کورونا وائرس: دنیا میں اب تک کیا ہوا؟

دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔

لائیو کوریج

14 مار چ 2020کورونا وائرس: ہنگامی صورتحال میں پنجاب حکومت کتنی تیار ہے؟, عمردراز ننگیانہ، بی بی سی اردو، لاہور
،تصویر کا ذریعہGetty Images
پاکستان کے سب سے زیادہ آبادی والے صوبے پنجاب میں کورونا وائرس کے ممکنہ خطرے کے پیشِ نظر صوبائی حکومت صوبے میں ایمرجنسی کا نفاذ کر چکی ہے۔
اس وقت تک صوبہ بھر میں 85 افراد کے ٹیسٹ کیے جا چکے ہیں جن میں سے 81 افراد کو کلیئر قرار دے کر گھر بھیج دیا گیا ہے۔ تاہم پنجاب سے تعلق رکھنے والے سینکڑوں زائرین حال ہی ایران اور پاکستان کے تفتان بارڈر پر قائم قرنطینہ میں رکھے گئے افراد میں شامل ہیں۔
پنجاب حکومت کے ایک عہدیدار نے بی بی سی کو بتایا کہ 700 سے زائد زائرین 20 بسوں کے ذریعے بلوچستان سے پنجاب میں داخل ہوں گے۔
تاہم حکام کے مطابق ’پنجاب میں داخل ہونے پر ایک مرتبہ پھر ان کا معائنہ کیا جائے گا۔ مشتبہ افراد کو ہسپتال جبکہ دیگر افراد کو گھروں کے اندر 14 روز کے لیے زیرِ نگرانی رکھا جائے گا۔‘
اگر کسی کو مزید قرنطینہ میں رکھنے کی ضرورت پیش آئی تو ڈیرہ غازی خان میں واقع غازی یونیورسٹی میں 1740 افراد کی گنجائش کا قرنطینہ مرکز قائم کر دیا گیا ہے۔
محکمہ صحت پنجاب کے حکام نے ممکنہ خطرے کے پیشِ نظر دو قسم کے انتظامات کر رکھے ہیں۔
صوبہ بھر کے ہسپتالوں کو مشتبہ مریضوں کو علیحدگی میں رکھنے، محفوظ ترسیل کرنے اور علاج کے لیے تیار کیا گیا ہے۔ ساتھ ہی ایسے افراد کی نقل و حرکت اور طبی صورتحال کی نگرانی کے لیے بھی اقدامات کیے گئے ہیں۔
محکمہ پرائمری اینڈ سیکنڈری ہیلتھ پنجاب کے مطابق صوبہ کے تین شہروں میں مجموعی طور پر 495 بستروں پر مشتمل تین ہسپتالوں میں آئسولیشن یعنی مریضوں کو زیرِ نگرانی رکھنے کے لیے مخصوص کر دیا گیا ہے۔
ان میں راولپنڈی میں 50 بستروں، لاہور میں 75 اور جنوبی پنجاب میں مظفر گڑھ میں 370 بستروں پر مشتمل ہسپتال شامل ہیں۔ صوبہ پنجاب کے بلوچستان اور سندھ کے ساتھ لگنے والے علاقوں میں قرنطینہ اور نگرانی کے نتظامات زیادہ بڑے پیمانے پر کیے گئے ہیں۔
قرنطینہ کی سب سے بڑی سہولیات غازی یونیورسٹی ڈیرہ غازی خان میں قائم ہے جہاں 130 کمروں پر مشتمل 1740 افراد کی گنجائش رکھی گئی ہے۔
14 مار چ 2020فیفا کی تمام بین الاقوامی میچوں کو دو ماہ ملتوی کرنے کی تجویز
،تصویر کا ذریعہGetty Images
