کورونا وائرس کے دوران پابندیوں میں رہنے والی ’لاک ڈاؤن جینریشن‘ کئی دہائیوں تک متاثر رہ سکتی ہے

لائیو کوریج

1. 21 مئ 2020سمندری طوفان سے انڈیا، بنگلہ دیش میں تباہی

   

   ،تصویر کا ذریعہGetty Images

   انڈیا اور بنگلہ دیش کے ساحلی علاقوں سے ٹکرانے والے ایک طاقتور سمندری طوفان نے کم از کم 15 لوگوں کی جانیں لے لی ہیں اور کورونا کی وبا کے ساتھ ساتھ تیز بارش اور ہواؤں کے باعث امدادی کارروائیوں میں دشواری ہو رہی ہے۔

   طوفان امپھان سے پانہ لینے والے وافراد کو وبا کے بعث مشکلات کا سامنا ہے اور پناہ گاہوں میں بھی کُل گنجائش سے کہیں کم لوگوں کو تھہرایا گیا ہے۔

   انڈیا کی ریاست مغربی بنگال میں، جو طوفان کی وجہ سے بُری طرح متاثر ہوئی ہے، پولیس کے مطابق کئی لوگ وائرس کے ڈر سے پناہ گاہوں میں جانا ہی نہیں چاہتے۔

2. 21 مئ 2020جون المیڈا: سنہ 1964 میں پہلا کورونا وائرس دریافت کرنے والی خاتون

   

   ،تصویر کا ذریعہGetty Images

   کورونا وائرس کو سب سے پہلے سکاٹ لینڈ کی ایک خاتون نے دریافت کیا تھا جو ایک بس ڈرائیور کی بیٹی تھیں اور جنھوں نے سولہ برس کی عمر میں سکول چھوڑ دیا تھا۔

   جون المیڈا وائرس کی 'امیجنگ' کرنے کی بانی ہیں اور موجودہ عالمی وبا میں ان کی اس دریافت پر ایک مرتبہ پھر پوری دنیا کی توجہ ہے۔

   کووڈ 19 ایک نیا وائرس ہے لیکن یہ بھی کورونا وائرس ہی کی ایک قسم ہے جس کی ڈاکٹر المیڈا نے سنہ 1964 میں لندن کے ہسپتال سینٹ تھامس کی لیبارٹری میں شناخت کی تھی۔

   ان کے بارے میں جاننے کی لیے پڑھیے: پہلا کورونا وائرس دریافت کرنے والی خاتون کون تھیں؟

3. 21 مئ 2020برطانیہ میں ہائیڈروکسی کلوروکوئن پر تجربات شروع, ریچل شریئر، ہیلتھ رپورٹر

   

   ،تصویر کا ذریعہGetty Images

   برطانیہ میں یہ جاننے کے لیے تجربات کا آغاز کر دیا گیا ہے کہ ملیریا کے خلاف کام کرنے والی دو دوائیں کووڈ 19 کے لیے کارآماد ثابت ہوتی ہیں یا نہیں۔

   کلوروکوئن، ہائیڈروکسی کلوروکوئن یا پلیسبو یورپ، افریقہ، ایشیا اور جنوبی امریکہ کے 40000 طبی کارکنوں کو دیا جائے گا۔

   برائٹن اور آکسفورڈ میں ہونے والے یہ تجربات میں شامل تمام لوگ وہ ہوں گے جو برطانیہ میں براہ راست کورونا وائرس کے مریضوں کی دیکھ بھال کرتے ہیں تاہم ان میں کووڈ 19 کی تصدیق نہیں ہوئی۔

   اس تجربے میں یہ پرکھا جائے گا کہ آیا یہ دوا طبی کارکنوں کو وائرس منتقل ہونے سے بچاتی ہے یا نہیں۔

   اس عالمی تجربے کے لیے اولین شرکاء جمعرات کو شامل ہوں گے۔

   ہائیڈروکسی کلوروکوئن جسم میں مدافعتی عمل کو قاعدے میں لاتی ہے اور اس دوا کی جانب توجہ اس وقت گئی جو امریکی صدر ڈونلڈ ٹرمپ نے کہا کہ شاید یہ اس وائرس کے خلاف موثر ثابت ہو۔

   رواں ہفتے انھوں نے کہا تھا کہ وہ ہائیڈروکسی کلوروکوئن کو کورونا وائرس کے مریضوں تک لے جا رہے ہیں۔

