پاکستان نے لندن میں کھیلے گئے فائنل میچ میں انڈیا کو 180 رنز سے شکست دے کر پہلی مرتبہ آئی سی سی چیمپیئنز ٹرافی جیت لی ہے۔ دیکھیے بی بی سی اردو کی لائیو کوریج۔
بابر اعظم اگرچہ اس ٹورنامنٹ کے دوران کسی قابلِ ذکر کارکردگی کا مظاہرہ کرنے میں کامیاب نہیں ہوئے تاہم فائنل کے بڑے موقعے پر انھوں نے عمدہ بلےبازی کی اور 46 رنز بنا کر آؤٹ ہوئے۔ ان کی اننگز میں چار چوکے شامل تھے جب کہ ان سٹرائیک ریٹ 90 رہا۔ انھیں یوراج نے جادھو کی گیند پر کیچ آؤٹ کیا۔
،تصویر کا ذریعہGetty Images
پاکستان نے اننگز کے41ویں اوور میں محمد حفیظ کے دو چوکوں کی بدولت دس رنز بنائے اور ٹیم کا سکور تین وکٹوں کے نقصان پر 257 ہو گیا ہے
بھونیشور کمار نے اپنی ٹیم کو بریک تھرو دلوا دیا ہے۔ انھوں نے ایک شاٹ بال پر شعیب ملک کو کیدار جادھو کے ہاتھوں کیچ کروا دیا ہے۔
،تصویر کا ذریعہGetty Images
11 اوورز کا کھیل باقی بچا ہے اور کوہلی اپنے سٹرائیک بولر بھونیشور کمار کو واپس لائے ہیں۔ کمار نے اپنے پہلے سپیل میں پانچ اوورز میں صرف 11 رنز ہی دیے تھے۔
اننگز کے 39ویں اوور میں جدیجہ نے دو وائیڈ گیندیں تو کیں لیکن پاکستانی بلے باز کوئی بھی باؤنڈری لگانے میں کامیاب نہیں ہو سکے
بابر اعظم نے 38ویں اوور میں لگاتار دو چوکے لگا کر دباؤ کم کرنے میں شعیب ملک کا ساتھ دیا ہے۔ پانڈیا نے اپنے اس آخری اوور میں دس رنز دے کر اپنا کوٹہ 53 رنز دے کر بغیر کوئی وکٹ لیے مکمل کیا ہے۔
لاہور کے ایک یتیم خانے میں بچے پاکستان اور انڈیا کے مابین میچ سے لطف اندوز ہو رہے ہیں۔
شعیب ملک نے جدیجہ کو چھکا لگا کر دباؤ کم کرنے کی کوشش کی ہے اور پاکستان نے اننگز کے37ویں اوور میں 11 رنز بنائے ہیں
ایک ایسی وکٹ پر جہاں انڈیا کے پانچ میں سے تین بولرز نے اب تک سات رنز فی اوور کی اوسط سے رنز دیے ہیں ہاردک پانڈیا نے نپی تلی بولنگ کی ہے۔ انھوں نے فخر زمان کی کلیدی وکٹ بھی لی ہے اور نو اوورز میں ساڑھے چار رنز کی اوسط سے 41 رنز ہی دیے ہیں
،تصویر کا ذریعہGetty Images
،تصویر کا ذریعہGetty Images
روی چندر ایشون انڈیا کے ایسے سپنر ہیں جو عام طور پر درمیانی اووروں میں آ کر سکور کے آگے بند باندھ دیتے ہیں لیکن آج کے میچ میں وہ ناکام رہے اور ان کے دس اووروں میں 70 رنز بن گئے جب کہ وہ کوئی وکٹ حاصل کرنے میں بھی ناکام رہے۔
،تصویر کا ذریعہGetty Images
34 اوورز کا کھیل مکمل ہو چکا ہے اور دوسری وکٹ گرنے کے بعد پاکستان کے رنز بنانے کی رفتار میں کمی آئی ہے۔ اس وقت پاکستان کا اوسط رن ریٹ 5.94 ہے
لاہور میں پاکستانی کرکٹ ٹیم کی وردی میں ملبوس ایک بچہ
فخر زمان کی جگہ تجربہ کار بلے باز شعیب ملک کو کریز پر بھیجا گیا ہے تاہم اس ٹورنامنٹ کے دوران شعیب کوئی بڑی اننگز کھیلنے میں ناکام رہے ہیں۔ فائنل میچ ان جیسے کھلاڑی کے لیے پاکستانی ٹیم کو ایک بڑے سکور تک پہنچانے کے لیے بہترین موقع ہے۔
ہاردک پانڈیا نے انڈیا کو وہ وکٹ دلوا دی ہے جس کا اسے آغاز سے ہی انتظار تھا۔ فخر زمان 114 رنز بنانے کے بعد کیچ آؤٹ ہو گئے ہیں