فٹبال کی عالمی تنظیم فیفا نے تجویز دی ہے کہ مارچ اور اپریل میں ہونے والے فٹ بال کے تمام میچوں کو کورونا وائرس کے پھیلاؤ کی وجہ سے ملتوی کردیا جائے۔
فٹ بال کی گورننگ باڈی نے ’کسی بھی غیرضروری صحت کے خطرات‘ اور ’کھیل کے ساتھ ناانصافی‘ سے بچنے کے لیے میچوں میں تاخیر کا مشورہ دیا۔
فٹبال کی عالمی تنظیم فیفا کا کہنا تھا کہ التوا سے متعلق حتمی فیصلہ انگلینڈ کے پریمیر لیگ اور یورپی ادارہ یوفا جیسے مسابقتی منتظمین کی مشاورت سے کیا جائے گا۔
اس سے قبل انگلینڈ میں تمام پریمیر لیگ کے میچ اور اگلے ہفتے کھیلے جانے والے چیمپئنز لیگ اور یوروپا لیگ میچوں سمیت یوفا کے مقابلوں کو ملتوی کردیا گیا تھا۔
14 مار چ 2020امریکہ’شاید‘ برطانیہ پر سفری پابندی عائد کر دے: ٹرمپ
،تصویر کا ذریعہGetty Images
امریکی صدر ڈونلڈ ٹرمپ کا کہنا ہے کہ وہ برطانیہ کو ان یورپی ممالک کی فہرست میں ’شاید شامل‘ کر لیں جن پر امریکہ کی سفری پابندیاں عائد ہیں۔
انھوں نے کہا کہ ان کی حکومت گذشتہ 24 گھنٹوں کے دوران برطانیہ میں کورونا وائرس کے بڑھتے ہوئے واقعات پر غور کر رہی ہے ، جسے انھوں نے ’خطرناک‘ قرار دیا ہے۔
برطانیہ میں کورونا وائرس سے متاثرہ افراد کی کل تعداد اب تک 798 ہے اور ان میں 200 سے زائد نئے کیسز کا اضافہ ہوا ہے۔
وائٹ ہاوس میں میڈیا سے بات کرتے ہوئے ان کا یہ بھی کہنا تھا کہ برازیل کے صدر بولسانارو کے سیاسی معاون جو کورونا وائرس سے متاثر ہوئے ہیں سے ملنے کے بعد سے ان میں کورونا وائرس کی کوئی علامت ظاہر نہیں ہوئی ہیں۔
البتہ وہ جلد ہی ممکنہ طور پر اپنا کورونا ٹیسٹ کروائیں گے لیکن اس کی وجہ برازیلی صدر کے سیاسی معاون سے ملاقات نہیں ہے۔
ڈونلڈ ٹرمپ نے گذشتہ ہفتے فلوریڈا میں اپنی رہائش گاہ پر عشائیہ پر براذیل کے صدر بولسنارو کے سیاسی معاون سے ملاقات کی تھی۔
14 مار چ 2020کورونا وائرس: امریکی صدر ٹرمپ کا ملک میں ایمرجنسی نافذ کرنے کا اعلان
،تصویر کا ذریعہGetty Images
امریکی صدر ڈونلڈ ٹرمپ نے امریکہ میں کورونا وائرس کے حوالے سے ملک بھر میں ایمرجنسی نافذ کرنے کا اعلان کیا ہے۔
وائٹ ہاوس میں صحافیوں سے بات کرتے ہوئے انھوں نے ملک میں کورونا وائرس کی تشخیص اور جانچ کے لیے نئے اقدامات کا اعلان بھی کیا۔
ملک میں کورونا وائرس کے حوالے سے ہنگامی حالت کے نفاذ کا اعلان کرتے ہوئے ان کا کہنا تھا کہ صحت کے شعبے میں 50 بلین ڈالرز کی امداد دی جا رہی ہے اور ’ ہر ہسپتال‘ اپنے ہنگامی حالات سے نمٹنے کی حکمت عملی کو وضع اور متحرک کرے گا۔
