دنیا میں کورونا کے مصدقہ متاثرین کی تعداد 56 لاکھ 18 ہزار سے زیادہ جبکہ ہلاکتوں کی تعداد ساڑھے تین لاکھ سے تجاوز کر گئی ہے۔ پاکستان میں متاثرین کی تعداد 60 ہزار کے قریب ہے۔ کراچی کے این آئی بی ڈی میں جمعرات سے کورونا اینٹی باڈی ٹیسٹنگ کا آغاز متوقع ہے جبکہ پنجاب میں عید کے بعد کاروبار صرف پیر تا جمعرات کھلیں گے۔
،تصویر کا ذریعہEPA
چینی صدر شی جن پنگ اور وزیر اعظم لی، جو ملک کی سیاسی قیادت کے دو اہم رہنما ہیں، کو بیجنگ میں پارلیمانی کمیٹی کے اجلاس میں بغیر ماسک کے دیکھا گیا ہے۔
ان کے علاوہ اگلی دونوں قطاروں میں سربراہان بغیر ماسک کے اجلاس میں شریک تھے۔ تاہم پارلیمانی کمیٹی کے باقی اراکین نے ماسک پہنے ہوئے تھے۔
رواں سال کورونا کے پھیلاؤ کی وجہ سے اس کمیٹی کا اجلاس دو ماہ کے لیے ملتوی رہا۔
،تصویر کا ذریعہReuters
میں سنہ 2006 سے چین میں رپورٹنگ کر رہا ہوں اور مجھے ہمیشہ پارلیمان میں داخلے کی اجازت ہوا کرتی ہے۔
لیکن اس سال ایسا نہیں ہوا۔ ہم یہ اجلاس باقیوں کی طرح ٹی وی پر دیکھ رہے ہیں۔ اس کی وجہ کورونا وائرس ہے۔
کچھ جگہوں کے علاوہ چین میں مجموعی طور پر وائرس پر قابو نہیں پایا جاسکا ہے۔ چونکہ پارلیمان کے اجلاس میں چین کی تمام سیاسی اور فوجی قیادت موجود ہوتی ہے اس لیے کورونا وائرس کے خطرے کی وجہ سے ذرائع ابلاغ کی پہنچ کو محدود کر دیا گیا ہے۔
ہم سمجھتے ہیں کہ کانگریس میں وائرس کے پھیلاؤ اور چین، امریکہ تعلقات میں تلخی پر بات ہوگی جہاں عالمی معیشت اس بحران کی وجہ سے متاثر ہو رہی ہے۔
،تصویر کا ذریعہReuters
لیکن اجلاس میں نئی قومی سلامتی کی قانون سازی ہوئی ہے جس کا مطلب ہے کہ ہانگ کانگ میں مظاہرین کے خلاف سخت کارروائی ہوسکی ہے۔
اس سے مظاہروں کا خدشہ مزید بڑھ گیا ہے جو گذشتہ سال عالمی وبا سے قبل نظر آ رہا تھا اور باقی ہر چیز کی طرح یہ مظاہرے بھی کووڈ 19 سے متاثر ہوئے۔
اس کے باوجود یہ حیرت انگیز ہے کہ سنہ 2020 کے لیے چین نے قومی پیداوار یعنی جی ڈی پی کا کوئی ہدف طے نہیں کیا۔ وزیراعظم لی نے کہا ہے کہ یہ اس لیے ہے کیونکہ ملکی معیشت غیر یقینی صورتحال کا شکار ہے۔ اگلے 12 ماہ کے بجائے عالمی وبا کے دوران اگلے چند ہفتوں کی پیشگوئی کرنا بھی مشکل نظر آتا ہے۔
پاکستان میں کورونا وائرس کی صورتحال سے نمٹنے کے لیے قائم کیے جانے والے نیشنل کمانڈ اینڈ آپریشنز سنٹر کے اعدادوشمار کے مطابق ملک میں گذشتہ روز 2603 نئے مریضوں میں وائرس کی تشخیص ہوئی ہے جبکہ اسی دوران 50 اموات ہوئی ہیں۔
جمعہ کی صبی جاری ہونے والے اعدادوشمار کے مطابق پاکستان میں گذشتہ 24 گھنٹوں میں 16,387 ٹیسٹ کیے گئے اور اس وقت ملک میں 372 مریضوں کی حالت تشویشناک ہے۔
،تصویر کا ذریعہReuters
