Madaxda Yurub oo ka xaajoonaya soo galootiga

Tebin toos ah

1. 7 Luulyo 2023Falastiiniyiin hor leh oo maanta la dilay

   Laba ruux oo u dhashay Falastiin ayaa ciidamada israa'iil waxay maanta oo Jimco ahku dileen Daanta-galbeed ee la haysto, kadib weerar ay soo qaadeen ciidamada Israa'iil.

   Dadka deegaanka ayaa sheegay in subaxii hore ee maanta ay maqleen rasaas xoog leh, kadib markii ay guri ku yaala Nablus ay isku hareereeyeen ciidmada Israa'iil.

   Raga la dilay ayaa lagu kala magacaabi jiray Khayri Shain oo 34 jir ahaa iyo Hamze Maqbool oo 32 jir ahaa.

   israa'iil ayaa sheegay in ragaasi ay ahaayeen kuwa la doondoonayay oo horay u rasaaseeyay ciidamadooda.

   Kooxda Xamaas ayaa ku tilmaantay ragaas la dilay in ay ahaayeen "halyeeyada iska caabinta" iyaga oo Israa'iil ku eedeeyay in ay argagixiso yihiin.

   

   Xigashada Sawirka, EPA

2. 7 Luulyo 2023Daawo: Wax ka ogow barnaamijka caalamka qabsaday ee sida xifaaltanka ah ku bilawday

3. 7 Luulyo 2023Madaxa sirdoonka Kenya oo Muqdisho tegay

   

   Xigashada Sawirka, Reuters

   Agaasimaha guud ee Hay'adda Sirdoonka Qaranka Kenya, Nuuradiin Xaaji ayaa gaaray magaalada Muqdisho ee caasimadda Soomaaliya, waxaana halkaas ku qaabilay taliyaha sirdoonka Soomaaliya Mahad Salaad.

   Nuurdiin ayaa lagu wadaa inuu la kulmo, madaxda uu sareysa dalka sida madaxweyne Xassan Sheekh Maxamuud iyo ra'iisul wasaare Xamze Cabdi Barre iyagoo ka wada xaajoon doona arrimaha amniga iyo iskaashiga u dhaxeeya labada waddan ee Soomaaliya iyo Kenya.

   Kenya ayaa dhawaan sheegtay inuu dib u dhacay qorshihii furista xudduudaha dhulka ee Kenya iyo Soomaaliya.

4. 7 Luulyo 2023Cudur dilaa ah oo laga soo wariyay dalka Nigeria

   

   Xigashada Sawirka, Getty Images

   Mas’uuliyiinta caafimaadka ee dalka Nigeria ayaa shaaciyay in magaalada Abuja ee caasimadda dalkaas uu ka dilaacay caabuqa dilaaga ah ee diptheria, kaddib markii uu u dhintay canug afar sano jir ah.

   Astaamaha xannuunkan ah naqaska oo qofka ku dhaga, wuxuuna dhibaatooyin caafimaadka wadnaha.

   Xarunta xakameynta iyo cuddurada dalka Nigeria (NCDC) ayaa sheegtay in cudurkan sidookale ka dilaacay guud ahaan dalka sanadkii hore.

   Kiisas gaaraya 800 oo xannuunkan ah ayaa la diiwaan geliyay waxaana u dhintay 80 qof.

   Muxuu yahay xanuunka gabadhan u horseeday inay dhunkato qof aysan garanayn?

   Weriye BBC ka tirsan oo xanuun dartii shaqada uga tagaya

5. 7 Luulyo 2023Maxay tahay badda cusub ee ka dhex sameysmeysa Ethiopia iyo Djibouti?

6. 7 Luulyo 2023Haweeney garaacday macalinkeeda ilaa uu ka dhintay

   

   Xigashada Sawirka, POLICE HANDOUT

   Waxaa xabsi daa’in lagu xukumay gabar 17 sano jir ah oo ka soo jeeda gobolka Lowa ee dalka Mareykanka, kaddib markii ay garaacday macalinkeeda ilaa uu ka dhinto.

   Willard Miller, ayaa tallaabadaas qaaday kaddib markii ay natiija aan wanaagsanayn ka keentay imtixaanka, waxayna ugu dambeyntii qiratay dembigii lagu soo eedeeyay.

   Waxaa sidookale lagu amray inay lacag magdhow ah siiso qoyska uu ka soo jeedo macalinkaas, taas oo gaareysa ilaa $150,000 (£117,000).

   Macalinka oo lagu magacaabo Nohena Graber ayaa asal ahaan ka soo jeeday dalka Spain.

   "Salaadda kadib ayaa la ii sheegay in carruurtayda ay geeriyoodeen" aabbe caruurtiisa uu hoobiye dilay

7. 7 Luulyo 2023Twitter oo ka hadashay Threads oo ah barnaamijka cusub ee xifaaltanka kula jira

   

   Xigashada Sawirka, EPA

   Shirkadda Twitter ayaa sheegtay inay dacwad ka gudbin doonto barnaamijka cusub ee Threads oo ay leedahay shirkadda Meta.

   Mulkiilaha shirkadda Meta, Mark Zukerberg ayaa sheegay in barnaamijkani uu 'saaxiib la yahay' Twitter oo ay loolamaan.

   Threads, oo si rasmi ah loo soo bandhigay Arbacadii ayaa waxaa iska diiwaan geliyay in ka badan 30 milyan oo qof.

   Mulkiilaha twitter, Elon Mask ayaa yiri "in la tartamo waa wax iska caadi ah balse khiyaanada lama ogola".

   Muddooyinkii u dmbeeyay waxaa muuqatay inuu xifaaltan u dhaxeeyay labada nin ee iska leh labada shirkadood ee Meta iyo Twitter Mark Zuckerberg iyo Elon Musk.

   Muxuu yahay barnaamijka cusub ee lagu soo kordhiyay baraha bulshada?

   Intan ka ogow labada taajir ee feerka ku ballamay?

   Marar hore oo uu muran dhaliyay taajirka dunida, Elon Musk

8. 7 Luulyo 2023Hogaamiyaha hay'adda socdaalka iyo jiinsiyadaha Soomaaliya eedda loo soo jeediyay.

   Agaasimaha guud ee hay'adda socdaalka iyo jiinsiyadaha Soomaaliya, Cabdulqaadir Cilmi Cabdul ayaa sheegay in maanta oo 7-da bisha Luulyo uu iska casiay shaqadii u ka hayay waaxdaas.

   Agaasimaha ayaa kamid ahaa 18-ka sarkaal ee xeer ilaalintu ka gudbisay dacwado, wuxuuna sheegay in aanan la soo bandhigin waxa uu ku eedeysanyahay.

   Dhowaan ayay ahayd markii wasaaradda amniga gudaha Soomaaliya ay beenisay in agaasimuhu dalka ka baxsaday.

   Halkan hoose ka akhriso hadalkiisa oo dhameystiran.

   

   Xigashada Sawirka, baraha bulshada

   

   Xigashada Sawirka, baraha bulshada

   Dowladda Soomaaliya oo ka hadashay war laga faafiyay agaasimaha hay'adda socdaalka iyo Jinsiyadaha

9. 7 Luulyo 2023Al-shabaab oo weeraray xerada Gerileey ee gobolka Gedo

   Wararka ka imanaya deegaanka Gerileey oo ka tirsan gobolka Gedo, ayaa waxay sheegayaan in maalmihii u dambeeyay uu dagaal toos ah halkaa ku dhex maray ciidanka Juballand iyo Al-Shabaab.

   Guddoomiyaha deegaankaasi ayaa BBC-da u sheegay inay Shabaab weerar ku soo qaadeen xerada Gerileey iyo qeybaha kale ee magaalada, arrintaas oo keentay in dadku barakacaan.

   Guddoomiyaha Gerileey Maxamuud Cabdille Warsame ayaa BBC-da uga warramay weerarkaas.

   Wax ka ogoow xerooyinka la burburiyay iyo kuwa ay ATMIS wareejisay

   Maxaa Ciidanka Kenya kaga xiran gudaha Soomaaliya?

10. 6 Luulyo 2023Maxkamad kutaalla Sweden oo xukuntay nin lala xiriiriyay PKK

    Maxkamad ku taalla dalka Sweden ayaa nin Kurdish ah ku xukuntay afar sano iyo bar oo xarig ah, kaddib markii lagu helay inuu isku dayay inuu maalgeliyo kooxda Kurdiyiinta ee PKK.

    Maxkamadda Stockholm ayaa sidoo kale ninkan ku xukuntay in laga musaafuriyo Sweden.

    Kiiska ayaa si weyn loo eegayay iyadoo Sweden ayaa hadda isku dayaysa inay ku biirto NATO, balse codsigeeda waxaa hor istaagay Turkiga.

    Ankara ayaa Sweden ku eedaysay in aysan wax badan ka qaban la dagaalanka kooxaha ay u aragto argagixiso.

    Iswiidhan waxay soo bandhigtay sharciyo adag oo la dagaalanka argagixisada ah bishii hore. Waxay rajaynaysaa in loo aqbalo xubinimada NATO shir madaxeedka isbahaysiga ee kadhici doona Lithuania toddobaadka soo socda.

    Dalka Hungary sidoo kale wali ma aysan ansixin codsigeeda Sweden ee ku biirista NATO.

    

    Xigashada Sawirka, AFP

11. 6 Luulyo 2023Xoghayaha Maaliyadda Mareykanka oo Shiinaha booqasho ku joogta

    

    Xigashada Sawirka, Getty Images

    Xoghayaha Maaliyadda ee Mareykanka, Janet Yellen, ayaa booqasho afar maalmood ah ku tagtay Shiinaha, taasoo ujeedkeedu ahaa in lagu dejiyo xiisadda ganacsi ee u dhaxeysa labada waddan ee ugu dhaqaalaha badan adduunka.

    Berito Jimcaha, Ms Yellen ayaa la filayaa inay la kulanto ra'iisul wasaaraha Shiinaha Li Qiang iyo ra'iisul ku xigeenkii hore Liu He, oo ay hore ula lahayd xiriir shaqo.

    Sarkaal Mareykan ah ayaa sheegay in Ms Yellen ay isku dayi doonto inay ka hadasho waxa lagu tilmaamay dhaqamada cadaalad darada ah ee Beijing ay kula kacayso shirkadaha Mareykanka.

    Dhanka kale, Beijing waxay ka walaacsan tahay Washington inay ka mamnuucdo shirkadaheeda inay helaan tignoolajiyada semiconductor.

12. 6 Luulyo 2023DHAGEYSO:Mid kamid ah dadka lagu eedeeyay musuqa oo BBC-da la hadlay

    Maxamed Aadan Koofi ayaa kaamid ah 18 qof oo lagu eedeeyay inay musuqmaasuq ku kaceen oo uu maanta shaaciyay xeer ilaaliyaha guud ee Soomaaliya.

13. 6 Luulyo 2023Dhageyso Wareysiga Sir Gavin Williamson oo Sharciga uu dalkiisa ku aqoonsanayo Somaliland hor geeyay baarlamanka UK

14. 6 Luulyo 2023DAAWO:Diyaaradaha Ruushka oo 'hawada sare ku dhibaateynaya' diyaaradaha Maraykanka ee aan duuliyaha lahyn

    Ciidamada Cirka ee dalka Mareykanka ayaa soo bandhigay muuqaalo ay ku sheegeen in ay muujinayaan diyaaradaha Ruushka oo hawada Suuriya ku dhibaateynaya diyaaradaha aan duuliyaha lahayn ee Mareykanka.

    General Alexus Grynkewich, oo ah Taliyaha Ciidanka Cirka, ayaa sheegay, in xilliga uu falkaasi dhacay, uu Mareykanka wadeen hawlgal ka dhan ah bartilmaameedyada Ururka Daacish ah.

15. 6 Luulyo 2023Xeer-ilaaliyaha Soomaliya oo shaaciyay dad lo hasyto musuqmaasuq

    

    Xigashada Sawirka, Warbaahinta Dowlada

    Xeer-ilaaliyaha guud ee Soomaaliya, Suleymaan Maxamed Maxamuud ayaa maanta warbaahinta u soo bandhigay 18 qof oo ka tirsan Hay’addaha Dawladda Federaalka Soomaaliya oo ku eedeysan musuqmaasuq.

    Sida uu sheegay mudane Suleymaan waxaa xiran 9 qof , halka ay sagaal kalana baxsad ku maqanyihiin.

    Faafaahinta goor dhaw la soco

16. 6 Luulyo 2023DAAWO:Dad bad kudabaalanayay oo Libaax-badeed sigay

    Sare u kac ayaa ku yimid lakulanka Libaax-badeedka wuxuuna baqdin ku abuuray dadka xeebaha taga inta lagu guda jiro fasaxa todobaadka.