4. 21 مئ 2020اینٹی باڈی ٹیسٹ کیا ہوتا ہے اور اس کی اتنی اہمیت کیوں ہے؟

   برطانوی ادارے پبلک ہیلتھ انگلینڈ نے کورونا وائرس کے لیے ایک نیا اینٹی باڈی ٹیسٹ منظور کرلیا ہے۔ اس ویڈیو میں جانیے کہ اینٹی باڈی ٹیسٹ کیا ہوتا ہے اور اس کی اہمیت کیوں زیادہ ہے۔۔۔

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

5. 21 مئ 2020انڈیا کے ایک ہسپتال میں کووڈ 19 کا شکار ماؤں کی 100 سے زائد زچگیاں, سوتک بسواس، نامہ نگار انڈیا

   

   ممبئی کے ایک ہسپتال میں کورونا وائرس سے متاثرہ خواتین کے 100 سے زائد صحت مند بچے پیدا ہوئے۔

   ڈاکٹرز کا کہنا ہے کہ لوکمانیا تیلکا میونسپل جنرل ہسپتال میں گذشتہ ماہ وبا سے متاثرہ ماؤں سے پیدا ہونے والے 115 میں سے تین بچے ابتدائی طور پر متاثر پائے گئے تاہم بعد میں ان کے ٹیسٹ نیگیٹو آئے۔

   دو مزید متاثرہ خواتین ہسپتال میں دم توڑ گئیں جن میں سے ایک بچے کی پیدائش سے پہلے ہلاک ہو گئی۔

   کورونا سے متاثرہ ماؤں سے پیدا ہونے والے نصف بچے آپریشن سے پیدا ہوئے جبکہ دیگر بھی غیر طبعی زچگیاں تھیں۔ پیدا ہونے والے 56 لڑکے اور 59 لڑکیاں تھیں۔

   65 ڈاکٹروں اور دو درجن نرسوں پر مشتمل عملہ 40 بستروں کے اس خصوصی وارڈ میں وبا سے متاثرہ ماؤں کا علاج کر رہا ہے۔

   وبا میں اضافے کے بعد ہسپتال کا ارادہ ہے کہ 34 بستروں کا ایک اور وارڈ ایسی حاملہ خواتین کے لیے بنایا جائے۔

6. 21 مئ 2020دنیا بھر میں وائرس کا شکار افراد کی تعداد 50 لاکھ کے قریب

   

   ،تصویر کا ذریعہGetty Images

   دنیا بھر میں کورونا وائرس کا شکار افراد کی تعداد 50 لاکھ کے قریب تک پہنچ گئی ہے۔

   عالمی طبی بحران پر نظر رکھنے والی جان ہاپکنز یونیورسٹی کے اعداد و شمار کے مطابق دنیا بھر میں متاثرین کی تعداد 4995127 ہو چکی ہے۔

   تاہم اب بھی دنیا میں کیسز کی تشخیص نہیں ہوئی اور متاثرین کی صحیح تعداد شاید اس سے کہیں زیادہ ہو۔

   جن ممالک میں متاثرین کی تعداد سب سے زیادہ ہے:

   • امریکہ- 15 لاکھ
   • روس- 308705
   • برازیل- 308705
   • برطانیہ- 249619
   • سپین- 232555

   دنیا بھر میں اس وبا سے ہونے والی ہلاکتیں 328079 ہو چکی ہیں۔

7. 21 مئ 2020کشمیری جنگ کیوں چاہتے ہیں؟

8. 21 مئ 2020جنوبی افریقہ میں ’ابھی ہلاکتیں بڑھیں گی‘

   

   ،تصویر کا ذریعہReuters

   سائنسدانوں نے خبردار کیا ہے کہ جنوبی افریقہ میں اس سال کے آخر تک کورونا وائرس کے سبب 40000 تک ہلاکتیں ہو سکتی ہیں۔

   یہ پیش گوئی حکومت کو مشورہ دینے والے تعلیم اور طب کے ماہرین نے کی ہے۔

   ان کے خیال میں صدر کے اعلان کے مطابق جون میں سخت لاک ڈاؤن ختم کر دیا جائے گا۔

   مارچ میں لاگو کی جانے والے پابندیوں میں تمباکو اور الکوحل کی فروخت پر بھی پابندی تھی جس کی وجہ سے وائرس کا پھیلاؤ سست ہوا۔

