کورونا وائرس: دنیا میں اب تک کیا ہوا؟

دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔

لائیو کوریج

16 مار چ 2020اسلام آباد کی ضلعی عدالتوں اور ہائیکورٹ میں کام محدود
پاکستان میں کورونا وائرس کے پھیلاؤ کو روکنے کے اقدامات کے تحت دارالحکومت اسلام آباد کی ضلعی عدالتوں اور ہائی کورٹ میں کام محدود کر دیا گیا ہے اور اب چھ اپریل تک ان عدالتوں میں صرف ضمانت اور حکمِ امتناع کے معاملات کی سماعت ہی ہو گی۔
اسلام آباد ڈسٹرکٹ بار ایسوسی ایشن کے صدر ظفر کھوکھر نے بی بی سی کے شہزاد ملک کو بتایا کہ یہ فیصلہ پیر کو اسلام آباد ہائی کورٹ کے چیف جسٹس اطہر من اللہ کی سربراہی میں اجلاس میں کیا گیا۔ اُنھوں نے بتایا کہ اجلاس میں ہونے والے فیصلے پر عملدرآمد شروع کر دیا گیا ہے۔
اسلام آباد کی ضلعی عدالتوں میں ججوں کی تعداد 72 ہے جن میں دو ڈسٹرکٹ اینڈ سیشن ججوں کے علاوہ 20 ایڈیشنل سیشن ججز اور 50 سول جج شامل ہیں۔ سیشن جج کے پاس مقدمات کی کاز لسٹ کے مطابق 50 مقدمات روزانہ کی بنیاد پر سنے جاتے ہیں جبکہ ایک سول جج اوسطاٌ ایک سو کے قریب مقدمات کی سماعت روزانہ کی بنیاد پر سنتا ہے۔
وفاقی دارالحکومت کی پولیس کے حکام کا کہنا ہے کہ اس اقدام سے اڈیالہ جیل سے قیدیوں کی عدالتوں میں آمد کا عمل بھی رک جائے گا۔ حکام کے مطابق روزانہ کی بنیاد پر دو سو کے قریب ملزموں کو مقامی عدالتوں میں پیش کرنے کے لیے اڈیالہ جیل سے ضلعی عدالتوں میں لایا جاتا ہے۔
دوسری طرف اسلام آباد کی ضلعی انتظامیہ وفاقی دارالحکومت میں موجود درگاہوں کو بھی بند کرنے پر غور کر رہی ہےاور ضلعی حکام کا کہنا ہے کہ چیف کمشنر کی سربراہی میں اجلاس ہو رہا ہے جس میں اس بارے میں فیصلہ کیا جائے گا۔
16 مار چ 2020چین میں کورونا کے مریضوں کی تعداد باقی دنیا سے کم
،تصویر کا ذریعہAFP
دنیا بھر میں کورونا وائرس سے متاثر ہونے والے افراد کی تعداد اب چین میں اس وائرس کے متاثرین سے تجاوز کر گئی ہے۔
جانز ہاپکنز یونیورسٹی کے عالمی کورونا وائرس ٹریکر کے مطابق چین کے علاوہ دنیا بھر میں اب تک 87,000 سے زیادہ افراد میں کورونا وائرس کی تصدیق ہو چکی ہے۔
چینی حکام کے مطابق ملک میں اس وقت تک 80,860 افراد کو کورونا وائرس نے متاثر کیا ہے۔
جانز ہاپکنز کے اعداد وشمار کے مطابق چین میں کورونا وائرس سے ہلاک ہونے والوں کی تعداد 3,241 ہے جبکہ دنیا بھر اس سے اب تک 3,208 ہلاکتیں ہو چکی ہیں۔
16 مار چ 2020دلی: کورونا کے باعث شاہین باغ میں جاری احتجاج بھی متاثر
،تصویر کا ذریعہGetty Images
دلی کے وزیر اعلی اروند کیجریوال نے وبائی امراض کے قانون کے تحت ریاست بھر میں سیاسی اور مذہبی سمیت ہر قسم کے عوامی اجتماعات پر پابندی عائد کر دی ہے۔
حکام کے اس فیصلے سے دلی میں شاھین باغ کے مقام پر جاری شہریت کے ایک سو تئیس سال پرانے قانون کے خاتمے اور شہریت کے نئے ترمیمی قانون کے خلاف مظاہرے جاری ہیں۔
انڈیا میں اب تک کورونا وائرس کے 110 مریض سامنے آچکے ہیں جن میں سے دو افراد ہلاک ہوگئے ہیں۔
16 مار چ 2020ایرانی آیت اللہ کورونا وائرس سے ہلاک
،تصویر کا ذریعہFARARU
