کورونا: امریکہ میں کیلیفورنیا کے بعد فلوریڈا سب سے زیادہ متاثرہ ریاست بن گئی
کورونا وائرس سے دنیا بھر میں متاثرہ افراد کی تعداد ایک کروڑ 60 لاکھ سے تجاوز کر گئی ہے. فلوریڈا میں مزید 9300 متاثرین کی تصدیق ہوئی ہے۔ کیلیفورنیا کے بعد یہ امریکہ کی سب سے زیادہ متاثرہ ریاست بن گئی ہے۔
لائیو کوریج
آندھراپردیش میں سینیٹائزر اور جعلی شراب پینے سے 38 افراد ہلاک
کیا پاکستان میں کورونا وائرس کے اعداد و شمار قابل بھروسہ ہیں؟
ترکی کا سوشل میڈیا بل: آن لائن اظہار رائے کے خلاف کریک ڈاؤن
آکسفورڈ یونی ورسٹی ویکسین ٹیم کی سربراہ سارا گلبرٹ کون ہیں؟
’آج پاکستان میں استعفوں کا دن ہے۔۔۔’
حج 2020: ’کوئی کام نہیں، کوئی تنخواہ نہیں، کچھ بھی نہیں‘
کورونا وائرس: پنجاب میں عیدالاضحیٰ پر نو روزہ لاک ڈاؤن کا اعلان
کورونا ویکسین سے متعلق جھوٹے اور گمراہ کن دعوؤں کی حقیقت
انڈیا کورونا کے پھیلاؤ کے وجوہات کو تسلیم کرنے پر تیار کیوں نہیں ہے؟
بریکنگ, پاکستان کے زیرِ انتظام کشمیر میں 11 افراد میں کورونا وائرس کی تشخیص
،تصویر کا ذریعہM A Jarral
پاکستان کے زیر انتظام کشمیر کے محکمہ صحت کے فوکل پرسن برائے کووڈ 19 ڈاکٹر ندیم الرحمن کے مطابق گذشتہ 24 گھنٹوں کے دوران 436 افراد کے ٹیسٹ لیے گے جن میں سے 11 افراد میں کورونا وائرس کی تصدیق ہوئی ہے۔
ان کے مطابق مجموعی طور پر اس خطے میں 2034 افراد کورونا وائرس سے متاثر ہوئے ہیں۔
ان کے مطابق گذشتہ 24 گھنٹوں کے دوران 14 افراد صحتیاب ہوئے ہیں جس کے بعد اس خطے میں صحتیاب ہونے والے مریضوں کی تعداد 1449 ہو گئی ہے۔
ڈاکٹر ندیم الرحمن کے مطابق اب تک اس خطے میں اب تک 24892 افراد کے ٹیسٹ کیے گئے ہیں۔
کورونا وائرس اگر چمگادڑوں میں رہتا ہے تو وہ بیمار کیوں نہیں ہوتیں؟
،تصویر کا ذریعہDANIEL WHITBY
سائنسدانوں نے دنیا کی چھ چمگادڑوں کے جینیاتی بلیو پرنٹ کی تشریح کی ہے جس سے ان کی ’غیر معمولی قوت مدافعت‘ کے اشارے ملتے ہیں اور یہ نظام ہی انھیں مہلک وائرس سے بچانے میں مددگار ثابت ہوتا ہے۔
محققین کو ان معلومات کے ذریعے ان رازوں سے پردہ اٹھانے کی توقع ہے کہ چمگادڑ کیسے بیمار ہوئے بغیر کورونا وائرس رکھتی ہیں۔
محققین کا کہنا ہے کہ اس سے موجودہ اور مستقبل کے وبائی امراض کے دوران انسانی صحت کی مدد کے لیے حل فراہم کیے جا سکتے ہیں۔
یونیورسٹی کالج ڈبلن کی پروفیسر ایما تیلنگ کا کہنا ہے کہ ’شاندار‘ جنیاتی ترتیب سے پتا چلتا ہے کہ چمگادڑوں کا ’مدافعتی نظام بہت انوکھا‘ ہوتا ہے۔
اور یہ سمجھنا کہ کس طرح چمگادڑ بیمار ہوئے بغیر وائرس کو برداشت کر سکتی ہیں، کووڈ۔19 جیسے وائرس کا علاج دریافت کرنے میں مددگار ثابت ہو سکتا ہے۔
اسلام آباد میں ’کووڈ 19 کے مریضوں کی تعداد 2400 رہ گئی ہے‘
،تصویر کا ذریعہDC Islamabad