   پانچ کروڑ 70 لاکھ نفوس کے ملک میں اب تک 18000 مصدقہ کیسز رپورٹ ہوئے ہیں جبکہ اب تک کووڈ 19 کے باعث 339 ہلاکتیں ہوئیں۔

9. 21 مئ 2020حفاظتی کٹس کی کمی پر خدشات کا اظہار کرنے والا ڈاکٹر دماغ کے امراض کے ہسپتال میں داخل, وی شنکر، بی بی سی تیلگو

   

   ،تصویر کا ذریعہUGC

   انڈیا کے ڈاکٹر سدھاکر راؤ جنھیں اپنے پیشے میں 20 سال کا تجربہ ہے دو ماہ کے دوران دوسری بار شہہ سرخیوں میں آئے جب سوشل میڈیا پر ان کے رہائشی علاقے میں پولیس کے ساتھ ان کی کشمکش کی ویڈیوز وائرل ہوئیں۔

   حکام کا کہنا ہے کہ انھیں دماغی امراض کے ہسپتال بھجوا دیا گیا ہے۔

   یہ خبر ان اطلاعات کے بعد سامنے آئی جن میں بتایا گیا کہ انڈین ڈاکٹرز کو حفاظتی آلات اور ہسپتالوں میں تیاری کی کمی کا سامنا ہے۔

   سنیچر کو پیش آنے والے اس واقعے کی کئی ویڈیوز سوشل میڈیا اور واٹس ایپ پر شیئر کی گئیں۔

   پہلے راؤ بغیر قمیض کے ایک گاڑی میں بیٹھے دکھائی دیتے ہیں اور پولیس پر چلا رہے ہوتے ہیں۔

   ایک دوسری ویڈیو میں وہ سڑک پر لیٹے ہیں اور ان کے ہاتھ ان کی پشت پر بندھے ہیں اور ایک پولیس اہلکار انھیں ڈنڈے سے پیٹ رہا ہے۔ پولیس کا کہنا ہے کہ اس اہلکار کو معطل کر دیا گیا ہے اور انکوائری کی جائے گی۔

   اور بظاہر ایک آخری ویڈیو میں حیرت زدہ ہجوم کے سامنے پولیس والے ڈاکٹر کو رکشہ میں ڈالتے ہیں۔

   لیکن اس سے قبل کہ پولیس انھیں لے جاتی ڈاکٹر وہاں جمع ہونے والے مقامی صحافیوں سے کہتے ہیں کہ وہ معلوم کریں کہ کیا ہو رہا ہے۔

   وہ کہتے ہیں کہ ان کی گاڑی کو پولیس نے روکا۔ ان کا الزام ہے: ’انھوں نے میرا فون اور بٹوہ بھی چھین لیا اور مجھے مارا بھی۔‘

10. 21 مئ 2020بریکنگ, پاکستان: گذشتہ 24 گھنٹوں میں سب سے زیادہ ٹیسٹ، دو ہزار سے زیادہ افراد میں وائرس کی تشخیص

    پاکستان میں کورونا وائرس کی صورتحال نگرانی کرنے والے نیشنل کمانڈ اینڈ آپریشن سنٹر کے اعدادوشمار کے مطابق ملک میں گذشتہ 24 گھنٹوں کے دوران کورونا وائرس کے 2193 نئے کیسز سامنے آئے ہیں۔

    اس طرح ملک میں وائرس سے متاثرہ افراد کی تعداد 48,100 ہوگئی ہے۔

    نیشنل کمانڈ اینڈ آپریشن سنٹر کے مطابق اسی دوران ملک میں ایک دن میں 15,346 ٹیسٹ کر کے اب تک سب سے زیادہ ٹیسٹ کا ریکارڈ قائم کیا گیا۔

    

11. 21 مئ 2020چین میں کورونا وائرس کے دو نئے کیسز

    

    ،تصویر کا ذریعہGetty Images

    چین میں نیشنل ہیلتھ کمیشن کے مطابق 20 مئی کے روز کورونا وائرس کے دو نئے کیسز ریکارڈ کیے گئے۔

    ان میں سے ایک مقامی منتقلی کا کیس تھا جبکہ بتایا گیا ہے کہ ایک کیسز میں متاثرہ شخص بیرون ملک سے سفر کر کے چین آیا تھا۔

    چین میں گذشتہ روز بھی دوسری ملک سے آنے والا ایک کیس رپورٹ ہوا۔ نیشنل ہیلتھ کمیشن کا کہنا تھا کہ ایسے 31 نئے کیسز رپورٹ ہوئے جن میں علامات ظاہر نہیں ہوئیں۔

    چین میں کووڈ 19 کے مجموعی کیسز کی تعداد 82967 ہے۔ جبکہ ہلاکتیں 4634 ہیں۔

12. 21 مئ 2020’سماجی دوری والی موٹر سائیکل‘ تیار ہے!

