади, Можаронинг 44-куни

   Россиянинг ҳалокатли ҳужумига учраган Краматорск вокзалидан суратлар чиқди.

   Би-би-си уларнинг ростдан ҳам ўша ерда олинганини мустақил манбалар орқали тасдиқлади.

   Украина президенти Россиянинг сўнгги ҳужумини ҳам кескин қоралади.

   "Бунинг чеки йўқ ёвузлик экани, агар жазоланмаса, ҳеч қачон тўхтамаслиги"ни айтди.

   Украина президенти ортидан АҚШ ва Европа Иттифоқи ҳам вокзал ҳужумини қораловчи баёнотлар билан чиқишди.

8. 8 апрел 2022Британия ҳам Путиннинг қизларини жазолади, Можаронинг 44-куни

   Америка Қўшма Штатлари ортидан Буюк Британия ҳам Путиннинг икки қизини нишонга олди, уларга санкция қўллади.

   Катерина Владимировна Тихонова ва Мария Владимировна Воронцова Британиянинг санкциялар рўйхатига тушди.

   Бунинг Америка Қўшма Штатлари билан мувофиқлаштирилган саъй-ҳаракатларнинг бир қисми экани айтилмоқда.

   Британия ҳукумати, бундан ташқари, Россия Ташқи ишлар вазирининг қизи, Екатерина Сергеевна Винокуровани ҳам жазолаган.

   Ташқи ишлар вазирлиги пресс-релизида айтилишича, Буюк Британия ҳукумати “Кремлга яқин доираларнинг ҳашаматли турмуш тарзини” нишонга олишда давом этмоқда.

   Учовлонга саёҳат чеклови киритилади, активлари музлатилади.

   Буюк Британия ҳукуматига кўра, сўнгги ҳафталарда мувофиқлаштирилган халқаро санкциялар натижасида Путиннинг 275 миллиард фунт стерлингдан ортиқ ҳарбий бюджети музлатиб қўйилган.

   Унда қўшимча қилинишича, Россия Совет Иттифоқи парчаланганидан бери энг чуқур таназзулга юз тутмоқда, санкциялар президент Путиннинг Украинада уруш олиб бориш салоҳиятига путур етказган.

9. 8 апрел 2022Украина шарқида ҳалокатли ҳужум, Можаронинг 44-куни

   Россия Краматорск вокзалига зарба берди.

   Украиналик масъулларга кўра, ракета ҳужуми 30 дан ортиқ одамни ўлдирган. Яна юздан ортиқроғини яралаган.

   Бу ҳақда Украинанинг давлатга қарашли темир йўл компанияси маълум қилган.

   Краматорск Украина шарқидаги энг олис жойлашган вокзаллардан бири бўлади.

   Худди шу боис ҳам ҳозиргача фаолият юритиб келган.

   Донецк губернаторининг айтишича, ҳужум юз берган пайтда вокзалда кетиш илинжидаги минглаб одам бўлган.

   Краматорск Украинадан энг асосий эвакуация йўлларидан бири саналган.

   Украиналик масъулларга кўра, вокзалга иккита ракета келиб тушган.

10. 8 апрел 2022Украина уруши: Бучадаги қирғин геноцидга тенгми?, Таҳлил

    Пойтахт Киев яқинидаги Буча шаҳрида тинч аҳолининг ўлдирилиши ҳарбий жиноятлар ҳақида кўплаб даъволарни келтириб чиқарди, баъзилари Москва ҳатто бундан ҳам бадтарроғини содир қилганини таъкидламоқда.

    Аммо АҚШ ва Ғарб ҳарбий иттифоқи НАТО бу сўзни Украинада содир бўлаётган воқеаларни тасвирлаш учун ишлатишдан ўзини тиймоқда.

    Хўш, Россия кучларини "барча жиноятлар жинояти", деб аталган қилмишни содир этишда айблашга асос борми?

    Батафсил танишиш учун иловамизни босинг.

11. 8 апрел 2022Украина: Россиянинг талафотлари “жиддий”, Можаронинг 44-куни

    Россия урушда “жиддий талафотлар”га учраётганини эътироф этди.

    Расмий Кремлнинг эътирофи урушнинг 44-кунига тўғри келди.

    Путиннинг матбуот котиби Британиянинг Sky News телевизион каналига бунинг ўзлари учун “улкан фожеа” эканини айтди.

    Дмитрий Песков Москва урушдан кўзлаган мақсадига “келаси бир неча кун ичида” эришишга умид қилаётганини ҳам билдирди.

    Россия Киев атрофидан қўшинларини олиб чиқиб кетган.

    Жорий пайтда ўзининг асосий эътиборини Украина шарқига қаратган.