اٹلی کی ایک سماجی تحفظ کی تنظیم نے جمعرات کو کہا ہے کہ کووڈ 19 سے 32 ہزار اموات کے سرکاری اعداد و شمار اور اطلاعات کے برعکس یہ ممکن ہے کہ ملک میں کورونا وائرس سے مارچ اور اپریل کے دوران مزید تقریباً 19 ہزار ہلاکتیں پیش آئی ہوں۔
اسے ملک کا سب سے بڑا سماجی سکیورٹی کا انسٹیٹیوٹ قرار دیا جاتا ہے۔ اس نے اپنی ایک تحقیق میں کہا ہے کہ ’سرکاری اعداد و شمار قابل اعتماد نہیں۔‘
ان اعداد و شمار میں بتایا گیا ہے کہ مارچ اور اپریل کے دوران اٹلی میں کل 156,429 اموات پیش آئی ہیں۔ یہ سنہ 2015 اور 2019 کے مقابلے 46,909 زیادہ ہیں۔
ادارے کا کہنا ہے کہ حکام کی جانب سے کورونا وائرس سے صرف 27,938 اموات کو جوڑا گیا ہے۔ اسی بنیاد پر قومی اعداد و شمار تشکیل دیے جاتے ہیں۔
جمعے تک عالمی وبا سے اٹلی میں 32,486 اموات پیش آئی ہیں۔ ان میں سے 26,715 اموات اٹلی کے علاقے لومبارڈی میں پیش آئی ہیں جسے کورونا کا سب سے زیادہ متاثرہ یورپی علاقہ قرار دیا جاتا ہے۔
،تصویر کا ذریعہReuters
امریکہ میں ڈاکٹرز اور صحت و سائنس کے دیگر ماہرین نے مطالبہ کیا ہے کہ دوا ساز کمپنی گیلیئڈ کی اینٹی وائرل دوا ریمڈیسیور کو جن معلومات کی بنیاد پر کورونا وائرس کے علاج کے لیے منظور کیا انھیں عوامی سطح پر شائع کیا جائے۔
ان کا کہنا ہے کہ وہ اسی بنیاد پر مریضوں کو یہ دوا تجویز کر سکیں گے اور اس کی سپلائی حاصل کر سکیں گے۔
سائنسدانوں کی ایک تنظیم کی جانب سے لکھے جانے والے ایک خط میں کہا ہے کہ امریکی فوڈ اینڈ ڈرگ ایڈمنسٹریشن (ایف ڈی اے) کے حکام کی جانب سے ریمڈیسیور کی منظوری اور اس دوا پر کیے گئے تجربات اور ان کے نتائج انٹرنیٹ پر دستیاب ہونے چاہیے۔
ایک دواساز کمپنی کے سی ای او نے سوال کیا ہے کہ ’کیا پتا اگر یہ دوا صرف بیماری کے شروع کے دورانیے والے مریضوں کے لیے مؤثر ہو؟ اگر ہم نے اسے تشویشناک حالت کے مریضوں کو دیا تو ہم یہ دوا ضائع کر رہے ہوں گے۔‘
ایف ڈی اے نے یکم مئی کو ریمڈیسیور کو ہنگامی صورتحال میں استعمال کے لیے منظور کیا تھا۔ اس پر نیشنل انسٹیٹیوٹ آف الرجی اینڈ انفیکشس ڈزیز کے ابتدائی تجربات میں بھی مثبت نتائج دیکھے گئے تھے۔
تجربات میں دیکھا گیا کہ متبادل ترکیب کے برعکس اس دوا سے ہسپتال میں رہنے کا دورانیہ 31 فیصد کم ہوا اور تقریباً چار دن تک رہ گیا تھا۔
اگرچہ اب تک کووڈ 19 کے لیے باقاعدہ کوئی منظور شدہ علاج دریافت نہیں ہوسکا تاہم ریمڈیسیور وہ پہلی دوا ہے جس نے آزمائش میں مثبت نتائج دیے ہیں۔
،تصویر کا ذریعہReuters
امریکہ کے صدر ڈونلڈ ٹرمپ کا کہنا ہے کہ انھوں نے ریاست مشیگن میں ایک فیکٹری کے دورے کے دوران ’فیکٹری کے پچھلے حصے‘ میں ماسک پہنا تھا تاہم انھوں نے کیمروں کے آگے آنے سے قبل اسے اتا دیا۔