    Dhacdan muqaalka laga soo duubay ayaa ka dhacday xeebaha Florida ee dalka Mareykanka.

    Laba muuqaal oo laga soo qaaday Florida ayaa muujinaya dad dabaalanaya iyadoo Libaa-badeedka xlagu arkay biyaha u dhow.Libaax-badeed ayaa qaniinay ugu yaraan afar qof oo dabaal u aaday badda gudaha New York muddo laba maalmood gudohood ah.

17. 6 Luulyo 2023DAAWO: Sida hawada sare loogu diray gantaalkii Isgaarsiineed ee ugu dambeeyay ee Yurub

    Midowga Yurub ayaa Arbacadii gantaalkeedii u dambeeyay ee Ariane-5, hawada sare u dirtay wuxuuna ka duulay dalka Faransiiska.

    Ganataalka isaga ayaa siday laba dayax-gacmeed oo isgaarsiineed.

18. 6 Luulyo 2023DAAWO: Nalkii ugu weynaa adduunka oo beddelay muuqaalka sare ee Las Vegas

19. 6 Luulyo 2023Degdeg: Hoggaamiyaha kooxda Wagner oo la ogaaday halka uu ku suganyahay

    

    Yevgeny Prigozhin oo ah madaxa kooxda calooshood u shaqeystayaasha ah ee Wagner oo hoggaaminayay kacdoonkii ciidan ee muddo kooban ka jiray bishii hore Ruushka - ayaa ku sugan gudaha Ruushka, sida uu sheegay hoggaamiyaha, mudada dheer ee Belarus Alexander Lukashenko.

    Meesha uu ku sugan yahay Prigozhin ayaa ahayd qarsoodi tan iyo markii lagu arkay koonfurta Ruushka intii uu socday kacdoonku.

    Sida uu dhigayo heshiis lagu soo afjarayo amar diidada, ayaa dhigayay in eedeymaha ka dhanka ah Prigozhin la laalo, loona oggolaado inuu u guuro Belarus.

    Mr Lukashenko ayaa gacan ka geystay dhexdhexaadinta heshiiska si loo soo afjaro rabshadaha.

20. 6 Luulyo 2023Ka bixitaanka ciidamada ATMIS ee Soomaaliya oo wajigii kowaad la soo gabagabeyay

    

    Xigashada Sawirka, ATMIS

    Hogwalka ciidamada Midowga Afrika ee Soomaaliya ee ATMIS oo hore loo oran jiray AMISOM, ayaa soo gabagabeyay wajigii kowaad ee dhimista ciidamo gaaraya 2 kun oo askari, iyadoo ammaanka goobaha ay ka baxeenna lagu wareejinayo ciidanka xooga dalka Soomaaliya.

    Ciidamada ATMIS oo ka koobnaa 18,568 askari waxii ka horeyay bishii Deceember ee sanadkii tagay ayaa sameyn doona dhimis kale bisha Sebtembar ee sanadkaan 2023, iyo Juun 2024 taasoo ay xigi doonto bixitaan kama dambaysta ah ee ciidanka ATMIS ee bisha December 2024-ka. Laakin waxaa jiro walaac laga muujiyay dhimistaan.

    Howlgalka Midowga Afrika ee Soomaaliya (AMISOM) ee loo baddelay 1 dii bishii April 2022, ATMIS waxaa 19 kii bishii Janaayo 2007 dhidibada u taagay Golaha nabadda iyo ammaanka ee Midowga Afrika ka dib Golaha Ammaanka ee Qaramada Midoobay ayaa 20-kii bishii Febraayo 2007 u ogolaaday Midowga Afrika inuu ciidamo nabad ilaalin ah u diro Soomaaliya kuwaasoo ka hawlgalayay Soomaaliya muddo lix bilood ah balse ciidmadaan ayaa Soomaaliya jooga in kabadan 15 sano.

    Howlgalka ayaa waxaa lagu bilaabay ciidamo ka socday wadamada Uganda iyo Burundi halka ay dib ugu soo biireen ciidamada wadamada safka hore ee Itoobiya kenya iyo Jabuuti..

    Bilaabashada ka bixitaankooda Soomaaliya ayaa ku soo aadaya xilli dowladda Soomaaliya ay dagaal kula jirto Al-shabaab oo haysta deegaanno ku yaal bartamaha iyo Koonfurta Soomaaliya.