پاکستان: بیرون ملک جانے والی پروازیں آج رات سے، اندرون ملک پروازوں میں اضافے کا فیصلہ

لائیو کوریج

1. 28 مئ 2020110 سالہ خاتون کورونا سے صحت یاب

   

   ،تصویر کا ذریعہSenama

   چلی میں ہوآنا زونیخہ نامی معمر ترین خاتون کووڈ 19 کی مریضہ صحت یاب ہو گئی ہیں۔

   111 سالہ ہوانیتہ کو سینٹاگو میں کے ایک کیئر ہوم سے یہ وائرس لاحق ہوا جہاں یہ معمر ترین فرد تھیں۔

   حتی کہ وبا سے قابل بھی سانس تکلیف میں مبتلا ہونے کے باوجود ان پر وائرس کا زیادہ برا اثر نہیں پڑا۔

   کۂیر ہوم کی ڈائریکٹر نے بتایا کہ ’ان میں کوئی علامات ظاہر نہیں ہوئی جبکہ بہت کم بخار ہوا جو کہ اچھی بات تھی۔‘

   ان خاتون کو اب کئیر ہومک ے ایک دوسرے حصے میں باقی افراد سے الگ منتقل کیا گیا ہے۔

   ہوانیتہ چھ سال قبل اپنی بہن کی وفات کے بعد سے اس کیر ہوم میں ہیں۔ ہوانیتہ نے کبھی شادی نہیں کی اور وہ اس سال جولائی میں 112 سال کی ہو جائیں گی۔

2. 28 مئ 2020برطانیہ: ٹریک اینڈ ٹریس سسٹم آج سے کام کرنا شروع کرے گا

   

   ،تصویر کا ذریعہGetty Images

   برطانیہ میں تقریباً 25 ہزار کے قریب کانٹیکٹ ٹریسرز نے اپنا کام شروع کر دیا ہے۔ یہ افراد ایسے تمام لوگوں کو کال کریں گے جنھیں ملک میں متعارف ہونے والی نئی ٹریک اینڈ ٹریس سکیم کے تحت خود ساختہ تنہائی یا سیلف آئیسولیشن میں رہنے کی ہدایات دی جائیں گی۔

   ان ٹریسرز کا کام ہے کہ وہ کورونا کے مشتبہ مریضوں سے فون، ٹیکسٹ یا ای میل کے ذریعے رابطہ کریں اور معلوم کریں کہ وہ کن کن افراد سے رابطے میں آئے تھے۔

   اگر ان کے کسی قریبی شخص میں کورونا کا شک ہوا تو اسے بھی 14 دن تک سیلف آئیسولیٹ کرنے کی ہدایت کی جائے گی، چاہے اس میں کورونا کی علامات ہیں یا نہیں۔

   وزیر اعظم بورس جانسن کے مطابق یہ نئی سکیم ’لوگوں کی زندگیاں بدل دے گی۔‘ اس کا مقصد ملک میں لاک ڈاؤن ختم کر کے چھوٹے پیمانے پر زیادہ مؤثر اقدامات لیے جائیں۔

3. 28 مئ 2020کورونا نے انڈیا کے امیر ترین شہر میں کیسے تباہی مچائی؟

4. 28 مئ 2020جنوبی سوڈان کے نائب صدر کا کورونا ٹیسٹ مثبت

   

   ،تصویر کا ذریعہSouth Sudan News Portal

   جنوبی سوڈان کے نائب صدر کا کورونا وائرس کا ٹیسٹ مثبت آیا ہے۔

   جنرل حسین عبدالباقی ملک کے چوتھے اعلی عہدیدار ہیں جن میں کورونا وائرس کی تصدیق ہوئی ہے۔

   جنرل حسین ملک میں کووڈ 19 کے خلاف قائم کی گئی ٹاسک فورس کے سربراہ بھی ہیں۔

   انھوں نے جوبا میں ریاستی میڈیا کو بتایا کے وہ خود کو 14 دن کے لیے قرنطینہ کر رہے ہیں اور گھر سے ہی فرائض ادا کریں گے۔

   انھوں نے سوڈانی عوام سے کہا کہ وہ محکمہ صحت کی جانب سے جاری کردہ اصولوں پر عمل درامد کریں تاکہ کورونا وائرس کے پھیلاؤ کو روکا جا سکے۔

