ኔታንያሁ፡ ‘እዚ እዋን ኲናት’ዩ’ ብምባል ምስ ሓማስ ተኹሲ ደው ምባል ነጺጕ

ቀጥታዊ ሸፈነ

1. 23 ጥቅምቲ 2023ኢራን፡ እስራኤል ኣብ ቓዛ ወራር ከይትፍጸም ኣጠንቂቓ

   ሚኒስተር ጉዳያት ወጻኢ ኢራን ሑሴን ኣሚር ዓብደላሂያን፡ እስራኤል ኣብ ወሽመጥ ቓዛ እትገብሮ መጥቃዕቲ እንተዘየቋሪጻ ማእከላይ ምብራቕ ካብ ቍጽጽር ወጻኢ ክኸይድ ከምዝኽእል ኣጠንቂቑ።

   ኣሜሪካ፡ ንመንግስቲ እስራኤል ወተሃደራዊ ደገፍ ብምሃብ "ተሓታቲት" ምዃና'ውን ገሊጹ።

   ኢራን፡ ቅድሚ ክልተ ሰሙን ኣብ እስራኤል መጥቃዕቲ ፈጺሙ 1400 ሰባት ዝቐተለ ሓማስን ንናይ ሊባኖስ ሕዝቦላህን እያ እትድግፍ።

   ኣብዘን ዝሓለፋ ክልተ ሰሙናት ጥራይ ኣብ ወሽመጥ ቓዛ ልዕሊ 4,600 ፍልስጤማውያን ከምዝተቐትሉ ብሓማስ ዝመሓደር ሚኒስትሪ ጥዕና ኣፍሊጡ።

   እዚ ከምዚ ኢሉ እንከሎ፡ እስራኤል ኣብ ወሽመጥ ቓዛ እተካይዶ ዘላ ደብዳብ ነፈርቲ ብዝሓየለ መልክዑ ትቕጽሎ ከምዘላ ገሊጻ።

   ሚስተር ኣሚር ዓብዶላሂያን ኣብ ዝሃቦዎ ጋዜጣዊ መግለጺ “ኣሜሪካን ወኪላ እስራኤልን ኣብ ቓዛ ዝፍጸም ዘሎ ገበን ኣንጻር ሰብኣውነትን ምጽናት ዓሌትን ብቕጽበት ደው እንተዘየቢሎምዎ ኣብ ዝዀነ ህሞት ዝዀነ ይዅን ነገር ከምዝከኣልን እቲ ዞባ ካብ ቍጽጽር ወጻኢ ከምዝኸውንን የጠንቅቕ” ክብል ካብ ቴህራን ተዛሪቡ።

   ውጽኢት እቲ ኲናት "ከቢድን መሪርን" ከምኡ’ውን ንነዊሕ እዋን ዝኸይድ ሳዕቤን ክህልዎ ከምዝኽእል ኣተሓሳሲቡ።

   እቲ ሚኒስተር ጉዳያት ወጻኢ ብተወሳኺ፡ ኣመሪካ ንእስራኤል እትህቦ ወተሃደራዊ ደገፍ፡ እቲ ኣብ ቓዛ ዝካየድ ዘሎ ግጭት "እስራኤል ብስም ኣመሪካ እተኻይዶ ናይ ውክልና ኲናት" ምዃኑ ዘርኢ መርትዖ ምዃኑ ገሊጹ።

   ላዕለዎት ሰበስልጣን ኣሜሪካ እቲ ግጭት ናብ ካልእ ከባቢታት ክዝርጋሕ ከምዝኽእል የጠንቅቑ ኣለዉ።

   ጸሓፊ ምክልኻል ኣሜሪካ ሎይድ ኦስቲን ኣብ ልዕሊ ወተሃደራትን ዜጋታት ኣሜሪካን መጥቃዕቲ ክህሉ ከምዝኽእል ኣጠንቂቑ።

   ጸሓፊ ጉዳያት ወጻኢ ኣመሪካ ኣንቶኒ ብሊንከን ብወገኑ፡ ሕዝቦላህ ወይ ሓማስ ዝኣመሰሉ ወከልቲ ኢራን ነቲ ዘሎ ኵነታት ከጋድድዎ ከምዝኽእሉ ድሕሪ ምጥቃስ፡ ኣሜሪካ "ንእስራኤላውያንን ዜጋታታት ኣሜሪካን ክትከላኸል ዘድሊ ስጉምቲ ትወስድ ከምዘላ" ገሊጹ።