ایرانی کے 78 سالہ آیت اللہ ہاشم بطحائی گلپائیگانی کی وفات ہوگئی ہے۔ خبر رساں ادارے ای ایف پی کے مطابق ان کی موت سے دو دن قبل ان میں کورونا وائرس کی تشخیص ہوئی تھی۔
آیت اللہ ہاشم بطحائی ایران کی مجلس خبرگان رہبری کے رکن تھے جو کہ ایران کے رہبرِ اعلی کا انتخاب کرتی ہے۔
16 مار چ 2020عالمی منڈی میں مندی کا رجحان
،تصویر کا ذریعہReuters
مرکزی بینکوں کی کارروائی کے باوجود دنیا بھر میں بازارِ حصص میں مندی کا رجحان دیکھنے میں آ رہا ہے۔
لندن کی فٹسی 100 انڈیکس کاروباری دن کے آغاز کے بعد 7 فیصد گری ہے۔ اس سے قبل ایشیا کے مارکیٹس میں بھی مندی کا رجحان دیکھا گیا۔
16 مار چ 2020دنیا میں کورونا کے مریض کہاں کہاں ہیں؟
بی بی سی اردو کے انٹرایکٹو نقشے کی مدد سے جانیے کہ دنیا بھر میں کورونا کے متاثرین کی تعداد کیا ہے اور کون سے ملک اس سے سب سے زیادہ متاثر ہوئے ہیں۔
16 مار چ 2020لاہور کا شاہی قلعہ سیاحوں کے لیے بند
پنجاب حکومت کے احکامات کو مد نظر رکھتے ہوئے کرونا وائرس کے خطرے کے پیش نظر لاہور کا شاہی قلعہ سیاحوں کے لیے بند کر دیا گیا ہے
16 مار چ 2020پنجاب آنے والے 780 زائرین قرنطینہ منتقل
تفتان میں قرنطینہ میں مقررہ مدت گزارنے کے بعد پنجاب کے ضلع ڈیرہ غازی خان میں داخل ہونے والے 780 زائرین کو درازندہ کے مقام پر دوبارہ قرنطینہ میں داخل کر دیا گیا ہے جہاں ان کے کورونا ٹیسٹ کیے جا رہے ہیں۔
16 مار چ 2020سوئٹزرلینڈ: کورونا وائرس سے 2200 افراد متاثر، ہلاکتوں کی تعداد 14 ہوگئی
،تصویر کا ذریعہAFP
سوئٹزر لینڈ کی حکومت نے پیر کو ملک میں مزید 841 افراد میں کورونا وائرس کی تصدیق ہوئی ہے جس کے بعد سوئٹزرلینڈ میں کورونا سے متاثرہ افراد کی تعداد 2200 ہوگئی ہے، جبکہ اب تک ملک میں 14 افراد اس بیماری کے باعث ہلاک ہوچکے ہیں۔
سوئٹزر لینڈ میں کورونا کے پھیلاؤ کو روکنے کے اقدامات کے تحت تمام سکولوں کو بند کر دیا گیا ہے۔ مقامی میڈیا کے مطابق ملک کی افواج ہسپتالوں میں ضرورت کے تحت تعینات کی جا سکتی ہے۔
16 مار چ 2020’چھپ کر تقریبات کرنے والے خود کو نقصان پہنچائیں گے‘
لاہور پولیس کے سی سی پی او ذوالفقار حمید کا کہنا ہے کہ حکومت نے عوامی اجتماعات پر جو پابندی عائد کی ہے اس میں رعایت کی کوئی گنجائش نہیں ہے۔
نامہ نگار عمر دراز کے مطابق پیر کو میرج ہالز، سینما ہالز اور تھیٹر کے مالکان سے ملاقات میں ان کا کہنا تھا کہ عوامی صحت کے تحفظ کے لیے اجتماعات سے گریز ضروری ہے اور اس وقت کاروبار کو نہیں ملکی مفاد کو دیکھنا چاہیے اور پابندیوں کو رضاکارانہ طور پر اپنانا چاہیے۔
اس موقع پر ڈی آئی جی آپریشنز رائے بابر کا کہنا تھا کہ فارم ہاؤسز میں بھی تقریبات کا انعقاد ممنوع ہے اور چھپ کر تقریبات کرنے والے خود کو نقصان پہنچائیں گے۔
ادھر پاکستان کے صوبہ پنجاب میں کورونا وائرس کے انتظامات کے لیے ضلعی سطح پر ریپڈ رسپانس ٹیمیں تشکیل دی گئی ہیں جو کہ مشتبہ مریضوں کو ہسپتال لانے، ان کی نگرانی میں معاونت فراہم کریں گی۔
سیکریٹری پرائمری اینڈ سکینڈری ہیلتھ کیئر کیپٹن (ر) محمد عثمان کے مطابق یہ ٹیمیں تمام انتطامی محکموں سے رابطہ کر کے انتظامات میں معاونت فراہم کریں گی۔
16 مار چ 2020پشاور میں ایک مشتبہ مریض کی موت
پاکستان کے صوبہ خیبر پختونخوا کے دارالحکومت پشاور میں ایک ایسے مریض کی موت ہوئی ہے جس پر کورونا کا مریض ہونے کا شبہ تھا۔
تاہم صوبائی وزیرِ صحت تیمور جھگڑا کے مطابق مذکورہ مریض کے کورونا ٹیسٹ کے نتائج تاحال موصول نہیں ہوئے ہیں۔
مقامی ذرائع ابلاغ کے مطابق مذکورہ شخص کا تعلق ہنگو سے تھا اور وہ چند دن قبل قطر سے واپس آیا تھا۔ ذرائع ابلاغ کا کہنا ہے کہ اس 31 سالہ شخص کو اتوار کو ہی ہسپتال لایا گیا تھا۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
16 مار چ 2020فرانس میں ’صورتحال تیزی سے بگڑ رہی ہے‘
،تصویر کا ذریعہAFP
فرانس کی ہیلتھ سروس نے کہا ہے کہ ملک میں کورونا وائرس کی وبا سے پیدا ہونے والی صورتحال ’انتہائی پریشان کن‘ ہے اور یہ ’تیزی سے بگڑ رہی ہے۔‘
خبر رساں ادارے اے ایف پی کے مطابق فرانسیسی ہیلتھ سروس کے سربراہ جیروم سالومن نے کہا ہے کہ ’ملک میں ہر تیسرے دن کورونا سے متاثرہ افراد کی تعداد دوگنا ہو رہی ہے۔‘
ان کا یہ بھی کہنا تھا کہ ایسے مریض جن کی حالت تشویشناک ہے اور جنھیں انتہائی نگہداشت کی ضرورت ہے وہ بھی سینکڑوں میں ہیں۔ فرانس میں اب تک کورونا سے پانچ ہزار افراد متاثر ہو چکے ہیں جبکہ ہلاکتوں کی تعداد 127 ہے۔
16 مار چ 2020کورونا وائرس: ملک میں کرکٹ کی سرگرمیاں مکمل طور پر ملتوی
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
پاکستان کرکٹ بورڈ نے کورونا وائرس کے پھیلاؤ کے خدشے کے پیش نظر پی ایس ایل کے خاتمے کے بعد ملک میں کرکٹ کی تمام سرگرمیاں معطل کرنے کا فیصلہ کیا ہے جس کے نتیجے میں مقامی ٹورنامنٹس کے علاوہ بنگلہ دیش کی ٹیم کا دورہ پاکستان بھی ملتوی کردیا گیا ہے۔
نامہ نگار عبدالرشید شکور کے مطابق بنگلہ دیش کی ٹیم نے اپنے دورہ کے دوسرے مرحلے میں ایک ٹیسٹ اور ایک ون ڈے میچ کھیلنے کے لئے پاکستان آنا تھا۔
دوسری جانب پاکستان کرکٹ بورڈ نے 25 مارچ سے شروع ہونے والاپاکستان ایک روزہ کپ بھی غیرمعینہ مدت تک کے لیے ملتوی کردیا ہے۔
16 مار چ 2020متحدہ عرب امارات میں کورونا کے مریضوں کی تعداد 100 کے قریب
،تصویر کا ذریعہReuters
اتوار کو متحدہ عرب امارات میں کورونا وائرس کے 12 نئے مریض سامنے آئے ہیں جس کے بعد یہ تعداد 98 تک پہنچ گئی ہے۔
کورونا سے ملک کی دو بڑی صنعتیں سیاحت اور ایوی ایشن بری طرح متاثر ہوئی ہیں۔
متحدہ عرب امارات کی ریاست ابوظہبی میں ملک کی معیشت کو کورونا کے اثرات سے بچانے کے لیے نئے اقدامات کا اعلان کیا گیا ہے۔ ان اقدامات کے تحت ریاست کے شہریوں کو پانی اور بجلی کے بلوں میں رعایت دی جائے گی۔
16 مار چ 2020نیویارک اور لاس اینجلس میں ریستوران اور شراب خانے بند
،تصویر کا ذریعہReuters
،تصویر کا کیپشنلاس اینجلس کا مشہور ٹی سی ایل چائنیز تھیٹر خالی پڑا ہے
امریکہ کے شہر نیویارک میں حکام نے کورونا وائرس کے پھیلاؤ پر قابو پانے کے لیے سکول، ریستوران، شراب خانے اور دیگر عوامی مقامات بند کرنے کا فیصلہ کیا ہے۔
لاس اینجلس میں بھی حکام نے شہر کے شراب خانے، ریستوران، جمنازیم اور سنیما بند کر دیے ہیں۔