پاکستان کے دارالحکومت اسلام آباد کی ضلعی انتظامیہ کے مطابق یہاں کووڈ 19 سے متاثرہ مریضوں کی تعداد 2400 رہ گئی ہے۔
ڈپٹی کمشنر اسلام آباد کے مطابق سمارٹ لاک ڈاؤن اور ضابطہ اخلاق پر مکمل عملدرآمد کے بعد کورونا وائرس کے مریضوں میں کمی آئی ہے۔ ’آج 1915 ٹیسٹ کیے گئے جن میں سے صرف 20 مثبت آئے۔‘
ڈپٹی کمشنر حمزہ شفقات اسلام آباد کا کہنا ہے کہ کل ایک لاکھ 78 ہزار 421 ٹیسٹ کیے جا چکے ہیں۔ ’آج وفاقی دارالحکومت میں نئے رجسٹرڈ مریضوں کی تعداد سے کم تھی۔ ضلعی انتظامیہ نے عید الاضحیٰ کے لیے جاری ضابطہ اخلاق پر پابندی کے حوالے سے خصوصی ٹیمیں تشکیل دے رکھی ہیں۔
’اسٹنٹ کمشنرز اور ضلعی انتظامیہ کے افسران گراں فروشی اور ایس او پی پر عملدرآمد کے لیے فیلڈ میں موجود رہیں گے۔ شہریوں سے گزارش ہے گھروں تک محدود رہیں۔ بچے اور بزرگ افراد مویشی منڈیوں نہ آئیں۔
’عوام اور تاجروں کے تعاون اور ضابطہ اخلاق پر پابندی کے بعد کووڈ 19 کے مریضوں میں واضح کمی آئی۔‘
اسلام آباد کے کورونا آئی سی یو تک خصوصی رسائی
YouTube پوسٹ نظرانداز کریںGoogle YouTube کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
پاکستان میں ڈاکٹروں اور دیگر طبی عملے کو کورونا وائرس سے متاثرہ مریضوں اور ان کے اہلخانہ کی جانب سے دھمکیوں کا سامنا رہا ہے۔ طبی عملے کے مطابق ملک میں کورونا وائرس کی علامات کو چھپایا جاتا ہے اور اسے ایک سٹیگما سمجھا جاتا ہے۔ کئی لوگ اب بھی اسے جھوٹ قرار دیتے ہیں، اور کچھ کے خیال میں ڈاکٹر مریضوں کو مار رہے ہیں۔ بی بی سی کی نامہ نگار فرحت جاوید اور موسی یاوری کو اسلام آباد کے سرکاری اسپتال پمز کے کورونا آئی سی یو میں خصوصی رسائی دی گئی۔ انھوں نے وہاں تعینات ڈاکٹروں سے ملاقات کی جو وائرس کے ساتھ ساتھ افواہوں کے خلاف بھی لڑ رہے ہیں۔
لاک ڈاؤن کے دوران آئس کریم کی فروخت میں اضافہ
’شہری قربانی کے جانوروں کی آن لائن خریداری کو ترجیح دیں‘
،تصویر کا ذریعہGetty Images
ریڈیو پاکستان کے مطابق صحت کے معاون خصوصی ڈاکٹر ظفر مرزا نے شہریوں سے کہا ہے کہ وہ مویشی منڈیوں میں جانے کی بجائے قربانی کے جانوروں کی آن لائن خریداری کو ترجیح دیں۔
اتوار کو اسلام آباد میں نیوز کانفرنس سے خطاب کرتے ہوئے انھوں نے کہا کہ عید کے دنوں میں احتیاطی تدابیر پر عملدرآمد کے لیے تمام فریقوں کی مشاورت سے سخت انتظامات کیے گئے ہیں۔
انھوں نے کہا ہے کہ ملک بھر میں شہروں کے اندر قربانی کے جانوروں کی فروخت اور مویشی منڈیوں کے قیام پر سخت پابندی ہے۔
انھوں نے کہا کہ اگر شہریوں نے احتیاطی تدابیر پر عملدرآمد نہ کیا تو یہ وبا مزید پھیلے گی۔ ’عید کی نماز کی ادائیگی کے دوران بھی احتیاطی تدابیر کی پاسداری کی جانی چاہیے۔‘
بلوچستان میں کورونا کے 23 نئے متاثرین کی تصدیق
،تصویر کا ذریعہGetty Images