اس ایمرجنسی کے تحت ملک میں ڈاکٹروں کے لائسنسنگ کے قوانین میں نرمی کی جائے گی تاکہ معالجین کو ریاستوں میں کام کرنے کے قابل بنایا جا سکے اور اس سے متعلق قوانین میں بھی نرمی کی جائے گی کہ اسپتال اپنے مریضوں کا علاج کس طرح اور کہاں کرسکتے ہیں۔
ٹیلی ہیلتھ کیئر سے متعلق قواعد میں بھی نرمی کی جائے گی۔ ملک میں اگلے ہفتے سے پانچ لاکھ تک کورونا وائرس کی ٹیسٹنگ کٹس دستیاب ہوں گی اور ٹیسٹ کروانے کے مراکز کا اعلان اتوار کو کیا جائے گا۔
صدر ٹرمپ نے امریکی عوام سے وعدہ کیا کہ ایک ماہ کے اندر امریکہ میں 50 لاکھ کورونا وائرس کی ٹیسٹنگ کٹس دستیاب ہوں گیں اور ساتھ ہی ٹیسٹنگ مراکز میں ڈرائور تھرو کی سہولیات بھی دستیاب ہوں گیں۔
صدر ٹرمپ کا کہنا ہے کہ حکومت گوگل کے ساتھ مل کر ایک ایسی ویب سائٹ تیار کر رہی ہے جس سے شہریوں کو یہ جاننے میں مدد مل سکے کہ وائرس کے لیے کس طرح اور کہاں ٹیسٹ ہونا ہے۔ ملک کے تمام نرسنگ ہومز میں لوگوں کا داخلہ بند ہو گا، ماسوائے ایسے افراد کے ملنے والوں کے لیے جو قریب المرگ ہیں۔
صدر نے یہ بھی کہا کہ طلبا کے قرضوں پر سود معاف کیا جائے گا۔
انھوں نے کہا کہ حکومت تیل کی کم قیمت سے فائدہ اٹھاتے ہوئے بڑی مقدار میں اس کی خریداری کرے گی اور اسے ملک میں ذخیرہ کرے گی۔ انھوں نے وعدہ کیا کے ’ہم ملک کے تیل کے ذخائر کو بھرنے والے ہیں۔‘ ان کا کہنا تھا کہ ’یہ مشکل وقت گزر جائے گا اور ہم اس سے مضبوط بن کر نکلے گے۔‘
14 مار چ 2020پنجاب: کورونا وائرس کے ممکنہ خطرے کے پیشِ نظر حکومتی اقدامات
پاکستان کے صوبہ پنجاب میں کورونا وائرس کے ممکنہ خطرے کے پیش نظر صوبائی حکومت کی جانب سے متعدد اقدامات اٹھائے گئے ہیں۔
1۔ پنجاب حکومت کی جانب سے جاری اعلامیہ کے مطابق صوبے بھر میں سرکاری و نجی سکولوں، کالجوں، یونیورسٹیوں سمیت تمام تعلیمی اداروں، ٹیکنیکل اور ووکشینل ٹریننگ سنٹرز کو تین ہفتوں کے لیے بند کر دیا گیا ہے۔
،تصویر کا ذریعہGovernment of Punjab
2۔ اس دوران تمام سرکاری و نجی تعلیمی اداروں کے تحت ہونے والے امتحانات یا جاری امتحانات کو بھی فوری طور پر معطل کرنے کی ہدایت دی گئی ہے۔ تمام ٹیوشن سنٹرز کو بھی بند کرنے کے احکامات جاری کیے گئے ہیں۔
3۔ صوبے کے تمام دینی مدارس کو بھی تین ہفتوں کے لیے فوری طور پر بند کرنے کا کہا گیا ہے، البتہ ان مدارس میں پڑھنے والے غیر ملکی طلبا کو ہوسٹل میں رہنے کی اجازت ہو گی۔
4۔ صوبے کی تمام شادی ہالز کو بھی تین ہفتوں کے لیے بند کرنے کے احکامات جاری کیے گئے ہیں۔
5۔ پنجاب بھر میں تمام مذہبی اور سماجی اجتماعات پر تین ہفتوں کے لیے پابندی عائد کر دی گئی ہے۔