    کورونا وائرس کی وبا کے دوران سماجی دوری کی اہمیت اجاگر کرنے کے لیے ایک انڈین مکینک نے ایسی موٹر سائیکل بنائی ہے جس میں سوار اور چلانے والے کے بیچ ایک میٹر تک کا فاصلہ برقرار رہتا ہے۔

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

13. 21 مئ 2020بریکنگ, امریکہ: 24 گھنٹوں میں 1500 اموات

    

    ،تصویر کا ذریعہReuters

    امریکہ میں گذشتہ 24 گھنٹوں کے دوران کورونا وائرس کے سبب 1561 افراد ہلاک ہو گئے ہیں۔

    جانز ہاپکنز یونیورسٹی کے مطابق ان تازہ ہلاکتوں کے بعد امریکہ میں بدھ کی شام تک وبا کی وجہ سے مجموعی ہلاکتیں 93406 ہو چکی تھیں۔

    اس وبا سے ہونے والی ہلاکتوں کے سبب امریکہ اب تک دنیا کا سب سے متاثرہ ملک ہے اور وہاں اس وائرس کے مصدقہ کیسز کی تعداد بھی 15 لاکھ سے تجاوز کر چکی ہیں۔

    امریکہ میں کل 1,550,959 افراد اس کا شکار ہو چکے ہیں۔

14. 21 مئ 2020دنیا بھر سے اہم خبروں کا خلاصہ

    صبح بخیر اور ہمارے لائیو پیج میں ایک بار پھر خوش آمدید۔ اپنے دن کا آغاز کرنے کے لیے نظر ڈالیے جمعرات کی صبح دنیا بھر سے آنے والی چند اہم خبروں پر:

    • دنیا بھر میں کورونا وائرس سے متاثر ہونے والے افراد کی تعداد 50 لاکھ کے قریب پہنچ گئی ہے اور عالمی ادارہ صحت کے مطابق گذشتہ 24 گھنٹوں کے دوران دنیا بھر میں اب تک سب سے زیادہ نئے مریضوں کی تعداد سامنے آئی ہے۔
    • برازیل کورونا وائرس سے سب سے بری طرح متاثر ہونے والے ممالک کی فہرست میں دوسرے نمبر پر آنے والا ہے اور ملک میں ایک دن میں 20 ہزار نئے مریضوں میں وائرس کی تشخیص کے بعد صرف روس اور امریکہ ہی اس سے آگے ہیں۔

    

    ،تصویر کا ذریعہAFP

    • انڈونیشیا میں ایک دن میں تقریباً 700 نئے افراد میں وائرس کی تشخیص ہوئی ہے جس کے بعد یہ خدشات بڑھ گئے ہیں کہ ملک میں وبا ابھی تک اپنے عروج پر نہیں پہنچی ہے۔
    • تاہم کمبوڈیا نے اپنے آپ کو وائرس سے پاک قرار دے کر ایران، اٹلی، جرمنی، سپین، فرانس اور امریکہ جیسے ممالک سے آنے والے سیاحوں کے لیے اپنی سرحدیں کھول دی ہیں۔

15. 21 مئ 2020ایکسپو سنٹر میں انٹرنیٹ معطلی اور پنجاب حکومت کا انکار، حقائق کیا ہیں؟

16. 21 مئ 2020نیو یارک گورنر: ’ماسک کام کرتا ہے‘

    

    ،تصویر کا ذریعہGetty Images

    نیویارک کے گورنر اینڈریو کومو کی پریس بریفنگز میں ہمیشہ کچھ نہ کچھ دلچسپ ہوتا رہتا ہے۔

    یہ اعلان کرنے کے بعد کہ نیو یارک سٹیٹ میں ہسپتالوں میں جانے والوں کی تعداد کم ہو رہی ہے، گورنر منہ پر ماسک پہننے کے حوالے سے ایک بات کہنے کے لیے رکے۔

    انھوں نے کہا: ’ماسک پہننا، ایک آسان سی چیز لگتی ہے۔ یہ بظاہر اتنی سادہ ہے کہ لوگ سمجھتے ہیں کہ اس کی کوئی اہمیت نہیں ہے۔‘