بلوچستان میں کورونا کے 23 نئے متاثرین کے اضافے کے بعد مجموعی کیسز کی تعداد 11601 ہوگئی ہے۔
کورونا سے ہلاک ہونے والے افراد کی مصدقہ تعداد 136 ہے۔
محکمہ صحت حکومت بلوچستان کے ترجمان ڈاکٹر وسیم بیگ کے مطابق 26 جولائی 2020 کو کورونا کے صرف 639 ٹیسٹ کیے گئے جن میں سے 23 مثبت آئے۔
بلوچستان میں اب تک کورونا کے مجموعی طور پر 57535 ٹیسٹ کیے گئے جن میں سے 45934 کے نتائج منفی آئے۔
بلوچستان میں مجموعی طور پر 133569 افراد کی سکریننگ کی گئی ہے۔ کورونا وائرس سے اب تک 9976 افراد صحتیاب ہوئے ہیں۔
اسلام آباد کے کون کون سے علاقے کورونا سے متاثرہ
،تصویر کا ذریعہDC ISLAMABAD
پاکستان کے دارالحکومت اسلام آباد کی ضلعی انتظامیہ نے ایک نقشہ جاری کیا ہے جس میں دیکھا جا سکتا ہے کہ کون کون سے علاقے کووڈ 19 کی عالمی وبا سے اس وقت متاثرہ ہیں اور کہاں کہاں سمارٹ لاک ڈاؤن نافذ کیا گیا ہے۔
شہر میں تاحال کل متاثرین کی تعداد 14841 ہے جبکہ 163 اموات ہوئی ہیں اور 12253صحتیاب ہوچکے ہیں۔
گذشتہ روز 1915 یومیہ ٹیسٹ کیے گئے تھے۔
فلوریڈا اب امریکہ میں دوسرے نمبر پر سب سے زیادہ متاثرہ ریاست
،تصویر کا ذریعہAFP
امریکی ریاست فلوریڈا میں گذشتہ 24 گھنٹوں کے دوران کورونا وائرس کے مزید 9300 متاثرین کی تصدیق ہوئی ہے۔ اب یہاں نیویارک سے بھی زیادہ کل متاثرین ہیں اور یہ امریکہ میں کووڈ 19 سے دوسرے نمبر پر سب سے زیادہ متاثر ریاست بن گئی ہے۔
گذشتہ ہفتوں کے دوران فلوریڈا میں یومیہ 10 ہزار سے زیادہ یومیہ متاثرین کی تصدیق ہوئی تھی۔ یہاں کل متاثرین کی تعداد 423855 متاثرین ہے۔ جبکہ کیلیفورنیا میں سب سے زیادہ 448487 متاثرین ہیں۔
امریکہ میں نیوریارک کو وائرس کا مرکز سمجھا جاتا تھا۔ یہاں سب سے زیادہ 32 ہزار اموات کووڈ 19 سے ہوئی ہیں۔
یہاں متاثرین میں بڑے اضافے کے باوجود ریاست کے گورنر ران ڈی سینٹز کہتے ہیں کہ وہ ماسک پہننا لازم نہیں کریں گے اور سکولوں کو شیڈول کے مطابق اگست میں کھول دیا جائے گا۔
جنوبی افریقہ کے چوتھے وزیر میں کورونا کی تشخیص
،تصویر کا ذریعہGetty Images
جنوبی افریقہ کے وزیر تجارت ابراہیم پٹیل میں کووڈ 19 کی تشخیص ہوئی ہے۔ افریقہ میں کورونا سے سب سے زیادہ متاثرہ ملک، جنوبی افریقہ میں چوتھے وزیر میں کووڈ 19 کی تشخیص ہوئی ہے۔
کابینہ کی ایک ترجمان کا کہنا تھا کہ 58 سالہ ابراہیم پٹیل کو ان کے ٹیسٹ کے نتائج سنیچر کو موصول ہوئے۔
ان کا کہنا تھا کہ ’وزیر ابراہیم پٹیل نے خود ساختہ قرنطینہ اختیار کر لیا ہے۔ وہ گھر سے کام کریں گے۔‘
’وزیر کے رابطے میں رہنے والے افراد کو بھی آئسولیشن میں رہنے کا کہا گیا ہے۔‘
افریقہ میں چار وزیروں اور متعدد رکن پارلیمان میں کورونا کی تشخیص ہوئی ہے۔ متاثرین کے اعتبار سے جنوبی افریقہ پانچویں نمبر پر سب سے متاثرہ ملک ہے۔