நேபாளத்தில் நிலநடுக்கம், 6 பேர் பலி: டெல்லியில் உணரப்பட்டது

நேபாளத்தில் ஏற்பட்ட 6.3 அளவிலான நிலநடுக்கம் காரணமாக அங்கு 6 பேர் உயிரிழந்தனர்.

இந்த நிலநடுக்கத்தின் அதிர்வுகள் இந்தியத் தலைநகர் டெல்லியில் நள்ளிரவு தாண்டிய நேரத்தில் உணரப்பட்டது.

டெல்லி தேசிய தலைநகர் மண்டலம் உள்ளிட்ட பகுதிகளில் அதிகாலை இரண்டு மணியளவில் நிலநடுக்கம் உணரப்பட்டதாக இந்தியாவின் நில நடுக்கத்திற்கான தேசிய மையம் தெரிவித்துள்ளது.

பிபிசி நேபாளி சேவையிடம் பேசிய நேபாளத்தின் டோட்டி மாவட்ட தலைமை மாவட்ட அதிகாரி கல்பனா ஷ்ரேஸ்தா

டெல்லி தலைநகர் பகுதியில் சுமார் 20 விநாடிகள் சக்திவாய்ந்த நிலநடுக்கம் உணரப்பட்டது என்று கூறினார்.

நிலநடுக்கத்திற்கான தேசிய மையத்தின் கூற்றுப்படி, நிலநடுக்கம் நவம்பர் 9ஆம் தேதியன்று 1:57 மணிக்கு ஏற்பட்டது. அந்த நிலநடுக்கத்தின் மையம் 10 கிமீ ஆழத்தில் இருந்தது.

டெல்லியில் இந்த நிலநடுக்கத்தால் ஏற்பட்ட அதிர்வு பலமாக இருந்தது. பல பகுதிகளில் இரவு நேரத்திலேயே மக்கள் வீடுகளை விட்டு வெளியே வந்தனர்.

நிலநடுக்கத்தின்போது செய்யவேண்டியவை செய்யக்கூடாதவை

நிலநடுக்கம் ஏற்படும்போது என்னவெல்லாம் செய்ய வேண்டும், செய்யக் கூடாது என்று நிலநடுக்கத்திற்கான தேசிய மையம் அதன் இணையதளத்தில் சில அறிவுரைகளைக் குறிப்பிட்டுள்ளது.

சமூக ஊடகங்களில் பிபிசி தமிழ்: