کورونا: امریکہ میں کیلیفورنیا کے بعد فلوریڈا سب سے زیادہ متاثرہ ریاست بن گئی

کورونا وائرس سے دنیا بھر میں متاثرہ افراد کی تعداد ایک کروڑ 60 لاکھ سے تجاوز کر گئی ہے. فلوریڈا میں مزید 9300 متاثرین کی تصدیق ہوئی ہے۔ کیلیفورنیا کے بعد یہ امریکہ کی سب سے زیادہ متاثرہ ریاست بن گئی ہے۔

لائیو کوریج

26 جولائی 2020پاکستان میں کورونا کے نئے متاثرین میں کمی کیوں نظر آرہی ہے؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
پاکستان میں گذشتہ چند دنوں سے کورونا وائرس کے نئے کیسز کی تعداد میں کمی دیکھنے میں آئی ہے۔ لیکن اس کے ساتھ ساتھ یہ بھی دیکھا گیا ہے کہ یومیہ ٹیسٹنگ کی تعداد بھی کم ہوئی ہے۔ کیا پاکستان میں واقعی کورونا وائرس کے کیسز میں کمی آئی ہے؟ کیا یہ سب حکومتی اقدامات اور سمارٹ لاک ڈاؤن کا نتیجہ ہے؟ اس سب پر نظر ڈال رہے ہیں ہمارے ساتھی عابد حسین، محمد ابراہیم کی اس ویڈیو میں۔۔۔
25 جولائی 2020’کووڈ 19 کے متاثرین میں کمی کو برقرار رکھنے کے لیے مزید چوکنا رہنا ہوگا‘
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
پاکستان کے مشیر صحت ڈاکٹر ظفر مرزا نے ایک ٹویٹ میں کہا ہے کہ کووڈ 19 کی ٹیسٹنگ کو بڑھانے کے لیے ایک بہتر حکمت عملی اپنائی گئی ہے جس کے تحت محکمہ صحت کی ٹیم نے اسلام آباد میں جانوروں کی ایک منڈی میں کورونا وائرس کے ٹیسٹ کیے ہیں۔
ان کا کہنا تھا کہ عید الاضحیٰ سے قبل منڈیوں میں کیمپ لگائے جائیں گے تاکہ تاجر اور خریدار محفوظ وائرس سے محفوظ رہ سکیں۔
’ہمیں کووڈ 19 کے متاثرین میں کمی کو برقرار رکھنے کے لیے مزید چوکنا رہنا ہوگا۔‘
25 جولائی 2020کووڈ 19 کی ویکسین کے آزمائشی تجربے سے میں نے کیا سیکھا؟, رچرڈ فِشر، بی بی سی فیوچر
،تصویر کا ذریعہReuters
آکسفورڈ یونیورسٹی کی تیار کی گئی کووِڈ 19 کی ویکیسن نے اب تک بہت ہی زبردست اور حوصلہ افزا نتائج ظاہر کیے ہیں۔ رچرڈ فِشر بتاتے ہیں کہ اُن کا اس ویکسین کے آزمائشی تجربات میں بطور رضاکار شرکت کرنا کیسا تجربہ تھا۔
میں ایک ہسپتال کے استقبالیے پر بیٹھا ہوا ہوں اور میرے سانس لینے کی وجہ سے میری عینک کے شیشے دُھندلا رہے ہیں۔ چند منٹ پہلے میں گلیوں کی مرطوب گرمی سے گزر رہا تھا۔ مجھے ڈاکٹر کے پاس اپنے طے شدہ وقت پر پہنچنے میں تاخیر ہو رہی تھی۔
اس وقت میرے پاس سے ڈاکٹر اور نرسیں اُسی ہسپتال کی جانب آرام سے پیدل جا رہے تھے، مجھے معلوم تھا کہ میری صحت بہتر دکھائی نہیں دے رہی تھی۔ اس سے پہلے آخری مرتبہ مجھے جنوبی لندن کے ہسپتال سینٹ جارجز میں جانے کا اتفاق اُس وقت ہوا تھا جب میری بیٹی پیدا ہوئی تھی۔
لیکن آج مجھے کافی تکلیف محسوس ہو رہی تھی۔
