ኔታንያሁ፡ ‘እዚ እዋን ኲናት’ዩ’ ብምባል ምስ ሓማስ ተኹሲ ደው ምባል ነጺጕ

ቀጥታዊ ሸፈነ

1. 13 ሕዳር 2023ኣብ ቓዛ ልዕሊ 100 ሰራሕተኛታት ሕቡራት ሃገራት ተቐቲሎም

   ሕቡራት ሃገራት ኣብ ቓዛ ልዕሊ 100 ሰራሕተኛታቱ ከም ዝተቐተሉ ኣፍሊጡ።

   እቲ ትካል ነቶም ንዝተቐተሉ ሰራሕተኛታቱ ንምዝካርን ክብሪ ንምግላፅን ሎሚ መዓልቲ ባንዴርኡ ትሒቱ ከም ዝውልብለብ ሓቢሩ።

   ኤጀንሲ ረድኤት ስደተኛታት ፍልስጤም እቲ ትካል፡ እስራኤል ኣብ ልዕሊ ቓዛ መጥቃዕቲ ቦንቧ ካብ ትጅምር ንነዘ ልዕሊ 100 ሰራሕተኛታቱ ከም ዝተቐተሉን ገሊፁ።

   ኣብ ዝዀነ ይኹን ኵናት ክንድዚ ዝኣኽሉ ሰራሕተኛታት እቲ ትካል ተቐቲሎም ኣይፈልጡን። እዚ ኣጋጢሙ ዘሎ ኣሃዝ ዝለዓለ’ዩ።

   ኣብ ቓዛ ልዕሊ 13 ሽሕ ሰራሕተኛታት ሕቡራት ሃገራት ኣለዉ። ካብዚኦም እቶም ልዕሊ 100 ግዳያት፡ ምስ ስድርኦም እንከለዉ ከም ዝተቐተሉ'ዩ እቲ ትካል ዝገልጽ።

   ካብ መንጐ እዞም ግዳያት፡ መምህራን፣ ሰብሞያ ጥዕና፣ ሓካእም ማህፀን፣ መሃንዲሳት፣ ሰብሞያ ስነ-ልቦናን ሰራሕተኛታት ወሃብቲ ድጋፍን ይርከብዎም።

   ሕቡራት ሃገራት፡ ኣብ ወሽመጥ ቓዛ ኣብ ዘለውዎ ልዕሊ 150 ማእኸላት፡ ንልዕሊ 750 ሽሕ ህዝቢ የተኣናግድ ኣሎ።

   ካብዞም ማእኸላት እቶም 60 መጥቃዕቲ ተፈፂምዎም እዩ።

2. 13 ሕዳር 2023"መጥቃዕቲ ሆስፒታል ጋዛ ብሓማስ ዝተፈጸመ’ዩ "፡ ፕረዚደንት እስራኤል

3. 13 ሕዳር 2023ሓሙሽተ ወተሃደራት ኣመሪካ ኣብ ልምምድ ነፋሪት ብዘጋጠመ ሓደጋ ሞይቶም

4. 12 ሕዳር 202383 ኣይሁዳውያን ህጻናት ዘድሓነት ደፋር ፈላሲት

5. 11 ሕዳር 2023ብሰራዊት እስራኤል ዝተኸበበ ሆስፒታል ስራሕ ደው ኣቢሉ

   ብሰንኪ ክባ ሰራዊት እስራኤል ነዳዲ ዝወድአ ሆስፒታል፡ ኣገልግሎት ምሃብ ደው ከም ዘበለ ሚኒስትር ጥዕና ፍልስጤም ኣፍሊጡ።

   ካብ ትማሊ ዓርቢ ጀሚሩ ወተሃደራት እስራኤል ነቲ ኣብ ጋዛ ዝርከብ ሆስፒታል ከም ዝኸበብዎ ተገሊፁ።

   ወሃቢ ቃል ሚኒስትር ጥዕና ፍልስጤም፡ “ኣብ መውዓይ ክፍሊ ዝነበረ ህፃን ሞይቱ። ካልኦት 45 ሕንጦታት’ውን ኣብዚ ሆስፒታል ኣለዉ” ብምባል፡ ብሰንኪ እቲ ከበባ ዘጋጠመ ሞት ገሊፁ።