6۔ صوبے بھر میں جشن بہاراں کے سلسلے میں جاری میلوں اور دیگر تقریبات کو بھی تین ہفتوں تک منسوخ کر دیا گیا ہے۔
7۔ تمام نجی و سرکاری کھیلوں کے مقابلوں کو بھی اگلے تین ہفتوں تک منسوخ کر دیا گیا ہے۔
8۔ صوبے بھر کی جیلوں میں قید قیدیوں سے ملاقات پر بھی تین ہفتوں کی پابندی عائد کر دی گئی ہے۔
،تصویر کا ذریعہGovernment of Punjab
9۔ پنجاب میں کسی بھی نوعیت کے عوامی اجتماعات پر بھی تین ہفتوں کی پابندی لگائی گئی ہے۔
10۔ صوبائی محکمہ اطلاعات کو بنیادی محکمہ صحت کے تعاون سے میڈیا پر کورونا وائرس سے بچاؤ اور احتیاط کے حوالے جامع آگاہی مہم چلانے کی ہدایت دی گئی ہے۔
11۔ پنجاب میں پاکستان سپر لیگ کے کھیلے جانے والے میچ تماشائیوں کے بغیر کروائے جائیں گے۔
12۔ پنجاب حکومت کی جانب سے تمام متعلقہ محکموں اور اداروں کو اس حوالے سے اس احکامات پر مکمل عملدرآمد کروانے کی ہدایات جاری کی گئی ہیں۔
14 مار چ 2020خیبرپختونخوا حکومت کی عوام کو سماجی سرگرمیاں محدود کرنے کی اپیل, عزیز اللہ خان، بی بی سی اردو ڈاٹ کام، پشاور
،تصویر کا ذریعہGetty Images
پاکستان کے صوبہ خیبر پختونخوا کی حکومت نے کورونا وائرس کو پھیلنے سے روکنے کے لیے عوام سے یہ اپیل کی ہے کہ سماجی رابطے محدود کیے جائیں، لوگوں کے ساتھ میل ملاپ کے وقت گلے ملنے اور ہاتھ ملانے میں احتیاط کی جائے۔
اس کے علاوہ ٹاسک فورس نے سرکاری اجتماعات ملتوی کرنے کا حکم دیا ہے جبکہ نجی سطح پرعوامی تقاریب جیسے شادی بیاہ اور دیگر عوامی سرگرمیاں ملتوی کرنے کی اپیل کی ہے۔
واضح رہے خیبر پختونخوا حکومت کے مطابق صوبے میں اب تک 29 مشتبہ افراد کے کرونا وائرس کے ٹیسٹ کیے گئے ہیں جن میں سے 27 افراد کے ٹیسٹ منفی آئے ہیں جبکہ دو افراد کے ٹیسٹ نتائج کا انتظار ہے۔
صوبائی وزیر صحت تیمور ظفر جھگڑا نے پریس کانفرنس کرتے ہوئے عوام سے سماجی سرگرمیاں محدود کرنے کے ساتھ ساتھ دیگر احتیاطی تدابیر جیسا کہ ذاتی صفائی، اچھی طرح ہاتھ دھونے کو بھی اپنانے کا کہا ہے۔
14 مار چ 2020بلوچستان: دس سے زیادہ افراد کے اجتماع پر پابندی
بلوچستان: نو سے زیادہ افراد کے اجتماع پر پابندی کرونا وائرس کے خطرے کے پیش نظر بلوچستان میں ایک ماہ کے لیے دس یا دس سے زائد افراد کے اجتماع پر پابندی عائد کی گئی ہے ۔ یہ پابندی محکمہ داخلہ حکومت بلوچستان کی جانب سے دفعہ 144 کے تحت عائد کی گئی ہے۔