5. 28 مئ 2020سعودی عرب: لاک ڈاؤن میں نرمی کا آغاز

   

   ،تصویر کا ذریعہAFP

   سعودی عرب آج سے ملک بھر میں عید کے سلسلے میں نافذ کیے جانے والے پانچ روزہ لاک ڈاؤن میں نرمی لا رہا ہے۔

   مکہ کے علاوہ ملک کے تقریباً تمام شہروں سے کرفیوہٹا لیا گیا ہے۔ مکہ میں اس وقت ملک بھر میں سب سے زیادہ کورونا کے مریض موجود ہیں۔

   تاہم گھر سے نکلنے کے خواہشمند افراد کے لیے سرکاری ایپ کے ذریعے اجازت نامہ حاصل کرنا ضروری ہوگا۔

   لاک ڈاؤن ختم ہونے تک آنے والے ہفتوں میں یہ سختیاں مزید کم ہوں گی تاہم اب تک یہ واضح نہیں کہ حکومت اس سال حج کی اجازت دے گی یا نہیں۔

   عرب ممالک میں سب سے سعودی عرب کورونا وائرس سے سب سے زیادہ متاثرہ ہے اور یہاں تقریباً 75,000 مریض موجود ہیں جبکہ ملک میں اب تک 400 اموات ہو چکی ہیں۔

6. 28 مئ 2020بریکنگ, بلوچستان میں عید کی تعطیلات کے دوران 209 نئے کیسز, محمد کاظم، بی بی سی اردو، کوئٹہ

   

   ،تصویر کا ذریعہEPA

   بلوچستان میں عید کی تعطیلات کے تین روز کے دوران پہلے کی نسبت کورونا کے ٹیسٹ انتہائی کم ہوئے لیکن جو ٹیسٹ کیے گئے ان میں کورونا سے متاثرہ افراد کی شرح بہت زیادہ تھی۔

   محکمہ صحت کی جائزہ رپورٹس کے مطابق 25 مئی کوعید الفطر کے پہلے روز مجموعی طور پر 166 ٹیسٹ کیے گئے جن میں سے61 پازیٹو آئے۔ 26 مئی کو 269 ٹیسٹ میں سے مثبت کیسز کی تعداد 68 تھی جبکہ 27 مئی کو 334 ٹیسٹ کیے گئے جن سے 68 کے نتائج پازیٹو آئے۔

   مجموعی طور پر تینوں دنوں میں 799 ٹیسٹس میں سے209 پازیٹو کیسز میں متائثر ہونے کی شرح 25 فیصد سے زیادہ ہے۔

   محکمہ صحت کی جانب سے کورونا کے حوالے سے جو رپورٹس کے مطابق 27 مئی تک بلوچستان میں کورونا کے مجموعی 3616 کیسز میں 3460 کیسز مقامی منتقلی کے تھے لیکن ان کی سب سے زیادہ تعداد 3231 کیسز چار اضلاع کوئٹہ ، قلعہ عبداللہ ،پشین اور قلعہ سیف اللہ میں ہے جو کہ مجموعی مقامی منتقلی کے کیسز کے 93 فیصد سے زیادہ ہیں۔

   تاہم مقامی منتقلی کے سب سے زیادہ کیسز کوئٹہ سے سامنے آئے ہیں ۔ جن کی تعداد 2949 (85.2 فیصد) ہے۔

7. 28 مئ 2020بلوچستان میں ہسپتالوں کے او پی ڈی کھولنے کے حوالے سے اہم اجلاس

   کورونا وائرس کے خطرے کے پیش نظر بلوچستان کے سرکاری ہسپتالوں میں او پی ڈیز کھولے جائیں یا نہیں، اس حوالے سے فیصلہ کرنے کے لیے آج کوئٹہ میں ایک اہم اجلاس آج ہو رہا ہے۔

   گذشتہ ماہ سرکاری ہسپتالوں میں وائرس کے خطرے کے پیش نظر او پی ڈیز کو بند کیا گیا تھا اس کا مقصد کورونا کے پھیلاﺅ سے بالخصوص ڈاکٹروں اور ہسپتال کے عملے کو بچانا تھا۔

   تاہم او پی ڈیز کی بندش سے صوبے میں ایسے مریضوں کو شدید مشکلات کا سامنا کرنا پڑ رہا ہے جو کہ نجی ہپستالوں سے علاج نہیں کروا سکتے۔

