Россия Хитойнинг энг йирик нефть таъминотчисига айланди

Жонли ёритиш

1. 4 апрел 2022Видео. Украина уруши: Ёлғиз ўғлимни бир ўзим кўмдим, Можаронинг 40-куни

   БМТ Бош котиби Украинадаги тинч фуқаролар ўлими бўйича мустақил тергов ўтказишга чақирди.

   Пойтахт Киев атрофидан Россия ўз қўшинларини олиб чиқиб кетганидан кейин бу ҳудудларга кирган Украина ҳарбийлари, расмийлар, журналистлар ва фаоллар юзлаб тинч инсонлар жасадларини топганлар.

   Буча шаҳарчасида юзлаб жасадлар ва оммавий қабрлар топилгани хабар қилинди.

   Буча ва унга яқин кўчаларда Би-би-си инсонларнинг жасадларини тасвирга олди.

   Россия тинч фуқаролар жасадлари фейк деб чиқди.

   Би-би-си мухбири Жереми Боуэн видео лавҳаси.

   Огоҳлантириш: видеодаги айрим тасвирлар кўнгилни хира қилиши мумкин.

2. 4 апрел 2022Видео: Украинадан нима қолди ё Россия Украина шаҳарларини қандай вайрон қилмоқда?, Можаронинг 40-куни

   24 февраль куни Россия Украина ҳудудига қуролли ҳужумларини бошлади.

   Украинага жанубидан Қрим ярим оролидан, шарқдан ўзларини мустақил республикалар деб эълон қилган ва Россия расман тан олган Донбасс ҳудудларидан ва шимолдан Беларусь ҳудудидан қўшинлар киритилди.

   Йирик шаҳарлар учун жанглар давом этаяпти.

   Бугун урушнинг роппа-роса 40-куни, ўтказилаётган тинчлик музокаралари ҳалича иш бермаган.

   Икки ўртада доимий оташкесинга ҳали-ҳануз эришилмаган.

   Киев, Одесса, Харьков ва Мариуполдаги бугунги вайронагарчилик миқёси қанчалик улкан?

3. 4 апрел 2022Украина: Зеленский Бучага борди, Можаронинг 40-куни

   Пойтахт Киев яқинида содир этилган ваҳшийликларга оид далиллар кўпайиб бораётган бир манзарада Украина президенти Бучага шахсан ташриф буюрди.

   Владимир Зеленский Россиянинг ҳарбий карвони пистирмага туширилган йўлни бориб кўрди.

   У ердаги маҳаллий аҳоли билан ҳам шахсан суҳбатлашди.

   Президент Зеленский Бучада ҳам Россия Украинада уруш жинояти ва геноцид содир этганлигини айтди.

   Би-би-си мухбири энди ҳам Украина Россия билан гаплашиши ёки йўқлиги билан қизиқди.

   Украина президенти унинг бу саволига "ҳа", деб жавоб берди.

   "Ҳа, Украинада тинчлик бўлиши шарт. Биз 21-асрдаги Европадамиз. Дипломатик ва ҳарбий саъй-ҳаракатларимизни давом эттирамиз", - деб айтди Владимир Зеленский.

   Ваҳшийликларга оид янги далиллар:

   • Би-би-си мухбири Йогита Лимайе Киев ғарбида жойлашган Мотижин қишлоғидаги қўлбола қабрни бориб кўрган. У ерга Россия кучлари томонидан ўлдирилган тўрт инсоннинг жасади енгил-елпи кўмиб кетилгани айтилмоқда.
   • Буча ва Ирпень кўчаларидаги жасадларга оид янги тасвирлар юзага чиқмоқда.
   • Украина томонига кўра, шу пайтгача Киев атрофидан 410 тинч фуқаронинг жасади топилган. Аммо Би-би-си улар келтирган рақамларни ҳалича мустақил манбалар орқали тасдиқлай олгани йўқ.
   • Польша Бош вазири ҳам бунинг "геноцид" эканига оид баҳога қўшилишини айтган.

   ТАСС ахборот агентлигининг хабар беришича, Россия Ташқи ишлар вазири Бучадаги ваҳшийликларни ўз қўшинлари чиқиб кетишидан бир неча кун ўтиб “уюштирилган иш” эканини айтган.

   Россия президентининг матбуот котиби эса, журналистларга ўзларининг “барча айбловларни қатъиян рад этишлари”ни билдирган.

   Дмитрий Песковга кўра, Россия Мудофаа вазирлигининг экспертлари “видеодаги ва яна бошқа сохталиклар белгиларини аниқлашган”.

   Аммо у ўзининг сўзларига бирор бир исбот-далил келтирмаган.

   Жанг жабҳасида нима гап?

   Украина томонининг билдиришича, якшанба куни бутун Киев минтақаси назоратини қайта қўлга киритишган.

