Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 9 Juunyo 2026War deg deg ah, FIFA oo xaqiijisay Cumar Cartan uusan ka qayb galayn Koobka Adduunka

   

   Xigashada Sawirka, Omar Abdulkadir Artan

   Garsooraha kubbada cagta Soomaaliyeed Cumar Abduqaadir Cartan ayaan ka qayb gali doonin xaggaagan koobka Kubbada cagta Adduunka, kadib markii loo diiday dalku galka Maraykanka, sida ay xaqiijisay xiriirka kubbada cagta adduunka ee FIFA.

   Soomaaliya ayaa kamid ah 39 dal oo ay saamaysay xayiraada fiisaha ee maamulka Trump, waxaana muwaadiniinta dalalkaasi ay maraan baaritaano dheeraad ah.

   ‘’FIFA ma faragashato dalka martigalinaya nidaamkiisa socdaalka, oo ay ku jirto go’aanada fiisaha, waana lagu wargaliyay masuuliyiinta in xaalada Artan aan waxba laga beddeli karin wakhtiga,’’ ayuu ku yiri bayaan uu soo saaray afhayeenka FIFA.

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

2. 9 Juunyo 2026War deg deg ah, Ghalibaf : Diblomaasiyada goobta dagaalka ayaa dhinac u riixday cadowga

   

   Xigashada Sawirka, Reuters/EPA

   Fariin codeed lagu daabacay wakaaladaha wararka rasmiga ah Isniintii, Mohammed Baqer Qalibaf, afhayeenka baarlamanka Iiraan ayaa ku tilmaamay weerarkii habeenimadii Axada ee duqaymaha ay iyagu gaysteen gabi ahaanba kuwo lagu qiimeeyay inay ahaayeen lagama maarmaa oo ay guulaysteen.

   Farriinta codka oo qoraal ahaan ay daabacday wakaalada wararka IRNA ayuu ku yiri Qalibaf, ‘’Haddii aynu ku tixgalino diblomaasiayada wadahadalada kali ah ee qolalka xiran iyo diblomaasiyada qosolka, weeynu ku guul daraysan lahayn bilowgiiba, haddii aynu ku tiirsanaan lahayn dagaal iyo howlgalo militari oo kali ah, ma aynaan awoodneen in aynu si buuxda u difaacno xuquuqdeena’’.

   Qalibaf oo hoggaaminayay wafdiga wadahadalada Iiraan iyo Maraykanka ee Pakistan iyo safarkiisii u dambeeyay ee Qatar uu u raacay Abbas Araqchi, ayuu ku yiri fikradiisa: ‘’Dhacdadii Lubnaan waxay muujinaysaa in fagaaraha diblomaasiyada oo uu la socda midka milatari ay dhinac u riixi karaan Israa’iil iyo cadowyada. Diblomaasiyada kama hortagto howlgalada milatari, sidoo kalana howlgalada milatari kama hortagaan diblomaasiyada.

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

3. 9 Juunyo 2026War deg deg ah, Israa’iil: Waxaan qabanay diyaarad drone oo laga soo tuuray Yemen

   

   Xigashada Sawirka, Reuters: Amir Cohen

   Ciidamada milatariga Israa’iil ayaa sheegay habeenkii labaad,Talaado ay qabteen diyaarad nooca aan duuliyaha lahayn oo looga soo riday dhanka Yemen, uusana gaysan wax waxyeelo ah sida ay tabisay wakaalada wararka AFP.

   Waxa ay intaa ku dareen inay ku qabteen hawada, diyaaradan looga soo riday dhanka Yemen,ayna dhacdadaasi halkaas ku ekayd.

   Weerarka ayaa ka dhacay aagga deegaanka Eliat.

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

4. 9 Juunyo 2026Laanta Sirdoonka Maraykanka ''Tehran waxa ay usii adkaysan kartaa cunaqabataynada Afar-bilood''

   

   Iyada oo ay socdaan dadaalada lagu dhammayo dagaalka u dhaxeeya Maraykanka iyo Iiraan, waxaa weli socda iskudhacyda aan ballaarnayn ee labada dhinac. Waxayna ahayd tii ugu dambaysay ee ay rasaasta isku weydaarsadeen marinka Hormuz Jimcihii.

   Madaxweynaha Maraykanka Donald Trump ayaa sheegay in cunaqabataynada saaran Tehran ay tahay mid daciifin doonta Maraykanka.

   Laanta sirdoonka Maraykanka ee CIA ayaa iyaga oo taxliilinaya arrintan sheegay in Tehran ay weli awood u leedahay inay sii adkaysato muddo bilooyin ah cunaqabaynada ciidamada badda ee saaran dalkaasi.

   SII AKHRI

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

5. 9 Juunyo 2026War deg deg ah, Gharibabadi: Cunaqabateenada Midowga Yurub wax qiimo ah nooguma fadhiyo

   

   Xigashada Sawirka, Facebook

   Kazem Gharibabadi, ku-xigeenka wasiirka arrimaha dibadda jamhuuriyada Islaamiga ee Iiraan ayaa cambaareeyay cunaqabateenada cusub ee Midowga Yurub ee ka dhanka ah tiro shakhsiyaad Iiraaniyiin ah iyo hay’ado, isaga oo ku qeexay cadaadisyadan been abuur iyo xoog sheegasho.

   Waxa uu ku qoray barta shabakada bulshada ee X: ‘’Maanta, golaha Midowga Yurub, talaabo been abuur ah, waxa ay ku meel mariyeen wax loogu yeeray cunaqabateeno ka dhan ah hay’ado iyo shakhsiyaad Iiraaniyiin ah oo lala xiriirinayo marinka Hormuz. Iyaga midowga Yurub ayaa ah kuwa ugu weyn ee ku xadgudbaya xuquuqda shacabka Iiraan, midowguna uu si kas ah uga aamusnaa xiritaanka ciidamada badda Maraykanku ku sameeyeen Iiraan, taasi oo loo tixgalinayo ficil dagaal’’

   Waxa uu intaa ku daray Iiraan in ‘’aysan qayb ka ahayn heshiiska Sharciga Badda. Rajiimka sharciga ee Iiraan ee marinka Hormuz waa ‘’gudbid dambi la’aan’’ marka loo eego si guud sharciga caalamiga ah iyo korjoogteynta badbaadada badda iyo tixgalinada ammaanka ee dowlad xeeb leh’’

   Waxa uu ugu yeeray talaabo siyaasadeed, isaga oo sheegay in uusan ka arkin ‘’wax qiimo ah’’ oo talaabadan siyaasadeed ay u leedahay Iiraan.

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

6. 8 Juunyo 2026War deg deg ah, Iiraan: Israa’iil waa lagu ‘’khasbay xabbad-joojin’ ay bariso

   

   Xigashada Sawirka, Getty Images

   Madaxweyne ku-xigeenka koowaad ee Iiraan Mohammed Reza Aref ayaa sheegay Israa’iil ‘’lagu khasbay inay mar kale ka bariso Iiraan inay aqbasho xabbad-joojin’’,

   ‘’Anagu ma raadsano dagaal,’’ Aref ayaa ku qoray qoraal uu soo dhigay barta X. ‘’Laakiin difaacida ciiddeeena iyo qiyamkeena, marna gadaal uma dhigayno.’’

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

7. 8 Juunyo 2026War deg deg ah, Trump oo ku dhow Netanyahu uu uga tago ‘kaligiis dagaalka Iiraan’

   

   Xigashada Sawirka, AFP via Getty Images

   Donald Trump ayaa uga digay ra’iisul wasaaraha Israa’iil Benjamin Netenyahu inuu kaligiis uga tago dagaalka ka dhanka Iiraan, hadii isku dhacu uu sii socdo, ayuu ugu sheegay Madaxweynaha Maraykanka wareysi uu siiyay warbaahinta Channel 12 ee Israa’iil.

   Wakaalada wararka Israa’iil ayaa ku warantay maanta in Netenyahu aanu u sheegin Trump wax ku saabsan go’aankiisa ugu dambeeya ee duqaynta Iiraan ee Axadii, ilaa laga gaaray xilli meeshii ugu dambeeyay ee qorshaha la joogo.

