ورلڈ کپ: انڈیا کی پاکستان کے خلاف 89 رنز سے جیت

کرکٹ ورلڈ کپ 2019 میں اتوار کو مانچسٹر میں انڈیا نے روایتی حریف پاکستان کو 89 رنز سے شکست دے کر ٹورنامنٹ میں اپنی تیسری کامیابی حاصل کر لی ہے۔

لائیو کوریج

ذیشان حیدر, حسن زیدی, عابد حسین and محمد صہیب

16 جون 2019بریکنگ, بھونیشور اٹیک سے باہر!
پانچویں اوور کے دوران انڈیا کو دھچکا لگا جب ان کے انتہائی اہم بولر بھونیشور کمار ٹانگ میں پٹھے کھنچ جانے کی وجہ سے اپنا اوور مکمل کرائے بغیر میدان سے باہر چلے گئے۔
،تصویر کا ذریعہGetty Images
16 جون 2019بھمرا، بھونیشور کی نپی تلی لائن, پاکستان چار اوور، 13/0
انڈین بولنگ کی اوپننگ جوڑی نے زبردست بولنگ کا مظاہرہ کیا ہے اور پاکستانی بلے بازوں کو مجبور کیا ہے کہ وہ جارحانہ بیٹنگ کرنے سے گریز کریں۔
،تصویر کا ذریعہGetty Images
16 جون 2019پاکستان تین اوور، 12/0
پاکستان نے قدرے محتاط آغاز کیا ہے اور اب تک تین اوورز کے بعد انھوں نے بغیر کسی نقصان کے 12 رنز بنائے ہیں جس میں امام کے چھ رنز اور فخر کے پانچ رنز شامل ہیں۔ دونوں نے ایک ایک چوکا لگایا ہے۔
16 جون 2019پاکستان کا پہلا چوکا!, پاکستان دو اوور، 6/0
فخر زمان نے بھمرا کو چوکا لگا کر اپنے عزائم کا اظہار کیا! یہ بھمرا ہی تھے جن کی نو بال کی مدد سے فخر نے 2017 میں ہونے والے چیمپیئنز ٹرافی میچ میں شاندار سنچری سکور کی تھی۔
،تصویر کا ذریعہGetty Images
16 جون 2019پاکستان ایک اوور، دو رنز
بھونیشور کمار نے اپنے پہلے اوور میں صرف دو رنز دیے ہیں۔ فخر اور امام کی جوڑی نے اپنے کھاتے کھول لیے لیکن دوسرے اینڈ سے اب انھیں انڈیا کے سب سے خطرناک بولر جسپریت بھمرا کا سامنے کرنا ہوگا۔
،تصویر کا ذریعہGetty Images
16 جون 2019بریکنگ, انڈیا کے بولرز تیار، پاکستان کے بلے باز کریز پر
انڈیا کے بھونیشور کمار نے بولنگ کا آغاز کیا ہے جہاں امام الحق نے پہلی گیند کو لیگ سائیڈ پر کھیل کر ایک رن حاصل کیا۔
16 جون 2019دھوپ میں بارش، پاکستان کی اننگز شروع ہونے میں تاخیر
پاکستانی اوپنرز میدان میں آئے تھے لیکن انھیں واپس جانا پڑا جبکہ انڈین کھلاڑی میدان میں موجود ہیں۔
پچ پر دوبارہ کور ڈال دیے گئے ہیں۔
،تصویر کا ذریعہGetty Images
16 جون 2019بریکنگ, فخر اور امام کو محتاط آغاز کی ضرورت
پاکستان کی طرف سے فخر زمان اور امام الحق کے درمیان اب تک پانچ نصف سنچری جبکہ چار سنچری شراکتیں ہو چکی ہیں۔ لیکن حالیہ میچوں میں فخر کو جلدی آؤٹ کرنے کی یہ ترکیب سامنے آئی ہے کہ انھیں آف سٹمپ کے باہر گیند کرائی جائے۔ آسٹریلیا کے خلاف میچ میں بھی وہ ایسے ہی آؤٹ ہوئے تھے۔
جبکہ دوسری طرف امام الحق نے لیگ سٹمپ کے باہر کی گئی شارٹ پچ گیندوں پر آؤٹ ہونے کی عادت ڈال لی ہے۔ وہ اس ورلڈ کپ میں دو مرتبہ اس انداز میں آؤٹ ہو چکے ہیں۔
امام کو پچھلے میچ کے بعد اپنے سست کھیل پر شدید تنقید کا سامنا کرنا پڑا ہے لیکن ایک محتاط آغاز ہی پاکستان کے لیے ایک بڑے ہدف کی بنیاد رکھ سکتا ہے۔
،تصویر کا ذریعہGetty Images
16 جون 2019کوئٹہ کے ہوٹلوں میں میچ کے مداحوں کا رش
پاکستان کے دیگر شہروں کی طرح کوئٹہ میں بھی بڑی تعداد میں شائقین پاکستان اور انڈیا کا ورلڈ کپ میچ دیکھنے ہوٹلوں میں جمع ہیں۔
16 جون 2019بریکنگ, عامر بمقابلہ پاکستانی ٹیم
پاکستان کے گذشتہ دو میچوں میں محمد عامر نے 20 اوورز میں 77 رنز دے کر آٹھ وکٹیں حاصل کیں جبکہ پاکستان کے باقی بولرز نے 79 اوورز میں 554 رنز کے عوض سات وکٹیں حاصل کی ہیں۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
16 جون 2019روہت شرما کون ہیں
،تصویر کا ذریعہGetty Images
انڈین کرکٹ میں آج کا دور وراٹ کوہلی کا ہے لیکن کوئی مانے یا نہ مانے، انڈین بیٹنگ لائن میں ایک اور بڑا نام روہت شرما کا بھی ہے جو ایک ایسا کھلاڑی ہے جو کوہلی اور دھونی جیسے بڑے کھلاڑیوں کے دور میں اپنی منفرد جگہ بنانے میں کامیاب رہا ہے۔
16 جون 2019بریکنگ, عامر زیادہ وکٹیں لینے والوں میں ایک مرتبہ پھر سرفہرست
،تصویر کا ذریعہGetty Images
اپنا پہلا ورلڈ کپ کھیلنے والے محمد عامر نے انڈیا کے خلاف 10 اوورز میں 47 رنز کے عوض تین وکٹیں لے کر چار میچوں میں اپنی وکٹوں کی تعداد 13 کر لی ہے۔
وہ ایک مرتبہ پھر اس ٹورنامنٹ کے سب سے کامیاب بولروں کی فہرست میں سب سے اوپر آ گئے ہیں۔
آسٹریلیا کے مچل سٹارک نے بھی 13 وکٹیں لی ہیں لیکن انھوں نے یہ وکٹیں 5 میچوں میں حاصل کی ہیں۔
16 جون 2019بریکنگ, پاکستان کو جیت کے لیے 337 رنز کا ہدف درکار, انڈیا 50 اوور، 336/5
انڈیا نے مقررہ 50 اوورز میں پانچ وکٹوں کے نقصان پر 336 رنز بنائے ہیں اور پاکستان کو جیت کے لیے 337 رنز کا بڑا ہدف دیا ہے۔
انڈین اننگز کی خاص بات روہت شرما کے 140 رنز اور وراٹ کوہلی اور لوکیش راہول کی نصف سنچریاں تھیں۔
پاکستان کی جانب سے محمد عامر تین وکٹوں کے ساتھ سب سے کامیاب بولر رہے جبکہ بقیہ بولروں کی کارکردگی کچھ خاص نہیں تھی۔
آخری دس اوورز میں انڈیا نے 88 رنز بنائے اور اس کی تین وکٹیں گریں۔ یہ اولڈ ٹریفرڈ کے میدان پر سب سے بڑا سکور ہے۔
،تصویر کا ذریعہGetty Images
16 جون 2019لاہور: ’گرمی تو صرف انڈیا اور پاکستان کے میچ کی ہے‘
لاہور کے ریس کورس پارک میں شائقین کے لیے لگائی گئی سکرینوں پر گرمی کے باوجود لوگوں کا رش لگا رہا۔ ہمارے ساتھی عمر دراز نے وہاں موجود لوگوں سے بات چیت کی۔
،ویڈیو کیپشنپاکستان بمقابلہ انڈیا: ’گرمی تو صرف انڈیا اور پاکستان کے میچ کی ہے‘
16 جون 2019انڈیا 48 اوور، 315/5
محمد عامر کی کامیابی کے بعد انڈیا کے پاس دو نئے بلے باز اس وقت موجود ہیں جو کیدھار جادھو اور وجے شنکر ہیں۔
16 جون 2019بریکنگ, عامر کی بڑی کامیابی، کوہلی آؤٹ
محمد عامر نے اپنی تیسری وکٹ حاصل کر لی جب انھوں نے انڈین کپتان کوہلی کو 77 رنز پر آؤٹ کر دیا۔
،تصویر کا ذریعہGetty Images
16 جون 2019ایک تصویر میں رنز کے انبار
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
16 جون 2019بریکنگ, میچ کا دوبارہ آغاز، آخری 18 گیندیں باقی, انڈیا 47 اوورز، 311/4
بارش کی وجہ سے 50 منٹ کے وقفے کے بعد میچ کا دوبارہ آغاز ہو گیا ہے اور وہاب ریاض نے اپنے اوور کی آخری دو گیندیں کرائیں جن پر کوہلی اور شنکر نے چھ رن مزید حاصل کیے۔
16 جون 2019بریکنگ, ’میچ کا دوبارہ آغاز دس منٹ میں متوقع‘, انڈیا 46.4 اوورز میں 305/4
کرکٹ کے حوالے سے سب سے معتبر ویب سائٹ کرک انفو کے مطابق پچ پر موجود کور ہٹائے جا رہے ہیں اور امپائرز میدان کا جائزہ لے رہے ہیں اور وکٹیں بھی اپنی جگہ پر لگا دی گئی ہیں۔ اس صورتحال کا مطلب یہ ہے کہ اگلے دس اوورز میں میچ دوبارہ شروع ہو سکتا ہے اور انڈیا اپنی اننگز کے پورے 50 اوورز کھیلے گا۔
تاہم بارش کی وجہ سے ہونے والے وقفے کے باعث اننگز کے دوران وقفہ صرف 15 منٹ کا ہوگا۔
،تصویر کا ذریعہPA
16 جون 2019پچ پر کور موجود، میدان سے کور ہٹائے جا رہے ہیں
تازہ ترین اطلاعات کے مطابق میدان میں موجود کورز کو ہٹایا جا رہا ہے جبکہ پچ اور اس کے اطراف کے حصے ابھی بھی ڈھکے ہوئے ہیں۔یاد رہے کہ اگر بارش جاری رہتی ہے اور پاکستان کو 20 اوورز بیٹنگ کرنی ہو تو انھیں 184 رنز کا ہدف ملے گا لیکن اگر بارش رک جائے تو انھیں 46 اوورز میں 327 رنز بنانے ہوں گے۔
،تصویر کا ذریعہGetty Images