اس سلسلے میں جاری ہونے والے ایک نوٹیفیکیشن کے مطابق دفعہ 144کے تحت دس یا دس سے زیادہ افراد کے اجتماع، دھرنے، جلسے جلوس کے علاوہ عوامی مقامات، ہوٹلوں ، ولیمہ ، پارٹیوں اور اسپورٹس وغیرہ کے پروگراموں میں اکٹھا ہونے پر پابندی ہوگی۔
،تصویر کا ذریعہGetty Images
13 مار چ 2020ایران کا گلی کوچوں کو خالی کروانے کا فیصلہ
ایران نے سکیورٹی فورسز کو حکم دیا ہے کہ وہ اگلے چوبیس گھنٹوں میں تمام گلی کوچوں کو خالی کروائے تاکہ وہاں سے کورونا وائرس کا صفایا کیا جا سکے۔
ایران کا شمار ان میں ممالک میں ہوتا ہے جہاں کورونا وائرس تیزی سے پھیل رہے ہے اور پانچ سو سے زیادہ لوگ اس کی بھینٹ چڑھ چکے ہیں۔
ایران میں کورونا وائرس کے مریضوں کی تعداد چین اور اٹلی کے بعد سب سے زیادہ ہے۔ ایران میں کورونا وائرس کے گیارہ ہزار سے زیادہ مریض ہیں۔
ایران کے روحانی پیشوا آیت اللہ خامنہ ای نے گذشتہ ماہ کہا تھا کہ کورونا وائرس ایران کو زیادہ عرصہ متاثر نہیں کر سکے گا اور یہ جلد ہی ختم ہو جائے گا۔
،تصویر کا ذریعہGETTYIMAGES
13 مار چ 2020یورپ کورونا وائرس کا نیا مرکز
براعظم یورپ کورونا وائرس کا نیا مرکز بن گیا ہے جہاں کورونا وائرس سے متاثرہ افراد کی تعداد 35 ہزار سے تجاوز کر چکی ہیں۔
چین کے بعد اٹلی کورونا وائرس سے سب سے زیادہ متاثر ہو رہا ہے۔ اٹلی میں کورونا وائرس سے متاثرہ افراد کی تعداد 17 ہزار سے زیادہ ہو چکی ہے اور وائرس سے 1244 افراد ہلاک ہو چکے ہیں۔
اٹلی میں گذشتہ چوبیس گھنٹوں میں کورونا وائرس سے 250 افراد ہلاک ہو گئے ہیں۔ اٹلی کے بعد سپین میں کورونا وائرس تیزی سے پھیل رہا ہے ۔ سپین میں کورونا وائرس سے مرنے والوں کی کل تعداد 122 ہو چکی ہے۔
گذشتہ چوبیس گھنٹوں میں سپین میں 35 افراد وائرس کے ہاتھوں زندگی کی بازی ہار گئے۔ چین جہاں سے کورونا وائرس کا آغاز ہو ا تھا، وہاں اس کا پھیلاؤ تھم گیا ہے۔
چین میں گذشتہ چوبیس گھنٹوں کورونا وائرس سے اٹھ لوگ ہلاک ہوئے جبکہ 22 نئے مریض سامنے آئے ہیں۔ چین اور اٹلی کے بعد ایران کورونا وائرس سے بری طرح متاثر ہوا ہے۔
ایران میں کورونا وائرس کے گیارہ ہزار سے زیادہ مریض ہیں اور گذشتہ چوبیس گھنٹوں میں 85 افراد ہلاک ہو گئے ہیں۔
،تصویر کا ذریعہGetty Images
13 مار چ 2020بریکنگ, پاکستان میں کورونا کے 28 کیسز کی تصدیق
پاکستان میں پہلی بات صحت کی ایمرجنسی کے پیش نظر سلامتی کونسل کا اجلاس ہوا۔
اجلاس کے بعد نیوز کانفرنس سے خطاب میں ڈاکٹر ظفر مرزا نے کہا کہ پاکستان میں لوگوں کی صحت وزیر اعظم کی اولین ترجیح ہے۔ پاکستان خطے کا آخری ملک ہے جہاں کورونا رپورٹ ہوا۔