مکمل تحریر
25 جولائی 2020تھرپارکر میں آن لائن کلاسز کے لیے طلبا کی جدوجہد
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
پاکستان میں کورونا وائرس کے پھیلاؤ کی وجہ سے جامعات میں آن لائن کلاسز جاری ہیں لیکن پاکستان کے پسماندہ علاقے کے طالب علموں کو مشکلات کا سامنا ہے، صحرائے تھر کے نوجوان کس طرح تعلیم حاصل کر رہے ہیں۔
دیکھیے ریاض سہیل اور محمد نبیل کی رپورٹ۔۔۔
25 جولائی 2020امریکہ میں لگاتار چار روز سے 1000 سے زیادہ اموات
،تصویر کا ذریعہGetty Images
امریکہ میں جمعے کے روز بھی 1000 سے زیادہ اموات کورونا وائرس کی وجہ سے ہوئیں۔ یہ لگاتار چوتھا روز ہے جب ایک ہزار سے زیادہ اموات پیش آئی ہیں۔
گذشتہ روز امریکہ میں کم از کم 1019 افراد کورونا سے ہلاک ہوئے۔ جمعرات کو 1140، بدھ کو 1135 اور منگل کو 1141 اموات کی تصدیق ہوئی تھی۔
جمعے کو امریکہ میں 68800 افراد میں کووڈ 19 کی تشخیص ہوئی جبکہ مجموعی تعداد اب 40 لاکھ سے بڑھ گئی ہے۔ ایریزونا، فلوریڈا، کیلیفورنیا اور ٹیکساس میں نئے متاثرین میں اضافہ دیکھا گیا ہے۔
وائٹ ہاؤس میں ایک مشیر نے کہا ہے کہ انھیں ایسے اشارے ملے ہیں جن کے مطابق مغربی اور جنوبی ریاستوں میں بُرا وقت اب گزر چکا ہے۔
25 جولائی 2020بلوچستان میں کورونا کے 28 نئے متاثرین کی تصدیق
بلوچستان میں کورونا وائرس کے 28 نئے متاثرین کے اضافے کے بعد مجموعی کیسز کی تعداد 11578 ہوگئی ہے۔ کووڈ 19 سے ہلاک ہونے والے افراد کی مصدقہ تعداد 136 ہے۔
محکمہ صحت حکومت بلوچستان کے ترجمان ڈاکٹر وسیم بیگ کے مطابق 25 جولائی 2020 کو کورونا کے صرف 494 ٹیسٹ کیے گئے جن میں سے 28 مثبت آئے۔
بلوچستان میں اب تک کورونا کے مجموعی طور پر 56896 ٹیسٹ کیے گئے ہیں جن میں سے 45318 کے نتائج منفی آئے ہیں۔
بلوچستان میں مجموعی طو پر 131608 افراد کی سکریننگ کی گئی ہے۔
صوبے میں کورونا سے اب تک 9901 افراد صحتیاب ہوئے ہیں۔
25 جولائی 2020کورونا اگر چمگادڑوں میں رہتا ہے تو وہ بیمار کیوں نہیں ہوتیں؟
25 جولائی 2020موٹاپا کووِڈ-19 کے خطرات کو بڑھا دیتا ہے
25 جولائی 2020کیا آپ کورونا سے دوبارہ متاثر ہوسکتے ہیں؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
کیا آپ کورونا وائرس سے دوبارہ متاثر ہوسکتے ہیں؟ آپ کا نظام مدافعت کسی بھی وائرس سے بچاؤ میں کیا کردار ادا کرتا ہے اور اینٹی باڈیز کیسے متاثرہ جسم کو آئندہ اس بیماری سے بچا سکتی ہیں۔
جانیے اس ڈیجیٹل ویڈیو میں۔۔۔
25 جولائی 2020کورونا میں ’علامات کی کم شدت بھی طویل مدتی اثرات چھوڑ سکتی ہیں‘
،تصویر کا ذریعہGetty Images