   ڈائریکٹر جنرل صحت حکومت بلوچستان کے ایک مراسلے کے مطابق اوپی ڈیز کے بارے میں سیکریٹری صحت کی سربراہی میں اجلاس سول ہسپتال کوئٹہ میں منعقد ہوگا۔

   خیال رہے کہ اس وقت کورونا سے بلوچستان میں ڈاکٹروں اور دوسرے عملے کی ایک بڑی تعداد متاثر ہوئی ہے۔

   محکمہ صحت حکومت بلوچستان کے مطابق اس وقت محکمہ صحت کے 190 سے زائد اہلکار کورونا سے متاثر ہوئے ہیں جن میں سے 150 ڈاکٹر ہیں۔

   

   ،تصویر کا ذریعہProvincial Health Directorate, Balochistan

8. 28 مئ 2020بریکنگ, سندھ میں مزید 1103 نئے کیسز اور 16 ہلاکتیں

   

   سندھ کے وزیر اعلی مراد علی شاہ کے مطابق صوبے میں گذشتہ 24 گھنٹوں میں کورونا وائرس کے 1103 نئے کیسز رپورٹ ہوئے جبکہ 16 مریض ہلاک ہوگئے۔

   جمعرات کو جاری ہونے والی ایک بیان کے مطابق وزیراعلیٰ نے کہا کہ 227 مریضوں کی حالت تشویشناک ہے جن میں سے 39 وینٹی لیٹرز پر ہیں جبکہ 1924 مریض صحتیاب ہو کر گھروں کو جا چکے ہیں۔

   کیسز کی تعداد میں اضافے کا ذمہ دار عوام کو ٹھہراتے ہوئے سندھ کے وزیر اعلی نے کہا کہ گذشتہ 24 گھنٹوں میں کورونا کے 4101 ٹیسٹ کئے گئے جن میں سے 1103 مثبت آئے۔ صوبے میں اب تک 167906 ٹیسٹ کئے گئے ہیں اور کُل 25309 مریض رپورٹ ہوئے ہیں۔

   انھوں نے بتایا کہ سندھ میں اب تک کورونا کے 396 مریض ہلاک ہو چکے ہیں جبکہ 13723 مریض اس وقت زیرعلاج ہیں، 12146 مریض اپنے گھروں میں آئیسولیٹڈ ہیں، 661 مریض آئیسولیشن سینٹرز میں زیرعلاج ہیں جبکہ 916 مریض مختلف اسپتالوں میں داخل ہیں۔

   وزیراعلیٰ سندھ کے مطابق جمعرات کو 1924 مریض صحتیاب ہوکر گھروں کو چلے گئے اور اب تک 11190 کورونا کے مریض صحتیاب ہوچکے ہیں۔ ان کا کہنا تھا کہ ان 1103 کیسز میں سے 905 نئے کیسز کراچی سٹی سے ہیں جبکہ 249 ملیر، 201 ضلع جنوبی، 175 ضلع شرقی، 131 ضلع وسطی، 100 کورنگی اور 49 ضلع غربی میں ہیں۔

   سندھ میں کیسز کی تفصیلات دیتے ہوئے ان کا کہنا تھا کہ اب تک حیدرآباد میں 32، شکارپور میں 21، لاڑکانہ میں 20، سکھر میں 19، گھوٹکی میں 18، جیکب آباد میں 11، جامشورو اور قمبر شہدادکوٹ میں سات سات، خیرپور میں 4، دادو، میرپورخاص میں دو دو جبکہ نوشہروفیروز، سانگھڑ، نوابشاہ اور ٹھٹھہ میں ایک ایک کیس رپورٹ ہوا۔

9. 28 مئ 2020ایک تہائی روسی شہریوں کی نظر میں وائرس کا خطرہ مشکوک

   

   ،تصویر کا ذریعہEPA

   ماسکو ہائیر سکول آف اکنامکس کی جانب سے کیے گئے ایک حالیہ سروے کے مطابق ایک تہائی(32.8) قریب روسی شہریوں کا خیال ہے کہ کورونا وائرس کے خطرے کو یا تو بڑھا چڑھا کر بتایا گیا ہے یا پھر یہ مصنوعی ہے۔

