سندھ کے وزیر برائے کچی آبادی غلام مرتضیٰ بلوچ کورونا وائرس کے باعث انتقال کر گئے

دنیا بھر میں کورونا وائرس سے متاثر ہونے والوں کی تعداد 62 لاکھ سے زائد ہے جبکہ ساڑھے تین لاکھ سے زیادہ افراد اس بیماری کے نتیجے میں ہلاک ہوئے ہیں۔ سندھ کے صوبائی وزیر کچی آبادی مرتضیٰ بلوچ کورونا وائرس میں مبتلا رہنے کے بعد انتقال کر گئے ہیں۔

لائیو کوریج

31 مئ 2020کورونا وائرس: ماسک پہنتے ہوئے کن چیزوں کا خیال رکھیں؟
جیسے جیسے لاک ڈاؤن میں نرمی ہو رہی ہے، دنیا بھر میں پہلے سے زیادہ لوگ اپنی حکومت کے مشوروں کے تحت ماسک پہن رہے ہیں۔
عالمی ادارہ صحت نے متنبہ کیا ہے کہ ماسک صرف اس صورت میں مؤثر ثابت ہوتے ہیں جب مناسب طریقے سے پہننے کے ساتھ بار بار ہاتھوں کی صفائی اور سماجی فاصلے کا خیال رکھا جائے۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
31 مئ 2020کورونا: سپین میں ایک دن میں 100 سے کم نئے کیس
،تصویر کا ذریعہGetty Images
سپین میں تین ماہ میں پہلی بار ایک دن میں کورونا کے سب سے کم کیس ریکارڈ کیے گئے ہیں۔
اتوار کے روز سپین میں کورونا کے 96 نئے کیس اور دو اموات ریکارڈ کی گئی ہیں۔
دوسری جانب برطانیہ میں آج 1936 نئے کیس جبکہ 113 اموات ریکارڈ کی گئی ہیں۔ ادھر اٹلی میں کورونا کے 355 نئے کیس جبکہ مزید 75 اموات سامنے آئی ہیں۔
واضح رہے کہ اپریل کے مہینے میں سپین میں ہر روز تقریباً 950 تک اموات جبکہ ہزاروں نئے کیس سامنے آ رہے تھے۔
31 مئ 2020لاک ڈاؤن میں وقت اتنی تیزی سے گزرتا ہوا کیوں محسوس ہوتا ہے
،تصویر کا ذریعہGetty Images
اب جبکہ دنیا کے کچھ حصوں میں لاک ڈاؤن میں نرمی کی جا رہی ہے، کچھ لوگ اِن بیتے ہوئے دنوں کی جانب دیکھ رہے ہیں کہ ان کے روز و شب اس لاک ڈاؤن کے دوران حیران کن حد تک کتنی تیزی سے گزر رہے تھے۔
جب ہمیں شروع شروع میں لاک ڈاؤن کی ہفتوں بھر گھروں میں محدود، سست اور بور کرنے والی زندگی کے بارے میں بتایا گیا تھا تو ہم اس طرح کے تیزی سے گزرنے والے دنوں کی توقع نہیں کر رہے تھے۔
فی الحال یہ قبل از وقت ہے کہ اس موضوع پر کوئی منظم تحقیق ہو، لیکن عمومی طور پر کافی سارے لوگوں کے لیے یہ ایک معمہ ہے کہ ان کے روز و شب حیران کن حد تک کتنی تیزی سے گزر گئے۔ اس بات پر یقین کرنا بہت مشکل لگ رہا ہے کہ ہم اب مئی کے آخری دن تک پہنچ گئے ہیں، یعنی لاک ڈاؤن کے آغاز کو دو ماہ ہو گئے ہیں۔
اس حوالے سے مزید یہاں پڑھیے۔
31 مئ 2020پاکستان میں کووڈ 19 کے نئے مریضوں کے علاج کے لیے جگہ اور وسائل کم پڑنے لگے
پاکستان میں سرکاری اعداد و شمار اس بات کا ثبوت پیش کرتے ہیں کہ کورونا وائرس کے مریضوں میں مسلسل اضافہ ہو رہا ہے لیکن اب اس کی وجہ سے ہسپتالوں میں مریضوں کے لیے جگہ اور وسائل کم پڑنے لگے ہیں۔
ملک کے بعض ہسپتالوں میں حکام اس بات کا اعتراف کر چکے ہیں کہ ان کے پاس کووڈ 19 کے مزید مریضوں کا علاج کرنے کے لیے گنجائش ختم ہو چکی ہے یا انھیں اس حوالے سے خدشات ہیں۔
اس طرح نئے آنے والے مریضوں کو شہر کے کسی دوسرے ہسپتال بھیجا جا رہا ہے۔
اس بارے میں مزید پڑھنے کے لیے یہاں کلک کریں۔
،تصویر کا ذریعہGetty Images
31 مئ 2020نریندر مودی: لاک ڈاؤن میں نرمی لیکن لوگ محتاط رہیں
،تصویر کا ذریعہGetty Images
انڈیا کے وزیرِ اعظم نریندر موی نے ملک کو خبردار کیا ہے کہ لاک ڈاؤن میں نرمی کے بعد بھی احتیاط رکھی جائے۔
قوم سے ایک ٹی وی خطاب میں انھوں نے کہا: ‘کورونا وائرس کے خلاف جنگ سخت ہے، ہم اس میں غیر محتاط نہیں ہو سکتے۔’
‘ماسک اور دستانے پہننا، اور سماجی دوری کے ضوابط کا خیال رکھنا ضروری ہے کیونکہ بہت جلد لوگ اپنے گھروں سے نکلنا شروع ہوجائیں گے۔’
انڈیا میں یوں تو کورونا وائرس کے یومیہ متاثرین کی تعداد میں اضافہ ہو رہا ہے لیکن انڈیا دو ماہ کے سخت لاک ڈاؤن کے بعد معیشت کو بتدریج کھولنے کی منصوبہ بندی کر رہا ہے۔
لیکن انڈیا کے زیرِ انتظام کشمیر میں لاک ڈاؤن کو 30 جون تک بڑھا دیا گیا ہے۔
31 مئ 2020وفاق المدارس العربیہ پاکستان کا 12جون سے کلاسز کے آغاز کا اعلان
مولانا قاضی عبدالرشید کی زیر صدارت وفاق المدارس العربیہ کا جامعہ اشرفیہ میں مشاورتی اجلاس ہوا، جس میں 2 جون سے مدارس میں داخلے اور 12جون سے تعلیمی کلاسوں کے آغاز کا اعلان کیا گیا۔
اجلاس میں نجی سکولز کے ساتھ مل کر حکومت پر دباؤ بڑھانے جبکہ تبلیغی مراکز کھلوانے اور تبلیغی جماعت کی سرگرمیاں شروع کرانے میں معاونت کی یقین دہانی اور مشاورت کا فیصلہ بھی کیا گیا۔
مولانا قاضی عبدالرشید نے پریس کانفرنس کرتے ہوئے کہا کہ اس حوالے سے حتمی فیصلہ وفاق المدارس العربیہ اور اتحاد تنظیمات مدارس کی قیادت کرے گی، مدارس دینیہ کو مزید بند رکھنے کے متحمل نہیں ہوسکتے، مذہبی طبقے کو دیوار سے لگایا جا رہا ہے۔
مولانا قاضی عبدالرشید کا کہنا تھا کہ صدر مملکت کے ساتھ تیار کردہ 20 نکاتی ایس او پیز پر کسی شعبے نے عمل نہیں کیا، صرف مساجد میں ان پر عمل کیا گیا۔ شاپنگ مالز، ٹرانسپورٹ، بازار، سبزی منڈیاں، نادرا کے دفاتر کھل سکتے اور جلوس نکل سکتے ہیں تو مدارس کیوں نہیں کھولے جا سکتے ہیں؟
31 مئ 2020برطانیہ میں 113 مزید افراد کورونا وائرس سے ہلاک
برطانیہ کہ محکمہ صحت اور سماجی تحفظ نے اعلان کیا ہے کہ کورونا وائرس کے شکار ہونے والے مزید 113 افراد ہلاک ہوگئے ہیں، جس کے بعد یہاں ہلاک ہونے والوں کی تعداد 38 ہزار 489 ہوگئی ہے۔
ہلاکتوں کی یہ تعداد سنیچر شام پانچ بجے تک ریکارڈ کی گئی ہیں۔
حکومت نے یہ بھی بتایا کہ ایک لاکھ 15 ہزار 725 ٹیسٹ کیے گئے یا ٹیسٹنگ کٹس لوگوں کو بھیجی گئی ہیں جن میں 1936 افراد میں کورونا وائرس کی تصدیق ہوئی ہے۔
ایک مرتبہ پھر حکومت یہ واضح طور پر بتانے میں ناکام رہی کہ کتنے لوگوں کے ٹیسٹ کیے گئے ہیں۔
31 مئ 2020وزیر تعلیم پنجاب: حکومت کی اجازت کے بغیر صوبے میں کوئی سکول نہیں کھل سکتا
وزیر تعلیم پنجاب مراد راس نے کہا ہے کہ صوبائی حکومت کی اجازت کے بغیر صوبے میں کوئی سکول نہیں کھل سکتا۔
انھوں نے ٹوئٹر پر اپنے پیغام میں لکھا ’کل کھلنے والے کسی بھی نجی سکول کے خلاف سخت کارروائی کی جائے گی۔ پنجاب حکومت کی اجازت اور نوٹیفیکیشن کے بغیر صوبے میں کوئی سکول نہیں کھل سکتا۔ ہم کسی کو بھی اپنے بچوں، اساتذہ اور خاندانوں کی زندگیاں خطرے میں نہیں ڈالنے دیں گے۔‘
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 مئ 2020برطانوی حکومت کی یومیہ بریفنگ کا آغاز
برطانوی حکومت کی کورونا وائرس سے متعلق یومیہ بریفنگ شروع ہو چکی ہے اور وزیرِ ہاؤسنگ روبرٹ جینرک بریفنگ دے رہے ہیں۔
انھوں نے بتایا کہ سنیچر کے روز 1936 نئے متاثرین سامنے آئے ہیں۔
یہ ایک طویل عرصے میں پہلی مرتبہ ہے کہ یومیہ متاثرین کی تعداد 2000 سے کم رہی ہے۔ تاہم دو باتیں جن پر غور کرنا ضروری ہے وہ یہ کہ اعداد و شمار ہفتہ وار تعطیل پر ہمیشہ کم رہتے ہیں اور ان میں صرف وہ افراد شامل ہوتے ہیں جن کا کورونا ٹیسٹ مثبت آیا ہوتا ہے۔
برطانیہ کے محکمہ شماریات کے مطابق مرض پھیلنے کی یومیہ شرح آٹھ ہزار تک پہنچ گئی ہے۔
31 مئ 2020پوپ فرانسس: صحتیابی معیشت سے زیادہ اہم ہے
،تصویر کا ذریعہGetty Images
پوپ فرانسس نے اتوار کو کہا کہ معیشت سے زیادہ ‘صحتیابی’ اہم ہے۔
ان کی بیان ایسے وقت میں سامنے آیا ہے جب دنیا کے مختلف ممالک میں لاک ڈاؤن میں نرمی کی جا رہی ہے۔
پوپ نے تین ماہ میں ویٹیکن کے سینٹ پیٹرز سکوائر سے پہلی مرتبہ اپنی کھڑکی سے خطاب کیا۔ ویٹیکن سٹی سکوائر کو گذشتہ پیر کے دن عوام کے لیے کھولا گیا تھا۔
انھوں نے کہا: ‘لوگوں کی تکلیف دور کرنا، نہ کہ پیسے بچانا، زیادہ اہم ہے۔ لوگ معیشت سے زیادہ اہم ہیں۔’
انھوں نے کہا: ‘معیشت نہیں بلکہ ہم انسان مقدس روح کے گھر ہیں ۔’
31 مئ 2020پاکستانی گلوکار ابرار الحق میں بھی کورونا وائرس کی تشخیص
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 مئ 2020بریکنگ, انگلینڈ میں مزید 85 افراد ہلاک، برطانیہ کے مجموعی اعداد و شمار کچھ دیر میں
انگلینڈ میں نیشنل ہیلتھ سروس نے کووِڈ 19 سے متاثر ہونے والے مزید 85 افراد کی ہلاکت کی تصدیق کی ہے جس کے بعد یہاں ہلاکتوں کی کُل تعداد 26 ہزار 614 ہوگئی ہے۔
ان میں سے 15 ہلاکتیں سنیچر، 31 جمعے، اور سات جمعرات کو ہوئیں۔ دیگر اموات اس سے پہلے ہوئی تھیں مگر انھیں اب کورونا کے سبب ہونے والی ہلاکت قرار دیا گیا ہے۔
پبلک ہیلتھ ویلز نے بتایا ہے کہ ویلز میں کورونا سے مزید 11 افراد ہلاک ہوئے ہیں جس کے بعد یہاں ہلاکتوں کی کُل تعداد 1342 ہوچکی ہے۔
سکاٹ لینڈ میں گذشتہ 24 گھنٹوں کے دوران نو مزید اموات ریکارڈ کی گئی ہیں۔ سکاٹ لینڈ میں اب تک 2362 افراد اس مرض کے باعث ہلاک ہو چکے ہیں۔
ویلز اور سکاٹ لینڈ سے ہلاکتوں کی تعداد میں زیادہ تر وہ لوگ شامل ہیں جو ہسپتالوں میں ہلاک ہوئے لیکن دیگر جگہوں پر ہلاک ہونے والے افراد بھی ان میں شامل ہیں۔
شمالی آئرلینڈ اور برطانیہ کے یومیہ مجموعی اعداد و شمار محکمہ صحت کی جانب سے کچھ دیر بعد جاری کیے جائیں گے۔
31 مئ 2020برازیل میں کورونا سے ہلاکتیں فرانس سے زیادہ
،تصویر کا ذریعہEPA
سنیچر کو برازیل میں کورونا وائرس سے ہلاکتوں کی تعداد سپین سے تجاوز کر گئی تھی اور آج اتوار کو یہاں ہلاکتوں کی تعداد فرانس سے بھی زیادہ ہوگئی ہے۔
جانز ہاپکنز یونیورسٹی کے مطابق برازیل میں اب تک 28 ہزار 834 ہلاکتیں ہوچکی ہیں۔ یہاں اب متاثرین کی تعداد دنیا میں دوسرے نمبر پر سب سے زیادہ ہے۔
یہ اس بات کی علامت ہے کہ یورپ اور ایشیا سے متعدد خطرناک علامتوں کے باوجود ملک وائرس پر قابو پانے میں کیسے ناکام رہا۔
لیکن یہ یاد دہانی ضروری ہے کہ برازیل کی آبادی 20 کروڑ سے زیادہ ہے اور یہاں مغربی یورپ کے کئی ممالک سے زیادہ لوگ بستے ہیں۔
لیکن برازیل میں خراب ہوتی صورتحال کے باوجود انتہائی دائیں بازو سے تعلق رکھنے والے صدر جائر بوسونارو نے وبا کی شدت پر سنجیدگی کا اظہار نہیں کیا ہے اور ریاستی اور شہری حکومتوں کی جانب سے لاک ڈاؤن اقدامات کی مخالفت کی ہے۔
31 مئ 2020سپین کے وزیرِ اعظم کی ہنگامی حالت میں توسیع کی درخواست
،تصویر کا ذریعہAFP
سپین کے وزیرِ اعظم پیڈرو سانچیز نے ملک میں ہنگامی صورتحال کے نفاذ میں ‘آخری مرتبہ توسیع’ کی درخواست کی ہے تاکہ ‘وبا کو ایک ہی مرتبہ ہمیشہ کے لیے ختم کردیا جائے۔‘
یہ اقدام لاک ڈاؤن میں نرمی کی باوجود لوگوں کی نقل و حرکت کو محدود رکھیں گے۔
اس توسیع کی منظوری بدھ کو پارلیمنٹ کو دینی ہوگی جس کا مطلب ہوگا کہ 14 مارچ کو اعلان کی گئی ہنگامی صورتحال 21 جون تک جاری رہے گی۔
سپین اس وبا سے دنیا کے سب سے زیادہ متاثرہ ممالک میں سے ہے۔ اب تک تقریباً 28 ہزار افراد اس سے ہلاک ہوچکے ہیں اور دو لاکھ 33 ہزار افراد میں اس مرض کی تشخیص ہوچکی ہے۔
مگر حالیہ ہفتوں میں نئے متاثرین کی تعداد میں کمی ہوئی ہے۔ سنیچر کو صرف 271 نئے متاثرین سامنے آئے اور چار نئی ہلاکتیں سامنے آئیں۔
31 مئ 2020کورونا: گلگت بلتستان میں متاثرین کی تعداد 711 ہو گئی, محمد زبیر خان، صحافی
،تصویر کا ذریعہMazhar Ali Mughal
محکمہ صحت گلگت بلتستان کے مطابق گلگت بلتستان میں 24 گھنٹے کے دوران مزید 33 افراد میں کورونا وائرس کی تصدیق ہوئی ہے، جس کے بعد علاقے میں وائرس سے متاثرہ افراد کی مجموعی تعداد 711 ہو گئی ہے۔