    Аммо урушнинг ниҳояси ҳалича кўринмайди.

    Песковнинг эътирофи Россия БМТ Инсон Ҳуқуқлари кенгашидан чиқариб юборилиши ортидан янграган.

12. 8 апрел 2022Бородянкада нималар бўлган?, Қисқа фоторепортаж

13. 8 апрел 2022Сўнгги тафсилотлар:, Можаронинг 44-куни

    • Володимир Зеленскийга кўра, Бородянка Бучадан "бадтар" вайрон қилинган. Украина президенти ҳалича бунинг бор тафсилотларини келтирмаган. Аммо Россиянинг ҳаво ҳужумлари Бородянкада юзлаб одамни ўлдиргани ишонилади. Шу пайтгача вайроналар остидан ўттизга яқин жасад чиқариб олинган.
    • Чернигов яқинидаги Яхидное қишлоғидагиларнинг Би-би-сига айтишича, Россия қўшинлари 130 одамни тўрт ҳафта ертўлада сақлаб туришган.
    • Украина Ташқи ишлар вазири Донбасс учун жанг дунёга Иккинчи Жаҳон урушини эслатажаги билан огоҳлантирган.
    • Британия Мудофаа вазирлигининг билдиришича, Россия Украина шимолидан “буткул чиқиб кетган”. Вазирликка кўра, бу бўлинмалардан айримлари Донбассга ташланиши мумкин.
    • Россия президентининг матбуот котиби “талафотлари жиддий” экани ва бу ўзлари учун “катта фожеа” эканини эътироф этган. Дмитрий Песков Sky News га гапирган.
    • НАТО Бош котиби иттифоқ Украинага ўз дастагини кучайтиришга тайёр экани, аммо қурол-яроғ бермаслигини таъкидлаган.
    • Нью-Йоркда бўлиб ўтган овоз беришлар ортидан Россия БМТ Инсон Ҳуқуқлари кенгашидан чиқарилган. Бунга Украинада содир этилган уруш жиноятларига оид даъволар сабаб бўлган.

14. 7 апрел 2022Россиянинг БМТ Инсон ҳуқуқлари кенгашидаги аъзолиги тўхтатилди

    Бирлашган Миллатлар ташкилотининг Бош ассамблеясида Россиянинг Инсон ҳуқуқлари Кенгашидаги аъзолигини тўхтатиш масаласи кун тартибига қўйилди.

    Бунга Украинанинг Россия армияси Буча шаҳридаги ўнлаб тинч фуқароларни ўлдиргани ҳақидаги айблови сабаб бўлди.

    Бир ой давомида Россия ҳарбийлари Буча шаҳрини ўз назоратида ушлаб турдилар, улар чиқиб кетганидан кейин қуролсиз аҳоли шафқатсизлик билан ўлдирилганлари ҳақидаги кўп сонли далиллар ўртага чиқди.

    Украина Россияни уруш жиноятларида айблаб чиқди.

    БМТ Бош Ассамблеяси аъзоси ҳисобланган давлатларнинг сони 193 та.

    Россиянинг БМТ Инсон ҳуқуқлари Кенгашидаги аъзолигини тўхтатишни ёқлаб 93 мамлакат овоз берган.

    58 давлат овоз бермаган.

    24 мамлакат қарши овоз берган.

    Қарши овоз берган мамлакатлар орасида аксар МДҲ давлатлари, шу жумладан, Ўзбекистон ҳам бор.

    Ушбу қарор учун Украина Ташқи ишлар вазири Дмитро Кулеба Бош ассамблеяга миннатдорлик билдирган.

15. 7 апрел 2022НАТО бош котиби: Украина уруши чўзилиши мумкин

    НАТО Бош котиби Йенс Столтенберг айтишича, дунё узоқ Украина можаросига тайёр бўлиши керак.

    Столтенберг сўзларига кўра, уруш ҳафталар, ойлар ва ҳатто йилларга чўзилиши мумкин.

    НАТОдаги иттифоқчилар Россияга бу уруш қимматга тушишига мажбур қилмоқдалар.

    Агар уруш чўзиладиган бўлса, унинг оғирлиги украинларниниг елкасига тушади, улар кўпроқ жабр кўрадилар, янада кўп ўлим ва вайронагарчиликларни кўрадилар, деди Йенс Столтенберг.

    Бош котиб айтишича, НАТОнинг барча аъзолари Украинага ёрдамни янада кўпайтиришга рози бўлганлар.

    Шимолий бу урушнинг Украина чегараларидан четга ёйилишига йўл қўймасликка интилмоқда.

    НАТО Украинага киберҳужумлардан ҳимояда кўмак кўрсатишга, агар Россия томонидан кимёвий ёки биологик қурол ишга солинадиган бўлса, ҳимоя воситалари етказиб беришга ваъда қилган.