   23.2 فیصد افراد کا کہنا تھا کہ یہ خطرہ مصنوعی ہے، جبکہ 9.6 فیصد افراد کے خیال میں اسے بڑھا چڑھا کر بیان کیا جا رہا ہے۔

   ایسے افراد جنہیں اس وبا کے ہونے پر یقین نہیں ان میں سے 43 فیصد نے کہا کہ وہ خاندان کے دیگر افراد سے ملے جبکہ 54 فیصد کا کہنا تھا کہ وہ چہل قدمی کے لیے باہر جاتے رہے۔

   سروے کے مطابق تین چوتھائی افراد نے خود کو الگ کرنے کے اقدامات پر شبہات کا اظہار کیا۔

   اس پول کے مطابق دو ماہ کے لاک ڈاؤن کے عرصے میں ایسے افراد کی تعداد میں اضافہ ہوا جو اس بات پر متفق نہیں تھے کہ یہ اقدامات ضروری ہیں۔ یہ تعداد اپریل میں 15.9 فیصد تھی جو مئی کے آخر تک 32.4 فیصد ہو گئی۔

   یہ سروے 18 مارچ اور 26 مئی کے دوران کیا گیا جس میں20 سے 60 برس کے 30000 افراد نے حصہ لیا۔

10. 28 مئ 2020برطانوی دوا ساز کمپنی ’ویکسین بوسٹر‘ تیار کرنے کی دوڑ میں

    

    ،تصویر کا ذریعہReuters

    برطانوی دوا ساز ادارے گلیکسو سمتھ کلائن نے جمعرات کو اعلان کیا ہے کہ وہ اگلے سال تک ’ویکسین بوسٹر‘ یعنی ویکسین کی کارگر ہونے کی صلاحیت کو بڑھانے والی ادویات کی ایک ارب خوراکیں تیار کر لے گا۔

    دنیا کے سب سے بڑے ویکسین بنانے والے ادارے کا کہنا تھا کہ وہ ویکسین کی بڑے پیمانے پر تیاری کے لیے دنیا کی مختلف حکومتوں سے رابطے میں ہے۔

    گلیکسو سمتھ کلائن فرانسیسی دواساز کمپنی سانوفی کے ساتھ مل کر اپنی ویکسین پر بھی کام کر رہا ہے تاہم ویکسین بوسٹر یا ’ایڈجو وینٹس‘ تیار کرنے میں اسے مہارت حاصل ہے۔

    یہ بوسٹر مختلف انفیکشنز کے خلاف مدافعتی نظام کو مضبوط بنانے می ںمدد کرتے ہیں اور ان کی بدولت ویکسین کا اثر بڑھایا جا سکتا ہے۔

11. 28 مئ 2020روس میں ہلاکتیں 4000 سے تجاوز کر گئیں

    

    ،تصویر کا ذریعہReuters

    روس میں گذشتہ 24 گھنٹوں کے دوران کووڈ 19 کے 8371 نئے کیسز رجسٹر کیے گئے جبکہ 174 افراد ہلاک ہوئے۔

    وائرس کے باعث روس میں ہلاکتوں کی مجموعی تعداد 4142 ہو گئی ہے جبکہ کیسز کی مجموعی تعداد 379051 ہے۔

    ماسکو میں ایک بیان کے مطابق 28 مئی کو تین علاقوں میں وائرس کی تعداد سب سے زیادہ ہے ماسکو 2054، ماسکو ریجن774، اور سینٹ پیٹسبرگ میں 383۔

    روس میں وبا کے آغاز سے اب تک 150993 افراد صحت یاب ہو چکے ہیں۔

12. 28 مئ 2020امریکہ چین کے حمایتی نیٹ ورک کے نشانے پر

    

    بی بی سی کی ایکل تحقیق سے پتا چلا ہے کہ فیس بک، ٹوئٹر اور یوٹیوب پر سیکنڑوں جعلی یا ہائی جیک کیے جانے والے سوشل میڈیا اکاؤنٹس کے ذریعے وبج سے متعلق چین کی حکومت کے حق میں پیغامات شیئر کیے جا رہے ہیں۔

    1200 سے زائد اکاؤنٹس پر مشتمل نیٹ ورک وبا سے نمٹنے کے طریقہ کار کے باعث چین پر تنقید کرنے والوں کے بارے میں منفی پیغامات پھیلا رہے ہیں اور بیجنگ کی تعریف کرتے ہیں۔