انھوں نے کہا کہ ’اس وقت ملک میں کورونا کے مصدقہ 28 کیسز ہیں۔‘
یاد رہے کہ اس سے پہلے ملک بھر میں کورونا کے 20 کیسز کی تصدیق کی گئی تھی۔
قومی سلامتی کی کمیٹی کے اجلاس میں فیصلہ کیا گیا کہ ایک خصوصی اعلی سطحی معاونتی کمیٹی بنائی جائے گی۔ وزیر صحت کی زیرِ صدارت سنیچر کو اس کمیٹی کا پہلا اجلاس ہوگا۔
ڈاکٹر ظفر مرزا کا کہنا تھا کہ پاکستان میں اس کے پھیلاؤ کو روکنے کے لیے پاکستان کی سرحدوں پر 18 پوائنٹس جن میں ہوئی اڈے، بندرگاہیں اور زمینی سرحد شامل ہیں پر اقدامات کیے ہیں۔
مغربی سرحد پر ایران اور افغانستان کی سرحد دو ہفتوں کے لیے فوری طور پر بند کر دی گئی ہے۔ تفتان سرحد مکمل طور پر بند ہوگی جبکہ چمن کی سرحد بند کی جا چکی ہے۔
13 مار چ 2020بریکنگ, میامی کے میئر کا کورونا ٹیسٹ مثبت
برازیل کے سرکاری اہلکار سے ملاقات کرنے والے میامی کے میئر کے کورونا ٹیسٹ مثبت آئے ہیں۔ وہ چار روز قبل برازیل کے اہلکار سے ملے تھے جنہیں کورونا وائرس لاحق ہو گیا ہے۔
میئر فرانسس سواریز نے کہا کہ ان سے رابطے میں آنے والے تمام افراد حفاظتی اقدامات کر لیں۔
ان کا کہنا تھا ’اگر آپ نے مجھے سے ہاتھ نہیں ملایا یا میں نے آپ پر چھینکا یا کھانسا نہیں ہے تو آپ کو پریشان ہونے کی ضرورت نہیں ہے۔ ‘
’اگر ہم نے ہاتھ ملایا ہے اور پیر کے روز سے میں نے آپ کے قریب کھانسا یا چھینکا ہے تو میں تجویز کروں کا کہ آپ 14 دن کے لیے خود کو قرنطینہ کر لیں۔ لیکن آپ کو ابھی ٹیسٹ کروانے کی ضرورت نہیں۔‘
میامی کے میئر امریکی صدر ڈونلڈ ٹرمپ سمیت ان متعدد امریکی سیاستدانوں میں سے ایک ہیں جنہوں نے برازیل کے صدر اور ان کے عملے سے ملاقات کی۔
برازیل کے صدر کا ٹیسٹ نیگیٹو آیا ہے تاہم امریکی صدر تاحال ٹیسٹ کروانے سے گریز کر رہے ہیں۔
13 مار چ 2020بریکنگ, یورپ کورونا وائرس کا نیا مرکز
عالمی ادارہ صحت نے کہا ہے کہ اس وقت یورپ کورونا وائرس کا نیا مرکز بن گیا ہے۔
ڈبلیو ایچ او کے سربراہ نے کہا ہے کہ اس وقت کووڈ 10 یورپ میں وبائی شکل اختیار کر چکا ہے۔
13 مار چ 2020یورپ سے ہانگ کانگ آنے والے تمام افراد کے لیے قرنطینہ لازم
،تصویر کا ذریعہGetty Images
ہانگ کانگ کی حکومت کا کہنا ہے کہ یورپ سے ہانگ کانگ آنے والے تمام افراد کو 14 دن کے لیے قرنطینہ جانا ہوگا۔
نئے اقدامات کا اطلاق 17 مارچ سے ہوگا۔
ہانک کانگ نے یورپی ممالک جانے والے اپنے باشندوں کے لیے ریڈ الرٹ جاری کیا ہے اور ان سے کہا ہے کہ وہ عوام میں جانے سے پرہیز کریں اور غیر ضروری سفر نہ کریں اور اپنے طے شدہ سفری منصوبہ تبدیل کر لیں۔