    ’ماسک حقیقت میں حیرت انگیز طور پر ایک مؤثر چیز ہے۔ مجھے اس بات پر آج بھی حرت ہے۔۔۔ کہ نرسوں اور ڈاکٹرز میں عام آبادی کی نسبت انفیکشن کی شرح کم کیوں ہے؟‘

    پولیس آفیسرز میں انفیکشن کی شرح کم کیوں ہے؟ کس طرح این وائی پی ڈی کا نیو یارک سٹی کے مقابلے میں آدھا انفیکشن ریٹ ہے۔ وہ ماسک پہنتے ہیں۔‘

    ’ماسک کام کرتا ہے۔ وہ سرجیکل ماسک کام کرتے ہیں۔‘

17. 21 مئ 2020امریکہ میں لاک ڈاؤن میں نرمی سے متعلق تفصیلی ہدایت نامہ جاری

    

    ،تصویر کا ذریعہGetty Images

    امریکہ میں لاک ڈاؤن میں نرمی کے اعلان کے بعد بیماریوں کے روک تھام اور کنٹرول کے محکمے نے ایک تفصیلی ہدایت نامہ جاری کیا ہے۔

    60 صفحوں پر مشتمل اس دستاویز میں سکولوں، ریستوران اور نقل و حمل سے متعلق ہدایات دی گئی ہیں۔

    صدر ڈونلڈ ٹرمپ نے کہا ہے کہ امریکہ کو پابندیوں کو ختم کرتے ہوئے آگے بڑھنے کی ضرورت ہے اور گائیڈ لائنز ان کمیونٹیز کی رہنمائی کریں گی جو اپنی معیشت دوبارہ کھول رہی ہیں۔

    واضح رہے کہ امریکہ نے اپنی تمام 50 ریاستوں میں کورونا وائرس کے پیش نظر لگائی گئی پابندیوں کو نرم کرنے کا اعلان کیا ہے۔

18. 21 مئ 2020’لوگوں میں سرمایہ کاری کریں، آخر میں وہی بچتے ہیں‘

    لندن کے ایک بے حد مقبول ریستوران ’دارجیلنگ ایکسپریس’ کی مالک عاصمہ خان ہر برس ماہ رمضان میں ’بین المذاہب افطار‘ اور بے گھر افراد کے لیے کھانے کا انتظام کرتی ہیں۔ لیکن لاک ڈاؤن کے سبب اس بار وہ اکیلے ہی اپنے گھر سے ڈیڑھ سو لوگوں کا کھانا پکا کر طبی کارکنان کو بھیج رہی ہیں۔

    عاصمہ خان اپنی مقبولیت کی وجہ سے نیٹفلکس کی سیریز ’شیفس ٹیبل’ میں بھی نظر آ چکی ہیں۔ انھوں نے بی بی سی نامہ نگار ثمرہ فاطمہ کو بتایا کہ لاک ڈاوٴن کے سبب ان کے کاروبار کو ہونے والے نقصان سے وہ کیسے نمٹ رہی ہیں۔

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

19. 21 مئ 2020جنوبی کوریا: پاکستانی طالبہ سعدیہ رند کی کہانی

    جنوبی کوریا میں اگرچہ کورونا وائرس کے متاثرین کی تعداد باقی ممالک سے نسبتاً کم ہے لیکن وہاں بھی اِس وبا سے بچاؤ کے لیے سخت احتیاطتی تدابیر اختیار کی جا رہی ہیں۔

    دارالحکومت سیول میں کیا حالات ہیں، بتا رہی ہیں وہاں موجود پاکستانی طالبہ سعدیہ رند اپنے اِس وی لاگ میں۔

    YouTube پوسٹ نظرانداز کریں

    Google YouTube کا مواد دکھانے کی اجازت دی جائے؟?

    اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

    YouTube پوسٹ کا اختتام

20. 21 مئ 2020پاکستان کے صوبہ پنجاب میں متاثرین 17382، اموات کی تعداد 297

    پاکستان کے صوبہ پنجاب میں کورونا وائرس کے متاثرین کی کل تعداد 17382 ہو گئی ہے جبکہ 297 افراد اب تک ہلاک ہو چکے ہیں۔

    صوبے میں اب تک 5112 افراد مکمل طور پر صحت یاب بھی ہو چکے ہیں۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام