آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ کے 12ویں عالمی کپ کے فائنل میں انگلینڈ اور نیوزی لینڈ کے درمیان مقابلہ انتہائی ڈرامائی انداز میں سپر اوور تک گیا جہاں دوبارہ سکور ٹائی ہونے کی وجہ سے انگلینڈ کو زیادہ باؤنڈری لگانے پر ورلڈ کپ کا فاتح قرار دیا گیا۔
عابد حسین and محمد صہیب
میٹ ہینری نے اپنے دس اوورز کا سپیل مکمل کر لیا جس میں انھوں نے دو میڈن کرائے اور 40 رنز دے کر ایک وکٹ حاصل کی۔ سٹوکس اور جوز بٹلر کی شراکت اب 80 رنز سے تجاوز کر گئی ہے اور ان دونوں نے زبردست بیٹنگ کرتے ہوئے انگلینڈ کو جیت کی راہ پر رکھا ہے۔ بٹلر نے اپنے خاص کھیل کا مظاہرہ کرتے ہوئے ہینری کی آخری گیند پر ریورس سکوپ کے ذریعے چار رنز حاصل کیے اور اس اوور میں آٹھ رنز حاصل کیے۔
لاکی فرگوسن کے چھ اوورز باقی جس پر ولیمسن ان کو بولنگ میں واپس لائے لیکن جوز بٹل نے آف سائیڈ پر انتہائی خوبصورتی سے کٹ کرتے ہوئے چوکا لگایا اور اوور میں چھ رنز حاصل کیے۔
کیوی کپتان کین ولیمسن اپنے مرکزی بولرز کی جانب رخ کر گئے ہیں اور بولٹ کے بعد اب میٹ ہینری کو بولنگ کے لیے لایا ہے جنھوں نے اس اوور سے قبل سات اوورز میں دو میڈن کرائے اور ایک وکٹ حاصل کی تھی۔ اس اوور میں انھوں نے کوئی چوکا نہیں دیا لیکن سٹوکس اور بٹلر نے بغیر دشواری آٹھ رنز حاصل کر لیے۔
بین سٹوکس اور جوز بٹلر دنیائے کرکٹ کے چند خطرناک ترین بلے بازوں میں سے ہیں اور دونوں نے اس ورلڈ کپ میں بھی عمدہ کھیل پیش کیا ہے۔ اور جب یہ دونوں کریز پر موجود رہیں گے، جیت انگلینڈ کی یقینی نظر آتی ہے۔
راجر فیڈرر اور نوواک جوکووچ کے مابین کھیلے جا رہے ومبلڈن کے فائنل میں بھی سنسنی خیز مقابلے جاری ہے۔
میچ دو دو سیٹس سے برابر ہے اور پانچویں سیٹ میں جوکووچ کو 1-2 سے برتری حاصل ہے۔
نیوزی لینڈ کے کپتان ولیمسن نے بالاخر اپنے سپنر مچل سانٹنر کو بولنگ میں بلا ہی لیا جنھوں نے سیمی فائنل میں انڈیا کے خلاف انتہائی عمدہ بولنگ کی تھی اور 34 رنز کے عوض دو وکٹ لیے تھے۔ اپنے پہلے اوور میں انھوں نے اچھی لائن پر گیند کرائی اور چار رنز دیے۔
ورلڈ کپ 2019 کے آخری بیس اوورز باقی رہ گئے ہیں اور دیکھنا یہ ہوگا کہ انگلینڈ کی موجودہ جوڑی انھیں ہدف کے کتنا قریب لے جاتی ہے۔اس وقت بین سٹوکس 18 اور نئے آنے والے جوز بٹلر 13 رنز پر کھیل رہے ہیں۔
نیوزی لینڈ کے کولن ڈی گرانڈ ہوم نے بیٹنگ میں کافی مایوس کیا لیکن فائنل میں ان کی بولنگ شاندار رہی۔ اپنے دس اوورز کے سپیل میں انھوں نے صرف 25 رنز دیے اور دو میڈن پھینکے لیکن سب سے اہم بات کہ انھوں نے جو ووٹ کی قیمتی وکٹ حاصل کی۔
جمی نیشم کے تیسرے اوور میں بین سٹوکس نے جارحانہ انداز اپناتے ہوئے اپنا دوسرا چوکا لگایا اور میم کے 100 رنز مکمل کیے۔ اس اوور میں انگلینڈ نے آٹھ رنز حاصل کیے۔
نصف اننگز کا کھیل مکمل ہو چکا ہے اور انگلینڈ کی بیٹنگ شدید مشکلات کا شکار ہے۔
اس وقت کریز پر بین سٹوکس اور جاس بٹلر موجود ہیں اور اس جوڑی سے ہی تمام امیدیں وابستہ ہیں۔
انگلینڈ کو 150 گیندوں پر 149 رنز درکار ہیں۔
نئے بولر جمی نیشم کی پہلی ہی گیند پر انگلینڈ کے کپتان اوئن مورگن نے ڈیپ پوائنٹ کی جانب اونچا شاٹ کھیلا اور ایسا لگا کہ گیند پہلے گر جائے گی مگر لاکی فرگوسن بجلی طرح لپکے اور ڈائیو مار کر خوبصورت انداز میں گیند کو دبوچنے میں کامیاب ہو گئے اور اس کے ساتھ انگلینڈ کی چوتھی وکٹ گر گئی۔
تجزیہ کار ریحان الحق کا کہنا ہے کہ ڈی گرانڈہوم نے نہ صرف گیند سوئنگ کی بلکہ سیم بھی کی جس کی وجہ سے بلے بازوں کو شدید مشکلات کا سامنا کرنا پڑا ہے۔
گرانڈ ہوم کے اوور میں نئے آنے والے بین سٹوکس مسلسل بچ گئے جب گیند ان کے بلے کے باہری کانارے سے ہوتے ہوئے کیپر لیتھم کے گلووز میں گئی۔ اوور کی آخری گیند کو انھوں نے دفاعی انداز میں کھیلتے ہوئے روک لیا۔
لاکی فرگوسن نے اپنا تیسرا اوور شروع کیا تو دوسری گیند پر ان کو بئیرسٹو نے خوبصورت چوکا لگایا لیکن اس کے فوراً بعد اگلی ہی گیند پر ان کی تیز گیند اندر آئی اور بلے کا اندرونی کنارہ لیتے ہوئے وکٹوں کو جا لگی۔
بئیرسٹو نے 55 گیندوں پر 36 رنز سکور کیے۔
کولن ڈی گرانڈ ہوم نے ایک اور کفایتی اوور کروایا جس کی پہلی گیند پر انگلینڈ کے کپتان اوئن مارگن آؤٹ ہوتے ہوتے رہ گئے۔
اس اوور میں تین رنز بنے۔