2. 23 ጥቅምቲ 2023እስራኤል ነበርቲ ቓዛ ክግዕዙ ንዘሕለፈቶ ትእዛዝ ዳግመ ግምት ክትገብር ሕቡራት ሃገራት ጸዊዑ

   እስራኤል ኣብ ሰሜን ቓዛ ዝርከቡ ፍልስጤማውያን ካብቲ ከባቢ ክግዕዙ ትዕዛዝ ምሕላፋ ተገሊጹ ዝዝከር ኰይኑ፡ ወሃቢ ቃል ውድብ ጥዕና ዓለም፡ ታሪኸ ጃሳረቪች ንቢቢሲ ኣብ ዝሃቦ “ዳርጋ ዘይከኣል’ዩ” ብምባል እስራኤል ነቲ ትእዛዝ ዳግመ ግምት ክትገብር ጸዊዑ።

   “ክግዕዙ ዘይክእሉ ተሓከምቲ ኣለው፤ ኣብኡ ናይ መስተንፊ ሓገዝ ዝግበረሎም ብዙሓት እዮም፡ ኣብ ኢንኩቤተር ዝርከቡ ውልዶ ህጻናት፡ ኣብ ዘይርጕእ ኵነታት ዝርከቡ ሰባት ኣለው፤ ነዚኦም ከተግዕዝ ኣዝዩ ኣጸጋሚ እዩ፡” ኢሉ ንቢቢሲ ኣብ ዝሃቦ ርእይቶ።

   “እስራኤል ነዚ ትእዛዝ ዳግመ ግምት ክትገብረሉ ንጽውዕ ኣለና።”

   ኣርባዕተ መሳርሒታት ሕክምናን መድሃኒት ዝጸዓና መካይን ብዶብ ራፋ ኣቢለን ናብ ቓዛ ከምዝበጽሓ እቲ ወሃቢ ቃል ክገልጽ እንከሎ፤ እዚ ምስቲ ኣብ ባይታ ዘሎ ጠለባት “ዝመጣጠን ከምዘይኰነ” ተዛሪቡ።

   ተወሳኺ ቀረባት ዝጸዓና መካይን ኣብቲ ዶብ ብሸነኽ ግብጺ ተዳልየን እቲ መገዲ ውሑስ ምዃኑ መረጋገጺ ይጽበያ ምህላወን’ውን ሓቢሩ።

3. 4 ሓምለ 2023ኣብ ቀይሕ ባሕሪ ዘጋጥም ዘሎ ጽንተት እሾክ ባሕሪ እንታይ ሓደጋ የስዕብ ይኸውን?

4. 29 ሰነ 2023ጥንታዊ ሓድግታቶም ብ'ቨርችዋል ሪያሊቲ' ክርእዩ ዝተገደዱ ፍልስጤማውያን

5. 23 ጉንቦት 2023ሕማም ሸሮኽ ኣብ ኢትዮጵያን ካልኦት ሃገራት ኣፍሪቃን ይላባዕ ኣሎ

6. 14 ሚያዝያ 2023ብመጥቃዕቲ ዝተቐትለት ኣደ፡ ኣካላታ ተወፍዩ ሓሙሽተ ሰባት ድሒኖም

7. 21 ጥሪ 2023ምስጢር ልዕሊ 100 ዓመት ምንባር እንታይ እዩ?

8. 25 ጥሪ 2022ምብጻሕ ሓያሎ ላዕለዎት ሰብመዚ ሕቡራት ሃገራት ናብ ኤርትራ እንታይ ዝዓለመ’ዩ?

9. 29 ታሕሳስ 2021እስራኤል 5,000 ኣዕዋፍ ብኢንፍሉዌንዛ ድሕሪ ምማቶም ነቲ ሕማም ንምቁጽጻር ትጽዕር ኣላ

10. 23 መስከረም 2021ናብ ሱፐርማርኬታት ዝመጽኡ ዘለው ንምግብነት ዝወዕሉ ሓሳኹ

11. 1 ለካቲት 2021እስራኤል ሓሙሽተ ሽሕ ክታበት ኮሮናቫይረስ ንፍልስጤማውያን ክትልግስ'ያ

12. 25 ጥሪ 2021እስራኤል፡ ካብ 16 ክሳብ 18 ዓመት ዕድሚኦም መናእሰይ ክትኸትብ ጀሚራ