   ኣባል ትካል ዶብ ኣልቦ ሓኻይም ዝኾነ ዶክተር መሓመድ ኣቡ፡ ተኹሲ ደው እንተዘይሉ ወይ ረድኤት ሕክምና ክኣተው እንተ ዘይተገይሩ “ኣብቲ ሆስፒታል ዘለዉ ተሓከምቲ ኩሎም ሞይቶም፡ እቲ ሆስፒታል ናብ መቓብር ክቕየር’ዩ” ክብል ንቢቢሲ ገሊፁ።

   ኣብቲ ሆስፒታል ኣብ ክፍሊ ህፃናት ይሰርሑ ዝነበሩ ኣባላት ዶብ ኣልቦ ሓኻይም ንሕሙማት ገዲፎም ክሃድሙ ከም ዝተገደዱ ድማ ሓቢሩ።

   ከቢድ ቀረብ ናውቲ ሕክምና ስለ ዘጋጠመ፡ ሕክምናታት መጥባሕቲ ብዘይ መደንዘዚ መድሓኒት ይካየድ ከም ዘሎ ገሊፁ።

6. 11 ሕዳር 2023ኣብ ለንደን ንፍልስጤም ዝድግፍ ዓብይ ሰልፊ ክካየድ እዩ

   ፖሊስ ለንደን፡ ኣብታ ከተማ ንፍልስጤም ዝድግፍ ሰልፊ ከም ዝካየድ ኣፍሊጡ።

   እቲ ሰልፊ ኣብታ ከተማ ኣብ ዝርከብ ገዚፍ ሕዛእቲ ‘ሃይድ ፓርክ’ ከም ዝካየድ ተገሊፁ።

   ቀዳማይ ሚኒስትር ሪሹ ሱናክ፡ ንፍልስጤማውያን ድጋፍ ንምሃብ ዝወፅኡ ሰባት፡ ኣብ መንጐ ማሕበረሰብ ኣይሁድን ሙስሊምን ዘሎ ስግኣትን ሻቕሎትን ከይርስዑ ሓቲቱ።

   ቅድሚ ሓደ ሰሙን’ውን ኣብ ለንደን ንፍልስጤማውያን ዝድግፍ ሰልፊ ተኻይዱ ነይሩ።

7. 11 ሕዳር 2023ኣብ ሆስፒታላት ጋዛ ነትጕ ነይሩ

   ኣብ ትካላት ጥዕና ጋዛን ከባቢኡን ነትጕ ከም ዝነበረ መሰኻኽር ዓይኒ ንቢቢሲገሊፆም።

   ብዓርቢ ታንክታት እስራኤል ኣብ ጥቓ ሆስፒታላት ጋዛ፡ ማለት እውን ኣብ ኣል-ሺፋ፣ ኣል-ቁዱስ፣ ኣል-ራንቲሲን ጥቓ ሆስፒታል ኢንዶኖዥያን ተራእየን እየን።

   እስራኤል፡ ሓማስ ኣብ ትሕቲ ናይ ሲቪላት መሰረት ልምዓት ድፋዕ ከም ዝኾዓተ ትገልፅ።

   ቢቢሲ ሓቃውነት እቲ ካብ ሆስፒታል ኣል-ናስር ዝሃድሙ ሰባት ብደብዳብ እስራኤል ከይውቅዑ፡ ፃዕዳ ጨርቂ እንተንበልብሉ ዘርእይ ምስሊ ኣረጋጊፁ እዩ።

   ሚኒስትር ጥዕና ፍልስጤም፡ ኵናት እስራኤል-ጋዛን ካብ ዝውላዕ ንነዘ 11,078 ፍልስጤማውያን ከም ዝተቐተሉ ኣፍሊጡ።

   ካብዞም ብመጥቃዕቲ እስራኤል ዝተቐተሉ ፍልስጤማውያን ዝበዝሑ ህፃናት ደቂ ኣንስትዮን ከም ዝኾኑ እቲ ሚኒስትር ገሊፁ።

8. 11 ሕዳር 2023መራሒ ሂዝቦላሕ ሎሚ መዓልቲ መደረ ክገብር’ዩ

   መራሒ ሂዝቦላሕ ሓሰን ነስራላሕ፡ ሎሚ መዓልቲ ንደገፍቱ መደረ ከም ዘስምዕ ተገሊፁ።

   መራሒ ናይቲ ኣብ ሊባኖስ ዝመደበሩ ሂዝቦላሕ፡ ኵናት እስራኤል-ጋዛ ካብ ዝውላዕ ንነዘ ሎሚ ኣብ ሰዓታት ድሕሪ ቀትሪ ዝገብሮ መደረ ንካልኣይ ግዘ ይኸውን።