برطانیہ سمیت یورپ میں مجموعی طور پر کورونا وائرس سے متاثرہ 29398 کیسز سامنے آئے ہیں جن میں سے نصف اٹلی میں ہیں۔
13 مار چ 2020بریکنگ, یوم پاکستان کے موقع منعقد ہونے والی فوجی پریڈ منسوخ
،تصویر کا ذریعہGetty Images
پاکستان میں ہر سال تئیس مارچ کو یوم پاکستان کے موقع پر منعقد کی جانے والی فوجی پریڈ منسوخ کر دی گئی ہے۔ فوجی پریڈ کی منسوخی کا فیصلہ وزیر اعظم ہاؤس میں ہونے والے قومی سلامتی کونسل کے اجلاس میں کیا گیا ہے۔
اجلاس ملک میں کورونا وائرس کے پھیلاؤ کی روک تھام کے حوالے سے اقدامات کا جائزہ لینے کے لیے طلب کیا گیا تھا۔ اس کا اجلاس وزیر اعظم طلب کرتے ہیں جبکہ کمیٹی میں وزیر اعظم کی سربراہی میں دفاع، خارجہ، داخلہ اور وزارت خزانہ کے وفاقی وزرا سمیت تینوں مسلح افواج کے سربراہان شرکت کرتے ہیں۔
انٹرسروسز پبلک ریلشز کے چیف میجر جنرل بابر افتخار نے یوم پاکستان کے موقع پر پریڈ کی منسوخی کی تصدیق کی ہے۔
س فوجی پریڈ میں دو ہزار سے زائد فوجی اہلکار شرکت کر رہے تھے جبکہ سیکیورٹی کے لیے چھ ہزار سے زائد اہلکار تعینات کیے گئے تھے۔ پریڈ کے مقام یعنی پریڈ گراؤنڈ شکرپڑیاں میں کرونا وائرس کے خطرے کی بدولت سخت انتظامات کیے گئے تھے۔
پریڈ میں شریک اور حفاظت پر تعینات فوجی جوانوں اور افسران کو گھر جانے یا اہلخانہ سے ملنے کی اجازت نہیں تھی اور پورا پریڈ وینیو مکمل طور پر بند کیا گیا تھا۔
13 مار چ 2020بریکنگ, پاکستان کی زمینی سرحدیں بند، بین الاقومی پروازیں پروازیں محدود
پاکستان کے وزیر خارجہ کے مطابق پاکستان نے اپنی زمینی سرحدیں 15 دن کے لیے بند کرنے اور بین الاقوامی پروازیں محدود کرنے کا فیصلہ کیا ہے۔
شاہ محمود قریشی کے پاکستانی نیوز چینلز کو بتایا کہ ’زمینی سرحدیں 15 دن کے لیے بند ہو گی۔ جبکہ بین الاقوامی پروازیں صرف کراچی، لاہور اور اسلام آباد کے ہوائی اڈوں پر اتریں گی۔‘
چین جہاں سے وائرس کا آغاز ہوا اور سب سے زیادہ متاثر ہونے والے ملکوں میں سے ایک ایران دونوں کی زمینی سرحدیں پاکستان کے ساتھ ملحق ہیں۔ پاکستان میں اب تک کورونا کے 21 کیسز رپورٹ ہوئے ہیں اور تاحال کوئی ہلاکت نہیں ہوئی۔
13 مار چ 2020برطانیہ میں 24 گھنٹوں میں کورونا وائرس کے مریضوں میں 35 فیصد اضافہ
برطانیہ میں پچھلے چوبیس گھنٹوں میں کورونا وائرس کے مریضوں کی تعداد 590 سے بڑھ کر 798 ہو چکی ہے۔ برطانیہ میں کورونا وائرس سے دس افراد کی ہلاکت ہو چکی ہے۔ وزات صحت کے مطابق برطانیہ میں 32771 لوگوں کا ٹیسٹ کیا گیا ہے جن میں 789 میں وائرس کی تصدیق ہو چکی ہے۔