امریکی محققین نے کہا ہے کہ کورونا وائرس کے ایسے مریض جن میں علامات کی شدت کم ہے، انھیں بھی مکمل صحتیاب ہونے میں کئی ہفتے لگ سکتے ہیں۔ ان میں ایسے نوجوان افراد بھی شامل ہیں جنھیں کوئی دوسری بیماری نہیں۔
امریکہ میں بیماری کی روک تھام کے ادارے نے کہا ہے کہ 35 سال سے کم عمر افراد کا پانچواں حصہ کورونا کی تشخیص کے بعد 21 دن تک مکمل طور پر صحتیاب نہیں ہوسکا تھا۔
ادارے نے کہا کہ بعض سرکاری پیغامات میں ایسا ظاہر کیا جاتا ہے جیسے کووڈ 19 سنجیدہ مرض نہیں۔
ٹیلی فونک سروے کے مطابق 13 ریاستوں میں 35 فیصد افراد نے علامات کی کم شدت ہونے کی وجہ سے دو سے تین ہفتے بعد اپنی صحت کے بارے میں آگاہ کیا۔
رپورٹ میں کہا گیا کہ متاثرین کو کئی ہفتے بعد بھی کھانسی اور سانس پھولنے کی شکایات رہیں۔
25 جولائی 2020فٹبال کے کھلاڑی ژاوی ہرنینڈس میں کورونا کی تشخیص
،تصویر کا ذریعہReuters
سپین اور بارسیلونا کے فٹبال کے سابق کھلاڑی ژاوی ہرنینڈس میں کورونا وائرس کی تشخیص ہوئی ہے۔
40 سالہ ژاوی ہرنینڈس اس وقت قطر کے ایک فٹبال کلب کے کوچ ہیں۔
انھوں نے سنیچر کو انسٹاگرام پر اپنے مداحوں سے یہ خبر شیئر کی۔
’خوش قسمتی سے میری طبیعت ٹھیک ہے۔ جب تک سب صحیح نہیں ہوتا میں آئسولیشن میں رہوں گا۔
’جب سب ٹھیک ہوجائے گا تو امید ہے میں واپس معمول کے مطابق کام کر سکوں گا۔‘
25 جولائی 2020خیبر پختونخوا میں کورونا کے 149 نئے متاثرین، چھ اموات
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
پاکستان کے صوبہ خیبر پختونخوا میں کورونا وائرس کے مزید 149 نئے متاثرین اور چھ اموات کی تصدیق ہوئی ہے۔
اب صوبے میں متاثرین کی مجموعی تعداد 33220 ہوگئی ہے۔ اب تک یہاں کووڈ 19 سے 1176 اموات ہوئی ہیں۔
خیبر پختونخوا میں اب تک 202703 افراد کے کورونا کے ٹیسٹ ہوئے ہیں۔ اب تک 27017 افراد کورونا سے صحتیاب ہوئے ہیں۔
25 جولائی 2020کورونا وارڈ میں خصوصی دستاویزی فلم کیسے بنائی گئی؟
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
بی بی سی اردو کی فرحت جاوید اور موسی یاوری نے پمز ہسپتال کے کورونا وائرس کے آئی سی یو سے خصوصی دستاویزی فلم پیش کی۔ اس فلم کی تیاری کے دوران انھیں کیا احتیاطی تدابیر اپنانی پڑیں، یہ دیکھیے اس ڈیجیٹل ویڈیو میں۔
25 جولائی 2020انڈیا میں گذشتہ دو روز کے دوران تقریباً ایک لاکھ نئے متاثرین
،تصویر کا ذریعہReuters
انڈیا میں کورونا وائرس کے نئے متاثرین میں تیزی سے اضافہ ہو رہا ہے۔ گذشتہ دو روز کے دوران تقریباً ایک لاکھ نئے متاثرین کی تصدیق ہوئی ہے۔
عالمی وبا کے آغاز سے اب تک انڈیا میں 13 لاکھ متاثرین کی تصدیق ہوچکی ہے۔ یہ دنیا میں تیسرے نمبر پر کووڈ 19 سے سب سے زیادہ متاثرہ ملک ہے۔
مادھیا پردیش کے وزیر اعلیٰ بھی کورونا وائرس سے متاثر ہو چکے ہیں۔
انھوں نے زور دیا کہ لوگوں کو اپنا خیال رکھنا ہوگا اور علامات ظاہر ہونے پر فوراً ڈاکٹر سے رجوع کرنا ہوگا۔
اب تک انڈیا میں کووڈ 19 سے 31 ہزار سے زیادہ اموات ہوچکی ہیں۔ اموات کے اعتبار سے یہ دنیا میں ساتویں نمبر پر ہے۔ تاہم ماہرین کا خیال ہے کہ تاحال یہ وائرس کی انتہا نہیں۔
25 جولائی 2020افریقہ میں طبی عملے کے 10 ہزار سے زیادہ افراد کورونا وائرس سے متاثر
،تصویر کا ذریعہReuters
عالمی ادارہ صحت کے مطابق عالمی وبا کے دوران افریقہ میں طبی عملے کے 10 ہزار سے زیادہ افراد میں کورونا وائرس کی تشخیص ہوئی ہے۔
ڈبلیو ایچ او کے ڈاکٹر ایمبروز ٹلیسونا نے کہا ہے کہ صورتحال تشویشناک ہے۔ انھوں نے ملکوں اور تنظیموں سے مطالبہ کیا ہے کہ طبی عملے کے کام کرنے کے لیے ایک دوسرے کے ساتھ مل کر حالات بہتر بنائیں۔
ان کا کہنا ہے کہ عالمی ادارہ صحت نے وائرس کی روک تھام کے لیے ہدایات تجویز کی ہیں اور طبی عملے کے 50 ہزار افراد کو ٹریننگ دی ہے۔
انھوں نے کہا ہے کہ انفرادی سطح پر ملکوں کو طبی عملے کے لیے حفاظتی اقدامات کرنا ہوں گے اور حفاظتی لباس کو دستیاب بنانا ہوگا تاکہ صحت کے نظام پر بوجھ پیدا نہ ہو۔
25 جولائی 2020برازیل کے صدر کورونا وائرس سے صحتیاب ہوگئے
،تصویر کا ذریعہGetty Images
برازیل کے صدر جیئر بولسونارو نے اعلان کیا ہے کہ ان کا کورونا وائرس کا حالیہ ٹیسٹ منفی آیا ہے۔
فیس بک پر ان کا کہنا تھا کہ ’امید ہے آپ سب کا دن اچھا گزرے گا۔‘
انھوں نے 7 جولائی کو اعلان کیا تھا کہ وہ کورونا وائرس سے متاثر ہوگئے ہیں۔ انھوں نے وائرس کی تشخیص کے لیے تین ٹیسٹ کرائے تھے جنھوں نے کورونا کی تصدیق کی تھی۔
ماضی میں انھوں نے کورونا کے خدشات کو رد کرتے ہوئے کہا تھا کہ وائرس کا ان پر اثر کم ہوا کیونکہ وہ ’ایتھلیٹ ہوا کرتے تھے۔‘
برازیل اس عالمی وبا سے دوسرے نمبر پر سب سے زیادہ متاثرہ ملک ہے۔ یہاں اب تک 23 لاکھ سے زیادہ متاثرین کی تصدیق ہوئی ہے۔
25 جولائی 2020’سمارٹ ہیلمٹ‘ جو کورونا کے متاثرین کی شناخت کرتی ہے
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
انڈیا کے شہر ممبئی کے حکام کورونا وائرس سے متاثرہ افراد کی سکریننگ کے لیے "سمارٹ ہیلمٹ" کا سہارا لے رہے ہیں۔ انڈیا میں ممبئی کورونا وائرس سے سب سے متاثرہ شہر ہے اوروہاں کورونا کے نئے کیسز کا جلد سے جلد پتہ لگانے کی کوشش کی جارہی ہے۔ اس ہیلمٹ کو بنانے والوں کا دعوی ہے کہ اس کی مدد سے طبی عملہ تین گھنٹوں کے اندراندر تقریبا چھ ہزار افراد کا بالکل درست درجہ حرارت چیک کرسکتا ہے۔ لیکن یہ سستا نہیں ہے۔ اس ایک ہیلمٹ کی قیمت تقریبا آٹھ ہزار ڈالر ہے۔ تفصیل دیکھیے اس ڈیجیٹل ویڈیو میں
25 جولائی 2020کیا تھوک کی جانچ سے کورونا کی وبا کا خاتمہ ہو سکتا ہے
25 جولائی 2020100 دن میں پہلے متاثرہ شخص کی تصدیق کے بعد ویتنام میں ’ریڈ الرٹ‘
،تصویر کا ذریعہReuters
سنیچر کو ویتنام میں اس وقت ’ریڈ الرٹ‘ جاری کیا گیا جب حکام نے ملک میں تین ماہ سے زیادہ عرصے بعد پہلے شخص میں کورونا وائرس کی تشخیص کرلی۔
ملک میں سخت ہدایات نافذ کر دی گئی ہیں اور عالمی وبا کے دوران ٹیسٹنگ میں تیزی لائی گئی ہے۔ اس کے باوجود اب تک صرف 417 افراد میں وائرس کی تشخیص ہوئی ہے جبکہ اب تک کوئی ہلاکت نہیں ہوئی۔
محکمہ صحت کے مطابق ایک 57 سالہ شخص میں سیاحتی مقام پر وائرس کی تشخیص ہوئی۔
مقامی ذرائع ابلاغ کے مطابق متاثرہ شخص کی حالت تشویشناک ہے۔ ان 50 افراد کو قرنطینہ منتقل کر دیا گیا ہے جو اس شخص کے رابطے میں تھے۔
25 جولائی 2020’بلوچستان میں صحتیابی کی شرح سب سے زیادہ‘, محمد کاظم، بی بی سی اردو، کوئٹہ
،تصویر کا ذریعہGetty Images
بلوچستان میں اگرچہ کورونا کے نئے متاثرین میں کمی آرہی ہے لیکن دوسری جانب حکام نے اس بات پر تشویش کا اظہار کیا ہے کہ لوگوں کی ٹیسٹنگ میں کمی آئی ہے۔
کوئٹہ میں صحافیوں کو بریفنگ دیتے ہوئے حکومت بلوچستان کے ترجمان لیاقت شاہوانی نے کہا کہ یہ خوشی کی بات ہے کہ بلوچستان کے لوگ کورونا کو کسی حد تک شکست دینے میں کامیاب ہوگئے ہیں۔
ان کا کہنا تھا کہ جون کے مقابلے جولائی میں کورونا کے کیسز میں پچاس فیصد کمی آئی ہے۔ تاہم انھوں نے بتایا کہ حکومت بلوچستان کو اس بات کی تشویش ہے کہ جون کے مقابلے میں ٹیسٹ کی تعداد میں 60 فیصد کمی آئی ہے۔
انھوں نے بتایا کہ پہلے لوگ یہ شکایت کرتے تھے کہ ہم ٹیسٹ کے لیے جاتے ہیں تو وہاں ٹیسٹ نہیں ہوتا لیکن ’اب ہمارے پاس روزانہ 15 سو ٹیسٹ کی صلاحیت موجود ہے جبکہ کوئٹہ شہر میں مختلف مقامات پر ٹیسٹ کے لیے پوائنٹس بھی بنائے گئے ہیں۔‘
ان کا کہنا تھا اب ٹیسٹ کی صلاحیت بہت زیادہ ہے لیکن لوگ ٹیسٹ دینے کے لیے نہیں آرہے ہیں۔
انھوں نے کہا کہ ’شاید لوگ یہ سمجھ رہے ہیں کہ کورونا کا مکمل خطرہ ٹل گیا ہے یا کورونا کوئی مسئلہ ہی نہیں رہا۔ لیکن ایسی بات نہیں ہے کیونکہ کورونا کے کیسز اب بھی سامنے آرہے ہیں اور یہ ہمارے ارد گرد موجود ہے۔‘
انھوں نے لوگوں سے اپیل کی کہ وہ زیادہ سے زیادہ ٹیسٹ دینے کے لیے آئیں۔ ’بلوچستان میں جہاں کورونا کے کیسز میں کمی آئی ہے وہاں بلوچستان میں کورونا سے متاثرہ لوگوں کی صحتیابی کی شرح 85 فیصد ہوگئی ہے۔‘
حکومت بلوچستان کے ترجمان نے بتایا کہ بلوچستان میں صحتیابی کی شرح ملک کے دوسرے حصوں کے مقابلے سب سے زیادہ ہے۔