   ሓሰን ነስራላሕ፡ ኣብ ኵናት-ጋዛ እስራኤል ግደ ሂዝቦላሕ እንታይ ከም ዝኸውን ከአንፍት ትፅቢት ይግበር።

   ቅድሚ ሓደ ሰሙን፡ “ኩሉ ኣማራፂ ኣብ ጠረጴዛ እዩ” ኢሉ ነይሩ። ሊባኖስ ዝመደበሩ ጸረ-እስራኤል ምንቅስቓስ ሕዝቡላህ እንታይ እዩ?ዝብል ዛንታ ክተንብብዎ ንዕድመኩም።

9. 11 ሕዳር 2023ኣብ ኣውስትራሊያ ደገፍቲ እስራኤልን ፍልስጤምን ተጓኒፆም

   ኣብ ኣውስትራሊያ ኣብታ ካልአይቲ ዓባይ ከተማ ሜልበርን፡ ኣብ መንጎ ደገፍቲ እስራኤልን ፍልስጤምን ጐንፂ ከም ዝተፈጠረ ተገሊፁ።

   ተሌቬዥን እታ ሃገር ኤቢሲ፡ እቶም ተራፀምቲ ማይ ብዝመልአ ፕላስቲክ ከም ዝተደራበዩን ሃይማኖታዊ ትሕዝቶ ዘለዎ ፀርፊ ከም ዝተፃረፉን ፀብፂቡ።

   ካብ ናይ ክልቲአን ሃገራት ደገፍቲ ካብ 400 ዘይውሕዱ ሰባት ናብ ኣደባባይ ከም ዝወፅኡ ፖሊስ እታ ሃገር ገሊፁ።

   ነቲ ጐንፂ ስዒቡ ሓደ ሰብ ኣብ ቀይዲ ከም ዘውዓለ ድማ ኣፍሊጡ።

   ብሰንኪ እቲ ጐንፂ ኣብ ሰባት ዝበፅሐ ጉድኣት ብዛዕባ ምህላዉ ግና ዝተብሃለ ነገር የለን።

10. 11 ሕዳር 2023ፕረዝደንት ማክሮን፡ እስራኤል ህፃናትን ደቂ ኣንስትዮን ጋዛ ምድብዳብ ደው ክተብል ፀዊዑ

11. 11 ሕዳር 2023‘ሶማልያ ኣብ ክፍለ ዘበን ሓንሳብ ብዘጋጥም ሓደጋ ውሕጅ ክትህሰ ትኽእል’ያ’ ሕቡራት ሃገራት

12. 10 ሕዳር 2023እስራኤል: ጅሆ ካብ ዝተታሕዙ ገለ 'ምልክት ህይወት' ርእየ ኢላ

13. 9 ሕዳር 2023ድሮን ኣመሪካ ብኢራን ብዝድገፉ ዕጡቓት የመን ተሃሪማ ወዲቓ

14. 9 ሕዳር 2023እስራኤል-ሓማስ፡ ንስፖርታውያን ኣብነት ዝዀነ ግብረመልሲ መሓመድ ሳላሕ

15. 8 ሕዳር 2023ኣብ ቓዛ ዝግበር መጥቃዕቲ ብምቅዋም ብዋይት ሃውስ ንዝቐረበላ ዕድመ ዝነጸገት ገጣሚት

16. 7 ሕዳር 2023መራሒ ሓማስ ኣብ እስራኤል ሰላማውያን ኣይቀተልናን ኢሉ

17. 6 ሕዳር 2023ዝቖሰሉ ፍልስጤማውያን ንፈለማ ግዜ ናብ ሆስፒታላት ግብጺ ኣትዮም

18. 6 ሕዳር 2023ባኒ ንምርካብ ሰዓታት ሪጋ እትጽበየላ ቓዛ

19. 6 ሕዳር 2023'ምስ ህዝብና ኣብዚኣ ንመውት' ዝበላ መነኮሳት ቓዛ

20. 5 ሕዳር 2023ኣንፃር እስራኤል ተቓውሞታት ይካየድ ኣሎ