   Британия Мудофаа вазирлигига кўра, Россия Украинанинг шарқий Донбасс минтақасига эътибор қаратиш учун ўз ҳужумларини «бирлаштириб, қайта уюштирмоқда».

   Украина ҳарбийларининг даъво қилишларича, Россия захирадаги аскарларини яширинча сафарбар этишни бошлаган. Аввалроқ Путин бундай эҳтимолни назардан соқит этган эди.

   Халқаро Қизил Хоч ташкилотининг маълум қилишича, ходимлари ҳали-ҳануз Мариуполга кира олишмаган ва шаҳар аҳолисини эвакуация этишга имконлари бўлмаган. Украинанинг жанубий Мариуполь шаҳри ҳали-ҳануз Россия қўшинларининг қамали остидадир.

   Уруш хроникаси:

   Россия. Украина уруши: Янги кун янада кўп вайроналар билан бошланди

   Украина Киев атрофидаги Россия қўшинларини сиқиб чиқармоқда, Россия отган ракеталарнинг 60 фоизи яроқсиз, Мариуполдаги театрда жон сақлаган 300 киши ўлгани айтилмоқда

   Дунё Буча ва Ирпин кўчаларидаги манзаралардан даҳшатда

4. 4 апрел 2022Россияга янги санкциялар киритинг – дунё лидерлари шокда, Можаронинг 40-куни

   Пойтахт Киев яқинида катта сондаги тинч аҳолининг ўлдирилганига оид хабарлардан дунё лидерлари шокда.

   Улар мазкур ҳодиса сабаб, Россияга янги ва янада кучлироқ санкциялар жорий этишга чақиришмоқда.

   Украина Россия кучларини Бучада “қасддан қирғин”га қўл уришда айблаётир.

   Шаҳар кўчаларида эса, фуқаро кийимида бўлган камида 20 та жасад топилган.

   Буларнинг барчаси Россия кучлари пойтахт Киев атрофидаги ҳудудлардан чекинишлари ортидан юзага чиққан.

   Украиналик мулозимларга кўра, Киев ташқарисидаги шаҳарларда аниқланган жасадларнинг сони юзлабдир.

   Россия эса бу каби бир ишга қўл урмаганлигини айтмоқда.

   Сўнгги акс-садолар:

   • Франция президенти Эммануэль Макрон Россияга қарши янги санкциялар киритиш, бу гал унинг кўмир ва нефть экспортини нишонга олишга чақирди. У Франция медиасига “уруш жиноятининг яққол белгилари” борлигини айтди.
   • Германия Мудофаа вазири Европа Иттифоқи Россиядан газ импортини тақиқлаш масаласини муҳокама этиши шартлигини таъкидлади. Бундан аввал Украина ҳам худди шундай даъват билан чиққан. Аммо иттифоқ лидерлари шу пайтгача бу ишга бормай келишаётганди. Улар бунинг европалик харидорларга таъсиридан ташвишдалар.
   • АҚШ Давлат котиби Энтони Блинкен эса, жасадлар акс этган суратларни, таъбир жоиз, “қоринга берилган зарба”, дея таърифлади.
   • Британия Бош вазири Борис Жонсон буни “жирканч ҳужумлар”, деб атади, қоралади. Хабарларга кўра, Буюк Британия шу ҳафта Россияга янги санкциялар киритиши мумкин.
   • Айни пайтда Европа Кенгаши президенти янги санкциялар ҳозирланаётганини билдирди. Украинага ёрдам ташкиллаштирилаётганини ҳам қўшимча қилди.

5. 4 апрел 2022Россия: БМТ Хавфсизлик Кенгаши йиғинини чақиринг, Можаронинг 40-куни

   Россия Бучада уруш жиноятлари содир этилганига оид даъволарни беэътибор қолдирмади.

   Айни мазмундаги иддаолар юзасидан зудлик билан БМТ Хавфсизлик Кенгашининг йиғинини чақиришни сўради.

   Россия Кенгашнинг беш нафар доимий аъзосидан биттаси бўлади.

   Шу кунларда Россия кучлари Бучадан чекинаётган пайтда дуч келган украиналикларни ўлдирганига оид даъволар юзага чиққан.

   Буча Украинанинг пойтахт Киев яқинида жойлашган шаҳри бўлади.

   Москва фавқулодда йиғиннинг бугун, 4 апрель куни чақирилишини талаб қилаётир.

   Россиянинг БМТ Хавфсизлик Кенгаши қошидаги элчиси ўринбосари Дмитрий Польянскийнинг айтишича, “украиналик мутаассибларнинг очиқдан-очиқ провокацияси сабаб” бу каби сўров билан чиқишган.

   Россия Украинага бостириб кирган икки ойча вақт оралиғида инсон ҳуқуқларининг поймол этилиши ҳоллари юзасидан ташкилотнинг бошқа аъзолари, айниқса, Америка Қўшма Штатлари билан тез-тез тортишиб туради.