   Trump ayaa weydiistay Netenyahu Axadii inuu ka fogaado duqaynta Iiraan isaga oo ka jawaabaya weeraro ay ku qaaday Israa’iil, kadib markii Israa’iil ay weerartay caasimada Lubnaan ee Beirut.

   Wadahadalka ayaa dhammaaday iyada oo aan wax is-afgarad ah la gaarin iyo in Netenyahu aanu ku wargalin Trump go’aankiisa ugu dambeeya ee xaalada, sida ay ku warantay Channel 12.

   Xilli dambe, Netenyahu ayaa ku wargaliyay wasiirka arrimaha dibadda Maraykanka Marco Rubio inuu go’aansaday inuu weeraro Iiraan. Trump ayaa u sheegay Channel 12 inuu awoodday inuu ‘’hoos u dhigo heerka’’ dagaalka.

   Trump ayaa uga digay Netenyahu in is-weydaatsiga xabadaha uu noqon karo dagaal buuxa, sida uu u sheegay Channel 12.

   ‘’Waan kuu sheegay Bibi, waan in aad ka fiirsataa waxa aad samaynayso, maxaa yeelay waa suurtagal in kaligaa lagaaga tago dagaalka ka dhanka ah Iiraan sida ugu dhakhsaha badan.’’

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

8. 8 Juunyo 2026War deg deg ah, Madaxweynaha Lubnaan oo ku eedeeyay Iiraan inay dalkiisa u Isticmaalayso cadaadiska wadahadalada Maraykanka

   

   Xigashada Sawirka, Reuters

   Madaxweynaha Lubnaan Joseph Cawn ayaa ku eedeeyay Iiraan inay u adeegsanayso Lubnaan sida warqad cadaadis oo wadahadalkeeda ay kula jirto dowladda Maraykanka, isaga oo ugu baaqay Tehran ka joogsato sida ay dalkiisa ugula macaamilayso dagaalada ka soconaya gobolka.

   Waxaa uu Cawn ka sheegay wareyso uu siiyay shabakada CNN, gaar ahaana la hadlaya ilaalada kacaanka Iiraan ‘’Wadankiina ma aha, waa dalkeena’’ Waxaa uu kusii daray ‘’Shacabka Lubnaan ayaa la kulmaya khasaaraha sabab la xiriirta danihiina gaarka’’

   Waxa u xoojiyay madaxweynaha Lubnaan inuu samaynayo wax walba oo suurtagal ah si uu dalkiisa uga badbaadiyo dagaalka, uuna laasimayo wadahadalada lagu dhammaynayo dagaalka, isaga oo baaqay Israa’iil gaaritaanka nabad waarta.

   Wasiirka Arrimaha Dibadda Iiraan Abbas Arragchi oo uga jawaabayay madaxweynaha Lubnaan barta X, ayaa yiri ‘’Haddii Iiraan ay u isticmaalayso Lubnaan warqaad is-afgarad, mar hore ayay gaari lahayd heshiis’’ Wuxuuna ku tilmaamay hadalada kasoo yeeray madaxweynaha Lubnaan mid iska dhaga tiraysa weerarada sii socda ee Israa’iil ay ku hayso Lubnaan.

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

9. 8 Juunyo 2026War deg deg ah, ‘Ma aamini Karno dhanka kale’ Wakiilka ugu sarreeya wadahadalada Iiraan

   

   Xigashada Sawirka, EPA

   Wakiilka ugu sarreeya wadahadalada Iiraab Mohammad Baqer Qalibaf ayaa soo saaray bayaan cusub oo ku dhaleecaynayo ‘xiisadii dhowaan’ ee Maraykanku ku carqaladeeyay xabbad joojinta, sida uu sheegay.

   ‘’Hadafkeenu waa in aan dhammaynaa dagaalka oo aynu abuurnaa ammaan, ma aha in aynu caadi ka dhigno xiriirkayaga Maraykanka, mana aamini Karno dhanka kale,’’ ayuu Qalibaf ku qoray Telegram.

   Waxaa uu intaas ku daray in Iiraan ay ka dhigayso xirnaanshaha ‘’guul daro kale oo Maraykanka.

   Dib u xasuusin, ciidamada badda Maraykanka ayaa xiray dekedaha Iiraan kadib markii ay u muuqatay inay kantoroolayso marinka ayna lacago kusoo rogtay Maraakiibta ka gudbaya Hormuz.