    اگرچہ اس بات کا کوئی ثبوت نہیں کہ یہ نیٹ ورک چینی حکومت کا ہے تاہم اس میں چین کے ریاستی حمایت یافتہ معلوماتی آپریشنز جیسے ہی فیچرز ہیں۔

13. 28 مئ 2020امریکی دوا ساز کمپنی تجرباتی ویکسین کی بڑے پیمانے پر تیاری کے لیے کوشاں

    

    ،تصویر کا ذریعہReuters

    امریکی دوا ساز کمپنی موڈرنا نے کورونا وائرس کے لیے اپنی تجرباتی ویکسین کی تیاری میں استعمال ہونے والے خام مال کی فراہمی کے لیے کیے معاہدے میں توسیع کر لی ہے تاکہ وہ مستقبل میں ممکنہ ویکسین کی بڑھتی ہوئے مانگ کو پورا کر سکے۔

    جمعرات کو جاری ہونے والے ایک بیان میں موڈرنا نے کہا کہ فارماسوٹیکل مواد فراہم کرنے والی کمپنی کورڈن فارما سے طے پانے والا یہ معاہدے آنے والے مہینوں میں اسے ممکنہ ویکسین کی بڑھتی ہوئی مانگ پوری کرنے میں مددگار ثابت ہوگا۔

    کمپنی کی تجرباتی ویکسین ابتدائی مراحل میں صحت مند رضاکاروں میں کورونا وائرس کی اینٹی باڈیز پیدا کرنے میں کامیاب رہی۔ یہ امریکہ میں ٹیسٹ کی جانے والی پہلی ویکسین ہے۔

    تاہم ماہرین کہتے ہیں کہ کووڈ 19 کے لیے کوئی بھی مصدقہ ویکسین ابھی تک دریافت نہیں ہوئی اور اس کام میں 12 سے 18 ماہ لگ سکتے ہیں۔

14. 28 مئ 2020ینگ ڈاکٹرز بلوچستان: حفاظتی سامان کے بارے میں حکومتی دعوے ’زبانی جمع خرچ‘, محمد کاظم، بی بی سی اردو، کوئٹہ

    

    ،تصویر کا ذریعہTwitter/LiaquatShahwani

    بلوچستان کی ینگ ڈاکٹرز ایسوسی ایشن نے شیخ زید ہسپتال میں سہولیات کے حوالے سے حکومت بلوچستان کے دعووں کو مسترد کر دیا ہے۔

    کوئٹہ کا شیخ زید ہسپتال حکومت کی جابن سے کورونا وائرس کے مریضوں کے علاج کے لیے مختص کیا گیا تھا اور حکومت بلوچستان کے ترجمان لیاقت شاہوانی نے ایک ٹویٹ میں کہا کہ اس ہسپتال میں 44 ڈاکٹروں سمیت 212 افراد پر مشتمل عملہ کام کر رہا ہے۔

    انھوں نے دعوی کیا تھا کہ یہاں ہر ماہ آٹھ ہزار حفاظتی کٹس استعمال ہوتے ہیں جبکہ چھ ہزارکٹس سٹاک میں موجود ہیں اور یہی وجہ ہے کہ اس ہسپتال میں کوئی ڈاکٹر کورونا سے متائثر نہیں ہوا۔

    

    ،تصویر کا ذریعہTwitter/DrRahimKhan1

    تاہم ان کی ٹویٹ کا جواب دیتے ہوئے ینگ ڈاکٹر ایسوسی ایشن بلوچستان کے ترجمان ڈاکٹر رحیم بابر نے لیاقت شاہوانی کے دعوؤں کو ’زبانی جمع خرچ‘ قرار دیا۔

    انھوں نے کہا کہ شیخ زید ہسپتال 215 بستروں پر مشتمل ہے اور یہاں کورونا کے صرف 28 مصدقہ اور 22 مشتبہ مریض زیرعلاج ہیں۔

    ان کا کہنا تھا کہ ہسپتال میں صرف چھ وینٹیلیٹرز فعال ہیں اور جنھیں سول ہسپتال اور بولان میڈیکل کمپلیکس ہسپتال سے لایا گیا ہے۔ انھوں نے کہا کہ ہسپتال میں حفاظتی سامان اور عملہ دونوں کی قلت ہے۔