16. 7 апрел 2022Буча қирғини: Мени ҳам ўлдиришгани яхши эди

    Украинанинг Буча шаҳрида яшайдиган оила Би-би-сига пайвандчи Олег Абрамов уйининг остонасида қандай ўлдирилганини сўзлаб берди.

    Рус аскарлари Владимирнинг уйи дарвозасини бузиб, уйга қарата ўт очдилар, 72 ёшли Владимир, унинг қизи 48 ёшли Ирина ва унинг турмуш ўртоғи 40 ёшли Олегни ҳовлига судраб олиб чиқдилар.

    Бу ҳақда батафсил

17. 7 апрел 2022Видео. Украина: Россиянинг кучи Украинага етмаяптими?, Можаронинг 43-куни

    Украина: Россиянинг кучи Украинага етмаяптими?

    Россия Украина кучларини тўхтата олмай, оддий одамлардан жонли қалқон сифатида фойдаланишга ўтибди. Би-би-си бунинг далилини қўлга киритди.

    Жанг жабҳасида нималар бўлаяпти? Россия енгилаяптими?

    Сўнгги тафсилотлар.

18. 7 апрел 2022Видео. Украина: Россия келаяпти – қочинг, эрта кеч бўлиши мумкин, Можаронинг 43-куни

    Украина: Россия келаяпти – қочинг.

    Украина ҳукумати нега у ердаги фуқароларига имконингиз борида қочинг, эрта кеч бўлиши мумкин, демоқда.

    Киевда зарба еган Россия энди Украина шарқи ва жанубида қаттиқ ҳужумга ўтиши мумкин.

    Кучларини қайта уюштираяпти.

    Россия яна нимани режалаяпти?

19. 7 апрел 2022Россия ҳарбийлари Черноблда окоп қазишган

    Украина Мудофаа вазирлиги дрондан тасвирга олинган видеони эълон қилди.

    Унда Чернобль АЭСининг ажратиш ҳудуди бўлган Қизил ўрмон ичида қазилган окоплар ва танк излари кўринади.

    "Видео тасдиқ - Россия қўмондонлиги ўз аскарларига 2022 йил мартида Чернобль АЭСи ёнидаги радиоактив Қизил ўрмонда мудофаа истеъковларини қазишга буйруқ берган", дея Твиттарда хабар қилди Украина ҳарбийлари.

    Қизил ўрмон Чернобль ядровий мажмуасидан атиги 500 метр узоқда жойлашган ва 1986 йили АЭСнинг 4-реакторида рўй берган портлаш ва ундан кейинги ёнғинда зарарланган.

    Россия ҳарбийлари Украинага 24 февралда бошланган босқиннинг дастлабки кунларида Чернобль АЭСи устидан назоратни қўлига олган эди.

    Украинанинг "Энергоатом" давлат ядровий компанияси хабар қилишича, ўтган ҳафта Россия ҳарбийлари Черноблдан чиқиб кетганлар.

    "Энергоатом" Россия ҳарбийлари чиндан ҳам АЭС ажратиш ҳудудининг "энг радиоактив ифлос" ҳудудида окоп қазиганлари ва "салмоқли радиация доза"сини олганларини тасдиқлади.

    Би-би-си ушбу видеонинг кимники ва қачон тасвирга олинганини тасдиқлай олмайди.

20. 7 апрел 2022Псковлик қарийб 60 ҳарбий Украинага боришдан бош тортган

    "Псковская губерния" газетасининг ўз манбаларига таяниб хабар қилишича, псковлик қарийб 60 ҳарбий Украинага жанг қилишга боришдан бош тортганлар.

    Газета маълумотларига кўра, урушнинг биринчи кунларида ҳарбийлар Беларусь ҳудудига киритилганлар, кейин Псковдаги ҳарбий қисмга қайтганлар.

    "Псковская губерния"нинг ёзишича, энди бу ҳарбийларнинг аксарини бўшатиб юбораяптилар, айримларига қарши жиноят иши қўзғатиш билан таҳдид ҳам қилишган.

    Ҳозир Псковда Россия Мудофаа вазирлигининг комиссияси ишлаётгани хабар қилинмоқда.

    Бу - россиялик ҳарбийларнинг Украинада уруш қилишдан илк бор бўйин товлашлари эмас.

    Бундан олдин Краснодар ўлкасидаги Росгвардия ходимлари, Хакасия ОМОНи, Калининграддан контрактдаги ҳарбийлар Украинага боришдан бош тортганлар.

    Юрист Максим Гребенюк хабар қилишича, Россия минтақаларидан биридан қарийб 500 ҳарбий хизматчи урушга боришдан бўйин товлаганлар.