دنیا کو ایک سے زیادہ ویکسین کی ضرورت ہے, فلیپا راکسبی، ہیلتھ رپورٹر، بی بی سی نیوز
،تصویر کا ذریعہGetty Images
انگلینڈ کے وزیرِ صحت نے خبردار کیا ہے کہ لوگوں کو محفوظ بنانے والی ویکسین میں شاید ابھی کچھ وقت لگے۔
ویکسین کی تیاری میں کم از کم ایک سال یا 18 مہینے لگ سکتے ہیں۔
آکسفورڈ یونیورسٹی کے تحقیق کاروں نے پہلے ہی لوگوں پر ویکسین ٹیسٹ کرنا شروع کر دی ہے، لیکن یہ جاننا میں وقت لگے گا کہ کیا ویکسین نے انفیکشن کو روکا ہے یا نہیں۔
یہ خصوصاً اب ذرا زیادہ مشکل ہے کیونکہ عام آبادی میں پھیلنے والے وائرس کی شرح اب کافی کم ہے۔
دنیا کے دوسرے ممالک میں بھی سائنسدان ویکسین پر کام کر رہے ہیں۔
یہ اچھی خبر ہے، کیونکہ وہ سبھی تو کامیاب نہیں ہوں گے۔ اور اگر ہو بھی جاتے ہیں تو یقیناً دنیا کو ایک سے زیادہ ویکسین کی ضرورت ہے۔