گلگت بلتستان میں مزید چھ مریض صحت بھی ہوئے ہیں، جس کے بعد صحت مند افراد کی تعداد 496 ہوگئی ہے جبکہ علاقے میں ہلاکتوں کی تعداد 11 ہے۔
کورونا پازیٹو مریضوں کی تعداد بڑھنے کے بعد گلگت کی مقامی حکومت نے دوسرے شہروں سے لوگوں کے گلگت شہر میں داخلے پر پابندی عائد کر رکھی ہے۔
ایڈ منسٹریٹر میونسپل کارپوریشن گلگت کیپٹن (ر) اسامہ مجید چیمہ نے کہا ہے کہ ضلعی انتظامیہ نے کورونا وائرس کیسوں کے اضافے کے باعث شہر میں بغیر این او سی داخلے پر پابندی عائد کر دی ہے۔
انھوں نے بتایا کورونا وائرس کے پھیلاو کے خدشے کے پیش نظر پہلے ہی بین الاضلاعی آمدورفت پر پابندی عائد ہے اور کوئی بھی شخص ضلعی انتظامیہ کی اجازت کے بغیر گلگت ضلع میں داخل نہیں ہو سکتا۔
انھوں نے کہا کہ ایمرجنسی کیسز کے علاوہ کسی بھی شہری کو میونسپل حدود میں داخلے کی اجازت نہیں دی جائے گئی۔
ڈسڑکٹ ہیلتھ آفسیر گلگت ڈاکٹر مبین نے صحافی محمد زبیر خان کو بتایا کہ گلگت بلستان میں اتنے مریضوں کی توقع نہیں تھی کیونکہ گلگت بلستان قدرتی طور پر دور دراز علاقہ ہے۔
’رقبہ زیادہ اور آبادی کم ہے مگر اب کیسز میں اضافہ حقیقی معنوں میں خطرے کی گھنٹی ہے۔‘
31 مئ 2020پیرس: پارک اور میدان دوبارہ کھلنے پر شہریوں کی پکنکس
،تصویر کا ذریعہEPA
فرانس میں لاک ڈاؤن میں نرمی کے بعد پیرس میں سنیچر کو کئی ہفتوں کے بعد پارک اور میدان کھول دیے گئے ہیں۔
کئی لوگ سورج کی روشنی سے لطف اندوز ہونے اور گرمیوں کی پہلی پکنک منانے کے لیے گھروں سے باہر نکل آئے۔
مگر کچھ ضوابط اب بھی اپنی جگہ موجود ہیں۔
لوگوں کو سماجی دوری کا خیال رکھنا ہوگا اور عوامی اجتماعات 10 لوگوں سے زیادہ پر مشتمل نہیں ہو سکتے۔ چہروں پر ماسک پہننا اہم قرار دیا گیا ہے۔
منگل سے فرانس میں کیفے اور ریستوران کھول دیے جائیں گے مگر پیرس میں انھیں صرف بیرونی ٹیرس پر ہی لوگوں کو بٹھانے کی اجازت ہوگی۔ خوش قسمتی سے پیرس میں ایسے بہت سے کیفے ہیں۔
،تصویر کا ذریعہReuters
،تصویر کا ذریعہReuters
،تصویر کا ذریعہEPA
31 مئ 2020پاکستان کے صوبہ بلوچستان میں متاثرہ ڈاکٹروں اور طبی عملے کی تعداد 239 ہو گئی
پاکستان کے صوبہ بلوچستان میں کورونا سے متاثرہ ڈاکٹروں اور دیگر طبی عملے کی تعداد 239 ہو گئی ہے جبکہ اس کے علاوہ چار ڈاکٹر ہلاک ہو چکے ہیں۔
ینگ ڈاکٹرز ایسوسی ایشن بلوچستان کے ترجمان ڈاکٹر رحیم بابر کے مطابق اتوارکو کورونا سے زندگی کی بازی ہارنے والے ایک سینئر ڈاکٹر مستونگ میں چائلڈ سپیشلسٹ کے طور پر فرائض سرانجام دے رہے تھے۔
ڈاکٹر رحیم بابر کا کہنا ہے کہ کورونا سے متاثرہ ڈاکٹروں اور پیرا میڈیکس کی تعداد 239 ہو گئی ہے جس میں ڈاکٹروں کی تعداد 175 جبکہ 60 پیرامیڈیکل اور 4 نرسنگ سٹاف بھی کورونا سے متاثر ہو چکے ہیں۔