   SII AKHRI WARBIXINO KALE

   Garsooraha Soomaaliyeed Cumar Cartan oo loo diiday in galo dalka Maraykanka

   Maxaan ka ognahay waxa ka dhacay gudaha Hotel Elite?

   'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

10. 8 Juunyo 2026Garsooraha Soomaaliyeed Cumar Cartan oo loo diiday in galo dalka Maraykanka

11. 8 Juunyo 2026Tehran ayaa dareentay in Trump uusan dooneyn waqtigan dagaal kale

    Waxay u badan tahay in Israel aanay aqbaleyn duqeynta Iran ay kaga aargudaneyso weeraradooda Beirut. Balse Iran waxay taagan tahay meel adag. Hoggaanka Iran waxay tijaabinayaan heerka Trump uu ka taagan yahay arrintan.

    Iran waxay ugu yaraan ka dooneysaa Washington in labo waxyaabood ay midood ka hesho. Mid waa in ay hesho lacag maadama uu haysto cadaadis dhaqaale. Tan kalena waxay tahay in ay ka hortagtaa weerarada ku socda isbahaysigeeda Xisbullah ee Lubnaan.

    Iran waxay sidoo kale tijaabineysaa inta ay la egtahay jawaabta Washington hadii ay duqeyso Israel..

    Hoggaanka Tehran waxay dareensan yihiin in ay leeyihiin awood badan. Waxay ku qasbayaan Israel in ay joojiso dagaalka Lubnaan halka dhanka wadaxaajoodkana ay ku cadaadinayaan Mareykanka in uu cunaqabteytna ka qaado.

    Warar dheeraad ah

    Trump ma siyaasad bey ka tahay dib u dhigista weerarkii xarumaha nukliyeerka Iran mise si uu xiisadda u dejiyo?

    Yaa ku guulaystay dagaalka Iran iyo Maraykanka?

    Netanyahu oo guul wayn u arka qalcada taariikhiga ah ee Lubnaan ee laga taagay calanka Israa'iil

12. 8 Juunyo 2026Netanyahu ayaa sheegay in Israel ay si adag uga jawaabeyso weerar kasta oo kaga yimaada Iran

    

    Xigashada Sawirka, AP

    Raysalwasaaraha Israel Benjamin Netanyahu ayaa ka hadlay dagaalka Israel iyo Iran.

    Hadal telefishinka laga sii daayay ayuu ku tilmaamay Iran iyo Xisbullah in ay ka daciifsan yihiin sidii hore. Wuxuu kaloo muujiyay in dagaalka uusan weli dhammaan.

    Netanyahu wuxuu kaloo sheegay hadii Iran ay ku soo qaado weeraro kale in ay ka bixin doonaan jawaab xoogan, ayna xaq u leeyihiin in ay isdifaacaan.

    Netanyahu wuxuu kaloo ka hadlay wixii isaga iyo Trump khadka taleefoonka ku dhexmaray, wuxuu sheegay in ay wadahadlayeen ilaa markii uu dagaalka bilowday.

    Warar dheeraad ah

    Maxa kala qabsaday Trump iyo Netanyahu mar ay khadka taleefoonka ku wada hadleen?

    'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

    Saaxiibtinnimo mise kasbasho: Maxaa ku kallifay Xi Jinping inuu booqdo Kuuriyada Waqooyi?

13. 8 Juunyo 2026Maxaan ka ognahay waxa ka dhacay gudaha Hotel Elite?

14. 8 Juunyo 2026Muuqaalada Tehran oo noloshu caadi tahay iyadoo la duqeynayo

    Kaddib marki Israel iyo Iran is-weydaarsadeen duqeymo, waxay labada dal ku dhawaaqeen in ay hakinayaan dagaalka.