صدر ٹرمپ نے صحافیوں کو بتایا کہ انھوں نے گاڑیوں کی کمپنی فورڈ کے پلانٹ پر آنے سے بعد اپنا ماسک اس لیے اتارا کیونکہ ’وہ ذرائع ابلاغ کو یہ دیکھنے کی خوشی نہیں دینا چاہتے تھے۔‘
ان کا کہنا ہے کہ انھوں نے اس لیے بھی ماسک اتارا کہ وہ خطاب کرنا چاہتے تھے۔
مشیگن کے اٹارنی جنرل نے امریکی صدر سے گزارش کی ہے کہ صحت کی ہدایات پر عمل کریں لیکن صدر ٹرمپ کا کہنا ہے کہ یہ غیر ضروری ہے کیونکہ ان کا کورونا وائرس کا ٹیسٹ روزانہ کی بنیاد پر ہوتا ہے۔
،تصویر کا ذریعہReuters
،تصویر کا ذریعہReuters
چین کے وزیر اعظم اور ملک کی ریاستی کونسل کے سربراہ لی کی چیانگ اس وقت ملک کی پارلیمان سے خطاب کر رہے ہیں۔
اپنی تقریر کے آغاز میں انھوں نے کورونا وائرس کی وبا کے خلاف ’بڑی سٹریٹیجک کامیابیاں‘ حاصل کرنے پر چین کی تعریف کی تاہم ان کا کہنا تھا کہ ’اب تک یہ وبا ختم نہیں ہوئی ہے اور ہمیں ملک میں ترقی کو فروغ دینے کے لیے بہت کچھ کرنا ہوگا۔‘
یہ سالانہ خطاب امریکی صدر کے ’سٹیٹ آف دی یونین‘ کی مانند ہوتا ہے اور اس سال کورونا وائرس کی وبا اس کے ایجنڈے میں سرفہرست ہے۔
کورونا وائرس کی وبا کے دوران سماجی دوری کی اہمیت اجاگر کرنے کے لیے ایک انڈین مکینک نے ایسی موٹر سائیکل بنائی ہے جس میں سوار اور چلانے والے کے بیچ ایک میٹر تک کا فاصلہ برقرار رہتا ہے۔
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
پاکستان میں کورونا وائرس کے متاثرین کی تعداد 50616 ہو گئی ہے جبکہ 1066 افراد اس سے ہلاک ہو چکے ہیں۔
کورونا وائرس کے سب سے زیادہ متاثرین صوبہ سندھ میں ہیں جہاں یہ تعداد 19924 ہے جبکہ اموات کے لحاظ سے سب سے زیادہ متاثرہ صوبہ خیبر پختونخوا ہے جہاں اموات کی تعداد 365 ہے۔
پاکستان کے صوبہ خیبرپختونخوا میں کورونا وائرس کے 340 نئے کیس سامنے آنے کے بعد صوبے میں متاثرین کی تعداد 7155 ہو گئی ہے جبکہ مزید 14 اموات کے بعد صوبے میں اموات کی تعداد 365 ہو گئی ہے۔
خیبرپختونخوا میں کورونا وائرس سے صحت یاب ہونے والوں کی تعداد 2198 ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
پاکستان کے صوبہ پنجاب میں کورونا وائرس کے 1073 نئےکیس سامنے آئے ہیں جس کے بعد صوبے میں متاثرین کی تعداد 18455 ہو گئی ہے۔
گذشتہ 24 گھنٹے میں کورونا سے مزید 13 اموات کے بعد صوبے میں ہلاکتوں کتی تعداد 310 ہو گئی ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
،تصویر کا ذریعہGetty Images
امریکا میں جمعرات کو ایک دن میں تقریباً 23 ہزار نئے متاثرین میں وائرس کی تصدیق کی گئی ہے۔
امریکی ادارہ برائے وبائی امراض کی رپورٹ کے مطابق ملک میں ایک دن میں 22860 افراد میں کورونا وائرس کی تصدیق کی گئی ہے۔
امریکا میں کورونا کے متاثرین کی کل تعداد 1551095 ہے جو دنیا میں سب سے زیادہ ہے۔
امریکا میں جمعرات کو 1397 مزید ہلاکتوں کے بعد ملک میں کورونا سے مجموعی ہلاکتوں کی تعداد 93061 ہو گئی ہے۔