ڈاکٹر رحیم کا کہنا ہے کہ بلوچستان میں ڈاکٹروں کی شدید قلت کے باوجود نئے ڈاکٹروں کی تعیناتیوں کیلیے تاحال کسی قسم کے عملی اقدامات نہیں کیے گئے ہیں۔
31 مئ 2020دنیا بھر کی تازہ ترین صورتحال کیا ہے؟
،تصویر کا ذریعہGetty Images
اگر آپ ابھی ابھی ہمارے لائیو پیج پر آئے ہیں تو دنیا کے مختلف ممالک سے خبروں کا خلاصہ پیش ہے۔
- برطانوی وزیرِ خارجہ ڈومینیک راب نے بی بی سی کو بتایا ہے کہ وہ اس حوالے سے پراعتماد ہیں کہ یہ انگلینڈ میں لاک ڈاؤن کھولنے کا صحیح وقت ہے۔ اس سے قبل سائنسی مشیروں نے حکومت کو بہت جلد لاک ڈاؤن کھولنے کے خطرات سے خبردار کیا تھا۔
- امریکہ کے صدر ڈونلڈ ٹرمپ کو جی 7 سربراہی اجلاس مؤخر کرنا پڑا ہے جو کہ جون کے اختتام پر کیمپ ڈیوڈ اور وائٹ ہاؤس میں ہونا تھا۔ گذشتہ روز جرمن چانسلر اینگلا مرکل نے کہا تھا کہ وہ موجودہ وبا کے باعث اس اجلاس میں شرکت نہیں کر سکیں گی۔
- امریکہ میں ہی لاس اینجلس کے حکام نے شہر کے کورونا وائرس ٹیسٹنگ مراکز کو بند کر دیا ہے۔ اس کی وجہ ملک بھر میں جارج فلوئیڈ نامی سیاہ فام شخص کی امریکی پولیس کے ہاتھوں ہلاکت کی وجہ سے ہونے والے مظاہرے بتائی جا رہی ہے۔ 46 سالہ فلوئیڈ کو پیر کے روز مینیاپولس میں پولیس اہلکاروں نے قتل کر دیا تھا۔
- یروشلم کی الاقصیٰ مسجد دو ماہ بند رہنے کے بعد ایک مرتبہ پھر عبادت گزاروں کے لیے کھول دی گئی ہے۔ یہ مسجد رمضان اور عید کے موقع پر بھی بند رہی تھی۔ سعودی عرب کے شہروں مکہ اور مدینہ کے بعد یروشلم کی یہ مسجد اسلام کا تیسرا مقدس ترین مقام ہے۔
- ایران میں متاثرین کی مجموعی تعداد ڈیڑھ لاکھ سے تجاوز کر گئی ہے۔ وزارتِ صحت نے گذشتہ روز 2516 نئے متاثرین کی اطلاع دی ہے۔
- انڈیا کا کہنا ہے کہ وہ یومیہ متاثرین کی تعداد میں ریکارڈ اضافے کے باوجود لاک ڈاؤن میں 8 جون کو مزید نرمی کرے گا۔
- ارجنٹینا میں سینکڑوں افراد نے ملک کے سخت تر لاک ڈاؤن میں نرمی کے لیے مظاہرہ کیا۔
31 مئ 2020بریکنگ, پاکستان کے صوبہ خیبرپختونخوا میں کورونا کے 487 نئے کیس، مزید 20 اموات
پاکستان کے صوبہ خیبرپختونخوا میں کورونا وائرس کے 487 نئے کیس آنے کے بعد متاثرہ افراد کی تعداد 10027 ہو گئی ہے جبکہ 20 مزید اموات کے بعد وائرس سے ہونے والی ہلاکتوں کی تعداد 473 ہو گئی ہے۔
صوبے میں اب تک 2912 افراد کورونا وائرس سے صحت یاب بھی ہو چکے ہیں۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
31 مئ 2020انڈیا: ایک بستر پر دو دو مریض
انڈیا کی اس وائرل ویڈیو میں ممبئی کے ایک سرکاری ہسپتال میں ایمرجنسی وارڈ کے مناظر دیکھے جاسکتے ہیں۔
یہاں کورونا وائرس کے مریضوں کی بھیڑ جمع ہونے کی وجہ سے اکثر بیڈز پر دو مریض لیٹے ہوئے ہیں۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام

سندھ کے وزیر برائے کچی آبادی غلام مرتضیٰ بلوچ کورونا وائرس کے باعث انتقال کر گئے

لائیو کوریج

31 مئ 2020کورونا وائرس: ماسک پہنتے ہوئے کن چیزوں کا خیال رکھیں؟

31 مئ 2020کورونا: سپین میں ایک دن میں 100 سے کم نئے کیس

31 مئ 2020لاک ڈاؤن میں وقت اتنی تیزی سے گزرتا ہوا کیوں محسوس ہوتا ہے

31 مئ 2020پاکستان میں کووڈ 19 کے نئے مریضوں کے علاج کے لیے جگہ اور وسائل کم پڑنے لگے

31 مئ 2020نریندر مودی: لاک ڈاؤن میں نرمی لیکن لوگ محتاط رہیں

31 مئ 2020وفاق المدارس العربیہ پاکستان کا 12جون سے کلاسز کے آغاز کا اعلان

31 مئ 2020برطانیہ میں 113 مزید افراد کورونا وائرس سے ہلاک

31 مئ 2020وزیر تعلیم پنجاب: حکومت کی اجازت کے بغیر صوبے میں کوئی سکول نہیں کھل سکتا

31 مئ 2020برطانوی حکومت کی یومیہ بریفنگ کا آغاز

31 مئ 2020پوپ فرانسس: صحتیابی معیشت سے زیادہ اہم ہے

31 مئ 2020پاکستانی گلوکار ابرار الحق میں بھی کورونا وائرس کی تشخیص

31 مئ 2020بریکنگ, انگلینڈ میں مزید 85 افراد ہلاک، برطانیہ کے مجموعی اعداد و شمار کچھ دیر میں

31 مئ 2020برازیل میں کورونا سے ہلاکتیں فرانس سے زیادہ

31 مئ 2020سپین کے وزیرِ اعظم کی ہنگامی حالت میں توسیع کی درخواست

31 مئ 2020کورونا: گلگت بلتستان میں متاثرین کی تعداد 711 ہو گئی, محمد زبیر خان، صحافی

31 مئ 2020پیرس: پارک اور میدان دوبارہ کھلنے پر شہریوں کی پکنکس

31 مئ 2020پاکستان کے صوبہ بلوچستان میں متاثرہ ڈاکٹروں اور طبی عملے کی تعداد 239 ہو گئی

31 مئ 2020دنیا بھر کی تازہ ترین صورتحال کیا ہے؟

31 مئ 2020بریکنگ, پاکستان کے صوبہ خیبرپختونخوا میں کورونا کے 487 نئے کیس، مزید 20 اموات

31 مئ 2020انڈیا: ایک بستر پر دو دو مریض