    واضح رہے کہ اس وقت بلوچستان میں کورونا کے علاج کے لیے مختص دو ہسپتالوں کے آئیسولیشن وارڈز میں مریضوں کی تعداد انتہائی کم ہے جبکہ گذشتہ روز حکومت بلوچستان کے ترجمان نے جو پریس کانفرنس کی تھی اس کے مطابق کورونا سے متائثرہ 2200 مریض اپنے اپنے گھروں میں زیر علاج ہیں۔

15. 28 مئ 2020کورونا وائرس: تھائی لینڈ میں 11 نئے کیسز

    

    ،تصویر کا ذریعہAFP

    تھائی لینڈ میں جمعرات کو مزید 11 نئے کیسز رپورٹ ہوئے ہیں تاہم کوئی ہلاکت نہیں ہوئی۔

    جنوری سے اب تک تھائی لینڈ میں مصدقہ کیسز کی تعداد 3065 ہوگئی ہے جبکہ کل 57 ہلاکتیں ہوئیں۔

    حکومتی اہلکار کے مطابق یہ نئے کیسز بیرون ملک سے لوٹنے والے تھائی افراد ہیں جو قرنطینہ میں تھے۔ ان میں چار کویت اور چھ قطر، ایک انڈیا سے لوٹے تھے۔

    ملک میں وبا سے صحت یاب ہونے والے افراد کی تعداد 2945 ہے۔

16. 28 مئ 2020بریکنگ, خیبر پختونخوا میں بارشوں کا نیا سلسلہ، متعلقہ اداروں کو الرٹ رہنے کی ہدایت

    پاکستان کے صوبہ خیبر پختونخوا میں بارشوں کا نیا سلسلہ آج رات سے شروع ہونے کا امکان ہے۔

    محکمہ موسمیات کے مطابق تیزہواؤں اورگرج چمک کےساتھ بارشوں کے پیش نظرمتعلقہ اداروں کو پیشگی اقدامات اٹھانے کی ہدایات کی گئی ہیں۔

    قدرتی آفات سے نمٹنے کے صوبائی ادارے نے تمام ضلعی انتظامیہ، ریسیکیو 1122 اورمتعلقہ اداروں کوالرٹ رہنے کی ہدایت کی ہیں۔

    

    ،تصویر کا ذریعہPDMA

17. 28 مئ 2020انڈیا: مردہ خاتون کے بچے کی ویڈیو وائرل، لوگوں میں رنج و غم

    انڈیا میں وائرل ہونے والی ایک دل سوز ویڈیو میں ایک بچے کو ریلوے سٹیشن پر اپنی مردہ ماں کے ساتھ دیکھا جاسکتا ہے۔ لیکن حکام نے ان اطلاعات جی تردید کی ہے جس کے مطابق یہ عورت بھوک کی وجہ سے ہلاک ہوئی۔

    بتایا گیا ہے کہ یہ ویڈیو بہار کے مظفرپور سٹیشن پر بنائی گئی۔ ویڈیو میں دیکھا جا سکتا ہے کہ ایک چھوٹا سا بچے عورت کی لاش پر سے کپڑا اٹھا کر اسے دیکھتا ہے۔

    یہ خاتون اپنے خاندان کے ساتھ اس خصوصی ٹرین پر سوار تھیں جو دورسے علاقوں میں جا کر ان کام کرنے والے افراد کو واپس لے جانے کے لیے چلائی گئی تھی جو انڈیا میں لاک ڈاؤن کے باعث بے سرو سامان ہو گئے تھے۔

    انڈیا میں لاک ڈاؤن کے باعث لاکھوں افراد کا روز گار ختم ہو گیا اور گاؤں اور گھر جانے کا راستہ نہیں رہا۔

    انڈین ریلویز کا کہنا ہے کہ یہ عورت دل کے عارضے کی وجہ سے ہلاک ہوئی۔ اور یہ ان انہیں اور ان کے خاندان کو ٹرین پر کھانا ملا۔

    یہ واقعہ اسے وقت پیش آیا جب انڈین میں لوگوں کی جانب سے سخت لاک ڈاؤن پر مذمت کی جا رہی ہیں کیونکہ اس کی وجہ سے غریب ملازم پیشہ لوگ برے طرح متاثر ہوئے ہیں۔

    کئی لوگوں نے اس ویڈیو کو انسانی بحران کی ایک جھلک قرار دیا ہے۔

18. 28 مئ 2020فلپائن کے دارالحکومت میں طویل ترین لاک ڈان ختم کرنے کا امکان

    

    ،تصویر کا ذریعہReuters

    خبر رساں ادارے روئٹرز کا کہنا ہے کہ فلپائن میں کورونا وائرس کے ماہرین صدر روڈریگو دتیرتے کو دنیا کے سخت ترین اور طویل ترین لاک ڈاؤن میں نرمی کا مشورہ دیا ہے۔

    فلپائن کے دارالحکومت میں عوام 11 ہفتوں سے سرگرمیوں پر کڑی پابندیوں کے ساتھ رہ رہے ہیں۔

    منیلا میں 76 روزہ قرنطینہ نے ووہان کو پیچھے چھوڑ دیا ہے جہاں سے اس جان لیوا وائرس کی ابتدا ہوئی تھی۔

    یہ تجویز ایسے وقت میں دی گئی ہے جو ملک میں انفکیشنز کی یومیہ تعداد اپریل کے بعد سب سے زیادہ سامنے آئی ہے۔

    گذشتہ چھ روز میں سامنے آنے والے کیسز کی تعداد اب تک کے کل 15049 کیسز کا 11 فیصد ہیں جن میں سے 904 کی ہلاکت ہو چکی ہے۔

    صدر دتیرتے جمعرات کو قوم سے خطاب کریں گے۔ جس مںی امکان ہے اس کہ اس تجویز کو مان لیا جائے گا۔

19. 28 مئ 2020پارٹی کرنے کے بعد کالج کے طلبہ کو کیمپس سے نکال دیا گیا

    

    ،تصویر کا ذریعہGetty Images

    آسٹریلیا میں میلبورن یونیورسٹی کے نجی کالجز میں سے ایک کے دو درجن طلبہ کو پارٹی کرنے کے بعد کیمپس سے نکال دیا گیا ہے۔

    ٹرٹنی کالج کے حکام کا کہنا ہے کہ لاک ڈاؤن کے خاتمے کے بعد حال ہی میں کالج لوٹنے والے طللبہ نے سماجی دوری کے اصولوں کی واضح خلاف ورزی کی ہے اس لیے باقی سمسٹر ان کے کالج داخلے پر پابندی رہے گی۔

    اس کالج میں ایک سال پڑھنے پر 32000 آسٹریلین ڈالر لاگت آتی ہے۔

20. 28 مئ 2020پنجاب: متاثرین کی تعداد 22 ہزار سے زیادہ، گذشتہ 24 گھنٹوں میں 19 اموات

    

    پنجاب میں گذشتہ 24 گھنٹوں کے دوران 919 نئے مریضوں میں کورونا وائرس کی تشخیص ہوئی ہے جس سے صوبے میں متاثرین کی تعداد 22037 ہو گئی ہے۔

    پنجاب حکومت کےپرائمری اینڈ سیکنڈری ہیلتھ کئیرڈپارٹمنٹ کے ترجمان کے مطابق صوبے کے دیگر علاقوں میں کورونا کے مریضوں کی تعداد درج ذیل ہے:

    لاہور 580، ننکانہ 3، قصور 2، شیخوپورہ 10، جہلم 17، گوجرانوالہ 38، سیالکوٹ 23، ناروال 10، گجرات 12، حافظ آباد 7، منڈی 6، ملتان 13، خانیوال 4، وہاڑی 4، فیصل آباد 95، جھنگ 6 رحیم یار خان 13، سرگودھا 7، میانوالی 5، خوشاب 19، بہاولنگر 3، بہاولپور5، لودھراں 27، ڈی جی خان 3، لیہ 1، ساہیوال اور اوکاڑہ میں تین تین اور پاکپتن میں پانچ۔

    ترجمان کے مطابق صوبے میں کورونا وائرس کے باعث 19 اموات ہوئی ہیں جن کے بعد ہلاکتوں کی کُل تعداد 381 ہو گئی ہے۔

    صوبے میں اب تک 217726 کورونا ٹیسٹ کیے جا چکے ہیں۔جبکہ صحتیاب ہونے والوں کی کی تعداد 6326 ہے۔