پاکستان کے زیر انتظام کشمیر کے حکام کے مطابق اس خطے میں دو خواتین سمیت 14 مزید افراد میں کورونا وائرس کی تشخیص ہوئی ہے جس کے بعد اس خطے میں کورونا وائرس سے متاثر ہونے والے افراد کی کل تعداد 171 ہوگئی ہے۔
ضلع مظفرآباد کے ہیلتھ آفیسر ڈاکٹر سعید کے مطابق دارالحکومت مظفرآباد میں مزید 9 افراد میں کورونا وائرس کی تشخیص ہوئی جن میں دو خواتین بھی شامل ہیں۔
ان کے مطابق ان تمام افراد میں کورونا وائرس پہلے سے متاثرہ افراد سے منتقل ہوا ہے۔ ڈاکٹر سعید کے مطابق ان متاثرہ افراد کے متعلقہ محلے سیل کر دیے گے ہیں۔
ان کے مطابق دارالحکومت مظفرآباد میں اب تک کورونا وائرس سے متاثر ہونے والے افراد کی تعداد 73 ہوگئ ہے جو اس خطے کے کسی شہر میں سب سے زیادہ تعداد ہے۔ دوسری جانب میرپور ڈویژن کے کمشنر محمد رقیب خان کے مطابق پانچ افراد میں کورونا وائرس کی تشخیص ہوئی جن میں تین کا تعلق میرپور جبکہ دو کا کوٹلی سے ہے۔
ان کے مطابق میرپور کے تمام افراد میں پہلے سے متاثر ہونے والے افراد سے وائرس منتقل ہوا ہے جبکہ کوٹلی کے دو افراد نے پاکستان کے مختلف علاقوں سے سفر کیا تھا۔
حکام کے مطابق گزشتہ 24 گھنٹوں کے دوران اس خطے کے 189 مشتبہ افراد کے ٹیسٹ کیے گئے ہیں۔
حکام کے مطابق اب تک اس خطے میں کل 4659 مشتبہ افراد کے ٹیسٹ کیے گئے ہیں جن میں سے 62 افراد کے ٹیسٹ کے نتائج آنا باقی ہیں۔
،تصویر کا ذریعہM A Jarral
پاکستان کے صوبے بلوچستان میں جمعرات کو کورونا کے 106 نئے مریض سامنے آئے ہیں جس کے بعد صوبے میں کل متاثرین کی تعداد 3074 ہو گئی ہے۔
محکمہ صحت بلوچستان نے صوبے میں کورونا سے مزید ایک ہلاکت کی بھی تصدیق کی ہے۔
صوبائی محکمہ صحت کی رپورٹ کے مطابق 21مئی کو صوبے میں کورونا کے 542 ٹیسٹ کیے گئے جن میں سے 106 مثبت آئے۔
محکمہ صحت کے مطابق کورونا وائرس سے اب تک 724 افراد صحتیاب ہوئے ہیں۔ جبکہ مزید ایک مریض کی ہلاکت کے بعد بلوچستان میں کورونا وائرس سے کل ہلاکتوں کی تعداد 39 ہو گئی ہے۔
بلوچستان میں نئے مریضوں کی تصدیق کے بعد ملک میں کورونا وائرس سے متاثرہ افراد کی کل تعداد 49189 جبکہ اموات کی تعداد 1039 تک پہنچ گئی ہے۔
ملک میں کل 14253 افراد صحت یاب ہوئے ہیں۔
بلوچستان میں اب تک کورونا کے مجموعی طور پر 19888 ٹیسٹ کیے جا چکے ہیں جن میں سے16814 کے نتائج منفی آئے ہیں۔ صوبے میں مجموعی طوپر پر49723 افراد کی سکریننگ کی گئی۔ جبکہ صوبے میں مشتبہ مریضوں کی تعداد 19698 ہے۔
محکمہ صحت گلگت بلتستان کے مطابق 21 مئی کو خطے میں 23 نئے مریضوں میں کورونا وائرس کی تصدیق ہوئی ہے جس کے بعد متاثرین کی مجموعی تعداد 602 ہوگئی ہے۔