6. 4 апрел 2022Украинадаги уруш: Даҳшатли далиллар Киев яқинида уруш жиноятлари содир бўлганига ишора қилмоқда, Можаронинг 40-куни

   Март ойи бошида Киев яқинидаги шосседа россиялик ҳарбийлар икки қўлини кўтариб турган одамни отиб ташлагани тасвирланган видеолавҳалар интернетда тарқалди. Ҳозир руслар бу ҳудуддан сиқиб чиқарилган. Би-би-си мухбири Жереми Боуэн уларнинг қисқа муддатли ишғоли ҳудудда қандай даҳшатли оқибатлар қолдирганига гувоҳ бўлди.

   Мрия ва Мила қишлоқлари орасидаги узунлиги 200 метрдан ошмайдиган йўлда биз 13 жасадни ҳисобладик.

   Ҳалок бўлганларнинг икки нафари руслар томонидан ўлдирилган Украина фуқаролари эканлиги тасдиқланган. Қолганларнинг шахси ҳали аниқланмаган - улар ўлдирилган жойда ётган бўлган - фақат иккитаси украина ҳарбий кийимида, дейди мухбиримиз.

   Батафсил танишиш учун иловамизни босинг.

7. 4 апрел 2022Украина уруши: Буча кўчалари ёнган танк ва жасадларга тўлиб кетган, Жереми Боуэн

   Буча шаҳри атрофидаги кўча русларнинг Киевни ўраб олиб, уни ишғол қилиш ва президент Владимир Зеленский ҳукуматини ағдариш умидлари йўлидаги илк қабристонлардан бирига айланди.

   Бу 24 февраль куни, рус қўшинлари Украинага кирганидан икки-уч кун ўтиб, Украина қўшинлари Буча шаҳри орқали Киевга ўтаётган рус танклари ва бронетранспортёрлари карвонини йўқ қилган пайтда содир бўлди.

   Карвон рус қўшинлари юришини тўхтатган кўплаб украин пистирмаларидан бирида йўқ қилинди.

   Би-би-си жамоамиз Буча шаҳрига етиб борди. Охирги рус аскарлари жума куни ҳудуддан чиқиб кетган.

   Батафсил танишиш учун иловамизни босинг.

8. 4 апрел 2022Украина: Зеленский Россияни геноцидда айбламоқда, Можаронинг 40-куни

   Украина президенти Россия кучларига қарши янги айблов билан чиқди. Уларни геноцидда айблади.

   Зеленский Бучада нималар юз бергани ошкор бўлиши ортидан гапирди.

   Буни “бутун давлат ва халқни йўқ қилиш”, деб атади.

   Президент Зеленский Украинада 100 дан ортиқ миллат яшашини тилга олди.

   Ҳужумлардан мақсад уларнинг барчасини йўқ қилиш бўлганини айтди.

   Мухбирлар эса, Буча кўчаларида камида 20 та жасадга тўқнаш келишган.

   Украина бунинг ортидан Россияни “қасддан қирғин”да айблаган.

   Россия эса, расмий Киевнинг даъволарини “уруш ташвиқоти”, деб атаган.

   Россия кучлари пойтахт Киев яқинидаги ҳудудлардан ортга чекинишаркан, тинч аҳоли ўлимига оид далиллар кўпаймоқда.

   АҚШ Давлат котиби Буча кўчаларидаги жасадлар билан боғлиқ аҳволни “қоринга берилган зарба”га қиёслаган.

9. 4 апрел 2022Дунё Буча ва Ирпин кўчаларидаги манзаралардан даҳшатда

   Россия қўшинлари бир ой давомида пойтахт Киевни қўлга киритиш мақсадида ҳаракат қилган ҳудудларидан чиқиб кетгач, тинч фуқароларнинг ўлдирилгани билан боғлиқ даҳшатли манзаралар очилмоқда.

   Киев ғарбидаги Ирпин, Буча ва Гостомель шаҳарлари кўчаларида ҳали март ойи бошида отиб ўлдирилган инсонларнинг жасадлари ётгани аниқ бўлди.

   Жасадларнинг айримларининг қўллари орқасига боғланган ва бошининг орқасидан отиб ўлдирилган.

   Қатор Европа давлатлари раҳбарлари ва сиёсатчилари тинч фуқароларнинг ўлдирилиши ва қийноқларга тутилгани ҳодисаларини синчковлик билан тергов қилиш ва айбдорларни жазога тортишга чақирмоқдалар.

   Human Rights Watch ташкилоти Бучадаги уруш жиноятлари исбот-далилларини тўплашга муваффақ бўлган.

   Украина Ташқи ишлар вазири Буча шаҳридаги қотилликларни атайин қатлиом деб атади.

   Россия Мудофаа вазирлиги Бучадаги ўлдирилган тинч фуқаролар жасадлари видеосини фейк деб атади.

   Россия Одесса шаҳрини ракета ҳужумларига тутди.