امریکہ اس وقت دنیا میں کورونا سے سب سے زیادہ متاثرہ ممالک کی فہرست میں آٹھویں نمبر پر ہے اور وہاں 3700 سے زیادہ افراد میں اس وائرس کی تشخیص ہو چکی ہے۔
16 مار چ 2020امریکہ: نیو یارک کی سب سے مصروف سڑکیں سنسان پڑی ہیں
،تصویر کا ذریعہGetty Images
،تصویر کا کیپشننیو یارک کا مشہور ٹائمز سکوئر، جہاں عام حالات میں تل دھرنے کی جگہ نہیں ہوتی
،تصویر کا ذریعہGetty Images
،تصویر کا کیپشننیو یارک کی سب سے مصروف شاہراہوں میں سے ایک، ففتھ ایونیو اس وقت خالی پڑی ہے
،تصویر کا ذریعہReuters
،تصویر کا ذریعہReuters
16 مار چ 2020چین: کورونا کے چھ نئے مریض، متاثرین کی تعداد 10000 سے کم
،تصویر کا ذریعہAFP
چین جہاں سے کورونا وائرس کا پھیلاؤ شروع ہوا تھا وہاں اب اس کے مریضوں کی تعداد دس ہزار سے کم رہ گئی ہے۔
پیر کو چین میں چھ نئے مریضوں کا انکشاف ہوا ہے جن میں سے چار سپین اور دو برطانیہ سے آئے تھے۔
اس سے قبل چین کے کمیشن برائے قومی صحت نے 80860 مریضوں کی تصدیق کی جن میں سے 67 ہزار سے زیادہ صحت یاب ہو چکے ہیں۔
اس وقت چین میں مریضوں کی تعداد 9898 ہے، جن میں سے 3032 کی حالت تشویشناک بتائی جا رہی ہے۔
چین میں کورونا وائرس کی وجہ سے اب تک 3213 ہلاکتیں ہو چکی ہیں۔
چین میں پہلی مرتبہ باہر سے آنے والے مریضوں کی تعداد ملک کے مقامی مریضوں کی تعداد سے بڑھ گئی ہے۔
16 مار چ 2020انڈیا: بالی وڈ کا کام بند کرنے کا اعلان
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
انڈیا میں فلم اور ٹی وی انڈسٹری نے 19 سے 31 مارچ تک تمام شوٹنگ روکنے کا فیصلہ کیا ہے۔
توقع کی جا رہی ہے کہ بالی وڈ کے اس اقدام سے انڈین فلم انڈسٹری کو کروڑوں ڈالروں کا نقصان ہوگا۔
یہ فیصلہ فلم انڈسٹری کے مختلف اراکین کی ایک میٹنگ کے بعد لیا گیا۔ فیصلے کے مطابق جن جن پراجیکٹپر اس وقت کام جاری ہے ان کے پروڈیوسرز کو کام نمٹانے کے لیے تین دن کی مہلت دی گئی ہے۔
دوسری جانب بالی وڈ سپر سٹار امیتابھ بچن نے اپنے مداحوں سے گزارش کی ہے کہ وہ اس اتوار ان کی گھر کے باہر اکٹھے نہ ہوں۔
یہ ممبئی کی ایک روایت ہے کہ لوگ اتوار کو امیتابھ بچن کے گھر کے باہر ہر جمع ہوتے ہیں اور مشہور اداکار اپنی کھڑکی سے ہاتھ ہلا کر ان کا استقبال کرتے ہیں۔
16 مار چ 2020ترکی میں ایک دن میں کورونا وائرس کے 12 نئے مریض
ترکی میں پیر کو 12 نئے مریضوں میں کورونا وائرس کی تشخیص ہوئی ہے جو کہ ترکی میں ایک دن میں سامنے آنے والی سب سے بڑی تعداد ہے۔
مریضوں میں سے دو کا تعلق ملک کے پہلے کورونا وائرس مریض سے بتایا جا تا ہے جبکہ ان میں سے سات مریض یورپ اور تین امریکہ سے سفر کر کے آئے ہیں۔
16 مار چ 2020بریکنگ, سندھ: کورونا وائرس کے متاثرین کی تعداد 76 ہوگئی
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
سندھ حکومت کے محکمہ صحت کے مطابق کورونا وائرس کے متاثرین کی تعداد 76 ہوگئی ہے۔
ان میں سے دو مریض صحتیاب ہو چکے ہیں۔ ان مریضوں میں سے 25 کراچی میں اور دو حیدر آباد میں ہے۔
سکھر میں سامنے آنے والے 50 مریضوں کے حوالے سے بتایا جا رہا ہے کہ وہ سب تفتان بارڈر کے راستے ایران سے واپس آئے ہیں۔