ڈپٹی کمشنردفتر کے مطابق گلگت میں مزید ایک مریض کورونا کے باعث ہلاک ہوا جس کے بعد کل ہلاکتوں کی تعداد پانچ ہے۔ نئے مریضوں میں سے 19 کا تعلق گلگت، دو کا استور اور دو کا سکردو سے ہے۔
جبکہ خطے میں گذشتہ 24 گھنٹوں کے دوران مزید دس افراد صحت یاب ہوئے ہیں، جس کے بعد صحت یاب مریضوں کی تعداد 412 تک پہنچ چکی ہے۔
گلگت بلتستان میں 186 مریض زیر علاج ہیں۔
گلگت بلتستان میں نئے مریض سامنے آنے کے بعد پاکستان میں متاثرین کی کل تعداد 49083 ہو گئی ہے جبکہ ملک میں مجموعی اموات 1038 تک پہنچ گئی ہیں۔
پاکستان میں کورونا وائرس سے صحت یاب ہونے والے افراد کی کل تعداد 14165 ہے۔
ڈپٹی کمشنر کے مطابق گلگت کے علاقےکھر برمس کو سیل کردیا گیا ہے۔علاقے میں ہر قسم کے نقل و حرکت پر پابندی رہے گئی اور خلاف ورزی پر قانون حرکت میں آئے گا۔
شہری حکومت کے ترجمان مظہر علی مغل کے مطابق ہلاک ہونے والے مریض کا ایک اور بھائی بھی اس سے قبل کورونا سے ہلاک ہوا تھا۔
شہری حکومت کے ترجمان کے مطابق گزشتہ روز کورونا وائرس سے مریض کے ہلاکت پر ڈسٹرکٹ ہیڈ کوآرٹر ہسپتال کے آئیسولیشن وارڈز اور اوپی ڈی کو انتقال کرنے والے مریض کے لواحقین نے توڑ پھوڑ کرتے ہوئے شدید نقصان پہنچایا تھا۔ اور موقع پر موجود پولیس اہلکاروں کو مشتعل مظاہرین کونہ روکنے پروزیراعلی' گلگت بلتستان نے ڈیوٹی پر موجود پولیس کے خلاف کارروائی کا حکم دیا ہے۔
ضلعی حکومت نے شہریوں سے اپیل کی ہے کورونا وائرس کے روک تھام کے لیے ضلعی حکومت اور محکمہ صحت کی جانب سے جاری ایس اوپیز پر عملدرآمد کریں تاکہ شہر میں مقامی منتقلی کے کیسز میں کمی آسکے۔
،تصویر کا ذریعہHealth Dept Gilgit
،تصویر کا ذریعہReuters
امریکی وینٹیلیٹرز روس پہنچ گئے اور جرمن فٹبال کلب کے مزید دو کھلاڑیوں میں کورونا وائرس کی تشخیص۔
یہ ہیں یورپ سے آج کی کچھ خبریں:
،تصویر کا ذریعہEPA
سپین میں پہلی بار کورونا کے باعث ہونے والی یومیہ ہلاکتوں کی تعداد 50 سے کم رہی ہے۔
سپین کی وزارت صحت نے اس بات کی تصدیق کی ہے کہ ملک میں 16 مارچ سے لے کر اب تک پہلی بار یومیہ ہلاکتوں کی تعداد 48 ہے۔ اس سے قبل منگل کے روز یہ تعداد 83 جبکہ بدھ کو 95 تک پہنچ گئی تھی تاہم جمعرات کو ان میں کمی واقع ہوئی ہے۔
سپین میں ایک دن میں سب سے زیادہ 950 ہلاکتیں دو اپریل کو ہوئیں تھی۔
سپین کی وزارت صحت کے مطابق جمعرات کو ملک میں کورونا کے صرف 482 مریض سامنے آئے ہیں جس کے بعد ملک میں کل متاثرین کی تعداد 233037 ہو گئی ہے۔
جبکہ ملک میں کل اموات کی تعداد 27940 تک پہنچ گئی ہے۔
ملک میں کورونا متاثرین کی تعداد میں گراوٹ کے باوجود وزیر اعظم پدرو نے چھ جون تک لاک ڈاؤن میں توسیع کی ہے۔
ملک میں وبا سے آغاز سے اب تک پانچویں مرتبہ ہنگامی حالت کے صورتحال کا جائزہ لیتے ہوئے لاک ڈاؤن میں مزید دو ہفتوں کی توسیع کی گئی ہے۔