برطانیہ میں پریمیئیر لیگ فٹ بال میچوں کو 3 اپریل تک ملتوی کر دیا گیا ہے۔
،تصویر کا ذریعہge
13 مار چ 2020پاکستان میں تمام تعلیمی اداروں کو پانچ اپریل تک بند کرنے کا اعلان
پاکستان نے کورونا وائرس کے پھیلاؤ کو روکنے کے لیے تمام تعلیمی اداروں کو پانچ اپریل تک بند کرنے کا اعلان کیا ہے۔ پاکستان کے وزیر تعلیم شفقت محمود نے ایک بیان میں کہا ہے کہ تمام تعلیمی اداروں کو پانچ اپریل تک بند کرنے کا فیصلہ کیا گیا ہے۔ تعلیمی اداروں میں سکول، مدرسے اور یونیورسٹیاں بند رہیں گی۔ یہ فیصلہ وزیر اعظم عمران خان کی صدارت میں ہونے والے نیشنل سکیورٹی کمیٹی کے اجلاس میں کیا گیا ہے۔
،تصویر کا ذریعہGetty Images
13 مار چ 2020بریکنگ, پاکستان بھر میں تعلیمی ادارے 5 اپریل تک بند رکھنے کا فیصلہ
،تصویر کا ذریعہGetty Images
پاکستان کے وزیر اعظم عمران خان کی صدارت میں قومی سلامتی کمیٹی کے اجلاس میں فیصلہ کیا گیا ہے کہ پاکستان بھر میں تعلیمی ادارے پانچ اپریل تک بند رہیں گے۔
وفاقی وزیر تعلیم شفقت محمود نے ایک ٹویٹ کے ذریعے بتایا کہ پانچ اپریل تک ملک بھر میں تمام سکولز، یونیورسٹیز، سرکاری اور نجی تربیتی ادارے اور مدرسے سبھی بند رہیں گے۔
13 مار چ 2020بریکنگ, بلوچستان ایڈوائزری: سرکاری دفاتر اور جیلوں میں ملاقاتیوں پر پابندی
،تصویر کا ذریعہGetty Images
وزیراعلیٰ بلوچستان جام کمال خان کی ہدایت پر حکومت بلوچستان نے کورونا وائرس کی احتیاطی تدابیر کی ایڈوائزری جاری کردی ہے۔
محکمہ ایس اینڈ جی اے ڈی کی جانب سے جاری ہونے والے ایک اعلامیہ میں بلوچستان سول سیکریٹریٹ میں ملازمین کے علاوہ دیگر افراد اور ملاقاتیوں کے داخلے پر پابندی عائد کردی گئی ہے۔
صوبے بھر کی جیلوں میں بھی غیرمتعلقہ افراد اور ملاقاتیوں کے داخلے پر پابندی عائد رہے گی۔ ہسپتالوں اور صحت کے دیگر مراکز میں آؤٹ ڈور اور ان ڈور مریضوں کے ساتھ صرف ایک تیماردار کے داخلے کی اجازت ہوگی۔
سرکاری اعلامیے میں تمام محکموں اور اداروں کی انتظامیہ، کمشنروں اور ڈپٹی کمشنروں کو ایڈوائزری پر عملدرآمد یقینی بنانے کی ہدایت کی گئی ہے۔
13 مار چ 2020فرانس میں 100 افراد کے اجتماع پر پابندی
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
فرانس کے وزیر اعظم ایدوارد فلیپ نے ٹیلی وژن پر خطاب کرتے ہوئے اعلان کیا ہے کہ ایسے تمام عوامی اجتماعات پر پابندی ہوگی جس میں 100 سے زیادہ افراد ہوں گے۔ اس اقدام کا مقصد کورونا وائرس کے پھیلاؤ سے بچپنا ہے۔