    Waxaan halkan idinkugu soo gudbineynaa nolosha magaalada Tehran oo caadi ah

    

    Xigashada Sawirka, Anadolu via Getty Images

    

    Xigashada Sawirka, Anadolu via Getty Images

    

    Xigashada Sawirka, Anadolu via Getty Images

    

    Xigashada Sawirka, Anadolu via Getty Images

15. 8 Juunyo 2026'Ivanka, na dhaaf': Gabadha Trump iyo ninkeeda oo buuq dhexda uga jirta dalka Albania

16. 8 Juunyo 2026Midowga Yurub ayaa cunaqabatayn ku soo rogay Iran oo la xiriirta xirnaashaha marinka Hormuz

    

    Xigashada Sawirka, EPA/ Shutterstock

    Madaxa siyaasadda arrimaha dibadda ee Midowga Yurub ayaa sheegtay in dalalka xubnaha ka ah ururka ay cunaqabatayn ku soo rogeen Iran taas oo la xiriirta waxa ay ku tilmaameen xirnaashaha marinka Hormuz.

    Qoraal ay soo dhigtay barta X ayey Kaja Kallas ku sheegtay in, “Bariga Dhexe uu u dhexeeyo wadahadallo nabadeed iyo xabadjoojin jilicsan”.

    Diyaaradaha aan duuliyaha laheyn ee Tehran ayaa khatar ku ah isu socodka gaadiidka badda ee marinka Hormuz. “Wasiirda way u cadahay in tallaabooyinka Iran aan la aqbali karin”.

    Xubnaha Midowga Yurub oo taas ka jawaabayay ayaa waxay Iran saareen cunaqabateyn la xiriirta xayiraada maraakibta ee marinkaas.

    Warar dheeraad ah

    Xulufada Mareykanka oo ku gacan-seyray codsi ka yimid Trump oo ku aadan Iiran

    Trump oo si lama filaan ah u joojiyay wareysiga NBC ka dib markii ay isugu dhaceen sheegashada 'doorashada la musuqmaasuqay'

    Maxaa iska baddalay galista iyo ka bixist aagga Schengen ee Yurub?

17. 8 Juunyo 2026Iran ayaa sheegtay in joojineyso weerarada

    

    Xigashada Sawirka, AFP via Getty Images

    Iran ayaa ku dhawaaqday goor dhaweyd in la soo afjaray dagaalka hadda socda ee ay kula jiraan Israel.

    Balse waxay ka digeen hadii Israel ay sii wado weerarada, “koonfurta Lubnaan”, in Iran ay ka bixineyso “jawaab ka adag tii hore”.

    Aynu eegno wararkii ugu dambeeyay

    Israel iyo Iran ayaa xalay ilaa iyo saakay is-weydaaranayay weeraro kaddib markii Iran ay ku dhawaaqday in ay ka jawaabeyso duqeymaha Israel ee Beirut.

    Xisbullah waxay sheegtay saakay in ay gantaalo ku weerartay kolonyo askar Israel ah koonfurta Lubnaan halkaas oo ciidamada IDF ay ka fulinayeen howlgal dhulka ah.

    Ilaalada Kacaanka Iran (IRG) waxay sheegeen in ay gantaallo ku weerareen warshad ku taal waqooyiga Israel kaddib markii militeriga Israel ay beegsadeen dhowr goobood oo Iran ku yaal.

    IDF waxay sidoo kale sheegeen in ay soo afjareen weeraro ay ku qaadeen nidaamyada difaaca Iran halka IRGC ay sheegeen in ay duqeeyeen labo saldhig oo ciidamada cirka Israel leeyihiin.

    Wasaaradda arrimaha dibadda Iran afhayeenkooda waxa uu sheegay in Mareykanku mas’uul ka yahay gardarada Israel ka imaaneyso, uuna qaadayo mas’uuiyadda xiisadda.

    Madaxweyne Trump ayaa hore u sheegay in Iran iyo Israel eegayaan sidii ay dagaalka ku joojin lahaayeen.

    Warar dheeraad ah

    Trump ma siyaasad bey ka tahay dib u dhigista weerarkii xarumaha nukliyeerka Iran mise si uu xiisadda u dejiyo?

    Waa kuma ninkii shaaca ka qaaday in Israa'iil ay haysato bam nukliyeer?

    Maxaan ka ognahay weerarka ay Mareykanka iyo Israa'iil wadajirka ugu qaadeen Iiraan?

18. 8 Juunyo 2026Iran ayaa nidaam cusub ku galeysa dagaalka

    Inta badan waxaa la sheegaa in Iran ay ku fiican tahay “doorashada waqtiga ku haboon”, taas oo macnaheedu yahay in ay go’aansato xiliga ay jawaabeyso.

    Hab cusub ayey hadda ku wajaheysaa weerarada ka dhanka ah Israel iyo jawaabaha ay ka bixineyso duqeymaha Israel ee Lubnaan. Hoggaanka cusub ee sanadkan ka soo baxay Tehran wuxuu cashar ka bartay dagaalkii 12-ka maalmood socday ee sannadkii hore ay la galeen Israel. Waxay joojiyeen habkii ahaa is-xakamaynta kaas oo loo arka daciifnimo.

    “Waxay nagu eedeynayaan in aan nahay dad aan waaqica fahamsanayn,” ayuu sarkaal Irani ah yiri, isagoo ka hadlayay dhaleeceynta ay xagjiriintu u jeediyeen wax yar kaddib markii iska hor’imaadku dhammaaday”.

    Hadda, dadka wax dhaliili jiray ayaa go’aannada gacanta ku haya. Hoggaamiyihii taxaddarka badnaa ee Iran, Ayatollah Ali Khamenei, ee la dilay maalintii ugu horreysay ee dagaalkan, mar dambe ma dejinayo xeerarka dagaalka.

    Iran, oo muddo dheer isku dayeysay in ay ka fogaato dagaal toos ah oo ay la gasho Maraykanka, ayaa hadda dhexda kaga jirto dagaalka. Tehran waxay ka badbaaday dhibaato dhaqaale iyo mid militeri.

    Sidoo kale, tobannaan sano oo ay ku tiirsanayd istaraatiijiyadda “difaaca”, taas oo ku dhisnayd wakiillo iyo xulafo sida Xisbullah si looga hortago in colaadaha gaarto Iran gudaheeda ayaa hadda isbaddeshay, waxayna Tehran toos ah u qaadeysaa weeraro si ay u difaacdo xulafadeeda.

    Warar dheeraad ah

    Yaa ku guulaystay dagaalka Iran iyo Maraykanka?

    Sida dagaalka Iran uu banaanka u soo dhigay in dunidu ay ku tiirsan tahay Shidaalka iyo Gaaska Khaliijka

    Dhaqaalaha Shiinaha wuu kobcayaa inkastoo dagaalka Iran uu socdo. Sababta maxey tahay?

19. 8 Juunyo 2026Saaxiibtinnimo mise kasbasho: Maxaa ku kallifay Xi Jinping inuu booqdo Kuuriyada Waqooyi?

20. 8 Juunyo 2026Xisbullah ayaa sheegtay in weeraro aargoosi ah ay ku qaaday ciidamada Israel ee jooga Lubnaan

    

    Xigashada Sawirka, Reuters

    Xisbullah ayaa sheegtay in ay gantaallo ku duqeysay kolonyo gawaari militeri iyo ciidamo Israel ah koonfurta Lubnaan saacadihii hore ee saakay.

    Waxay ku sheegeen weerarkoodu in bartilmaameedku ahaa meelaha ay ciidamada isugu yimaadeen ee dibadda deegaanka Beit Yahoun. Xisbullah ayaa ku sheegtay tallaabadan in ay jawaab u tahay xadgudubka xabadjoojinta Israel iyo weerarada ay ku hayso tuulooyinka ku yaal koonfurta Lubnaan.

    Israel weli kama hadal, lamana oga inta ay la gaarsiisan tahay waxyeelada iyo dhaawacyada ka dhashay dagaalka.

    Militeriga Israel ayaa ku qaaday koonfurta Lubnaan weeraro dhulka ah, waxayna ku sheegeen weeraradaas isku day lagu joojinayo weerarada Xisbullaah ee waqooyiga Israel.

    Warar dheeraad ah

    Waa kuma Nasrallah hoggaamiyaha Xisbullah ee ay Israa’iil dishay

    Netanyahu oo guul wayn u arka qalcada taariikhiga ah ee Lubnaan ee laga taagay calanka Israa'iil

    Dalalka Carabta ee xiriirka leh Israa'iil iyo kuwa aan la lahayn